بخصوص الاضراب ..... ارجو دخول طلبة الثانوي

[swat 911]

السلام عليكم

واش يا جماعة راكم ساكتين على الحق و لا ...؟؟

راهم كثروا علينا

راني سمعت بلي كاينة سمانة اخرى من الاضرابات نظرا لعدم النظر لمطالب النقابات

انا راني مقبل على الباك و راهم يتمسخرو بينا

لا قراية لا والو

و زيد بزايد الوزير تاع التربية و التعليم ما علابالو بوالو

اعطيه غير السوارد و المشاريع الخاصة و خليه

فما هو ردكم يا طلبة الثانوي

[هبة الله اريج]

الله لا تربحو
ان شاء الله
رانا ضعنا
حرام عليهم

[شيماء13]

سمعت بلي الاختبارات غدوا ان شاء الله

[حبيبة القدس]

اين المصدر

[sarah_funky]

السلام عليكم
اختي ماتعولي على حتى واحد وماتدعيش حتى على واحد انتي اعتمدي على نفسك اقري دروس خصوصية واقري في داركم احفظي حلي تمارين وفوضي امرك لله .......عسى ان تكروهوا شيئا وهو خير لكم .......ربي يوفقك .

[مشاعر سرمدية]

رب يستر...

زعمة عندنا دولة...

الدولة تبان غير في البالو...

وين راه اليوم بوتفليقة؟؟؟؟؟؟؟؟؟؟؟؟؟؟؟؟؟؟؟؟؟

[anismilano]

la fot mach ta3 chyoukha la fot ta3 ben bouzid lahmar nahawlhoum el hou9ou9 lechyoukha oukalou la greve ilimite

[رملاك]

السلام عليكم
فعلا مرقوها بزاف و مستقبلنا راهو رايح يضيع
الدراهم لي يخثروهم في البالون و لي جوار يقدرو يخرجوهم و كي عاد في مصلحة الطلاب لالا كيفاه
ميقدروش
صراحة لا دولة لا وزير و لا هم يحزنون
ان شاء الله ايجاد الحل في أقرب وقت لأننا سئمنا الاضراب

[fashionshow]

رايحة لاسبوع اخـــر

[صبري2010]

الاساتذة عندهم حق ماهمش غالطين هوم يحوسو على دراهمهم وحقوقهم
الوزير هو اللي غالط الله لاتربحو

[~@*صدام الحسين*@~]

الله يمهل ولا يهمل ربي يتولى بيهم ان شاء الله

[وفاء الوفاء]

سلام عليكم
غدا ايضا مافيهاش قرايا يعني رحنا فيها

[mehdi.com]

رانى نشوف فيها انى بلونش يا جماعة الخير.

[mehdi.com]

رانى نشوف فيها انى بلونش.

[zaki eleulma B]

واش يا الخاوا ولا البالو هو المشكل صار كي يربحو نفرحو معاهم ويكي يحدثلنا مشكل نوليو نلوموهم

لا لا مانولوش نخلطو الكلب _حاشاكم - الوزير الاول هو لي لازم يوقع على الطلبات تاع الأساتذة و راهو قاعد يتمسخر بيهم

وهذا حقهم هذي هي دزاير تاعنا

و نزيد نقلكم الدولة نتاعنا ماشي مدايرتلنا اعتبار

حبيت نفهم برك الإيرادات نتاع البترول وين راهي تروح وخلينا من الغاز و الحوايج لخرين

راهم كامل يستمتعو بيهم الوزراء وولادهم

علابالكم في ليبيا الطفل كي يزيد يديرولو راتب من دراهم تاع البترول كي يكبر يلقا الكونت تاعو مليان

مي حنا في بلادنا راهم داوهم الي حاكمين الكرسي


المهم ربي يهديهم ويهدينا معاهم

ويوفقنا ان شاء الله :19::rolleyes:

[zaki eleulma B]

واش يا الخاوا ولا البالو هو المشكل صار كي يربحو نفرحو معاهم ويكي يحدثلنا مشكل نوليو نلوموهم

