تسجيل الدخول

مشاهدة النسخة كاملة : الوزير يحل مشكلة البطالة

رشــــ81ــــا
2010-03-07, 20:13
أعلن-السيد الوزير أنه تم توفير 50 ألف منصب شغل جديد لتوظيف حملة شهادة الليسانس في التعليم دون اجراء المسابقة

بمعنى أن السيد الوزيريعترف ضمنيا أن توظيف 50 ألف أستاذ في 24 ساعة هو أمر سهل و يسيير



يعني خلاص مشكلة البطالة سوف تحل


بدون الرجوع للوراء المهم مشاكل الشباب سوف تحل


أنا من نفسي رايحة نبدى نوجد روحي في منصب أنا لنختاروا و في المكان ليبعجبني


على العموم متضالوش تزعجو رواحكم بمشاكل سياسية

راه ربي فرج على يد وزيرنا العزيز
thorpe
2010-03-07, 21:08
ههههههه شكرا على الخبر المفرح لكن نظن بلي راكي مازالك تمني بالغول
هههههههههههه
ياو هاد الكلام والفنا بيه ونعرفوه هو
فستي + فستي = طعزة كبيرة
والله اختي فيك النية نتاع زمان ربي يحفضك ويسترك من هاد الزمان
ونتمنالك ان شاء الله تلقاي خدمة الي حابتها وتلقايلي معاك بلاصة ههههههه بصح ما شكيتش درك راهم يخدمو عيشة ويخليو عياش
ربي يستر برك
تقبلي مروري
عبد النور مكي
2010-03-07, 21:29
رايح يوظفكم في مكان الاساتذة المضربين اللي راه يقول يطردهم...
يخليك قلبك تدي بلاصت استاذ مطرود لانه طالب بحقه؟

تدخلي و تشوفي التبهديل اللي في سلك التعليم و بمرور الوقت انت ثاني تولي ديري اضراب و طالبي وزيرك العزيز بحقك الشرعي و هكدا يطردك و يجي مستخلف في بلاصتك و هكذا....
بالتوفيق
حمـ 0418 ــزة
2010-03-07, 22:22
الحاج موس، موسى الحاج
كيف كيف
ربي يهديه ويصلحلو رايو
سلام
رشــــ81ــــا
2010-03-07, 22:55
يا جماعة لاحظوا معايا مليح

انا منيش نشوف في الجماعة لرايحيين يخرجوا

ان شاء الله تتهدن الأمور و كل واحد يرجع للمنصب نتاعوا

علابالنا بلي مستحيل رايح يجي مستخلف جديدي في مكان معلم ادى معظم حياتوا وهو يكافح

انا منيش نشوف لهذه الناحية

أنظروا من جانب اخر

بلي الدولة قادرة توفر 50 ألف منصب في 24 ساعة بدون اجراء مسابقة و لهم يحزنون

يعني قادرة تخلق مناصب عمل بدون اي عراقيل ولا بروقراطية.