جاء دورنا لنتوحد يا طلاب الباكالوريا

[assoumat_dodi]

السلام عليكم اخوتي متصفحي هذا الموضوع

اكتب هذا الموضوع وانا اكاد انفجر غضبا بعد ان قرات اليوم في احدى الجرائد انهم سمحوا للاساتذة بتقديم الدروس في مطويات شرط ان تكون متبوعة بتمارين؟؟؟؟؟؟؟؟؟؟؟؟؟؟؟؟؟؟؟؟؟؟؟
وش هذا ياخي احنا نقراو بالمراسلة ولا واش
اضن انه وقتنا ودورنا في الاضراب يا طلاب الباكلاوريا لن نسمح لاحد ان يتلاعب بمستقبلنا فلنوحد صفوفنا ونتفق على يوم للاحتجاج ثم نضرب سوف نضيع هكذا
اضافة الى ان بن بوزيد قلك الباكالوريا علا البرنامج لا اكثر ولا اقللل
ارجو الرد باسرع وقت من فضلكم

[shuguvara]

والله عندك الحق أنا راني معاك واش راهم يحوسو عندنا هاذي ماهيش قرايه روح شوف الدول الأخرى كيفاش يقراو وارواح اهدر يا بووزيد يا بورخسة كي تجيب المنهاج الأجنبي للمادة جيب معاه منهاج تاع دراستها والظروف لي راهم فيها يا غبي إلا طورت دزاير بيك تتحرر فلسطين

[رونالدوا 7]

قالهم متحشيوش الدروس بصح كملوا المقرر معارف كفاه هاذي يقرونا في الليل
ماهي متفرة الا على التلاميذ

[mima_rose11]

يجب ان ننظم يوما نحتج فيه على هذا الوضع الذي نحن فيه لقد صرنا كبش فداء النقابات و الاساتذة مستقبلنا اصبح مرهونا بهم و لا حول و لا قوة لنا الان و قد تعقدت لامور وجب علينا ان نتوحد و نقول كلمتنا و نطالب بحقوقنا و لن نسمح للاساتذة بالاسراع في الدروس على حساب الفهم ...
لم افهم قول وزير التربية مصلحة التلميذ هي العليا انتم لاتهمكم مصلحة التلميذ و لا هم يحزنون تهتمون بانفسكم لا غير

[asma rawya]

واش راك تقول كامل صح بصح واش يقولو: -اتفق العرب الا يتفققوا-

[احلام07]

الاساتذة يقولوا نطلبوا في حقوقنا والوزير يقول زدناهم وواحد يقول سنة بيضاء واخر يقول حمراء والعام يمشي واحنا نتفرجوا

[ام ريان]

الى التلاميذ الأعزاء حقا أنا افهم موقفكم ولكن ليكن في علمكم ان ابن بوزيد يخرج في كل يوم بشيئ جديد فلا تصدقوه فهو من جهة يعلن امام الرأرأي العام يشيئ وهو ألا نسرع ولا ولا وفي نفس الوقت نجد المديرية بأمر من الوزير تطبيق البرنامج وانهائه بأي طريقة فلا تصدقوا أكاذيبه فبعد أن شوه سمعة الأستاذ يريد أن يلحق به تهمة أخرى وهي أنه المسؤول عن السرعة فأنا أستاذة وأدرس الأقسام النهائية وأنا مع فكرة خروج التلاميذ لكن ليس من أجل المساس بالاستاذ وإانما بالمطالبة باستقالة وزير العار والدمار

[توام هناي2010]

هي تطفرت من درك بديت نحط احتمالات اخرئ(تكوين.دخول مدرسة الشرطة..........) بصح مارحش نقبلو بعمايل البو ناقص اللي يعرف كان الهدرة .ياخي حاااااااااااااااااااااااااااااااااااااااااااااالة

[عبدالوهاب جعفر]

كاين واحد المثل يقول:
خلي تعشي دز تحيا العلم

[زهرة2010]

المطوية يحلها في الماء ويشربها

[أسامة الليث]

أخي الحلليس في الإضراب فأنت تزيد طيننا بلة فمن خرج تاركا اياك تتخبط و هم يعلمون أهم سيقل لهم أعطيولهم لقشور بل يجب أن نحتج ونتظاهر

[3abdou27]

رام يوقتوا بينا
حنا فالمات و رغم الاضراب لول قالنا الاستا> راني ماشيين مع التوزيع الاصلي قدقد
والفاهم يفهم
بفففففففففففف

[hamidekh]

أنا أعرف لغة التكسار .............الإضراب + ليسيات يتكسرو
يحوسونا نهبلو

[mehdawi34]

السلام ياولدى الهدرة هى الساهلة والتنفيذ كيفاه انا معاكم تحبو نضربو عام والله مانولى اللور لوكان ننجح الباك لازم ندير راى وربى ورحمتو

[haiba]

واش خوا هم ديروا اضراب يعطوهم حقهم
و حنا ساكتين نخلصوا نورمالموا ديرونا حل حتى حنا رانا كل مضرورين خاصة التلميذ

[assoumat_dodi]

لازمنا مضاهرات اضراب اي شي المهم نخرجو من الشي لي رانا فيه ونجيبو حقنا سيرتو قلك يولو يقرو بالسبت والعطلة تع الربيع تروح صافي حنا لي نسلكو والله عيب والله عيب
خلونا نتخذو اجراءات اكثر جدية من فضلكم رانا نتفرجو علا عام من عمرنا يضيع قدامنا

[lociano]

Rana me3akom ya ikhewani mais lazam lemalmosse wala ranighalte la zame netefahmo wala habito netelakaw hena sur msn o netefahmo

[assoumat_dodi]

wé malazamach nab9aw rir nahadrou man fadalkoum natfahmou 3la youm nadahrou fih

[assoumat_dodi]

ayna antoum ya toulab al bacaloria????????????????????????????????????????? ???????????????????

[الامبراطور5]

اتفق العرب الا يتفققوا والله غير عندك الف حق

[samir mp3]

ياجماع راني معاود الباك العام لي عدا

العلوم الثلاثي الاخير قريب ما دخلناش خلاص في الجيولوجيا
الرياضيات الثلاثي الاخير الدوال الاصلية التكامل وخلاص
الفيزياء الاسترئ الاخير قالك ما داخلاش وجابوها في الباك والاقمار الصناعية قالونا ما تركزوش عليهم فلخر جابوهم في السوجي لي ساهل
يا جماعا العام هدا طارو يا ربي و استر بن بوزيد ما سامع ب حتى واحد حد ما يخوفو يدير واش يحب