لا لا مانولوش نخلطو الكلب _حاشاكم - الوزير الاول هو لي لازم يوقع على الطلبات تاع الأساتذة و راهو قاعد يتمسخر بيهم

وهذا حقهم هذي هي دزاير تاعنا

و نزيد نقلكم الدولة نتاعنا ماشي مدايرتلنا اعتبار

حبيت نفهم برك الإيرادات نتاع البترول وين راهي تروح وخلينا من الغاز و الحوايج لخرين

راهم كامل يستمتعو بيهم الوزراء وولادهم

علابالكم في ليبيا الطفل كي يزيد يديرولو راتب من دراهم تاع البترول كي يكبر يلقا الكونت تاعو مليان

مي حنا في بلادنا راهم داوهم الي حاكمين الكرسي


المهم ربي يهديهم ويهدينا معاهم

ويوفقنا ان شاء الله :19::rolleyes:

[swat 911]

هههههههههههه حنا الخاسرين فيها مطولين و لا مقصرين

[swat 911]

مشكوووورين على العموم

[الجزائري_dz]

السلام عليكم



واش نقلكم خواتي راهي تطفر غير فالتلميد


و انا نقو ربي يفرج علينا
ولهلا توفق لي راه عامل هاد المشاكل





بصح تحيا الجزائر مام رانا قريب نضيعو المستقبل نتاعنا

[مريم الطالبة]

ياجماعة حنا كي نهدروا و لا نسكتوا كيفكيف.......هدي هي بلادنا حنا ماعلينا غير نسمعوا و نطبقوا..
انا اليوم قاتلي وحدة فاميلتي هي استاذة ...قاتلي ادا استمر الاضراب للاسبوع الثاني رايحة تولي سنة بيضاء.
و الاستاذ تاعنا اليوم قالنا ماكاش كيفاش يديروا سنة بيضاء قالنا غير ماتخافوش غير الباك لي تجوزوه.....والله اعلم

[زهرة2010]

والله أمركم غريب واش دخل البالو في هذا الموضوع وحسبالكم غير يقول الاستاذ زيدوني يزيدولو الدعوة ماهيش ساهلة


الغلطة من عند الاساتذة ومن عند الوزير وهوما المسؤولين واحد ماهو مضرر من غيرنا حنا

[safioo]

هما ما يقدوش يديروا اني بلونش
رانا قاريين 2 فصول سمى يديرونا منهم والله اعلم
واليوم قريت في الخبر بلي راهم يطالبوا براتراباج
ربي يستر برك من هذ البلاد

[صُبح الأندلس]

لا سنة بيضاء و لا هم يحزنون و ستجتازون البكالوريا و ستنجحون جميعا فمع بن بوزيد لا شيء مستحيل
سؤال فقط : أين كانت هذه الحماسة للدراسة أيام كرة القدم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بالله عليكم كم ضيعتم من حصص يومها و أين كان تركيزكم ساعتها ؟؟؟؟

[أميرة نشادي]

نحن طلبة ثانوية المنطقة الحضرية الجديدة 1014 لاقرايا لا والو أستاذ كاين و عشرة بحححححححححححححح الإختبارات راحوا و رانا خايفين من عام أبيض ماناش حابين نعاودوا العاممممممممممممممممم :mad::mad::mad::mad::mad::mad:

[kader7989]

راهي رايحة لاسبوع اخر ......... لازمنا نستغلو الفرصة في المراجعة و التحضير للاختبارات
.... و الله يوفقنا انشاء الله ...................

