مقلب مضحك حادثة غريبة .......هنا

[le fugitif]

هنا اكتب اي مقلب طريف او حادثة غريبة ومضحكة او موقف محرج وقع لك فى حياتك .... ودون حجل


http://img208.imageshack.us/img208/9264/cd4baf9d0bxg3.gif

[le fugitif]

فى صيف ما كنت فى المدية لامر يهمني وكنت تعبان ومديقوتي
مريت بدكان فيه بذلات كثيرة (vestes) دخلت وقتلو خويا وشحال البذلات
نظر الي باستغراب وقالي ميش للبيع ... سكتت وخرجت وانا مستغرب
فلما خرجت انتبهت ونظرت فوق الدكان واذ به منظف ملابس (ديقريساج)
هههههههههههههههههههههههههههههههههههههههههههه


http://all-patch.org/vb/images/smilies/patch/patch_rir.gifhttp://all-patch.org/vb/images/smilies/patch/patch_rir.gifhttp://all-patch.org/vb/images/smilies/patch/patch_rir.gif

[le fugitif]

ايه يا جماعة يستحيل موقعش لاحدكم مقلب او حادثة طريفة فى حياته قولو متحشموش على ربعة وتعثر

http://www.moveed.com/data/thumbnails/30/12.gif

[شمعة ضياء]

هههههههههه و الله غير الموقف نتاعك ضحكني بزاف باينة بلي كنت مصروع هاذاك النهار صح؟
مانيش شافية بلي صرالي مقلب بصح إذا تفكرت راني نقولهولكم

[le fugitif]

مديقوتي منيش جايب لخبر خلاص مقضيتش صوالحي
بصح ضحكت على روحي من بعد

http://www.moveed.com/data/thumbnails/30/1.gif

[عبد اللطيفْ]

واحد الخطرة كنت مريض من وذني، رحت للحانوت شريت شوية حلويات، كي خرجت قالي واحد الشيخ نعطيلو شوية و أنا ماسمعتوش، قعدت نخزر فيه باه يعاود واش قال، ذغى حشم و راح مسكين، حتى لتم لي فهمت واش كان حاب، جازو عامين تقريبا و انا مازالني نحشم منو كل ما نتلاقا بيه فالتريق على خاطر هو حاسبني متكبر حتى و انه ممكن أنه طلب مني ذلك فقط باه يقصر.

[le fugitif]

ههههههههههههههههه زيد اشري الحلوة واعطيلو باش يتنحى لحيا منو

http://www.moveed.com/data/thumbnails/30/kitty.gif

[sarielle]

ادا كان ماسمعتوش كيفاش عرفت بلي قالك اعطيني حلوة
Eeeeeeeeeeeeeeeeeehn

[sarielle]

واحد النهار كي كنت صغيرة خرجت برى مع ختي اللي صغيرة عليا اوكنا رايحين نشرو امبعد انا كنت نمشي او هي كانت تدور (اموبعوش اني يسمعراقن) امبعد قلتلها تبعيييينيييي
او رحت امبعد جات مورايا او طبعتني او طحت في الغرقة
انا قلتلها اتبعني او هي طبعتني

[كتكوتة]

والله غير هايلة اللعبة

بصح أنا je pense ماعنديش ويلا تفكرت نقوللكم

[le fugitif]

واحد النهار كي كنت صغيرة خرجت برى مع ختي اللي صغيرة عليا اوكنا رايحين نشرو امبعد انا كنت نمشي او هي كانت تدور (اموبعوش اني يسمعراقن) امبعد قلتلها تبعيييينيييي
او رحت امبعد جات مورايا او طبعتني او طحت في الغرقة
انا قلتلها اتبعني او هي طبعتني

hihihihihihihihihihihihi désormais il faut controller vos paroles


والله غير هايلة اللعبة
بصح أنا je pense ماعنديش ويلا تفكرت نقوللكم
انا متاكد انو عندك مقلب صرالك وفى المدرسة او البيت

http://all-patch.org/vb/images/smilies/patch/patch_baskt.gif

[the king]

مرة كنت en retard على موعد الدراسة


على خاطر تعرفو رقاد الصباح تقول قاع ما نوظش


المهم ، كان وقت بارد بزاف

والماء galcée برا

أنا خرجت نجري ، وعند الباب طحت وحد الطيحة على ظهري

واش نقولكم ، رجعت نجري للدار (أي أي أي)

والله ما رحت في هاداك النهار كامل

[le fugitif]

ههههههههههههههههه الله سترك يا الملك

http://gallery.7oob.net/data/thumbnails/4/tiger.gif

[Mohamed845]

السّلام عليكم؛

شكراً أخي فوجي؛ فعلاً هي مُضحِكةٌ؛ الحمدُ للهِ أنّهُ كان صاحِب نيّةٍ حسنةٍ؛ لأنّك كُنت ستشتري الباطلَ و الملبوسِ.

