هل تقبلون هذا الحارس(مايكل فابر) و خليو ولاد البلاد+كل شيء عن مايك موقع تاعو .......الى اخره

[قبيل]

سعدان لي حاب يجيب مايكل فابر وخلي دزيرية كيما عبدوني بن حمو(الذي يعرف مستواه جيدا عندما كان مع الفريق الوطني) واسرير وشاوشي لقال يولي في شك

ويجيب هذا الحارس لي ما عندو حتى علاقة مع الجزائر كيف لا

1 اسمو مايكل

2 نقمتو الحقيقية بلقاسم وبدلها لفابر

3 ما عندوش حتى واحد من اقاربو في الجزائر

4 اي واحد دزيري عايش فالخارج عندو دوبل ناسينالتي وفابر ماعندوش

كيفاش تقولو هذا جزائري


Michaël Fabre
او
جمال بلقسّام
الدي طلب من المدرب سعدان الالتحاق بالفريق الوطني
انا قمت بالبحث في الانترنت ووجدة مايلي :

الطول : 1.81 متر
العمر : 24 سنة
تريخ الازدياد : 15 جويلية 1984
الوزن : 75 كيلوغرام
المركز : حارس مرمى

هدا Interview للعب في احد مباريات الدوري الفرنسي
وهدا فيديو وهو في مبارات الدوري الفرنسي ( يوجد الكثير من الفيديو في صفحة )
موقع الحارس
http://mickaelfabre.ifrance.com/
مصادر الموضوع :
2- تعريف اللعب والاحصائيات المباريات من هدا الموقع اضغط هنـــــــــــا
3- الفيديو من youtube

( نخلي قواوي وليد البلاد ونجيب فرنسي منعرف من خرجلنا )

[rachod]

يا اخي نرحبوا بيه ايه باباه جزائري حرام عليكم تشككوا في جنسيات الناس

[قبيل]

؟؟؟؟؟؟؟؟؟؟؟؟؟؟؟؟؟

[rachod]

؟؟؟؟؟؟؟؟؟؟؟؟؟؟؟؟؟

معجبكش الرد ديالي

[عضوة جديدة]

كيما قالك مرحبا بيه
وشكون قالك بلي لخرين كامل كانت عندهم الجنسية الجزائرية
كي انضمو برك للفريق دارولهم الاوراق تاعهم
اسمه مايكل ولا دافيد
اللي اسمه كريم بن زيمة ولاخر سمير ناصري واللي يشبهولهم مع من يلعبو ( زعمة اساميهم تاع عرب و عندهم لافامي هنا )
وزيد فابر راه خرج يديفيلي كي تكاليفات الجزائر للمونديال ( هو لي قال ) وفرح بزاف وهو فخور بجزائريته وبباباه الجزااااااائري
راهو قالها كريم زياني etre algerien , c'est dans le quoeur
واش انتوما تقدرو تدخلو في قلوب الناس

كيما مراد مغني لعب لفرنسا لاقل من 17 بصح خير الجزاير وقال لقناة فرنسية بلي راه نادم اللي ما لعبش من بكري للجزائر
والشي اللي حسو في الجزائر كان موحال يحسو في فرنسا ( سمعته بوذني )

قلناها الجزائري يبقى جزائري

[قبيل]

معاك يا مايكل فابر دير حالة

[قبيل]

بلا ما ننسى شاوشي
شاوشي مهبول صاحي ولا مزطول

[عضوة جديدة]

ما فهمناكش راك شايخ ولا كيفاه
ربي يهديك برك

[شاربة بيبسي ومضيعة]

مليح كي تبدل رايك حنا عالعموم نرحبوا بأي دزيري ممكن يفيدنا وربي يعاونهم

[نور الهدى دريد]

يا قبيل انا دائما تعجبني ارائك ومواضيعك ودائما ارد عليك لكن في بعض الحلات لا استطيع لاني تجاوزت الحد اللازم للرد لكن موضوعك هذا لم يرق لي بتاتا ،سؤال فقط:ماذنب فابر في اسمه هل هو من وضعه؟ ولمعلومتك فقط ان هذا الاسم وضعته امه لانها كانت على خلاف مع والده ولهذا نسبته لعائلتها واسمه الحقيقي جمال بلقاسم ويعود اصله للشرق الجزائري اما عن قولك انه لعب لفرنسا سابقا فهو مثله مثل مغني يبدة عبدون ولا ننسى القادم حاليا شاقوري.تقبل مروري وشكرا على العموم.

