الجزء الاولxxزواج المغتربين بالجزائرياتxx

[*جوداء*]

http://www.up1up2.com/smile_files/sm4/zzzh_22.gif (http://www.up1up2.com/)
مرحبا بالجميع
ان الاسرة السعيدة عادة ما تتكون من زوج وزوجة واعيان بالحياة ومستعدان لتحمل المسؤولية يعيشان تحت سقف واحد يتقاسمان هموم الحياة حلوها ومرها وكل الضروف والمشاكل التي تعترض طريقهما
وما يضيف لهذا البيت صفة البيوت السعيدة تكليله بطفل او اثنين او ثلاث يملؤون البيت سرورا وبهجة
بوجود والديهما معا لتربيتهما على اسس الدين والاخلاق ويكون الاب خير قدوة للابناء اما الام فتكون خير قدوة للبنات


هناك حالة اود طرحها في موضوع اليوم وهي كما تقدمت في العنوان حالة المغتربين الجزائريين
كانت الظاهرة تعد على الاصابع لكن بتزايد الهجرة الشرعية وغير الشرعية منها ...اصبح الشاب ياتي من الخارج بعد ان وجد ان حالة المغتربات او (بنات الخارج) لا تناسبه..يتزوج مع بنت بلده ...
الى حد الان ليست هناك اي مشكلة ...
االمشكلة الان ..
بعد مرور يوم يومان ..اسبوع او اسبوعان
شهر او شهرين على حفل الزفاف ..يودع هذا الشاب هذه الزوجة من اجل العودة الى العمل ويخبرها ان تبقى مع اهله لانه سيغيب لمدة غير محددة !!!
ومصير هذه الزوجة مجهول !!!
فهي بنت بيتا من السعادة بدات اول اسسه تنهار
...http://www.up1up2.com/smile_files/sm4/gfsghh.gif (http://www.up1up2.com/).
وليست هناك اي ملامح لمستقبلها مع هذا الرجل
ما رايكم في هذه الحالة من الارتباط في المجتمع ؟
وما هو مصير هذا الزواج في نضركم ؟؟
كثير من البنات يحسدن تلك اللواتي يتزوجن من المغتربين
لكن هل فعلا يستحق هذا الزواج ان يحسدن عليه؟؟؟
مع شكري لكم

[شهد12]

ما رايكم في هذه الحالة من الارتباط في المجتمع ؟
مثل هذه الحالات لها عواقب على المجتمع لان الاسرة تقوم على اعمدة وبالضبط الاب والام وعند غياب طرف من هذين الطرفين سوف هناك سلبيات ومعيقات
وما هو مصير هذا الزواج في نضركم ؟؟
مصير هذا الزواج هو الطلاق خاصة بنات هذا الجيل لانهن لايتحملن ولا يصبرن كثيرا فهي لن تستطيع تحمل المسؤولية لوحدها
كثير من البنات يحسدن تلك اللواتي يتزوجن من المغتربين
لكن هل فعلا يستحق هذا الزواج ان يحسدن عليه؟؟؟
لا يستحق الحسد

[thorpe]

اختي موضوع مهم فعلا وشكرا على طرحك اياه
اختي وقتنا درك اصبح صعب للغاية خاصتا توفير لقمة العيش صارت شبه مستحيلة
الشاب الي يغترب تاكدي انو عمرو حب الغربة سواءا كانت خارج البلاد كالسقر او داخل البلاد كالالتحاق بالجيش
اما مصير الزواج فهو مرتبط بتربية ومبادئ الزوجين معا يعني اذا كانت الزوجة صبورة وتحب زوجها فستكون قد المسؤولية واذا كان الشاب مخلص وحاس بالمسؤولية والواجب الزوجي سيقدر الظروف ويحاول ان يعود في اي فرصة تسنح له بالعودة لرؤية رفيقة دربه وعائلته
اما اذا كانت المبادئ منعدمة فلا اظن ان هذا الارتباط سيدوم
شكرا على هذا الموضوع الهادف
هذا هو رايي
بارك الله فيك
سلااااام

[*جوداء*]