أخي لطيف أرجو أن لا يُناديكَ أحدُ أصقائك، أمام الشيخِ؛ قائلا :" لطيف ...(يا لطيف) "
فإنّي أخشى عليهِ الهلاك. مُجرّدُ دُعابةٌ أخي لطيف، فإسمُكُ مُشتقٌّ من اللّطفِ.

أمّا فيما يخُصُّني؛ فاللّذي يحضرُني؛ هو ذلكَ اليومَ في الجامعةِ؛ كا نت هناك شجرةٌ صغيرةٌ، مقوّسةُ الغُصنِ، وللّذي امتدّ على جانبِها، كانت السّاحةُ عامِرةً؛ فلمّا وصلتُ إلى مُستواها طأطأتُ رأسي لأجتازها، ولكن للأسف كادت تأخذُ برأسي؛ المُشكلُ أنّي فعلتُ ذلكَ قبلاً و لم أصب بأذى؛ أمّا ذلك اليومَ فلا أدري كيف أخطأتُ الحساب.


السّلام عليكم.:mh31:

[tarek100]

مرة كنت نمشي في الليل سلمت على واحد وقلتولو السلام عليكم ما ردش عليا زعفت منو ورجعت ليه كنت حاب نداوسوا علاه ما ردش السلام عليا لقيتوا
بتية(برميل) اضحك ولا موت لعبتها خاطي كامل ورجعت على طريقي
يا جماعة ما تقولوها لحتى واحد متفاهمين
tareek:1:

[le fugitif]

شكرا محمد سلمت منها مرة اخري رد بالك
يا طارق تسلم على لبتاته حلوة .. اسمع طارق غير اتهنى منقولها لحتى واحد بصح نشيعها فى منتدى الجلفة ههههههههههههه

http://dl.glitter-graphics.net/pub/36/36371d960jlfixw.gif

[Abjad]

ههههههههههههههه

والله غي ضحكتنا يا طارق

يعطيك الصحة

راني في شحال ما ضحكتش هاك

وأنا ما زال ما نقولكم حتى نربح الباك

إن شاء الله

[المبروك سعد إبراهيم]

خرجتك كانت في المستوى يا طارق
واحد النهار في رمصان عرضنا واحد صاحبي على السهرة عندو بعد الفطور و لما دخلنا كان واجد كل شيء هايل،
وكي دخلت أنا حطيت رجلي على الصنية الكبيرة كانت محطوطة تحت الطابلة وكسرت 12 كاس و 02 صحون معمرين بالقاطو

[karimo06]

salam
quand je suis arrive en france le 1 jous j'avais un cours a la fac de medecine de strasbourg j'ai pris le train en arrivant a la gare a 4h du matin c'etais le ramadan et je voulais prendre un cafe
au distributeur de boissons
mai je savais pas comment faire et je voulais pas demander au gens parceque je suis timide
donc j'ai reste en face de destributeur pour voir kekun comment faire
eh ben j'ai attendu une demi heure avant qu'un touriste passe pour prendre son cafe
apres j'ai fais pareil come lui
sans demander a personne

[فيفان]

هههههههههههههههههههههههه والله غير دحكت كيما عمري ما تحكدت

[رشيدة نور]

كامل مواقف ضحك و خاصة موقفك يا طارق تسلم على بتية مليحة . ضحكت بزاف و أنا عندي بزاف ما ضحكتش و أنت يا الهارب وحدك .
الموقف الخاص بي هو أني درست في شهر رمضان في السنة الأولى الإبتدائي و كان يوم إثنين يوم مقدس عند الأطفال تعرفوا لماذا لأنه يوم أكل اللمجة ملي ندخلوا على الثامنة صباحا و هوما سيداتي لمجة .
المهم أتى وقت اللمجة و ما صدقوا جيعانين مساكن و كان رمضان يعني أنا ما ناكلش مسكينة ، أمالا قالتلي تلميذة هاكي كان في يدها قوفريط قلتلها بسرعة ما ناكلش راني صايمة قالتلي لالا أفتحيهالي .ساعتها مت بالضحك .

