يا نساء ......إنّي محتار.........فلا تبخلن ونوّرنني .

[zaatar]

أريد أن أعرف ماهية العلاقة بين المرأة العاملة وزوجها .
كيف تنظر إليه ؟ .......... ماهي أحاسيسها ومشاعرها نحوه ؟
هل تسعد المرأة العاملة بالمكوث في البيت وتفضّله إذا وجدت الرّجل المقتدر في حدود المعقول ؟
هل يختلف الأمر بين امرأة وأخرى ؟
أطمع أن أجد في تجاربكنّ في الحياة مايزيل حيرتي الفكرية ، معوّلا على كرمكنّ ، فلا تبخلن .

[بنت سكيكدة]

عن نفسي أنا عاملة حاليا و مخطوبة و اول ما تتيسر امور خطيبي المالية اللي رايح يكون زوجي مستقبلا باذن الله رايحة اترك العمل اكيد لانو تربية ابنائي باذن الله اهم
شكرا للطرح بارك الله فيك

[zaatar]

شكرا -بنت سكيكدة - حياة هنيئة سعيدة .......................................وتبقى الأسئلة معلّقة .

[imene08]

أنا أيضا مخطوبة و خطيبي ضد العمل لكن الضروف تاع وقتنا تلزم المرأة تعمل لأن المعيشة زايدة غير تصعاب إذا كان العمل قريب من منزل الزوجية بحيث تدخلي قبلو للمنزل هذي حاجة مليحة.
تقعدي في الدار و تربي ولادك حاجة رائعة لكن متطلبات الحيات البسيطة تقدروا توفروهالهم إذا اشتغل وحدو؟؟ هاذي قراية هاذي لبسة، هاذي تريسيتي، لما، الغاز، الماكلة. المرض (بعيد الشر) لعراس (تزوج واحد قريب جدا خوه أو خوك ...ماولاتش في هدية بسيطة... راني ننصح فيك لأنك راكي أختي (خطيبي سييت نقنعو بهذا الكلام لكن...لا حياة لمن تنادي) قريب نقولوا (لوكان كاشما يصرالك بعيد الشر كيفاش نديروا و إذا بعيد الشر ما تفاهمتوش (أختي مارانيش نفول عليك لكن تقراي كل الإحتمالات و راهي تصرا بزاف هذه الظاهرة بعيد الشر)
نصيحة أختي إذا كان عملك محترم و يساعدك فصدقيني تقدري توفقي بين المنزل و العمل
و إذا ضمنت حياتك معاه و كان كافي روحو و ضمنتي كل شيئ و الضامن ربي سبحانه و تعالى حبسي الخدمة واش نقولك هذا القرار يرجع ليك أولا و أخيرا
ربي يزن سعدك إن شاء الله و ربي يكسر قلة عسل بيناتكم
و سامحيني إذا كثرت عليك و إذا كلامي كان ثقيل عليك لكن هدرتلك كيما راني نفكر أنا
تقبلي مروري
على فكرة أنا نعاني مع خطيبي و هو الزلط و التفرعين مايحبش الخدمة لكن رجلة بزاف ماشاء الله عليه
شكرا

[ام رحوقة]

الاحتمالين الاصنين واردين لانه فيه بعض النساء يستطعن التوفيق بين البيت والعمل
كما ان متطلبات الحياة تتطلب المزيد من المصاريف
ونزيدلك حاجة قلتها هنا في المنتدى ان بعض الرجال يقدر بعد مدة يدور عليك وتلقاااااااااي رووووووووووحك بححححح بلا خدمة؟؟؟
المهم التفكير لازم الان قبل اتخاذ القرار والله الموفق

[وئام الروح42]

السلام عليكم ورحمة الله
انا مخطوبة واشترطت على خطيبي العمل لانا حاجياتنا تزداد يوما عن الاخر
وقتنا صعيبلا الواحد اوفر كلش وما ادراك ما وقت ولادنا الدنيا تطور يوم بعد يوم
لكن نصيحتي ليك اذا كان تقدملك انسان مليح تتوفر فيه شروط مليحة اديه

[ღ كبريـاء أنثـى ღ]