ما رايكم في هذه الحالة من الارتباط في المجتمع ؟
مثل هذه الحالات لها عواقب على المجتمع لان الاسرة تقوم على اعمدة وبالضبط الاب والام وعند غياب طرف من هذين الطرفين سوف هناك سلبيات ومعيقات
وما هو مصير هذا الزواج في نضركم ؟؟
مصير هذا الزواج هو الطلاق خاصة بنات هذا الجيل لانهن لايتحملن ولا يصبرن كثيرا فهي لن تستطيع تحمل المسؤولية لوحدها
كثير من البنات يحسدن تلك اللواتي يتزوجن من المغتربين
لكن هل فعلا يستحق هذا الزواج ان يحسدن عليه؟؟؟
لا يستحق الحسد
اكيد لكن المشكل الكثير من البنات تبقى معلقة من هذا الزواج يعني ترجع لبت والديها تبقى متعلقة بامل ان هذا الزوج يعود يوما ما ياخذها معه او يستقر في الجزائر ...او انها لا تتحصل على الطلاق منه

[*جوداء*]

اختي موضوع مهم فعلا وشكرا على طرحك اياه
اختي وقتنا درك اصبح صعب للغاية خاصتا توفير لقمة العيش صارت شبه مستحيلة
الشاب الي يغترب تاكدي انو عمرو حب الغربة سواءا كانت خارج البلاد كالسقر او داخل البلاد كالالتحاق بالجيش
اما مصير الزواج فهو مرتبط بتربية ومبادئ الزوجين معا يعني اذا كانت الزوجة صبورة وتحب زوجها فستكون قد المسؤولية واذا كان الشاب مخلص وحاس بالمسؤولية والواجب الزوجي سيقدر الظروف ويحاول ان يعود في اي فرصة تسنح له بالعودة لرؤية رفيقة دربه وعائلته
اما اذا كانت المبادئ منعدمة فلا اظن ان هذا الارتباط سيدوم
شكرا على هذا الموضوع الهادف
هذا هو رايي
بارك الله فيك
سلااااام
مهما صبرة البنت لكنها لا يمكن ان تحتمل وضع ان تكون معلقة لاهي مستقرة ببيت مع زوج واولاد ولا هي مطلقة ظاهريا امام المجتمع ..ونحن لانتكلم عن شهور اخي ..فقد تصل المدة في بعض الاحيان الى سنوات

[*أنسام*الجنة*]

السلام عليكم ورحمة الله
للأسف فمثل هاته الحالات موجودة كثيرا في مجتمهنا

وكثيرا ما تغتر البنت انها تزوجت بمغترب وتبدأ تبني في أحلام هي أكبر منها وسرعان ما تنصدم بالواقع...
في رأيي هذا الزواج ماله الانهيار لانه ليس زواج كباقي الزجات فالتواصل يكاد ينعدم ...فكثيرا من الازواج يذهب ولا يكلم زوجته بالأشهر...وعند عودته يصبح كأنه غريب عليها ... فصحيح نحن نحسد من تتزوج مغترب لأننا نحكم عليه ظاهريا أنها ستعيش حياة جميلة ....
بارك الله فيك شيراز موضوعك واقعي

[س..ع..ي..د]

مغترب جاي يزوج منا هذا مش نورمال خلي الرومية وجاي للعربية !!!:1:

متزعفوش عليا غير نقسر

موضوع مهم ختي شيراز والله صعيب علي المراة تعيش بدون زوجها مدة طويلة خاصة اذا كان مزال حي وبعيد عليها يعني كل يوم قبل لترقد تخمم فيه وهو بلاك يكون مش معمر راسو بيها لا مكالمة ولاحتي شئ..
والاصعب اذا كان زوج عليها ثما
والله صعيبة ربي يصبرها ليهرب عليها راجلها..حتي وان كان بدون قصد الفراق صعيب..وكاين نسا يبداو يدخلولها في الشك يقلولها راه مزوج ويكذب عليك خخخخخ تهبل مسكينة :19:

[*جوداء*]

السلام عليكم ورحمة الله
للأسف فمثل هاته الحالات موجودة كثيرا في مجتمهنا

وكثيرا ما تغتر البنت انها تزوجت بمغترب وتبدأ تبني في أحلام هي أكبر منها وسرعان ما تنصدم بالواقع...
في رأيي هذا الزواج ماله الانهيار لانه ليس زواج كباقي الزجات فالتواصل يكاد ينعدم ...فكثيرا من الازواج يذهب ولا يكلم زوجته بالأشهر...وعند عودته يصبح كأنه غريب عليها ... فصحيح نحن نحسد من تتزوج مغترب لأننا نحكم عليه ظاهريا أنها ستعيش حياة جميلة ....
بارك الله فيك شيراز موضوعك واقعي