[le fugitif]

يا المبروك اكيد كانوا هينيك غير على القاطو ما شفت والو ههههههههههههههههههه مقلب رائع
karim c'est riducule dorenavant il faut demander merci bien hihihihihihihihihihih
يا رشيدة هفتك طفيلة صغيرة ههههههههههههههههههههههه

http://www.moveed.com/data/thumbnails/30/950.gif

[أم ريان الجنة]

واحد المرة كانوا يبيبيولي بمكالمة ماسكي وكنت مديرونجية قلت لخوتي هذه المرة نعس حتى يعاودولي
كي عاودولي حكمتهم ومشيت نجري نقول لخوتي راني حكمته مين مشيت زعفت علي ختي قالتي علاش رفدتي علي
كانت دارياتو ماسكي وماكانتش فايقة وشريتلها كارط بسيف عليا ( كنت عادا ما نخدمش )

[لميونة]

هههههههههههههههههههههه
مضحك يا حلوين

[فاطمة ب]

مواقفكم مضحكة
انا ما رانيش حاصية
كي نتفكر نقوللكم

[tarek100]

وأنتم وين راكم رانا حابين نعرفوا واش صرا معاكم مواقف طريفة رانا نستناو
tareek:1:

[فيفان]

هاذي ما عاندهاش بزاف الشهر الي الفات
احنا يوم الخميس cous (النقل طلبة) اخر وقت الي يجي فيه هو 2نتاع العشية كنت انا وصحابتي وبزاف الطلبة الي يستناو
كان غاشي كبير
المهم بطا باش جى ومصحتليش بلاصا وبزاف تاني الي كانو واقفين
في هاذيك الدقيقة جى اخر وقاللنا السائق احبطوا هاد الكوس مايروحش الي كانو واقفين حبطو باش يطلعو في الاخر وانا كنت منهم
ولي كانو قاعدين مانضوش كي احبطنا طلعنا في اخر وصحتلي بلاصا وزاد قاللنا هاد الكوس ما يروحش الغاشي واحد ما ناض غير انا عاودت طلعت في الاول
ومع الاخير الكوس في زوج راحو والغاشي كانو الكل قاعدين غير انا الي كنت واقفة
تبهديلا

[المتفائلة]

هههههههههههههههههه
المرة الجاية خوذي حذرك فيفان
بصح الي عجبتني نتاع الصح الحكاية نتاع طارق ............هههههههههه هايلة
مانيش متفكرة ...غي نتفكر نحكيلكم

[كتكوتة]

خطرة كانت تصب الشتا قاوية وكان الما عند الباب وأنا وختي كنا حابين نخرجو نشرو
وماخلاناش بابا ومع هو داير البيرو نتاعو قدام الدار (auto-ecole) يقدر يشوفنا
المهم بعتت ختي تطل وأنا كنت موراها كان هو في البيرو الدخلاني مايشوفناش
وهي غير ماقلعت زلقت وشدت فيا ممبعد هي طاحت وأنا طحت فوقها
خرج بابا يجري وحنا طرنا للدار يعود يكمل علينا

هههه

[le fugitif]

يا فيفان راكي عارفة علاش رحتي واقفة على خاطر فطرولي متخليش لعجايز يقعدو خرجها فيك ربي الشح خخخخخخخخخخخخخخخخخخخخ
هايلة كتكوته وقيلا تشمختي تع الصح بصح كملي واش صار فى الدار من بعد كليتو طريحة

http://dl.glitter-graphics.net/pub/36/36371d960jlfixw.gif

[djidja]

وحد المرة كنا كامل قاعدين نفطرو في الصيف وجات وحد الدبانة قاعدة دور علينا صمطتلنا الماكلة يخي جات ختك منا رفدت سارفيات وبديت نجري موراها وماكنتش نشوف مخلافها الور عسيتها وين حطت ودربتها كي خزرت صبتها فوق راس بابا عطيتلو دربة صحيحة على راسو

ومرة كنت نجوز باش نجيب رخصة السياقة وكي كملت وكنت خارجة من السيارة نسيت ماحليتش سنتور وخرجت بيها جبدتني ومن هذاك النهار وليت مانديرهاش (حتى كي نشوف بوليس هههههه نزعق)

[le fugitif]

وباباك مداخش المسكين مقلب هو

http://www.w6w.net/album/37/w6w_20051002163543b2c2fc5a.gif

[المتفائلة]