انا مع عمل المرأة ، و باذن الله مستقبلا لن اتخلى عن عملي ، فمن حق المراة العمل ، ووكيف لها ان تنفق سنوات من الدراسة و في الاخير تمكث بالبيت ، و ماذا فعلت بعلمها اذن ، و ذلك طبعا بالتوافق مع امور البيت و الاولاد ........
رايي ، ارجو ان تقبل مروري اخي الكريم
رحيل

[zaatar]

يا الهيييييييييييييييييييي !!!!!!!!! ........................... أينكنّ ؟؟؟؟؟؟؟؟؟
أحياء أم أموات ؟ أم أراضيكنّ جدباء ، لازرع ولاضرع ......؟
حسبت سنابلكنّ بالحبّ ملأى ، فمنّيت النّفس بالحصاد الوفير
وإذا بي بخفي حنين أعود
لكنّي لم أقطع الأمل ....... وأكرّر السؤال :

في الأحوال العادية ، تعتبر الماكثة بالبيت زوجها تاجا فوق رأسها ، فتوليه كلّ العناية والاهتمام
مانحة إيّاه المزيد والمزيد من مشاعر الحبّ والحنان ، الاحترام والاكبار ، الودّ والدّلال ،

فهل نجد الأمر ذاته عند المرأة العاملة .......؟؟؟؟ .......أم تعامل زوجها الرّأس بالرّأس ، فكلاهما يعمل ؟؟؟؟

[imene08]

يا الهيييييييييييييييييييي !!!!!!!!! ........................... أينكنّ ؟؟؟؟؟؟؟؟؟
أحياء أم أموات ؟ أم أراضيكنّ جدباء ، لازرع ولاضرع ......؟
حسبت سنلبلكنّ بالحبّ ملأى ، فمنّيت النّفس بالحصاد الوفير
وإذا بي بخفي حنين أعود
لكنّي لم أقطع الأمل ....... وأكرّر السؤال :

في الأحوال العادية ، تعتبر الماكثة بالبيت زوجها تاجا فوق رأسها ، فتوليه كلّ العناية والاهتمام
مانحة إيّاه المزيد والمزيد من مشاعر الحبّ والحنان ، الاحترام والاكبار ، الودّ والدّلال ،

فهل نجد الأمر ذاته عند المرأة العاملة .......؟؟؟؟ .......أم تعامل زوجها الرّأس بالرّأس ، فكلاهما يعمل ؟؟؟؟


طبعا المرأة العاملة تعامل زوجها كالتاج فوق رأسها
و كاين و كاين كاين نساء لسن عاملات و مهملات أزواجهن ...إلخ
أنا ملي شفيت على نفسي و أمي عاملة، و أبي ما خاصو والو
و أبي من النوع لي كلش يجيه لرجليه لكنها غير مقصرة معه و كذلك الكثير من النساء
أختي ديري استخارة و أتكلي على ربي

[zaatar]

أخوك -زعتر - يشكرك يا - ايمان - على التّفاعل والمعلومة القيّمة .
وهنيئا لأبيك بأمّك ، ولك بخطيبك ، وهيّا ننتظر مشاركات أخرى من أخريات .

[العلجاوي]

خويا مازالني صغيرة je ne sais pas

[imene08]

أخوك -زعتر - يشكرك يا - ايمان - على التّفاعل والمعلومة القيّمة .
وهنيئا لأبيك بأمّك ، ولك بخطيبك ، وهيّا ننتظر مشاركات أخرى من أخريات .


سامحني أخي و الله ما قريت البيانات تاعك
تحياتي لك أخي

[الجزائر55]

سلام عليكم في عجبني موضوع وحاب نشارك المراة الدكية تعرف كيفاه توفق بين راجلها وخدمة وتاني لازم يكون تفاهم بينهم وكاين النساء لقدرت دير مستحيل وتجحت راجل ديما وراءه مراة

[samasima]

كي العاملة كي اللي قاعدة في الدار بصح أنا نحب نقعد في الدار كي نتزوج
نقوم بداري بزاف عليا خير لي من المشاكل والمضايقات في الشارع