غير الجديد مع سعدان:زيدان احسن الاختيار عندما اختار اللعب لفرنسا

[gamalove2002]

السلام عليكم اخوتي
في احد التصريات لقناة tf1
قال الشيخ سعدان ان زيدان احسن الاختيار عندما اختار اللعب لفرنسا
هنا الروبوطاج و فيه كلمة الشيخ و لكم الحكم

http://www.youtube.com/watch?v=TNgQ7_EAHN0&feature=player_embedded

[gamalove2002]

الردود اخوتي

[نور الهدى دريد]

عندوا الحق لانوا لو اختار اللعب في الجزائر ماشي راح يكون اسطورة والعالم كامل يتكلم عليه وماشي راح يكون من الذين نالوا كاس العالم،وسعدان على العين والراس مهما ما يقولوا عليه سعدان هو سعدان حبيب الملايين.

[عضوة جديدة]

تاع فرنسا خايفين يطير من يديهم زيدان

على خاطر رجع لاصله وما لقى الخير غير في بلاده ومن ولاد بلاده

راهم يشيتولو ( كي شافوه يدعم المنتخب تاعنا دارولو طوابع فيها صورته )

ما تنساوش بلي الصحافة الفرنسية ما عجبهاش الحال كي دعم ( معنويا ) منتخبنا و ما اهتمش بالمنتخب الفرنسي خاصة اخر ماتش باش يتاهلو للمونديال

حابين الجزايريين و سعدان يطيحو في زيدان

بصح الحمد لله ما بهدلناش بزيزو

الشي اللي يعجبني في زيدان انه يصرح بلي هو مع المنتخب الفرنسي ( طبعا لانه في يوم من الايام كان القائد تاعو )

بصح كي تجي للصح ديما يفضل الجزائر

هو صح ما لعبش للجزائر بصح انا متاكدة بلي راه ما عندوش انتماء لفرنسا كدولة بل الى المكان اللي عاش فيهو هذا طبيعي

والدليل انه ولده حاب يلعب لاسبانيا لاقل من 15 سنة لانه الاحسن حاليا يعني مش مسالة انتماء

وزيد كاشما كان عندنا فريق

وحتى لو لعب لفرنسا

راه عمرو ما نكر اصلو وما نقدروش نلومو واحد عاش حياته كاملة فيها ( الغلطة تاع والديه لا كان ما عرفوهش مليح على الجزائر )

بصح درك كي كبر وعرف الجزائر والجزائريين رجع لاصله تاع الصح

مرة قال بلي يحمل في قلبه نادي اولمبيك مارسيليا و منتخب الجزائر ( قصده على تاع وقت ماجر وانه يتمنى يرجع هذاك الوقت )

و ما ذكرش المنتخب الفرنسي

[gamalove2002]

مشكورين على المرور و بارك الله فيكم