وش رايكم.....

[7amoud]

وش رايكم عرفوا يلعبوا منتخبنا أمام صربيا أم لا

أنتظر رأيكم:mh92:

[7amoud]

أنا رايي شويا شويا ولا لا

[karima.akram]

لالا كان منتخبنا خارج مجال التغطية

[rofaida-fe]

حسب رايي
الفريق قدم كل امكانياتوا.
لكن دون ان ننسى انو صار في الفريق تغييرات و الاعبين مازالو من دمجوش مع بعضاهم.
و غياب الماجيك بوقرة اثر سلبيا على مردود الفريق.

[فجر النهار]

في الشوط الاول عجبوني بزاف و لعبو مليح و لكن الشوط الثاني فشلو شويا
على العموم كانت مباراة رائعة بالنسبة الى فريق قوي مثل فريق صربيا

[طالبة الغفران]

سلام بالنسبة ليا انولعبو bienفالشوط الاول وكنا نقدرو انسجلوا بصح الشوط الثاني دقول ما كوناش فالملعب و تاخر تغيرات المدرب اثرت بزاف .........كان لازم ادخل جبور مالبدية مع غزال و مطمور راكم شفتوهم كلعبوا مع بعض ضد مصر واش داروا و مكان الماجيك كان اعيط ياليل ..رحو العب مليح و رغم نقص المنافسة لعنتر و زياني الا انهم ادوا ادوار فالقمة ومطمور كان يبان لحظات و يغيب لحظات اخرى ..خروج غزال امشي مفهوم في حين كان ينتظر دخول صديقه جبور باش اعاونه و عالعموم مشكوريين ونتمى يستافدو من الاخطاء

[شهد12]

مالعبوش طول مليح لوكان يلعبو كيما هكا فالمونديال رايحيين يديرولنا تبهديلة
زيد الشيخ سعدان حاب يصنع فريق في نهارين

[عايش في غيبوبة]

خروج غزال امشي مفهوم
بالعكس غزال كان المفروض يخرج من الأول أو مايلعبش أساسا

[لوجين]

حنا معاهم ومننساوش واش داروا من قبل لكن الحقيقة تقال راهم عماوها قريب معرفتهمش حتى سعدان والله تعبنا مفهمنا والوا قولولي يا ناس واش هي الخطة للعب بيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟وجبور والعمري كما عاد مش راح يلعبهم علاه جابهم يصوروا؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[نور الهدى دريد]

ما تحكموش على الفريق لانوا عندوا نقائص حليش لعب مريض وما قدرش يكمل بوقرة تاني مريض وما قدرش يدخل يلعب وهذا ما ادى الى ارتكاب خلل في الدفاع وزيد على هذا خطة 5،3،2 راهي ما تصلحش بينا جربناها مع مالاوي ادتنا للهاوية لكن لا نحكم بالسلب عليه فهذا ليس مستوى فريقنا الحقيق،والي ما عجبنيش البارح وفددني هو عنتر يحي هلكنا بالكرات الطويلة وكي يحكمها يضيعها،والي كانوا في المستوى :زياني،بلحاج،متمور.

[بالقيم نرتقي]

رجالة ويبقاو رجالة
كملو فرحو هادوك لعباد لي راهم يدورو في المنتدى
يا رجالة اخر زمان

[نعيمة المشاغبة]

انا لبارح مفهمت والو
حسب رايي كانو خارج النطاق
خصوصا هذاك قواوي ورحو سليمان

[لوجين]

رجالة ويبقاو رجالة
كملو فرحو هادوك لعباد لي راهم يدورو في المنتدى
يا رجالة اخر زمان

يا قطر الريحان نظن أن الأعضاء و الأنصار ما قالوا والوا غير عبرواعن غضبهم قبل ما تحكمي على الجمهور حطي روح في بلاصتهم كاين لراحوا لستاد على5 صباحا ولي أتوا من الولايات الأخرى مرقدوش يوم كامل ولي شراو التداكر ب20 ضعف تمنها ميتقابوا بأداء الهزيل لتقدم رغم انه له ما يبرره............لما ينتقدوا المنتخب مش معناها أنهم يكرهوه أو داروا عليه بالعكس من شدة حبهم فيه هم ينتقدوه على خاطر كلنا حبين يظهر بوجهوا الحقيقي صح كاين وعباد زادوا فيها وداروا شوية تبهديل لكن لكانوا في ستاد 100000إذا 20ألف هم لعيطوا مش مشكل حنا مش ملا يكة ....أما حكاية سعدان فنظن ان سعدان يعرف العقلية الجزائرية مليح ويعرف أن قلبهم بيض يغضبوا ويرجعوا ميطولوش
لأما ليسماوش ما عندهم علاه يشفاو فينا يشوفوا حالتهم
ولاعبينا رجال ونص ويبقاو دائما والتاريخ و حنا دايما نتفكرو ا أنهم من أعادوا الفرح للجزائر و أخرجوا 35 مليون للإحتفال

[7amoud]

لالا كان منتخبنا خارج مجال التغطية
راك غالط راجع معلوماتك

[7amoud]

انا لبارح مفهمت والو
حسب رايي كانو خارج النطاق
خصوصا هذاك قواوي ورحو سليمان
قواوي مريض و رحو عندو ياسر مالعبش

[7amoud]

ما تحكموش على الفريق لانوا عندوا نقائص حليش لعب مريض وما قدرش يكمل بوقرة تاني مريض وما قدرش يدخل يلعب وهذا ما ادى الى ارتكاب خلل في الدفاع وزيد على هذا خطة 5،3،2 راهي ما تصلحش بينا جربناها مع مالاوي ادتنا للهاوية لكن لا نحكم بالسلب عليه فهذا ليس مستوى فريقنا الحقيق،والي ما عجبنيش البارح وفددني هو عنتر يحي هلكنا بالكرات الطويلة وكي يحكمها يضيعها،والي كانوا في المستوى :زياني،بلحاج،متمور.
عندك الحق %100

[7amoud]

في الشوط الاول عجبوني بزاف و لعبو مليح و لكن الشوط الثاني فشلو شويا
على العموم كانت مباراة رائعة بالنسبة الى فريق قوي مثل فريق صربيا
في الشوط 2 ما بدلوش التشكيلة و الخطة هذاك هو السبب:19:

[7amoud]

مالعبوش طول مليح لوكان يلعبو كيما هكا فالمونديال رايحيين يديرولنا تبهديلة
زيد الشيخ سعدان حاب يصنع فريق في نهارين
لعبوا مليح لكن غياب بعض اللاعبين الممتازين خلاهم غير متناسقين مع بعضهم

[7amoud]

هيا اكتبوا شويا ردود اني نسنى

[karima.akram]

راك غالط راجع معلوماتك

اولا انا انثى مش ذكر
وعلاش راني غالطة ياك كلشي كان واضح وكل الناس شاهدت
وعلى اي معلومات تقصد ا
والله لم افهم قصدك
:confused::confused::confused:

[ribo25]

واولوا ماعدا زياني