على اي جدارة تتحدثون

[وئام الروح42]

والله يا خاوتي راكم تهدروا على الجدارة وكاننا ما قرينا ما جبنا ديبلوم يا اخي والله العظيم اذا قريت ربعة ولا خمس سنين او جبت عوامك بعرقك علاش راك تهدر على الجدارة
انا قريت خمس سنين شفت فيهم الويل كل يوم لازم نثبتوا فيه جدارتنا او انا شخصيا عندي دبلوم مهندسة دولة كي نشوف الدبلوم نعرف بلي جبتوا عن جدارة واستحقاق
او راك تدافع على الكونكور بالله عليك قولي واش راهم يسقسوكم ياك حتى هذوك المواضيع ...................كارثة والشفاهي حدث ولا حرج
او مزلتوا تدافعوا على لي كونكور ياك الناس جوزت في ديسمبر ورانا قريب افريل او ماكان حتى خبر
واذا راكم تستناو انا نجاوبكم
الوزارة ما راهيش جايحة توضفكم باش تخدموا شهر واحد او تدوا رواتب 4 اشهر راحة
خاوتي ما تلومونيش هذا هو الواقع لي فرضوه علينا ماشي حنا ليدرناه

[atmaneprof06]

.................................................. ............................

[وئام الروح42]

والله يا اخي صحح كيتابتك المفتش ما هوش تاعي انا سقسيت ناس وسمهم اساتذة ما سقسيتاش......................

[nadjib25]

أختي أوافقك الرأي 100/100 ... جزاك الله كل خير . أنا درست البيولوجيا وتخرجت منذ 4 سنوات أديت الخدمة الوطنية وأعمل متعاقد منذ عامين لم يسمح لي بالمشاركة في السابقة التي نظمت في ديسمبر الماضي لأن شهادتي إسمها الدراسات العليا وليس ليسانس وكأنني أنا المسؤول عن إختيار التسمية المهم ندمت أشد الندم أنني درست وأخذت الشهادة ببساطة لأنها زادت من همي ... أملي الوحيد أن أنجح في الأنترفيو لأترك هذه البلاد.

[وئام الروح42]

ربي ينجحك خويا نجيب ويوفقك

[وئام الروح42]

انا انتظر مشاركاتكم......................................... .....

[أبو عبد الرحيمْ]

لو كتب كل واحد فينا همومه و مصائبه مع مسابقات العار لن تكفينا مجلدات و مجلدات ، لا يمكن إخفاء الشمس في كبد السماء ، لكل منا معاناته ، و الغلبية الساحقة منا ندموا على تضيعيهم 4 أو 5 سنوات دراسة في الجامعة ليجد نفسه في النهاية أمام طريق مسدود ، و الله لو إمتازت المسابقات بالشفافية و المصداقية ، حتى لو لم أنجح أن أغضب أبدا من المسؤولين ، لأني سأتأكد من العيب فيا ، و لكن أن تجد نفسك تجيب و أنت متؤكد من النجاح ، و لكن سيكون مصيرك الفشل فهذا ما لا يعقل .

صدقوني نجحت في مسابقة استاذ المحاسبة في مركز التكوين المهني ، و لكن في محضر التنصيب كان المنصب من حظ فتاة ، و في 2006 إجتزت مسابقة اساتذة التعليم الإبتدائي و كانت الأسئلة دون المستوى ، و لم أنجح ، أما في 2008 قيل لنا أن ليسانس علوم إقتصادية ليست شهادة تعليمية ، على الرغم أني الأن أعمل من 3 سنوات و نصف بصفة متعاقد و مكلف بتسير إدارة المدرسة و المطعم المدرسي ، ليقول لنا في النهاية أن هناك تعليمة تنص على توقيف حاملي شهادات ليسانس علوم اقتصادية ، التسيير ، الصحافة من التعليم ، و فعلا قامت مديرية التربية بإحصائنا ، في مسابقة المقتصدين لم أنجح ، و صدقوني إخوتي إجتزت مسابقة مفتش رئيسي للخزينة و متؤكد من إجاباتي النموذجيت بـ 1000000000000 % و لكن لم أعد أنتظر النجاح ، لأني فقدت الأمل في كل شيئ .