صح عدولة ..هناك من يتزوج بهدف ابقاء هذه الزوجة مع اهله وفقط ؟؟لكن ماستستفيد هي ن بقائها مع اهله ؟؟؟وما اساس هذا الزواج؟؟...وفيك بارك الله وشكرا لمرورك

[*جوداء*]

مغترب جاي يزوج منا هذا مش نورمال خلي الرومية وجاي للعربية !!!:1:

متزعفوش عليا غير نقسر

موضوع مهم ختي شيراز والله صعيب علي المراة تعيش بدون زوجها مدة طويلة خاصة اذا كان مزال حي وبعيد عليها يعني كل يوم قبل لترقد تخمم فيه وهو بلاك يكون مش معمر راسو بيها لا مكالمة ولاحتي شئ..
والاصعب اذا كان زوج عليها ثما
والله صعيبة ربي يصبرها ليهرب عليها راجلها..حتي وان كان بدون قصد الفراق صعيب..وكاين نسا يبداو يدخلولها في الشك يقلولها راه مزوج ويكذب عليك خخخخخ تهبل مسكينة :19:


نعم اخي سعيد العديد من العائلة مغتربين وجاو هنا وتزوجو ..واليوم بالذات عرس واحد منهم لكن هذا ينوي اخذ الزوجة معه الى كندا ...ربما البنت هي من تجني على نفسها بقبولها هذا انوع من الزواج ...شكرا لمرورك الطيب :19:

[ل..ب..ن..ى]

يعطيك الصحة

بصح اغلب فتيات اليوم يقولو
ندي البراني باش يخرجني من البلاد
ونروح للخارج نعيش la belle vie
وهدا حال الدكور ايضا
يدي معلمة ولا ميقرية تسلكو من الزمان

ولكن بالنسبة لهدا الوضع المطروح!!!!
فيه حديث طوييييييييييل

هو تزوج امراة وماداهاش معاه لوين يخدم
يعني امراة تاع عطل
تاع صيف برك!!!!!

اليك الحوار التالي
واللي يبين رايي بالموضوع:

صايي مور العرس هادي
يويويويويووووووووويوي
وبعد شهر تاع التقلاش ووووووو

الرجل: لازم نروح لطاليان نخدم
المراة: ايه خدمتك هي الصح يا .......

****في بالها راح تروح معاه*****
هو في قلبو *** ايوا راهي الدعوة ساهلة وانا بايت نضرب الحسابات!!!!****

هو: ايه مانطولش ونرجع
هي: تحب نقعدو لهيه نقعدو ماكاش مشكل

***في قلبها باش تتهنا من المداوسة مع اللي راكو عارفين****

هو:وشنو؟؟؟ لالا راح نروح مانطولش
انتي اقعدي مع امي واختي
وانا نقعد نروح ونجي

هي: واش؟؟؟؟ عاود عاود واش قلت؟؟؟؟
علاه انا تزوجتك انت ولا تزوجت فاميليتك؟؟؟؟؟

***هادي 3اشهر برك ملي تزوجو!!!****

هي :والو غير هادي اللي ماتصراش !!!!
هو: والله ماتزيدي كلمة قلنا تقعدي هنا

هي: صحا نروح لدارنا بيلاما انت رجعت
هو:ايوا تفيحلت!!! علاه في دارنا كاين الشوك وفي داركم اللويز؟؟؟

هي: لا داركم ياك راني قاعدة معاهم كامل العام
ودارنا عندي بزاف ماشفتهمش!!!



بعد اتفاقية وهدنة بين الطرفين
اتفقا على
تمضية الزوجة مرة في دارهم ومرة في دار باباه

مرت سنوات
وبدا الراجل يطول في ديار الغربة
يطول باش يرجح

وبعد ست سنوات
من لا نافات

اكتشف امره ورجع مع طفل في يدو
وامراة بلوندا
شعر ابيض والعينين زروقا

ماشي كيما هاديك اللي خلاها في البلاد
عصابة على الراس
بدعية وتشانغلا


وهده هي حياتهما
هو وهي

سلااااااااااااااام

[*جوداء*]

يعطيك الصحة

بصح اغلب فتيات اليوم يقولو
ندي البراني باش يخرجني من البلاد
ونروح للخارج نعيش la belle vie
وهدا حال الدكور ايضا
يدي معلمة ولا ميقرية تسلكو من الزمان

ولكن بالنسبة لهدا الوضع المطروح!!!!
فيه حديث طوييييييييييل

هو تزوج امراة وماداهاش معاه لوين يخدم
يعني امراة تاع عطل
تاع صيف برك!!!!!