أنا هاذي وحد النهار كنا في لونفي و كنت مريضة هذاك النهار و مانيش حاطة كامل مع الأستاذ واش كان يقول
المهم هبطت راسي و قاعدة نخمم ( نبيع و نشري ) محسيتش حتان جا فيا طبشور نتاع الاستاذ
قالي : أفطني.......... وتسمع الغاشي كامل يضحك
أنا مت بالحشمة .....رجعت حمرة كي طماطيش
هاذيك التبهديلة هههههههههه

[le fugitif]

خخخخخخخخخخخخخخخخ هاذي باش مرة اخرى تبيعي وتشري فى السوق ميش فى لونفي خخخخخخخخخخخخخخخخ


http://www.moveed.com/data/thumbnails/31/hearts.gif

[كتكوتة]

يا فيفان راكي عارفة علاش رحتي واقفة على خاطر فطرولي متخليش لعجايز يقعدو خرجها فيك ربي الشح خخخخخخخخخخخخخخخخخخخخ
هايلة كتكوته وقيلا تشمختي تع الصح بصح كملي واش صار فى الدار من بعد كليتو طريحة

لالا والله والو مافاقلناش بلي حنا راني نقوللك طرنا نجرو للدار مالحقش بينا

[كتكوتة]

ولا هادي مرة جات معايا صحبتي باش نروح نتصور أمالا ماكانش عندنا وقت بزاف دخلنا مزروبين وقلتلو خويا جيت نتصور وين لفوق؟
وهو خزر فيا وقالي ختي حنا مانصوروش قلتلو تتمسخر بيا فوتوغراف مايصورش
قالي ختي روحي قراي واش مكتوب برا
خرجت واش لقيت مكتوب















سيباااااااااااااااار
كملنا ديراكت ماخزناش قع مورانا
ههه

[فيفان]

وحد الخطرا ادخلت للحانوت وقلتلو كاين كيلو سكر
قالي كاين
قلتلو يمالا اعطيني 2 كيلو سكر
الناس الي كانو لتم شبعوا ضحك والله ماعلابالي واش كنت نهدر
تاءمنوا

[le fugitif]

لو كان عطاوك طريحة كان بردولي قلبي خخخخخخخخخخخخخخ خسااااااااااااااااااارة

http://www.moveed.com/data/thumbnails/21/31.GIF

[amine-politique]

صاحبي قبيل هو يحكيلي فيها
قالي رحت للشركة تع الاتراك باش يطلب عمل ويطيش ال cv
المهم لحق وقت مغرب مع الظلام
لقى 3فى الباب
سلم على اللول زاد التاني زاد التالت
سمعهم يضحكو تخيل وعلااااااااش






كي شاف من وراه لقى التالت كلب ههههههههههههههههه والله قالي بستو نورمال .
قتلو وكيفاش حسبتو عبد قالي الله يبارك عندو a taille تع عباااااااااااااد
مسكين من الخلعة والخوف ههههههههه

[رشيدة نور]

و لله غير ضحك بزاف عمري ما ضحكت كيما اليوم حتى بنت أخي حكيتهالها ماتت بالضحك .
الله إسلموا صاحبك ، ما شاء الله عليه
ما يحقرش .

[المتفائلة]

هههههههههههههههههههههه
هايلة أمين صاحبك باينة ماكانش فاطن مليح

[le fugitif]

ولا به الخوف قالك الخوف يجري شيوخة

http://www.moveed.com/data/thumbnails/30/1.gif

[صغيرة الجزائر]

انا وحد المرة كنت نمشي برا جاية من ليكول على 12 جيعانة و كنت خارجة من الامتحان تع الرياضيات
من بعيد شفت وحد المرا لابسة خمار وحجاب كيما تع ماما
وحتى مشيتها كيما هي رحتلها وقلتلها ياااااااااااا مااااااااااااااااااااااااامااااااااااااااااااااااا حنووووووووووووووونتييييييييي(كنت نغنيلها)
وكانت هاذيك المرا تمشي قدامي وكي سمعتني دارت وشافت فيا باستغراب انا ضحكتلها في وجهها ضحكة بايخة و رحت
كي وصلت للدار وحكيتها لماما شبعت عليا ضحك
فاتو ايامات وفنفس البلاصة تلاقيت هاذيك المرا وعاودت نفس الموقف البايخ تاعي
برك هاذ المرة بدلت غنيتلها تع لطفي دوبل كانون تع الام
وهاذ المرة قاتلي ماما انت ميش مومنة(لا يلدغ المؤمن من الحجر مرتين)
......................................
وتمر الايام
وهاذ المرة تلاقاها خويا وعاود نفس السيناريو اللي دارتو ختو