لو توفرت الهجرة لي إلى الكيان الصهيوني لن أتردد و لا لحظة ، بسبب كل تلك المشاكل ، الواحد فينا في 28 و ما بقاش بزاف على 30 و ماهو داير والو في حياته . و لي تقتلك أكثر أنك صح تخدم من قلبك و تجاوب صح ، بصح و الله ما طل على الربحة

[البريئة]

لو كتب كل واحد فينا همومه و مصائبه مع مسابقات العار لن تكفينا مجلدات و مجلدات ، لا يمكن إخفاء الشمس في كبد السماء ، لكل منا معاناته ، و الغلبية الساحقة منا ندموا على تضيعيهم 4 أو 5 سنوات دراسة في الجامعة ليجد نفسه في النهاية أمام طريق مسدود ، و الله لو إمتازت المسابقات بالشفافية و المصداقية ، حتى لو لم أنجح أن أغضب أبدا من المسؤولين ، لأني سأتأكد من العيب فيا ، و لكن أن تجد نفسك تجيب و أنت متؤكد من النجاح ، و لكن سيكون مصيرك الفشل فهذا ما لا يعقل .

صدقوني نجحت في مسابقة استاذ المحاسبة في مركز التكوين المهني ، و لكن في محضر التنصيب كان المنصب من حظ فتاة ، و في 2006 إجتزت مسابقة اساتذة التعليم الإبتدائي و كانت الأسئلة دون المستوى ، و لم أنجح ، أما في 2008 قيل لنا أن ليسانس علوم إقتصادية ليست شهادة تعليمية ، على الرغم أني الأن أعمل من 3 سنوات و نصف بصفة متعاقد و مكلف بتسير إدارة المدرسة و المطعم المدرسي ، ليقول لنا في النهاية أن هناك تعليمة تنص على توقيف حاملي شهادات ليسانس علوم اقتصادية ، التسيير ، الصحافة من التعليم ، و فعلا قامت مديرية التربية بإحصائنا ، في مسابقة المقتصدين لم أنجح ، و صدقوني إخوتي إجتزت مسابقة مفتش رئيسي للخزينة و متؤكد من إجاباتي النموذجيت بـ 1000000000000 % و لكن لم أعد أنتظر النجاح ، لأني فقدت الأمل في كل شيئ .

لو توفرت الهجرة لي إلى الكيان الصهيوني لن أتردد و لا لحظة ، بسبب كل تلك المشاكل ، الواحد فينا في 28 و ما بقاش بزاف على 30 و ماهو داير والو في حياته . و لي تقتلك أكثر أنك صح تخدم من قلبك و تجاوب صح ، بصح و الله ما طل على الربحة
عندك الصح في واش راك اتقول 100% انشاء الله ربي ايجيب اللي فيه الخير

[وئام الروح42]

يا اخي ربي افرج ان شاء الله
والله يا اخي انا قريت جذع مشترك للتكنولوجيا والاعلام الالي والعلوم الدقيقة عامين شفنا الويل باش خرجناهم من كثرة الصعوبة 9 مواد رياضيات او فيزياء وكيمياء او اعلام الي يعني اصعب المواد المهم رشاو عينينا كرهنا الدنيا باش خرجناهم في الوقت
امباعد تخصصت ميكانيك هنا لالا ما شفتش الويل شفت الويلات باه يخرج العام خرجت عامي قلت حنا بلاد عايشين على الطاقة زدت تخصصت في ميكانيك الطاقويات قرينا عامين حنا نجروا من مصنع لمصنع المهم تمرمدنا ...........جا وقت المذكرة او منحكيلكش عينيا راهوا شعري طار من التخمام جيبي فرغ من المصاريف والمهم تعبت او تخرجت وماشي باي درجة لالا تخرجت بمعدل جيد جدا وبنقطة 17.5 هنا بدات المعاناة تخيل انوا اجي انسان واحد اخر قاري في المدرسة العليا والله لا يفقه شيئا يدخل طول علاش هو ما يجوزش المسابقة ياك كامل قرينا ولا راكم تهدروا على الجدارة فيجب ان يختبر الجميع
...................................والله يا اخي لوكان نزيد نحكيلك على مواقف خريجي المدرسة العليا تحير او تتعجب

[أبو عبد الرحيمْ]

...................................والله يا اخي لوكان نزيد نحكيلك على مواقف خريجي المدرسة العليا تحير او تتعجب


