يالجامعيين راكم كملتوا القراية.. واش تحبوا تخدموا

[محمد مولاي]

السلام عليكم
اليوم حبيت نهدر مع الجامعيين خاصة بصح ماعليش الاخرين يحبوا يردوا ...
انا اليوم حبيت نهدر على الجامعي ونساله سؤال ...
واش يحب يخدم الجامعي كي يتخرج ... وشحال يحب يخلص ... وهل يقبل اي خدمة يلقاها ...
هل سيبقى في الحياة المدنية ام يذهب الى الحياة العسكرية ؟؟؟
نفترضوا انه العمل في الجزائر موجود ... والجزئر تعيش طفرة ونمو اقتصادي...
رانا نحلموا بلي الجزائري راهي حا تتسقم
واش رايكم خاوتي
ان شاء الله يكون الموضوع مليح
واسمحولي على الدارجة ...
انا راني حاب نخدم خدمة مليحة والخلاص مليح ....... باه ندير الدار ...
سلام

[*ألخيال*]

عندي حاجة واحدة نروح ليها

استاذ على خاطر راني نقرا في المدرسة العليا للاساتذة

[اميرة باحتشامي]

و عليكم السلام و رحمة الله نعالى و بركاته



موضوع شيق و رائع جزاك الله خير


باذن الله رايحة نكون استاذة لغة انجليزية ان شاء الله



ما نقبلش اي خدمة نتلقاهااااااا

[nihad25]

ما نقبلش اي خدمة نتلقاهااااااا

[س..ع..ي..د]

ان شاء الله دير الدار...
نرجع للموضوع
انا نفضل الانخراط في الشرطة..او التعليم..واذا مكان الحياة العسكرية..ونرضي باي خدمة دخل الدراهم مليحة وتكون خدمة شريفة وحلايلية


وكل شئ بي المكتوب...

موضوع مليح يعطيك الصحة...


.

[thorpe]

اكيد كل واحد يحب يخدم في الضوما نتاعو يعني الطبيب طبيب و الفارماسي فارماسي وكل واحد حسب التخصص واكيد كل انسان يحب الخلاص مليح لانو تعب وضيع عمرو من اجل باش يوصل ويبدا يكون في مستقبلو
بارك الله فيك موضوع حساس ويخدم الواقع

[قون]

وعليكم السلام ورحمة الله تعالى وبركاته.
للاسف هنايا في الجزائر واحد يتخرج ومبعد لبلاد تخليه يخدم اي خدمة ويرضى باي خدمة يالوكان ماشي في التخصص ديالو.
العام هاذ زعما دارولهم مسابقة غير بالاسم وقعت فوضى وماخلوهمش يكملو مافوتهاش خلاص ليزانجينيور حبسولهم الاضراب علاه :قالولهم بلي عندكم الحق تدفعو ملفاتكم في المسابقات الخاصة باليسي وقبلوهم ومبعد كي جاو يفوتو مالقاوش اسمائهم و جماعة ليسانس lmd لقاو اسمائهم .
درك هوما مساكن اكيد انو كل واحد راو يخدم في خدمة منهم لي راح للعسكر ماشي من الفرح راحولو من الدمار تاع واحد قرا قرا قرا جاب ديبلوم وخباه.
درك بالنسبة ليا مادابيا نتبع سلك التعليم لاني نشوف فيه هو الانسب للمراة .

[اسامة]

هو كل واحد عندو في بالو خدمة باغي يخدمها وكيما قالت اختي قون هنايا الدولة تلعب دور وتخدم الواحد اي خدمة المهم يقفل فمو حتى لو كانت ماش في التخصص ديالو
وانا نقولك الصح والله ما نرضى اي خدمة علاه عليا نقرا ونسوفر والدومار ومبعد نخدم خدمة تاع واحد ما قراش قاع
الواحد يتعب باه يقى قدر ما شقا يعني خدمة فيها خلاص مليح

[كريمة عضو جديد]

انشاء الله نلقاو خدمة مع انها شيء ميؤوس منه تمامافي الجزائر الا.....................
وادا كيما راك تقول يديرلها ربي 1000000000000000000000000000000000000000000000 طريق
شكرا على الفكرة