[yakumo]

ربي يستر انشاء الله نوليو هدا ماكان....موفقين بربي انشاء الله

[اسلامية جزائرية]

المهم ربي يهديهم ويهدينا معاهم

ويوفقنا ان شاء الله

[mostafa27250]

http://www.yabdoo.com/users/11991/gallery/1100_p41404.gif

[gali]

بن بوزيد ثعلوب وأويحيا الذئب الكبير ومدبر المكيدة المتخفي

سيدعون الأساتذة ليكملوا الاضراب لأسبوع آخر يا أبنائي.........
ثم ستوفى لهم مطالبهم طبعا سيخرجون سيناريو وقد يستغل بوتفليقة الوضع للظهور بمظهر البطل الذي يحل المشكلة بتدخل منه

وبالمقابل ستلغى عطلة الربيع نهائيا يعني 15 يوم اضراب ستعوض ب 15 يوم تاع العطلة
زيد حاجة يمكن كذلك الغاء عطلة يوم السبت وجعلها يوم عمل لطلبت الأقسام النهائية

راهم ثعالب في المكر والمغالطة لا تأمنوهم

[titou-tamer]

دوووووووووووووووووووووووووووووورك نقولك حاجة علابالك بلي الأساتذة بطالبوا بحقهم و الحكومة تاعنا مش حكومة و الله لا تربحهم يعني ما قادرينش يزيدوهم و يحقولهم المكالب تاعهم و يهنيونا

[riro1992]

بوتفليقة راه لاهي مع زيدان ........تحسب راه معيشوا

[✗ ┋ وَړْﮃَةُ آلـﭴَزآئـړْ ┋ ✗]

ما تلوموش الأساتذة هذا حقهم لازم نلومو وزير التربية الله لا تربحو
نظام الإصلاح فاشل مئة بالمئة وظام أربع ساعات يوميا كارثة على التلميذ

أنا ماني معولة على حتى واحد
راني سنة الثانية ثانوي نقرا الدروس الخصوصية ونقرا في الدار

[ليلات]

انا تاني ثالثة ثانوي احضر للباك انشاء الله راح نقلكم حسب تفكيري على الاضراب الاساتذة محقهمش يديرو الاضراب صح بصح نقللكم بل الدراسة تكون من التلميذ لان الاستاذ يمدلك 20بالمئةفقط نصحكم ادرسو في البيت

[brahime]

الحكومة و الوزارة هي التي تتحمل مسؤولية التلاميذ

نحن التلاميذ بالشلف نحن صابرون لكن لو خرجت سنة بيضاء

مديرية التربية سنحرقها
والسلام عليكم

[الفيلسوفة]

الماتش يخسرو الدولارات على جالو ومش خسارة فيه

و الأساتذة يعذبو فيهم هاك

و الخاسر الوحيد هو التلميذ

وسيرتو جماعة الباك كأمثالي

ربي يهدي الجميع

و يكون فعون التلميذ

[kada20097]

الاختبارات في الاسبوع الاول من عطلة الربيع اي 18 مارس

[لحباطي]

تلميذ اليوم هو أستاذ الغد , فهل ترضى أيها التلميذ أن تعيش فقيرا محروما من كل شيئ إذا صرت أستاذا؟

[لحباطي]

الإضراب متواصل إلى أجل غير مسمى قد يمتد شهرا آخر حسب معلوماتي.

[لحباطي]

يا أساتذة ابقوا صامدين و الرزق ربي هو اللي يتحكم فيه لا فلان و لا علان.

[لحباطي]

نحن مع الإضراب و نحن مع الأساتذة دايما و لا نقبل المستخلفين أبدا إنهم وسيلة ترقيع ظرفية لا غير.

[لحباطي]

لا دراسة يوم الأحد القادم و احذروا ما يبث في بوق السلطة - التلفزة الجزائرية -

[لحباطي]

الاضراب متواصل يا تلاميذ افرحوا و زيدوا هاذ العام عامكم مبروك عليكم .

[لحباطي]

الاضراب راهو في كل القطاعات حتى في مصالح الأجور.

[لحباطي]

الاضراب راهو متواصل مبروك علينا هذا التماسك في الأطوار الثلاثة.

[ريم الفيفاء]

نقولكم حاجا اجماعا?راو كاين ماتش ليامات هادي بين بن بوزيد و لاساتدة و حنى هوما لبالو تاهوم يديو فينا و يجيبوا ياو ما طفرت غير فينا وانا كونت واقفا معا الساتدة بصح دورك واليت نشوف فيهم كامل غالطين وش دنبنا حنا كيما ما مادولكمش حقوقكم