ربي يكون معاك و يوفقك يا أختي ، اما عن خريجي المدرسة العليا ، كاين صح ناس لي يقراو و هاذوك لي من بكري طبيعتهم هكذاك ، بصح واش سمعت من إنسان ثقة أشك في كفائتهم حقا ن أستاذ ينجح في الإمتحان الإستدراكي ، و يقلك انا استاذ ، منين جات هاذي أستاذ ، و تناقشت مع كثير منهم ، صدقوني ما يعرف هاذي المنظومة التربوية منين تبدى او وين تكمل ، على الرغم من انهم يقراو مقاييس هي أقرب إلى الواقع، و كي تسقسيهم في التشريع المدرسي ( هذا يدرسوه مقياس لوحده ) تلقايه ماهوش عارف اي شي ، المهم كان الحظ بجانبه و عنده عقد مع وزارة التربية ،

مع إحترامي للنجباء منهم و للأمانة هم أقلية ، و لكن أغلبيتهم إلا من رحم ربك . و بعدها تلقاهم يجي يطاول عليك في التعليم ، و كأنه عبقري زمانه. لكن المشكل ماشي فيهم ، المشكل فينا احنا لي صدقنا اننا في زمن العلم و العلماء ، و لي يقرى رايح ينجح و يتحسن مستواه.

و الله أكبر غلطة في حياتي كي قريت ، و راني حلفت كي نتزوج و نجيب أولاد ، اولادي ذكور كي يلحق 18 سنة و يقلي نكمل في الجامعة ندبحه من الأذن إلى الأذن ، مهما يكون عنده معدل عالي ، اما الطفلة نخلي جدها تكمل بصح اذا جا خطبها كاش واحد نحبسها من قراية نتاع 4 دورو

[وئام الروح42]

والله يا اخي ماشي اهاذي الدرجة اطلب ربي يجي وقتخم (ولادك) خير من وقتنا بلاك الحالة تتسقم
اما بالنسبة للاساتذة كل واحد او تربيتو العام الماضي كنت نخدم استاذة فيزياء في الثانوية كان معايا واحد من خريجي المدرسة كانوا لي يخدموا معانا كي شوفوه يحكي معايا يضحكوا يعرفو بلي راه جاي اقولي انت تعرفي خير من المفتش يبداو يضحكواهذا كيفاش اتخرج الله اعلم
............................................اما هذا العام الحمد لله رحمة ربي الاساتذة لي معايا هايلين متفاهمين واحد ما يدخل روحوا فيك

[أبو عبد الرحيمْ]

ربي يكون معاك أختي نانا و يوفقك في حياتك ، و نصيحة دبري على روحك برة من التعليم ، ناس المدية احسن ناس و عندي صاحبي من ثمة عنده مكتب مهندس معماري ، في وسط المدية .


انا واحد من الناس كرهت التعليم و سيرته ، و ما تعمري راسك بحاجة غي تمرضك

[أبو زكريا 02]

السلام عليكم و الله أنا جد متأسف لحالنا جميعا لكن أكثروا من الاستغفار و سيرزقكم الله رغم أنف المرتشين واعلم أن رزقك من هده الدنيا محجوز لك و مقدر فلا تكترث و اشتهد في الدعاء
.لا تيأسوا من فضلكم................... اللهم ارزقنا رزقا حلالا طيبا

[البريئة]

و الله أكبر غلطة في حياتي كي قريت ، و راني حلفت كي نتزوج و نجيب أولاد ، اولادي ذكور كي يلحق 18 سنة و يقلي نكمل في الجامعة ندبحه من الأذن إلى الأذن ، مهما يكون عنده معدل عالي ، اما الطفلة نخلي جدها تكمل بصح اذا جا خطبها كاش واحد نحبسها من قراية نتاع 4 دورو
هههههههههههههههههههههه لهذه الدرجة واش ذنبهم أولادك ، قول لازم يقراو في المدرسة العليا وهكذا يخرجو مرسمين

[أبو عبد الرحيمْ]

هههههههههههههههههههههه لهذه الدرجة واش ذنبهم أولادك ، قول لازم يقراو في المدرسة العليا وهكذا يخرجو مرسمين



البنات نخليهم يقراو ، بصح أولاد و الله نقتلهم ، يروح للجيش او يتعلم تجارة او حرفة ، المهم 18 يتعلم يدخل مصروفه

[وئام الروح42]

ربي يكون معاك أختي نانا و يوفقك في حياتك ، و نصيحة دبري على روحك برة من التعليم ، ناس المدية احسن ناس و عندي صاحبي من ثمة عنده مكتب مهندس معماري ، في وسط المدية .


انا واحد من الناس كرهت التعليم و سيرته ، و ما تعمري راسك بحاجة غي تمرضك
عندك الحق انا راني نحوس خارج اطار التعليم وصح جوزت مسابقة في السونلغاز ونجحت بصح مازالوا ما وضفوناش قالوا حتى يخرجوا لكبار تقاعد باش نرومبلاصيوهم او قبل ما يخرجوا لازم اجوزوا للتحقيق جابلي ربي الحالة طولت البارح طمنوني او قالولي المحاضر توقعت
وتحصلت على المرتبة الاولى بصح ما نمنش حتى ندخل للمكتب تاعي

[** سدرة المنتهي **]

عندك الحق انا راني نحوس خارج اطار التعليم وصح جوزت مسابقة في السونلغاز ونجحت بصح مازالوا ما وضفوناش قالوا حتى يخرجوا لكبار تقاعد باش نرومبلاصيوهم او قبل ما يخرجوا لازم اجوزوا للتحقيق جابلي ربي الحالة طولت البارح طمنوني او قالولي المحاضر توقعت
وتحصلت على المرتبة الاولى بصح ما نمنش حتى ندخل للمكتب تاعي


اهلييييييييييييين نجاة ومبروك عليك مسبقا .خير راكي تهنيتي ......ولاكان علي الكونكور لي عقبناه في عنابة .انا نقولهالك راهو نجح ولد فلان وعلان:1::1:..............ونعرفهم الكل :1:...............يظهرلي كون ماتكونش المعرفة مايكونش عندنا قسم.......................ربي يهدينا و فرج علينيييييياااااااااااااااا........................ ربي هو اللي مد الرزق .راني صابرا ..........ومازال عندي الامل:19::19:

[أبو عبد الرحيمْ]

عندك الحق انا راني نحوس خارج اطار التعليم وصح جوزت مسابقة في السونلغاز ونجحت بصح مازالوا ما وضفوناش قالوا حتى يخرجوا لكبار تقاعد باش نرومبلاصيوهم او قبل ما يخرجوا لازم اجوزوا للتحقيق جابلي ربي الحالة طولت البارح طمنوني او قالولي المحاضر توقعت
وتحصلت على المرتبة الاولى بصح ما نمنش حتى ندخل للمكتب تاعي


مبروك عليك أختي نجاة ( هكذا نادت الأخت تسنيم ) ، و إن شاء الله توظفي في المنصب لي نجحت فيه في أقرب فرصة ، و كل شي مكتوب ربي ، و لي تعب ان شاء الله يا ربي ينال.

دعواتنا الصادقة لك بالتوفيق ، و العاقبة لكل الباقين و من بينهم الأخت تسنيم

[وئام الروح42]

انا راني قلتلكم ما تباركوليش حتى نحكم البيروا صح شفت المحضر بصح لالا حتى نتوضف باش نامن اسمى خبيولي هذوا التهاني حتى نتوضف
لانوا من المعروف على سونلغاز متوضفش حتى عام لا عامين من النجاح
والنهار كتبت على لسان المدير العام للشركة انه سيتم توضيف الناجحين في موسم 2010 حتى 2011
كي وضفوني راني نقوللكم

[البريئة]

عندك الحق انا راني نحوس خارج اطار التعليم وصح جوزت مسابقة في السونلغاز ونجحت بصح مازالوا ما وضفوناش قالوا حتى يخرجوا لكبار تقاعد باش نرومبلاصيوهم او قبل ما يخرجوا لازم اجوزوا للتحقيق جابلي ربي الحالة طولت البارح طمنوني او قالولي المحاضر توقعت
وتحصلت على المرتبة الاولى بصح ما نمنش حتى ندخل للمكتب تاعي
كل شي مبروك والعاقبة للي مازلوا

[أبو عبد الرحيمْ]

انا راني قلتلكم ما تباركوليش حتى نحكم البيروا صح شفت المحضر بصح لالا حتى نتوضف باش نامن اسمى خبيولي هذوا التهاني حتى نتوضف
لانوا من المعروف على سونلغاز متوضفش حتى عام لا عامين من النجاح
والنهار كتبت على لسان المدير العام للشركة انه سيتم توضيف الناجحين في موسم 2010 حتى 2011
كي وضفوني راني نقوللكم


باين عليك عند تجربة مرة مع المسابقات ، و لي خلاتك تشكي في النجاح ، لي فيها الخير يجيبها ربي سبحانه

[وئام الروح42]

مشكوريييييييييييين جميعا على المشاركات

[عبد الرحمن]

ربي يكون في عون الجميع