[الاحلام]

السلام عليكم
يا جماعة فابر و بن زيمة كلهم جزائرين ويحب الجزائر ولكن كل واحد ظروف تاعو شكون لي قال بن زيمة ميحبش الدزاير والله غير عيب

[rofaida-fe]

شاوشي قبل اي احد

[سارة]

مرحبا بيه اهلا و يهلا و مراحب باابن الجزائر و انشاء الله يفيد الفريق

[MANOU1]

علاه 35 مليون جزائري ما فيهمش حارس يصلح حتى يجيب واحد تنصل من اصلو ورد روحو مايكل
احنا رجالنا من صلب رجال ماشى من نساء
اللدى تخلى على اسم باباه الجزايرى و اسمه الاسلامى منسحقوهش

[ghezal mohamed]

اذا كان على حساب شاوشي او قاواوي او زماموش لا لا لالالالالالا....................

[djamelbio]

قلناها الجزائري يبقى جزائري

[imene08]

مسلم و لا مسيحي؟؟؟

[Mustapha93]

يا اخي .................................................. .........

[عبقور]

الجزايريين كامل يرحبو بكل جزايري مغترب واش سيسو ماكش من رأيي؟؟؟؟؟!!!!!!!

[محبة الكرة الجزائرية]

محسوب لوكان ماجاتش عندو الجنسية يقدر يلعب معا الجزائر
هدي اولا
ثانيا لوكان ماجاش يحب بلادو مايقولش نجي نلعب معاكم
اتقوا الله

[امال شوال]

شــــــــــــــــــــــــــــــــــــــــاوشــــــ ــــــــــــــــــــــــــــــي

[manel77]

اذا فيه فايدة معليش و اذا كان ديكور لا لا لا
و زيد وين راهم حراس المرمى.... كاين شاوشي بصح لازملو فلاش في العقلية
المهم المحليين انتاوعنا لازم يخدموا اكثر
:1:

[mm amine]

لا احد اكثر وطنية من الاخر الكل اخذ من الاموال ما لا يعد و لكن يحصى ان كان في المستوى و رضي بالمبلغ المقدم من الفاف فلاباس به فالاخرون ليسوا احسن منه

[Yara34]

انا صراحة ضد قدومه الى المنتخب

[الخالدي59]

لماذا الفرنسيون يقبلون بأن يلعب في صفوف فريقهم الوطني زيدان وبن زيمة وناصري رغم أن اسمائهم عربية بالكامل والاب والام جزائريان ومسلمان وزيدان هو القائد في كاس العالم الاخيرة
ونرفض نحن أن يلعب فابر في صفوفنا رغم أنه جزائري وابوه جزائري ومسلم على ما أظن فقط امه فرنسية
اليس هذا هو قمة العنصرية ضف الى ذلك لو قال انا جزائري الاب ومن حقي ان العب في الفريق الوطني فمن يمنعه اذا كان يستحقها وفرض نفسه بامكانياته
الم يلعب لاعب برازيلي الاب والام مع الفريق التونسي ولم يقولوا شيئا ولاعب يدعى سيبستيان مع فريق خليجي ولاعب برازيلي مع اليابان
هذا جزائري ونقول لماذا يلعب لمجرد فقط ان اسمه يدعى مايكل
حتى الذي يدخل الاسلام نقول لماذا

[قبيل]

شكرا لكم ......................

[عضوة جديدة]

يعطيك الصحة خويا الخالدي

انا مافهمتش وجوه الشر علاش كثرو في بلادنا

ياخي مصلحة الجزائر قبل كل شيء

وزيد كون نكسبوه في الفريق يرجع لاصله و يدخل الاسلام ماشي خير

[مهندهرقل]

خو ياخي شاوشي رجع للفريق قواوي خو راه كبير بزاف حنا نحوسوا على فريق شباب اذا يفيد لكيب ديالنا مرحب بيه ماذ بينا عجبوك ا لمحليين رحو وزاوي غاب الماجيك مع صربيا صرات كارثة هذهي نتيجة المحليين ومع احترامي للبعض وشكرا

[nasser17]

روح ترقد انت تعرف خير من سعدان فالبالون روح في بلاصتو

[ben11]

الجزائر تحتاج الى كل ابنائها وفابر احدهم ما هذا يا إخوان خلونا من العاطفة الزائدة والغير المبررة.

الأفضل يلعب ويفرح كل العرب والمسلمين وإلمصريين

[redhasp]

:1::1::1::1::1::1::1::1:

[ahmed_algerie]

وشمن فابر هذا
والله كون ما تأهلناش لكأس العالم، والله مايشوف في سعدان .
بلاك راه بكري كان يسب الجزائر ولا مانعرف كيفاه
وانا الحاجة لي نكرها لي خلي اسم من بلادو وسمي روحو باسم اجنبي فابر مايكل ههه

[ahmed_algerie]

مسلم و لا مسيحي؟؟؟

بلاك يهودي ..:mh31:

[manel77]

يا خويا الي جايين من برا يلعبووو بالقلب اكثر من المحليين

[ناصري 12]

على الأقل الرجوع إلى الأصل فضيلة