أدخل وشوف كيف يختار سعدان التشكيلة

[المشاغب 27]

بينما سعدان يفكر من هم اللاعبين الذين سيختارهم للعب المونديال فاذا بهاتف يرن
سعدان: ألو شكون معايا
أنا الجنرال وعندي طلب
سعدان: متأهبا احترماتي حضرات طلباتك أوامر
الجنرال: عندي ولد صاحبي باغي يلعب فالمونديال
سعدان: وين يلعب هذا
الجنرال: في بلغاريا
سعدان: مانقدرش نعيط لجوار يلعب في بطولة متواضعة وزيد مايعرفوش الجمهور الجزائري
الجنرال: كونك هاني من هاذي الناحية أنا غادي نكتب فالجرنان تاعي بلي كاين لاعب ممتاز يلعب فالبطولة البلغارية وأكبر الأندية الأروبية تتنافس على خدماته منها الريال ومانشيستر
سعدان: لا كيما هاك ماعليش
الجنرال: بلاك ماتعايطلوش الولد راه ظل يبكي باغي يلعب فالمونديال
سعدان: كونك هاني غادي نديره اللول فالقائمة
ثم بعد مدة قصيرة يتصل زياني بالمدرب سعدان
زياني: كيراك داير الشيخ
سعدان :لاباس
زياني: عندي واحد صاحبي باغي يلعب معانا فاللكيب ناسيونال
سعدان: وين يلعب
زياني: فالقسم الثاني تع فرنسا ونزيدك هذا صاحبي أنتيم كان يلعب معايا فالكارتي من كونا صغار ماذا بياجي يلعب معانا ولا نزعف
سعدان: أنا نزعف المازوزي تاعي كونك هاني نعايطله
ثم بعد مدة اتصل منصوري
سعدان مرتجفا: ششششش كون مننننننننن صوووووري
منصوري :واه أنا منصوري وعندي جاري غادي نجيبه يلعب معايا وأساسي فالمنتخب
سعدان: وييييييييين يللللللللللللللللللللللللللللللللللل عب
منصوري: ماعندوش ايكيب بصح يلعب دراع
سعدان: وين راه المشكل يجي يلعب
ثم بعد برهة اتصل سرار
سرار :كيراك داير سي سعدان
سعدان: لاباس
سرار:عندي واحد الجوار شايلعب طيارة ماذابك تعايطله
سعدان :مانقدرش القائمة تعمرت
سرار: دبر راسك شوف كي ديرلي يماه راه مهبلتنيكل يوم تقولي دخل ولدي فريق الوطني وماتصيب غير ولد بلادك يرفدك
سعدان: صح ماكانش مشكل
وهكذا دواليك حتى تكتمل قائمة ال22 لاعبا

[arn]

Supper HADI TALIA NAT3 SA3DAAN
merci bcp

[bouchkara]

المنتخب الجزائري منتخب البريكولاج , أصلا لاوجود لرياضة كرة القدم في الجزائر , و التبهديلة انشاء الله في المونديال.

[زايد فضة]

المنتخب الجزائري منتخب البريكولاج , أصلا لاوجود لرياضة كرة القدم في الجزائر , و التبهديلة انشاء الله في المونديال.
اولا التبهديلا ليك ان شاء الله ثانيا سعدان يتحدى الزمن ليعيد الفرح للجزائريين هو الان يحتاجنا للوقوف مع:confused:http://www.djelfa.info/vb/images/icons/mh47.gifه وليس ضده

[شهرة وايمان]

علاه هذا التمسخير نسيت بلي حقق نتائج ملاح وخدمنا ليكيب مليحة جات من بعععععععععععععععععععععيد ما فهمتكمش انا معاه رابح خاسر معاه مننساش بلي خرج كامل الشعب وفرحو ا ومعاك يا سعدان ديما

[madridano]

هههههههههههه
كلام واقعي جدا
المنتخب انتاعنا ماشي كيما هاك
و انت يالمشاغب انا نعرف كومندو يعرف روراوة إذا كنت حاب تلعب نهدرلك معاه أوكي

[ست البنات]

راكم فرحانين ؟؟؟؟؟؟؟؟؟؟

[etoile filante]

علاه هذا التمسخير نسيت بلي حقق نتائج ملاح وخدمنا ليكيب مليحة جات من بعععععععععععععععععععععيد ما فهمتكمش انا معاه رابح خاسر معاه مننساش بلي خرج كامل الشعب وفرحو ا ومعاك يا سعدان ديما

رانا غير نصبروا في بعضانا برك. سعدان مادار والوا .
زيد بلي التاهل جاء بيد اللاعبين والشعب في ام درمان.
يعني هذي دبارة الفار على مول الدار