اليك الحوار التالي
واللي يبين رايي بالموضوع:

صايي مور العرس هادي
يويويويويووووووووويوي
وبعد شهر تاع التقلاش ووووووو

الرجل: لازم نروح لطاليان نخدم
المراة: ايه خدمتك هي الصح يا .......

****في بالها راح تروح معاه*****
هو في قلبو *** ايوا راهي الدعوة ساهلة وانا بايت نضرب الحسابات!!!!****

هو: ايه مانطولش ونرجع
هي: تحب نقعدو لهيه نقعدو ماكاش مشكل

***في قلبها باش تتهنا من المداوسة مع اللي راكو عارفين****

هو:وشنو؟؟؟ لالا راح نروح مانطولش
انتي اقعدي مع امي واختي
وانا نقعد نروح ونجي

هي: واش؟؟؟؟ عاود عاود واش قلت؟؟؟؟
علاه انا تزوجتك انت ولا تزوجت فاميليتك؟؟؟؟؟

***هادي 3اشهر برك ملي تزوجو!!!****

هي :والو غير هادي اللي ماتصراش !!!!
هو: والله ماتزيدي كلمة قلنا تقعدي هنا

هي: صحا نروح لدارنا بيلاما انت رجعت
هو:ايوا تفيحلت!!! علاه في دارنا كاين الشوك وفي داركم اللويز؟؟؟

هي: لا داركم ياك راني قاعدة معاهم كامل العام
ودارنا عندي بزاف ماشفتهمش!!!



بعد اتفاقية وهدنة بين الطرفين
اتفقا على
تمضية الزوجة مرة في دارهم ومرة في دار باباه

مرت سنوات
وبدا الراجل يطول في ديار الغربة
يطول باش يرجح

وبعد ست سنوات
من لا نافات

اكتشف امره ورجع مع طفل في يدو
وامراة بلوندا
شعر ابيض والعينين زروقا

ماشي كيما هاديك اللي خلاها في البلاد
عصابة على الراس
بدعية وتشانغلا


وهده هي حياتهما
هو وهي

سلااااااااااااااام

شكرا لك لبنى طلة خفيفة ضريفة وتحمل الكثير في اسطرهافعلا البنت اليوم تحفر قبرها بيدها وحفر فالرمل كيما يقولوا ..فهي ترى المغترب قارب نجاة للخروج من الغرق ..لكن لا تدري انه هو نفسه غارق في بحر من مشاكل الاوراق والاقامة وعدم تسوية وضعيته في الخارج ...وتصطدم في الاخير بواقع انها لن تكون الا واحدة من افراد عائلته عليها ان تتحمل غيابه وفي الاغلب ينساها بمجرد ان تطأ رجلاه ارض الغربة ..وفي الاخير يكون مضطر الى الزواج من مراة غربية فقط من اجل(الورق)كيما يقولو
شكرا على هذا الحوار لبنى كنت نقرا ونتخيل :1:فعلا ابدعتي في صنع المشهد

[حمـ 0418 ــزة]

السلام عليكم ورحمة الله وبركاته
في مثل هده الامور الصراحة مطلوبة
والفتاة تعرف ما ينتظرها، فإن وافقت فليس عليها ان تتذمر فيما بعد
وكل ذلك يبقى متعلق بمدى مصارحة المغترب بظروفه
إن كان يستطيع اخذها او لا
مشكورة على الطرح اخت شيراز
سلام

[بوبكر28]

سلااااااااااام على ختى شيراز
و مساء الخير عليكم ان شاء الله راكم لباس

بخصوص هذيك الزوجة اللى يهجرها زوجها من اجل العمل ...والله لو كان يكون ولد فاميليا ميهمش حتى ويطول
..........المشكل لما يكون هذا الانسان يميل وين يميل بيه الريح
والصحة والعافية

[ithguel]

اعتقد انه ليس كل المغتربين سواء...وهذا الزواج غلبا ما يفشل ان كان زواج مصلحة ....

انا اوافقك في كل ما قلتيه عن الاسرة الا شيء واحد وهو عدد الاطفال ..3 قليييل

انا لو كان ما نجيبش 6 ولا 7 ما يبردش قلبي ..ههههههههه

شكرا على الموضوع ..تقبلي مروري.

