اول مشكلة لي في هدا الركن

[melissa73]

اولا سلام 2 اطلب منكم ان لاتقولي لي انت صغيرة او انسيه لانني حاولت بشتى الطرق نسيانه فلم استطع :sdf: احببته وهو في نفس سني وعندما غيرت المدرسة وتركته لاحظت انه بدا يتهرب مني اصبحنا عندما نلتقي لا نتكلم مع بعضنا والبارحة كنت في مدرستي الجديدة وفي القسم وانا حزينة وافكر فيه تم نظرت الى جانب النافدة شفت الطفل لي يقرى في مدرستي الجديدة دقيقة تديكا انتابني شعور وبديت نحبو والبارح كاملة وانا نفكر فيه واليوم كي شفتو عدت نحشم كي نقف بحداه ارشدوني هل ارجع الى حبي الاول او اكمل مه هدا الجديد او اقتل نفسي

[*جوداء*]

المدرسة والحب ؟والقديم والجديد هل هذه ملابس ؟؟يا اختي ديري عقلك في راسك تعرفي خلاصك مازلتي صغيرة مازال الحال على هذي الهدرة ..تقبلي رايي

[melissa73]

نتقبل رايك على راسي وعيني بصح قتلك متقوليليش مزلتي صغيرة لانك لو عرفتي ان قصة حبي معه دامت 3 سنوات وهي قصة غير شكل

[melissa73]

هييييييييييييييييييياااااااااااااااااااااااااااااا اااااااااااااا

[b.oudjemaa]

أن من رأي أسألي أقرب الناس لك ربما يفيدونك بشئ
لا لاشئ بل لانهم أقرب الناس اليك وهم أدرى بمايدور حولك
ودون أن أقول لك أنك صغيرة فالقلب والحب والعشق والهوى
يتأتى ويختلف حسب الاشخاص والاعمار والاوقات
وفي الاخير اترك الامور تسير على حسب مايرضيك
تقبلي رأي.....

[melissa73]

شكرا ساسال صديقتي المقربة

[*جوداء*]

وانا نقولك مازلتي صغيرة حتى لو دامت منذ ولادتك اختي ..انت في قرارة نفسك راكي عارفة بلي مازلتي صغيرة ولهذا طلبتي ان لانقول لك هذا لانك لاتريدين تقبل ذلك ...نقولك حاجة اختي مليسا عيشي طفولتك فمشاكل الحب الكبار وماقدروش عليها لذلك لا انصحك بتسمية قصتك مشكلة لانها مجرد اوهام ربما ناتجة عن متابعتك لبعض المسلسلات الخيالية التي قبض ممثلوها اجورهم وذهبوا

[ayoubdj]

مازال تزيدي تجربي .... ومن بعد تلقاي الحب هذا حاجة ماكانش منها خلاص سال مجرب ولا تسال طبيب
كاين
حب الله
حب الوالدين
حب الوالدين
وكاين حاجة اسمها المراهقة والاعجاب

[imene08]

يا ماما ,,,,,,,,,,
ما نقولكش ما زلتي صغيرة لكن نقولك كي تكبري إن شاء الله راح تعرفي بلي هذا كامل الفراغ الروحي لي راكي عايشتيه هو اللي يعطيك هذا الإحساس
ألتهاي بقرايك قبل كلش ختيتي و كي تكبري إن شاء الله تعرفي معنى الحب الحقيقي
قبلاتي الحارة لكي ختيتي

[melissa73]

شكرااااااااا لكن لم اصل الى مبتغايل بعد

[imene08]

شكرااااااااا لكن لم اصل الى مبتغايل بعد

واش راكي حابة نقولولك إيه عندك الحق؟؟
رانا ننصحوا فيك كي خواتاتك الكبار
مازال تعيشي ان شاء و تشوفي و تعرفي الحب تاع الصح و صدقيني الحب يأتي بعد الزواج
و كل هذ اللي راكي تحسي بيه مشاعر مراهقة و يجي نهار و تنساي
ليلة سعيدة