[رحيق القلوب]

مشكووووووووووور اخي على الموضوع


انا مازلت ما خلصت كي نخلص نشوفو و الي كاتبها ربي مليحة

[شيشناق]

أنا أنصح كل من أنهى دراسته الجامعية بأن يشارك في المسابقات لأن الشهادة الجامعية لم تعد تعني أي شيء لكي تجد عملا محترم
بالطبع معظم الخريجين يفضلون مناصب في الادارات او مهندسين في مؤسسات ومصانع
أنصح اخوتي بالمشاركة في أي مسابقة ماجيستار ..مدارس دكتوراه .مسابقات حسب الشهادة الجامعية التي بحوزتك
بخصوص الجيش انا شخصيا لا أنصح به لكن يبدو انه السبيل اذا تعذر وجود عمل في الحياة المدنية
فقط انصح بالمشاركة في مسابقة ضباط الشرطة افضل بكثير من الجيش
من يتخرج عليه التوجه مباشرة الى مكاتب ماقبل التشغيل ربما سيحالفه الحظ ويجد عمل وما عليه هناك الا البحث عن كيفية ترسيمه في المنصب والراتب سيتحسن بعدها المهم هي الوظيفة
بالطبع لا ننسى بعض الشهادات تسمح لحاملها بأن تكون له مهنة حرة وهو بغنى عن الدولة مثل الطبيب والصيدلي والمحامي والمهندس وهؤلاء هم الناجحون عادة .
المشكل بالنسبة للذكور بعد التخرج هي الخدمة الوطنية والمنافسة الشرسة مع الاناث لأن الأولوية لهن بالطبع
سلام .

[حمـ 0418 ــزة]

انا نقولك، كتفريها مع الخدمة الوطنية نحكوا....
يخي قلنا الي يحب يربح درجة درجة، العام ونص راه طوييييييييييل
هههههه
سلام

[flawwer]

اأنا نزوج ونقعد في الدار كرهت من الخرجة

[شيشناق]

انا نقولك، كتفريها مع الخدمة الوطنية نحكوا....
يخي قلنا الي يحب يربح درجة درجة، العام ونص راه طوييييييييييل
هههههه
سلام
الحمد لله نحمدو ونشكرو عندي 24 سنة تحصلت على ليسانس منذ عامين

دخلت للثكنة وخرجت مع جماعة الفائض *يسر بورمداس*

ولان الام دعاتلي بزاف شاركت في مسابقة مدرسة الدكتورا ونجحت وانا الآن سنة 2 بقالي 3 سنين
ربي يوفق الجميع وينجحكم ويوفقكم
.

[حمـ 0418 ــزة]

الحمد لله نحمدو ونشكرو عندي 24 سنة تحصلت على ليسانس منذ عامين

دخلت للثكنة وخرجت مع جماعة الفائض *يسر بورمداس*

ولان الام دعاتلي بزاف شاركت في مسابقة مدرسة الدكتورا ونجحت وانا الآن سنة 2 بقالي 3 سنين
ربي يوفق الجميع وينجحكم ويوفقكم
.

يخي قلنا، كتفريها مع الخدمة، وانت عيّنة
ربي يكملك خويا و العاقبة لنا
سلام

[شيشناق]

يخي قلنا، كتفريها مع الخدمة، وانت عيّنة
ربي يكملك خويا و العاقبة لنا
سلام


ان شاء الله
.

[ودادة]

السلام عليكم الحصول على عمل في هذا الوقت من الصعوبة بما كان الا اذا كان عندك المعريفة ولا اذا كنت قادر تثبت روحك بذراعك
كي دينا الباك نحطو رواحنا بلي ضمنا المستقبل و كي نكملوا القرايا في الجامعة نقولو وصلنا للصح تظهر ماكان والو غير كون بقينا في الجامعة خير على الاقل نستفيد شوية علم خيرمن القعاد في الدار.
اللهم يسر امورنا و فرج كربنا يا رحمان يا رحيم .