حتى هاذيك المرة ولات تمشي و خايفة
تع وحدة ما تعرفش ماماها خخخخخخخخخخخخخ

[djamel123]

خخخخخخخخخخخ

[قائد السلام]

هههههههههههههههههههههه كامل تضحكو دوك نتفكر أنا تاني

[المتفائلة]

هههههههههههههه


واش جمال ما تحكيلناش انت كاش موقف ؟

[djamel123]

وشكون ليمعندوش مواقف غريبة ومحرجة ؟؟؟؟

نتفكر ونقلكم....

[stella]

حسنا انا اخبركم حاجا
مرة كنت انا و صحبتي رايحين لصحبتي كانت مريضة رحنا اشرينالها طرف صابون
اومبعد انا ماكنش عارفة بلي كان كاين كلب وانا انخاف الكلاب كخرجنا من الحانوت رحت نجري حتى خرج الكلب انا حبست حبس معايا ا
معايا انا مشيت خطوة ولا يجري مو رايا حتى هربت لو وخلاص
اومبعد كيرحنا لصحبتي كان ايضا عندهم كلب الحمد لله كان مربوط ه
هههههههههههههههههههههههههههههههههههههههههه
هههههههههههههههههههههههههههههههه

[le fugitif]

شكرا ستيلا خوااااااااااااااااااااااااااااااااااافة هههههههههههههههههه

http://www.lakii.com/vb/smile/23-149.gif

[هبة الله اريج]

ياسيدي انا جامي نلبس العالي
النهار لبست العالي
المهم البنات ماشيين و يصفقو ورايا كي لبست العالي
قالولي طلعت شابة المهم كي جينا طالعين في الدروج
كنت نزرب و شوي عثرت و جيت على فمي
ههههههههههههههههه
بهلة
مي ماكانش حتى واحد غير لبنات
روحت لوحت الصنداله تاعي في لابوبال

[le fugitif]

ههههههههههههههههههه ضربوك بعين سخونة لو كان غير صدقتيه

http://www.lakii.com/vb/smile/23-149.gif

[المتفائلة]

ههههههههههههههههه

أماني حرمتي تزيدي تلبسي العالي
أصلا العالي مش مليح للصحة
تهنيتي منو هههههههههههههههه

[طارق ايوب]

مرة دخلت لدكان بيع الملابس شريت سروال طلبت من صاحب الدكان نقيس السروال دخلني عنده لساتر كان داير فيه مري
كي دخلت حطيت راسي ماشتش المرايا كرفت راسي شت روحي بلا مانعبا قلت سمحلي وجيت خارج....ومبعد فقت ارجعت

[stella]

هههههههههههههه المرة القادمة انتبه للمرليا

[المتفائلة]

iiiiiiiiiiiiiiiiiiii

coooooooooooooool
أيوب عود انتبه باه ما تعاودش تصيرلك
خخخخخخخخخخخخخ

[djamel123]

راني نحير كيفاش البنات يقدرو يمشو بالكعب العالي
ومايطيحوش...

سبحان الله

[المتفائلة]

هاذي قضية نتاع ولف خويا جمال
أنا عن نفسي ماعنديش صباط واحد عالي
جامي نلبس العالي ديما الهابط
على خاطر ما يساعدنيش في المشي
الا اللهم في حالة عرس ولا كاش مناسبة تستحق باه تلبس فيها العالي
أما في الأيام العادية أبدا
و سورتو مع لقراية...خخخخخخخخخخخ
لازم الجري و السرعة

[Abjad]

هههههههههههه


عليها وصلتي للباك بالخف

من الجري

[المتفائلة]

واش من باك يا أبجد ربي يهديك


راني سنة 3 و انتقل الى السنة 4 جامعي
لعام لجاي نتخرج يا صغيري

[stella]

انشاء الله تتخرجي يا المتفائلة

[stella]

نعم هذا صحيح يا المتفائلةغير في المناسبات وين نلبس العالي

[wafaa88]