[fadila16]

اهتمي بدراستك خير هذا الطريق والله ما يسلك على خير يمكن ياثر في دراستك و انت شوفي واش يخرج عليك

[melissa73]

اين الردود

[melissa73]

ممكن تزيدي تنصحيني انت افتديني

[أحلام سرمدية]

اهلا اولا احنا يعني عايشين في مدينة واحدة ونعرفوا اهل مكة ادرى بشعابها وانتي يا عزيزتي تعيشي فترة مراهقة ما الا وهذا مجرد اعجاب لا حب ونهار من النهارات كي تكبري رايحة تضحكي على روحك وتفكيرك العفوي انا في رايي تولهي بقرايتك في محل الحب مثلا التركيز على الحب والاعجاب ركزيه على القراية واعتقد الجملة الاولة تاعي فهمتيها على خاطر عمبالك واش يصرا في عنابة للبنات من الحب وماش غير عنابة كل الجزائر بصح نحكيو على بلاصتنا
تحياتي

[عروسة البحر]

يا اختي هدا حرام خلي روحك عفيفة لطيفة كي الوردة في البستان شابة و نظيفة متحبيش في الحرام كي تتزوجي بيه امبعدا حبيه كيما تنفحلك......... دوك التهاي بقرايتك و حبي ربي بدله و حبي مماك و بباك بزاف خير من هده الامور اللي كي تكبري تولي تضحكي على روحك و تقولي انا كنت هكدا هههههه ....دوك لو كان متاخديش الراي تعنا كامل نوليو نقولولك مزالك صغيرة ......علبالك بلي المراة عندها غير شرفها هو اساس حياتها ادا تمسكت بيه نجحت في الدنيا و الاخرة و ادا تبعت الشيطان... جهنم راهي تستنا فيها ....معليك غير تبدلي طريقك باش ماتدخليش للنار و امبعدا ما ينفعك لا حب هدا الشخص و لا والوا .....ادا خديتي الراي و خرجتي من مخك هده الامور الهايلة بالنسبة ليك نوليو نعيطولك يا الشاطرة و بلي انت كبيرة في العقلية و ربي يرضى عليك و الناس كامل تحبك ok

[منى]

يا بنتي سوق الرجالة غير يعييك ممكن حاليا راكي تحسي بضرورة ملحة باش يكون عندك حبيب و لكن كي تكبري ان شاء الله إما تضحكي على روحك و إما تندمي.. نصيحتي ليك انك اديري عقلك في راسك و تخممي مليييييييييح يا ترى سنك يسمحلك باش تكوني قد المسؤولية و تواصلي مع هذا الشاب حتان اديروا دار؟؟؟؟؟؟ أكيد رايحة تقولي إيه و راني قدها:sdf::sdf: و لكن في المقابل خممي انك تواصلي دراستك و انو ممكن جدا تلقاي أشخاص آخرين في انتظارك في الوقت لي تكوني فيه كبيرة و قد المسؤولية. و بالنسبة للعمر ما هوش راي احسبيها برك إذا كان الشاب من نفس عمرك يا ترى كي تلحقي سن الزواج رايح يكون واجد؟؟؟؟؟؟؟ مستحيل،، المهم حاولي تحافظي على نفسك على الأقل أمام الناس، و إذا كان لابد من علاقة، خليها صداقة نظيفة، هكذا ممكن جدا أنك تكوني مرتاحة، و أخيرا ديري في بالك مكانش حب قديم و حب جديد كاين حب واحد في حياة الإنسان... ربي يهديك و يهدينا و يهدي جميع المؤمنين و المؤمنات... آمييييييين

[dr.sirine]

يا اختي هذيالهدرة ماكانش منها خمي في قرايتك خمي لمستقبلك اخر حاجة تخمي فيها ال...................................

[~ تــــــــــيمـــــاء ~]

عزيزتي مليسا ......لن اكرر عليك ما تفضلت به الاخوات

ولكن هناك حل آخر و بسيط جدا............



