ماني فاهمة فيها والو

[maga]

السلام عليكم ورحمة الله وبركاته
الخبر الذي وصلني أنه مابقاش مسابقات الماجستار تندار خلاص هذا بحكم أنهم يشجعوا نظام الجديد ل.م.د
السؤال المطروح ؟
علاه ما يقالوناش من قبل أنه في 2010 مايكونش ماجسترا ,راهو دار العبد حسابو على الأقل يعاود الباك و لو 100 خترة باش يدير الطب و لا غيرها لي ماتحتاجش الماجيستار
قادرة أنامن كلاسيك نفوت المسابقة تاع الماستر؟
علاه قالو أن الماستر ماهوش مستوى ,وماعندكش الحق تقري بيه في الجامعة ؟
واللي حاب يقري في الجاميعة واش يدير؟
جوبوني و بردولي قلبي ربي يخليكم ,خطرماه هذا الخبر جاني كي الصاعقة

[محمد مولاي]

علا حساب ماسمعت انه هذا العام هو اخر علم في مسابقات بالنسبة للماجيستير نظام كلاسيكي
والله اعلم

[عبد الرحمان1980]

الله يوفقك في دراستك
حسبنا الله ونعم الوكيل

[حمـ 0418 ــزة]

كل عام يقولو العام الأخير
انا سمعت بل في 2008 زعمة، يتعمم النظام الجديد وواحد ما يزيد يسجل في القديم
توقعي اي حاجة
بالتوفيق
سلام

[fidooo8nuevo]

يخوفو فينا برك...

[maga]

شكرا على المرور,وإن شاء الله النجاح لينا كاملين ,صراتلنا كيما هذاك العطشان اللي قالولو أطلع راس الجبل ضرك تلق الماء ,كي طلع قالولو فض

[بيبيone]

راهو كلام برك سقصيت الاساتذة وقالولي مجرد كلام مدام راهو كاين نظام كلاسيكي يعني كاين ماجيستير

[sami.ge]

ههههههههههههههههههه
اولا صباح الخير
راكي ضحكتيني بالبزاف لكن راني اسف
نقولك علاه لانو في بالدنا كلش كاين يعني مدام كاين كلاسيكي كاين الماجستر
اما الماستر ولى صعيب*يعني بداو يصعبوا فيه* كلش كزنكور
ربي يوفقنا اجمعين
سلاااااااااااااااااااااااااااااااااااااااااااااااا ااااااااااااااااامي:1:

[med_194]

واالله ما كان حاجة صحيحة في الجزائر على خاطر ما كانش تخطيط وما دام ما كانش تخطيط ما راه يصلح والوا لا الجامعة ولا الطلبة واللاساتذة والله ما راهم فاهمين والوا يا ويا لسقسية الاساتذة
أنا حسب علمي وراني في الدومان نتاع الجامعة خدام نتوع الماستر هما ليراهم رايحيين فيها مساكين ما كان ل م د ما :ان ماستر وليام تبينلكم
اطلبي ربي يا أختي تسيبي خديمة ودرقي راسك
يجيب ربي الخير لهاذي البلاد

[sisito]

ربي يوفقك و يوفقكم اجمعين

[etoile filante]

هذا هو اخر عام لمسابقة الماجستر . وللتوضيح في نظام lmd الماستر تقري بيها في الثانوية .
الليسانس ولات ما تكولش

[عمرانو]

اخواني احنا انتاع علم الإجتماع بالليسانس او مارهمش مستعرفين بينا فمبالك كي انحيو الماجستير

[فراشة المنتدى]

درك ماجستير والا ماستر في زوج تقري بيهم في الثانوية في الجامعة ولاو يستعرفوا غير بالدكتورا

ربي يجيبها في الصواب برك

و لي كاتبة تلحق

[djirah27]

تسما نبطل خير
شوالا هاد قاع الله يستر بلادي راهي تغرق في وسط الجهل راهم باغيين نتطرطقو عليهم وحنا كل واحد لاهي في روحو والله العظيم
لازم نديرو حاجة