عاجل تلاميد الاقسام النهائية يههددون بالاعتصام بداية الاسبوع المقبل

[nesrine2000]

السلام عليكم



ابدى تلاميد الاقسام النهائية تخوفهم من شبح السنة البيضاء و يهددون بالاعتصام بداية الاسبوع القادم



هدد تلاميد الاقسام النهائية بالعاصمة بشن اعتصام امام مقر وزارة التربية الوطنية بداية الاسبوع المقبل الى غاية تسوية وضعيتهم قبل ضياع سنة باكملها و من ثم ضياع مستقبلهم ; داعين الجهات الوصية بالتحرك السريع لحل مشكل الاضراب قبل فوات الاوان

نتمنى ان يكون الاعتصام شاملا لجميع الولايات امام مديرية التربية الوطنية


فكونوا في الموعد و الحاضر يبلغ الغائب





المصدر

القناة الاولى للاداعة الوطنية

[MANOU1]

انشاء الله الطلبة راح يضيعو حرام
لقاوها لعبة منين تطلعلهم يديرو اضراب و مايخموش فى مستقبل التلاميد

[nesrine2000]

كونوا في الموعد و الحاضر يبلغ الغائب

[بوعلام العاصمي]

سلام عليكم منوافقكش الراي الاخ مانو على اساس انو كي تنفحلهم يديرو اضراب لالا خو ماشي هكدا
حنا جامي سقسينا على حوالهم ولا حوسنا نفهمو كيفاش راهم وكي دارو اضراب قلنا علاش
لالا ماشي هكدا

[ALPATROUSE]

انا استاذ ونخرج معاهم انشاء الباري
لنقف في وجه مسرحية العار للوزارة

[بوعلام العاصمي]

سلام عليكم فكره مليحه انه التلاميد يقومو بوقفه احتجاجيه هكدا باش المعنيين يشوفوليهم ويتحركو

[bac2010]

و انا معكم باذن الله
هذا ابسط شيء نقوم به تجاه هذه الوزارة الكاذبة
و.............................
و لظمان مستقبلنا
رانا ضعنا و قريب ننساو لقراية كيفاه مدايرة

[هند تلمسان]

عيب على الاساتذة اللي راهم يعملو فيه واش راهم حابين كتر ملي راه عندهم والله حرام الانسان يضيع سنة كاملة من حياتو فراغ لازم يعملو اجراءات فهذا الامر وكيما قال اويحيى"الاساتذة اللي راهم بره كتر ماللي راهم الداخل"والفاهم يفهم

[بنت المحمدية]

السلاااااام عليكم
شوفو الوزارة راهي دايرة التلاميذ الورقة الرابحة للضغط على الاساتذه وسلبهم حقوقهم
لانه كلما يكون هناك اضراب تطلب من اولياء التلاميذ التدخل وتقول بانها تخاف على مصالحهم
وهذا كله كذب لاااااااااااااازم تخرجو وتوقفو هذي المهزلة وتطلبو باه ينقصولكم الدروووس أو يديرولكم دورتين
كما حدث في وهراان خرج التلاميذ عند مديرية التربية
وطالبو بدورة ثانية واعادة البرنامج السابق والتوقيت السابق لاهم لايجديون الوقت للراحة
وربيييييييييييييييي ينجحكم لااااااازم تساعدو الاستاذ في جلب حقه حتى يعطيكم حقكم من التعلييييييييييييييم وتقفو في وجه بن بوزيد الذي يتلاعب بكم واولاده في الخارج يدرسوووووووون

[أم جمانة]

السلام عليكم
والله حرام ما يحدث ، الطلبة هم الخاسر الوحيد الوزارة لها أهدافها و اللأساتذة لهم أهدافهم
ما تتغروش بكلام أي طرف
يوم الأحد ستكون الدراسة و حل مشكل التأخر سوف يتدارك ما تزيدوش تضيعوا وقت
أنصح طلبة النهائي بالدروس الخصوصية
و الله يستر

[أم جمانة]

جمعيات أولياء التلاميذ ضغطت على الوزارة و طالبت بتوقيف الأساتذة المستمرين في الإضراب و تعويضهم بحاملي شهاذات جامعية
لآ تكونوا عنيدين و تفسدوا عقول الآخرين
فالله يمهل و لا يهمل و هو على ما نقول رقيب

[nesrine2000]

كونوا في الموعد و الحاضر يبلغ الغائب