عندما تحسين بالفراغ و الضيق من هده المشاعر ......الجئي ال الله سبحانه و تعالى

صلي ركعتين و ادعي الله ان يصرف عنك هذه المشاعر و ان يبدلها بحب الله و رسوله و ادعي من كل قلبك و باخلاص النية

املئي وقت فراغك بالمطالعة و زيادة رصيد ك المعرفي و تثقيف نفسك ..اهتمي بعائلتك و كوني قريبة منهم

تعلمي بعض الاشغال و ستجدين الكثير منها في منتدانا

كما لا تغفلي جانب تحصيلك العلمي و ضعي هدفا في الحياة امامك و ليكن هذا الهدف ان تكوني من الاوائل في مدرستك مع فعل الاسباب

كما اوصيك حبيبتي بغض النظر فهو السبب الاكبر لما انت فيه
و ادعو الله لك ان يصرف عنك كل سوء و ان يملا قلبك البريء بحب الله و رسوله

[ام خديجة1]

يا اختي العزيزة هذه مرحلة وتفوت وما يدوم غير الصح تدور ليام وتندمي على تضييع وقتك في الاعجاب بشخصيات عابرة حاولي معرفة حقيقة الفراغ الموجود بداخلك وابني علاقات صادقة مع الفتيات او تقربي لاخوكي وعامليه كصديق مقرب او الى والدك او امكي او حتى الاخوال والاعمام

[touati_dz]

اريد ان اسألك يا بنيتي:
عشت معاه 3 سنوات قصة حب؟؟؟
كيفاش داير هاد الحب
احكي لنا؟؟؟
باش نعاونك

[melissa73]

اريد ان اسألك يا بنيتي:
عشت معاه 3 سنوات قصة حب؟؟؟
كيفاش داير هاد الحب
احكي لنا؟؟؟
باش نعاونك
استطيع ان اقول 15 سنة حب لانو من يوم ماتولدت هو توامي ولدنا في نفس اليوم تم فرقتنا السنين ومن عاد في عمري 12 سنة التقينا في الاول كنا اصدقاء ولما عرفنا تاريخ ميلادنا هنا كانت ال

[زكريا ضياء الدين]

السلام عليكم ورحمة الله تعالى و بركاته.
اختي ميليسا راك عايشة فراغ كبير.
حاب نسقسيك و جاوبني بصراحة و انشاء الله نعطيك الدواء المناسب لهذا الداء.
-1- هل تصلين؟
-2- ماهي علاقتك باهلك - الوالد - الوالدة- الاخوة ان كان عندك اخوة-؟

[melissa73]

الجقيقة لا اصلي اخي صغير اما ماما وبابا علاقة مليحة

[redouane1992]

الطريق هدا طويل

احدري نحن في زمن غدار

[melissa73]

الحمد لله رجعت الامور على احسن مايرام

[ناشدة السؤدد]

أختي و صلاتك ؟

[etoile filante]

ما كاين لاحب لا حتى حاجة . مجرد تفضيل فقط

[سلمى_2008]

شوفي يا لحبيبة ايه راكي كبيرة مانيش راح نقول عليك صغيرة كي قريت كلامك مع الاول منكدبش علييك ضحكت وضحكت كثيرا لكنني عندما وصلت لنصف التعليقات ولقيتك متصلييش تاسفت كثير وكثيرااا
المهم الحاجة الاولى الي لازم ديريها هي انك تصلي وتحاولي تتقربي من ربي سبحاانو

هل تعلم أن المولى تبارك وتعالى يتبرأ من تارك الصلاة ؟
قال رسول الله صلى الله وسلم : (لاتترك الصلاة متعمدا ، فإنه من ترك الصلاة متعمدا فقد برئت منه ذمة الله ورسوله ) أي ليس له عهد ولا أمان.

* هل تعلم أن النبي صلى الله عليه وسلم وصف تارك الصلاة بالكفر ؟
قال رسول الله صلى الله عليه وسلم : (بين الرجل وبين الكفر ترك الصلاة )

* هل تعلم أن الذي لا يصلي إذا مات لايدفن في مقابر المسلمين!!
* هل تعلم أن أول ما تحاسب عليه الصلاة ؟
قال رسول الله صلى الله عليه وسلم : ( أول ما يحاسب به العبد يوم القيامة عن الصلاة ، فإن صلحت ، صلح سائر عمله ، وإن فسدت ، فسد سائر عمله )
* هل تعلم أن الصلاة مفتاح كل خير ؟
*ضرك الحاجة الثانية يا الحبية لازم تعودي تخخمي في دراستك وتحاولي تملي وقت فراغك بالامور المهمة الي تنفعك لازم تتجنبي الألفاظ السلبية:
(مستحيل أنساه) ،، (كان أكثر واحد يفهمني)لان هده العباراات ستضرك و تجلب لك التعاسة و القنوط من رحمة الله وفضله ، بل والله ربما أن الله نجاكي من استمرار العلاقة معه فربما لن توفقا في الزواج و تعيشان أسوأ حياة وتنتهي حياتكما بالطلاق!!!
تقبلي مروري اختكي سلمى انا هدرت معااك الكلام هادا كامل على خااطر علبالي بلي راكي كبيرة ورااح تفهميني والله هادا كامال راهو فرااغ في فرااغ

[فارس الجزائري]

ya latif wainhom lyamat hadom rani walit mach matrabia khlah kraht hyati
السلام عليكم
أنا لم أقرأ الموضوع ولم اشاهد الردود وسأضع ردي من خلال هذا الرد المقتبس فهو يكفي لأن أقول لك لا تقنطي من رحمة الله ومن يتقي الله يجعل له مخرجا
عليك الآن بعد أن تقرئي هذا الموضوع أن تقومي وتغتسلي وتتوضئي وصلي ركعتين لله وتدعوه بحرارة أن يتوب عليك وبعدها تقرئي سورة ياسين من كل قلبك وتعيشي في آياتها
بعدها ستشعرين بشعور غريب هو عبارة عن راحة كبيرة جداً جداً تلك الراحة هي دليل على أن الله قد غفر لك ذنبك وتاب عليك ستمرين ببعض الصعاب حتى يختبر الله ايمانك وحتى يرجعك الشيطان أعوذ بالله منه الى الطريق التي كنت فيها ولذا عليك أن تثبتي وتتماسكي على الطريق الصحيح
سترين أن الله سيحقق لك كل ما تتمني وسيرزقك من حيث لا تحتسبين أرجو أن لا تقرئي كلامي وتمرين عليه مرة الكرام لأن الشيطان سيضع لك العراقيل حتى لا تقتنعي به ولذا عليك أن تطبيقي ما قلت لك بكل عزم وإرادة وتعقدي العزم أن لا تعودي للخطئ مرة أخرى مهما كان وإن حدث وعدتي فلا تخافي عاودي الرجوع فإن الله كبير رحيم كوني على ثقة أن ما عند الله أكبر من أن تضيعي الوقت في التأسف والتذمر حان الوقت للرجوع الآن.

[/زهرة عصفور الجنة/]

يابنتي راكي في سن المراهقةعليك التعقل في تصرفاتكي لن أقول لكي لا تحبي لكن.................دون أن تبني علاقات لأنه حرام ديننا لا يسمح بذلك سيبقى ذلك الشعور ذكرى فقط في قلبك مع مرورالوقت صدقيني .اشغلي وقتكي بادراسة وطاعة المولى وإدعي الله في صلاتكي أن يوفقكيللنسيان أصلح الله حالكي وحالنا وحال ذرية المسلمين

[MINA24000]

..................اخطيييييييييييك لحرام معندو وان يوصلك غير يدبدبك ولو بنضرة........ نهار يجيك مكتوبك لدار حبيييييييييييه علا راحتك

[- بصمة خير -]

السلام عليكم و رحمة الله تعالى و بركاته

قبل كل شي لازم تعرفي
بلي رانا كبار عليك و هذي المرحلة فوتنا عليها
رانا فاهمين واش راهو صاري معاك و واشي هو الدوا

انتي راكي حبا نقولولك ايه حبي الاول و لا التاني و لا تبعي قلبك واش يقولك …
و الهدرة اللي ماعندها حتى معنى
ماشي ماعناتعا بلي ماكيش تحبي
و لكن مازلتي صغيرة المشاعر هذا وين راكي تكتشفي في المشاعر كيفاه شوفتي واحد لحظة وليتي تخمي فيه
تحوسي نقولولك "*حب من اول نظرة"
ولكن ماهوششششششش
كمان كونا في عمرك و نشوف فلان نقولو باهي
فلان راني نحبو
و لكن ماكنش منها و كيفاه نديرو باش نحوين علينا التخمام اللي ماعندو حتى معنى
نركزو على لقرايا*
الدين طاعة الله*
طاعة الوالدين*
و الله راححححة كبيرة و الحمد لله

اذا ماكيش تصلي
صلي
ماكيش متحجبة اتحجبي
دير الحجاب الشرعي
تسخفي على اللبسة البسي في الدار
اختمي القران في الشهر مرة
حزبين في اليوم
وتوالفي كل 12 يوم …
المشاعر هذو يبقاو يجيو و لكن انت تغلبيهم باذن الله

الله يستر عليكي و تعيشي اذا كاشما سحقيتي ابعتيلي رسالة و ان شاء الله نساعد

[نورالهدى**]

استعيدي بالله من الشيطان الرجيم وتقربي من والدتك او خالتك او عمتك دوات الثقة وقصي لهم قصصكي ان اردتي والا احكي لهم على العموم فقط

احسن حل

وربي يهيدك ويقويك لكبح جماح وشهوات نفسك

[الامل في الله]

لن اقول لك صغيرة سوف اقول انكم جيل ربي يلطف بيكم برك
هدا الدي تسمينه حب ما هو الا وهم و الدليل انك في ليلة و نهار بدلتيه بواحد اخر و مبعد حبيتي ترجعي _بينك و بين روحك_ شوفي احنا اكبر منك كيما قالو ليك البنات يعني نعرفوا اكثر منك حاولي ما تفكريش فيه و كي تبداي تفكري فيه حاولي الاهتمام باي شيئ زيد على دلك اهربي شوي من صحاباتك لي يحكيو غير الحب شوف واحدة قراية شوي خالطيها و ادا ما قدرتيش ديري في بالك راكي زي القماش الابيض و اي ععلاقة راهي توسخوا يعني كي تكباري اتخيلي دلك القماش واش صار لونه
ربي يوفقك

[the flower girl]

كلنا مررنا بهذه المرحلة اعلمي انك عندما تكبرين ستتذكرين هذه القصص وتضحكين على نفسك،اهتمي بدراستك هي الاهم كيما يقولو درجة بدرجة لا تتعجلي

[ام ظافر]

اذا خلطي عليك الامور راح تتعبي
وقت الدراسة هذا راكي تحبي فيه ولما يجيك وقت الحب الحقيقي يكون وقت الدراسة فاتك وتندمي عليه
مشاعر المراهقة ما نسميوهاش حب لانها ملخبطة والدليل نرجع للول او نبقى مع الجديد او نقتل روحي يعني ماراح يصرالك والو
شوفي اخطيك منهم كل وخلي الي في القلب في القلب وروحي تقراي قرايتك ولما تكملي القرايا شوفي اذا بقى في قلبك واحد منهم تلقاي روحك نسيتيهم في زوج وعدتي تخمي غير في مستقبلك ولمل تكملي كلشي يجيك مكتوبك يصيبك طاهرة عفيفة
ماشي هكذا خير الكبيرة