رحت انا وصحاباتي مرة للمطعم نتغداو اي دوموندينا بيتزات و... و...قرعة بيبسي ما قدرناش نحلوها مديتها لواحد قدامي باه يحلهالي قالي ربي يعيشك راني شبعان قتلو اها حلهالي ولا وجهو حمر
هههههههههههههه

[قائد السلام]

نحكيلكم هاذي أنا وصحابي كول عام نروحو نكومبو في البحر نضحكو ونصلو والليالي توالا ما فيهمش رقاد العام ليفات رحنا كي العادة والليلا لي قبل التالية الشيخ تاعنا المسؤول علينا وعدنا بلي ميمس حتى واحد ويخلينا نرقدو ملا كامل رقدو غير أنا بقيت خايف لا يديرلي الدنتيفريس مالا بقيت نايض وهو باقي في كل دقيقة يقلي ياودي رقد مانمسكش وانا نقلو ماعليش ماهوش جايني نعاس وانا ميت بالنعاس وكي أذن الأذان الأول تاع الفجر داتني عيني وصحابي كامل ناضو يصلو غير أنا طحت كي الميت ملعيا عياو فيا مقدرتش نوض الحاجا لي نشفالها هي فطنت بحبة بيض مكسرة فوق راسي وصحابي دايرين بيا معرفتش وين ندير وجهي هاذي كامل على جال الرجلة تاعي محبيتش نرقد

[stella]

هههههههههههههههههههههههههههههههههههههه

[قائد السلام]

هههههههههههههههههههههههههههههههههههههههههههههه

[le fugitif]

مقلب هو هههههههههههههههههه

http://www.moveed.com/data/thumbnails/30/kitty.gif

[stella]

oui hahahaha

[le vagabond]

مرة فى العسكر داوني لا pm الشرطة العسكرية ودارو بيا لبلاد كامل والغاشي تتفرج كان موقف محرج للغاية فى تبسه

[هيثم عبد الوهاب]

http://gallery.7oob.net/data/thumbnails/4/tiger.gifhttp://www.moveed.com/data/thumbnails/30/kitty.gifhttp://www.moveed.com/data/thumbnails/30/12.gifhttp://www.moveed.com/data/thumbnails/30/1.gif

[ika]

مرة كنت انا و صديقة ليا هاداك النهار هي كانت ميتة بالجوع كنا نمشي في التريق لقيت وردة في التريق نحيتها واعطيتهالها باش تشمها راحت كلاتها وكان شافها وحد الراجل وليت كلما نجوز نخبي روحي باش ما نتبهدلش

[المتفائلة]

ههههههههههههههههههه
ههههههههههه هههههههههههههههههه
والله غير قتلتوني بالضحك




ههههههه
بانة صحبتك كانت ميتة بالجوع مسكينة

[le fugitif]

قالك الجوع كافر عندها الحق

http://www.w6w.net/album/37/w6w_20051002163543b2c2fc5a.gif

[djamel123]

هههههههههههههههه

الحمد لله اللي عطيلها وردة...

ومعطيتيلهاش حاجة اخرى يا اكرام....

[لميونة]

ههههههههههههههههههههههههههه

[قائد السلام]

ههههههههههههههههههههه هاذي كانت عندها شهر ما كلاتش باش وصلت بها تاكل الورد

[le fugitif]

هااااااه هل من مزيد قولو متحشموش

http://gallery.7oob.net/data/thumbnails/4/tiger.gif

[نوري32]

مرة دخلت الى الدوش العائلي في المنزل و بدأت الغسل ثم أردت أن أغسل رأسي بشانبوان فسقطت عيني
على قارورة نتاع شبوان فأخذتها و أفرغتها على رأسي و اذا برائحة زيت الزيتون تنطلق من رأسي
انها قارورة أخي كان يستعملها عندما يذهب الى البحر؟؟؟؟؟؟؟ هههههههههههه

[le fugitif]

عندها 3 ايام او 4 نصلي في العشاء في المسجد بيان سير ايا في الركعة ال 3 الجماعة قاموا لل 4 وانا عند بالي الاخيرة قعدت ندير في التحية ومغمض عيني علاش غمظتهم منيش عارف هههههههههههههههههه من بعد فتحتهم شفت الخلق كلهم قايمين ايا نضت بصح تبهدلت حشومة لمزية واحد ما هدر معاي ....... اضحكوا شوية علي


http://all-patch.org/vb/images/smilies/patch/patch_rir.gif http://all-patch.org/vb/images/smilies/patch/patch_rir.gif

[marketeur]

انت راك مليح انا سلمت