تسجيل الدخول

مشاهدة النسخة كاملة : ادعو معايا ...يا ربي ما ننجحش

قمر الايمان
2010-01-09, 21:22
السلام عليكم
كامل الي يترشحو الي مسابقات التوظيف تلقاهم يتمناو النجاح ................صح
وانا والي كيفي الي هوما متخرجين علوم اقتصادية وما شابهها مساكين قليل ما نلقاو فرصة عمل
وحتى مسابقات التوظيف ما تحبناش في اغلب الاحيان اختصاصنا مرفوض ......مرفوض ما علاباليش علاه قراونا .

وكيسمعت ب مسابقة المقتصدين سارعت وكنت من الاوائل الي حطو الملف انتاعهم وفرحت وقلت واخيراااا
وليت انحضر في الدروس ونتمنى النجاح ...بصح اليوم بدلت رايي ويا ربي مانجحش انقلكم علاش
قريت في هاذ المنتدى بلي الي ينجح يبعثوه فترة تكوينية مدة 9 اشهر ...............يا الله على هاذ الخبر

وانا اذا بعثوني وين راح انخلي ابني كيفاش اندير مع داري ... ومع زوجي لمن راح انخلي هادو كامل .....قولولي
والي دار هاد القانون ما خممش في هاذ الحالة ................
علاه ما داروش كل واحد ينجح يتكون في ولايتو ...........

بصح انا لقيت الحل .....يا ربي ما ننجحش ... وادعو معايا
البطالة والفنا عليها و والفت علينا .
djalal kais
2010-01-09, 21:29
أن شاء الله متنجحيش
لينة محظورة
2010-01-09, 21:29
يختي الي دار القانون فصلو على نخبتو ماشي على نخبتنا
YouDZ16
2010-01-09, 21:30
ياربي ماتنجحش قمر الإيمان


حبيت نبلعطك برك لأنك خاسرة بالتأكيد إن وضعت ملفا كمواطن عادي .... ارقدي مهنينة في بلادنا الخسارة مضمونة
الزبرجد
2010-01-09, 21:40
السلام عليكم

مادامك تخممي في الذراري و باباهم .....إن شاء الله ما تنجحي في حتى مسابقة تاع عمل خارج المنزل
سلاف26
2010-01-09, 21:43
لي فيها الخير يجيبهالك ربي إن شاء الله
** دنيا الأمل **
2010-01-09, 21:46
خيرها في غيرها
ان شاء الله تنجحي في
حاجة مناسبة ليك.
الأمل القااااادم
2010-01-09, 21:55
صلي صلاة الاستخارة
و توكلي على الله
ما خاب من استخار
قمر الايمان
2010-01-09, 21:59
ياربي ماتنجحش قمر الإيمان




حبيت نبلعطك برك لأنك خاسرة بالتأكيد إن وضعت ملفا كمواطن عادي .... ارقدي مهنينة في بلادنا الخسارة مضمونة

والله راني مهنية من قبل على بالي بروحي خاسرة ومتاكدة .... بصح خفت بالاك يغلطوا انجحوني قلت ندعي باش انزيد نتهنى مليح مليح .
لينة محظورة
2010-01-09, 22:11
ههههههي غير هذي الي مكانش منها اصلا قائمة الناجحين موضوعة قبل متجوزو الاختبار