[**همسة حنين**]

بارك الله فيك أختي شراز على الطرح المفيد

والله يا ختي كلشي بالمكتوب كل واحد واش كتبلو ربي في هذي الدنيا
بصح على الراجل إذا تحط في مثل هذا الموقف ميغتنمش الفرصة و يقول راني وحدي واحد ما شافني و يدير واش يحلالو و ينسا هذيك المغبونة مسكينة لي خلاها في دارهم و لا دار والديها....... و يحاول في كل مرة يلقى الفرصة يرجع على الأقل يطل عليها ويشوف أخبارها...

أما هي المسكينة ربي يكون معاها و ربي يصبرها ...هذا ما نقدر نقوللها واش رايحة تدير؟؟؟ تخرج من رحمة ربي ؟؟؟؟

الحمد لله على كل حال
و ربي يهدينا و يهدي كل أمة محمد
تحياتي وتقبلي مروري و رأيي

[*جوداء*]

السلام عليكم ورحمة الله وبركاته
في مثل هده الامور الصراحة مطلوبة
والفتاة تعرف ما ينتظرها، فإن وافقت فليس عليها ان تتذمر فيما بعد
وكل ذلك يبقى متعلق بمدى مصارحة المغترب بظروفه
إن كان يستطيع اخذها او لا
مشكورة على الطرح اخت شيراز
سلام

صح اخي حمزة تبقى مسالة صراحة وموقف المغترب ونيته تجاه هذا الزواج ...وكذلك موافقة البنت على هذا الامر جزء من المشكلة والاهل ايضا ..شكرا لمرورك اخي

[*جوداء*]

سلااااااااااام على ختى شيراز
و مساء الخير عليكم ان شاء الله راكم لباس

بخصوص هذيك الزوجة اللى يهجرها زوجها من اجل العمل ...والله لو كان يكون ولد فاميليا ميهمش حتى ويطول
..........المشكل لما يكون هذا الانسان يميل وين يميل بيه الريح
والصحة والعافية

على سلامتك اخي بوبكر ان شاء الله راك مليح والصحة بخير..عاش من شاف مشاركاتك اخي:19:...
صح الصبر علاجال انسان منضبط ليس كما الصبر مع انسان لم يحدد موقفه من الاول ..شكرا لمشاركتك اخي بوبكر

[*جوداء*]

اعتقد انه ليس كل المغتربين سواء...وهذا الزواج غلبا ما يفشل ان كان زواج مصلحة ....

انا اوافقك في كل ما قلتيه عن الاسرة الا شيء واحد وهو عدد الاطفال ..3 قليييل

انا لو كان ما نجيبش 6 ولا 7 ما يبردش قلبي ..ههههههههه

شكرا على الموضوع ..تقبلي مروري.

صح اخي الغالب على هذا الزواج هو المصلحة فالبنت تريد ان تخرج من البيت وتحقق حلم الهجرة الى الخارج (التحواس تشوف الدنيا:1:)اما الشاب فيراها الزوجة التي تمكث في البيت لخدمةاهله لنكن واضحين يحب يدير لولاد هنا باش اذا فشل مشروعو في الهجرة يكون من قبل مكون عائلة يعني مايبداش من الصفر :cool:

[نسيم الجود]

اختي موضوع مهم فعلا وشكرا على طرحك اياه
اختي وقتنا درك اصبح صعب للغاية خاصتا توفير لقمة العيش صارت شبه مستحيلة

ان الشاب يبحث عن حياة أفضل

[*جوداء*]

بارك الله فيك أختي شراز على الطرح المفيد

والله يا ختي كلشي بالمكتوب كل واحد واش كتبلو ربي في هذي الدنيا
بصح على الراجل إذا تحط في مثل هذا الموقف ميغتنمش الفرصة و يقول راني وحدي واحد ما شافني و يدير واش يحلالو و ينسا هذيك المغبونة مسكينة لي خلاها في دارهم و لا دار والديها....... و يحاول في كل مرة يلقى الفرصة يرجع على الأقل يطل عليها ويشوف أخبارها...

أما هي المسكينة ربي يكون معاها و ربي يصبرها ...هذا ما نقدر نقوللها واش رايحة تدير؟؟؟ تخرج من رحمة ربي ؟؟؟؟

الحمد لله على كل حال
و ربي يهدينا و يهدي كل أمة محمد
تحياتي وتقبلي مروري و رأيي

شكرا لمرورك اختي همسة حنين ...لكن لا يجب ان ننكر ان البنت نفسها حطت روحها في هذا المشكل ...يعني يجب ان تتحمل مسؤولية قرارها بالقبول بهذا الزواج خصوصا ان كانت تعلم بهذي الضروف قبل ان تقبل ...شكرا لمرورك