[bes86]

يزيكم برك هذا ما تعرفو
راكم بعادو تنتاقدو
خليو سعدان يخدم في عقلو

[شاربة بيبسي ومضيعة]

هههههه الله يهديكم
عالعموم نكتة شابة

[AYOOM]

الهضرة باطل

[Amelkhadra]

عندكم برك كون تربح ليكيب في كاش ماتش تفرحو وتخرجو برا، اشفاو على هدرتكم ملييييييح
وللا الشعب كامل يفهم خير من سعدان
ياخي حالة ياخي

[megnoum27]

هههههههههههههههه
صحيت خويا هادي هي الجزائر دايرة كيما هاك

[chaklot80]

هدرة جايحة

[محارب الصحراء2]

اين كنتم من قبل كنا حلمنا كاس افريقيا و فقط و اليوم كي اصبحنا في المونديال رانا نفهموا بزاف من الاحسن نصمت

[wox]

كاين منها مئة بالمئة

[المشاغب 27]

عندكم برك كون تربح ليكيب في كاش ماتش تفرحو وتخرجو برا، اشفاو على هدرتكم ملييييييح

وللا الشعب كامل يفهم خير من سعدان
ياخي حالة ياخي


كي جيك سعدان خوك

[المشاغب 27]

اين كنتم من قبل كنا حلمنا كاس افريقيا و فقط و اليوم كي اصبحنا في المونديال رانا نفهموا بزاف من الاحسن نصمت
كاليفينا زهر مازال راكم مخلوعين فيها

[انس البليدي]

مشكووووووووووور اخي

[المشاغب 27]

مشكووووووووووور اخي
شكرا على المرور تحياتي

[samira 1993]

يسمي راك حاب تقول بلي سعدان يحكمو فيه
علابالك راك بهدلتنا كي درت هذا الموضوع
الله يهدي الجميع زعما راك زاهي
راكم قاع تفهمو..مانعرفت شكون لي اهلكم لنصف النهائي كاس افرقيا و للمونديال ...سرار و الجنيرال و الجماعة ايه ؟؟

[nouna40]

الله يبارك كامل تعرفو تهدرو وتنتاقدو قبل عامين كي ما كانتش عندن ايكيب كاس افريقيا ماتلعبهاش ما قولتو والو و دوكا كي رانا ف المونديال تعلمتو تهدرو لي هدر على التبهديلة انشالله ليه سعدان يعرف وش يدير واخي موضوع جيد لانو ف الاتحادية كاين شوي معريفة لكن كلش كلش ولا سعدان انا شوف نربحو نخسرو ما دخلنيش بلادي و ولاد بلادي نموت عليها انا نحب ليكيب على جال درابو تاعنا ماشي على جال الفوت يزيو برك تفائلو خيرا تجدوه تحيا بلادي بلاد العز معاك يا سعدان نعاودوها كيما ف السودان انتم باين حبيتو الجزائر منذ بداية التصفيات
اخي المشاغب تقبل مروري موضوع في محله المعريفة دارت حالة كيما زياية ياخي مسؤول ف الاتحادية لي قال ل سعدان جيبو لكن لا تنتقدوه في ردودكم يا اعضاء

[سهم13]

لماذا هذا الشغب أيها المشاغب؟

[sony22]

نت صاحبي فورررررررررررررررررررررررررررررر
عجبتني بزاااااااااااااافففففففففففففففففففففف تاع منصووووووووووو رررررر يييييي
فووووووووووووووووووووووررررررررر
هداك جوار يلعب 5 دقايق مع ليكيب نتاعه من بعد يلعب 90دقيقة مع لالجيري و زيد بالزيادة كاااااااااااااااااااابتنننننننننننننننننننن
ههههههههههههههههههههههههههههههههه

[انس البليدي]

مشكوووووووووووررررررر

[عنتر منير]

واش هذ ا التمخسير بالجزائر خليها للمنديال ونشوفو متنسش بلي خرجنا مصر اليهودية

[عنتر منير]

واش يعني هذا الكلام اكل ولاه لحرام خليها للمنديال ونشفوها متنساش بلي خرجنا مصر :mh31:

[zarmilone]

وي عندك الصح..........:19:

[mohammed FR]

هل أنت تصاحبه كظله لتتكلم هذا الكلام أرجوكم يكفي تشاؤما و إنتقادا

[صالح مبروك]

المنتخب الجزائري منتخب البريكولاج , أصلا لاوجود لرياضة كرة القدم في الجزائر , و التبهديلة انشاء الله في المونديال.

احلف وسوطي

[samir herch]

واش راك دير واقيلا باغي تحكم بلاصة الشيخ سعدان
ربي يهديك