[*جوداء*]

اختي موضوع مهم فعلا وشكرا على طرحك اياه
اختي وقتنا درك اصبح صعب للغاية خاصتا توفير لقمة العيش صارت شبه مستحيلة

ان الشاب يبحث عن حياة أفضل
صح اخي ياسر ..ولكن هل بهذه الطريقة يحقق حياة افضل؟؟

[نسيم الجود]

هادا في اعتقاده

أنا حسب رأيي يستطيع تحقيق مبتغاه في بلده
-------------------------------تقبلي مروري------------------أختي شيراز------------------

[م.ح.م.د]

بارك الله فيكم
هذا هو زمننا

[أريج الكوثر]

مشكوووورة أختي على هذا الموضوع الحساس والذي انتشر بكثرة
في رأيي أن هذا الزواج سيكون فاشلا..........
نعرف وحدة تخطبت هي وابن خالتها وذلك عن حب......ماشي مصلحة..........
وفي فترة الخطوبة يتفكرها يوم وينساها عامين... ومن بعد كي يجي هو وعايلتو في العطل يعيشها la belle vie.........
و من بعد يرجع يروح ويرجع لعادتو لقديمة...........مي ضك هناها ربي قبل ما ترتبط بيه وتتعذب وخاصة إذا جابو أولاد.........
لذلك من رأيي أن الفتاة تمتنع على هذا الزواج فالكل يغترن به بصح كاين مثل يقول (مزين من برا واش حوالوا من داخل...:1:)
تقبلي مروري
وجزاك الله خيرا

[*ألخيال*]

راهم يحوسو على الراجل ولو كان يكون يخدم في القطب الشمالي

وهي علاه تزوجت واحد مغترب او كان ماهيش طماعة

واذا ماكانتش طماعة

الاهل يدبرو عليها

تروح لهيه تعيش نهارات

صح عندك الحق

كاين ندرة في الرجال في الجزائر

لازم نستوردو من اوروبا

شوفي الفايس بوك كيفماه داير

ههههههههههههههه

مام انا تاني حاب نجيبها مغتربة

من موريطانيا ولا الصحراء الغربية خير

سلااااااااااااااااااااااااااااااااااااااااااام

[*جوداء*]

مشكوووورة أختي على هذا الموضوع الحساس والذي انتشر بكثرة
في رأيي أن هذا الزواج سيكون فاشلا..........
نعرف وحدة تخطبت هي وابن خالتها وذلك عن حب......ماشي مصلحة..........
وفي فترة الخطوبة يتفكرها يوم وينساها عامين... ومن بعد كي يجي هو وعايلتو في العطل يعيشها la belle vie.........
و من بعد يرجع يروح ويرجع لعادتو لقديمة...........مي ضك هناها ربي قبل ما ترتبط بيه وتتعذب وخاصة إذا جابو أولاد.........
لذلك من رأيي أن الفتاة تمتنع على هذا الزواج فالكل يغترن به بصح كاين مثل يقول (مزين من برا واش حوالوا من داخل...:1:)
تقبلي مروري
وجزاك الله خيرا

صحيح تغتر البنات بهذا الزواج وتتخيلن انهن سيتحملن العواقب ...لكن للاسف لا يدوم طويلا
شكرا لرايك اختي

[*جوداء*]

راهم يحوسو على الراجل ولو كان يكون يخدم في القطب الشمالي

وهي علاه تزوجت واحد مغترب او كان ماهيش طماعة

واذا ماكانتش طماعة

الاهل يدبرو عليها

تروح لهيه تعيش نهارات

صح عندك الحق

كاين ندرة في الرجال في الجزائر

لازم نستوردو من اوروبا

شوفي الفايس بوك كيفماه داير

ههههههههههههههه

مام انا تاني حاب نجيبها مغتربة

من موريطانيا ولا الصحراء الغربية خير

سلااااااااااااااااااااااااااااااااااااااااااام
لا اضن ان هناك ندرة كما قلت اخي ..من حق اي بنت انها يكون عندها احلام في ان تستقر في الخارج لكن تصطدم بواقع انها رايحة تبقى في البيت مع الاهل ؟؟هذا ما اردنا معالجته في الموضوع..اما مسالة الاستيراد .هذا موضوع اخر ..ربما يوما ما نولو نديرو تبادل الرجال بالبترول ...لكن اضن ان عندنا رجال كفاية مازال مالحقناش لهذيك المرحلة..شكرا لتواجدك بالموضوع اخي:19: