تحطمت

[مشكلتي]

آلُـۜسـۨۚــِۖلُأمٌ ؏ـليۜـ(💜)ـكـۜم وݛحـٍّْـٍّْمهہ الًـًٍۖـٍـٍـًٍلۖهًٍۖۂ وبـۗـۗـۗـۗـۗـۗركۧۧــۧۧۧۧۧـۗـۗـۗـۗاتهۂ
اتقدم بتحية طيبة لكل اعضاء منتدى الجلفة الاعزاء الذين لطالما آنستمونا في مشاكلنا و كنتم خير السند
مشكلتي اليوم كبيرة و اكتبها بحزن كبير
ساختصر قدر المستطاع انا تزوجت في سن صغير جدا هروبا من جو عائلي قذر ابي كان سكير و زير نساء و امي ضعيفة يتيمة ليس لها مكان تأخذنا اليه اذا اتخذوها عائلة ابي كخادمة لهم..... تزوجت و امي من اعطتني ذهبها هو جهز لي ما كتبه الله حمدت الله على كل حال و تزوجت بعد الزواج اصبح يطلب مني المال ياتي للمنزلي و يلعب على العاطفة يبكي فاتدين له من زوجي مرات يرجع فيها المال و مرات لا وانا دائما يغيضني و نقول بابا معليش بعت ذهبي كله و كي كملت ذهبي وليت لخاتم زواجي ولم اخبر زوجي و الان علم زوجي و هددني بطلاق قالي سامحتك لكن هو لا و عندما اخبرتو والدي قالي ارواحي ارجعي للدار زوجي يحبني وما عندي معاه حتى مشكل مهنيين كيفاش نكلق قتلو قالك رجعلي دراهم الخاتم قالي نرجعلو دراهمو و اطلقي و زوجي قالي موحال نطلقك و ابي ضرك قتلي نتبرا منك و زوجك مانزيدش نشوفو ماهو الحل راني مقهورة ابي نحبو في غيابو نقول نكرهو و نتفكر واش دار فينا و اش مزال داير في ماما بصح غير نشوفو و يتمسكن يغيضني و نلوم نفسي نقول انا لي ماشي مليحة واش ندير......

[ع.عيسى]

كان عليك ان تتصرفي بحكمة في الموضوع ...تعاوني باباك في المعقول .وليس لدرحة انك تبيعي خاتم زواجك ...وانت لست مسؤولة ولا زوجك انكم تصرفوا على ابوك ..زوجك من حقوا انه يغضب ...اما ان يطلب ابوك انك تتطلقي بمجرد مطالبته بارجاع الاموال فهذا هو الجنون بعينه ...واصلا لا يحق له شرعا ان يطلب منك انك تتطلقي من زوجك لهذا السبب ...والازم تعرفي انه في الشرع الاسلامي طاعة الزوج اولى من طاعة الوالد... لذلك نصيحتي اليك سيرة باباك وما يقوله لك ونصائحه الهدامة خليها بينك وبين نفسك ولا تخبري بها زوجك .....واعلمي ان زوجك هو ولي امرك وليس ابوك وطاعته هي الاولى وليس طاعة ابوك .....ثانيا توقفي نهائيا عن منحه الاموال التي في الاصل لاتمليكها ماكش ملزمة لا شرعا ولا قانونا انك تصرفي عليه ..وطاعة ابوك تكون في المعروف فقط ..لا انك تصرفي عليه ولاهو يدخل في حياتك الزوجية ويخربلك دارك ..

[المانجيكيو]

و عليكم السلام و رحمة الله

من إحدى مظاهر حبنا و طاعتنا لأبوينا هو توجيههم و نصحهم إذا كانا على خطأ ، إذا كان بمقدورك أنت و زوجك أن تجدا لهذا الأب حلا لمشكلته أما إذا كان يستغل المال في غير وجه حق ، فينبغي عدم تشجيعه و تدعيمه بالمال لأجل أمر باطل فيه إفساد لأواصر الأسرة ، طاعة الأب في فسقه و إفساده و بخسه لحق زوجته و أبنائه و عائلته هو بمثابة التشجيع على الفساد و معصية الله تعالى ، ربي يهديه إن شاء الله .

[أم ميرال و آرال]

سلام
بلاك تهدمي بيتك و تطلقي من الراجل لي مهنيك و دايرلك قيمة
باباك المفروض هو لي ينصحك تطيعي زوجك و تحافظي على بيتك
لو كان ترجعي لدار باباك رايحة تشبعي لمرار يولي يحاسبك على اللقمة لي تاكليها ، الاب لي يخلي بنتو تبيع ذهبها لانو محتاج كيفاش رايح يقدر يعيشك،رايحة تكوني عبء عليه و الا اداهم باش يصرفهم على دعاوي الشر ما نقدروش نسموه اب أصلا
ابقاي في دارك و زوجك ان شاء الله يتفهم بلي ضعفتي قدام باباك و يسامحك و باباك ربي يهديه

[نورسين.داية]

السلام عليكم

عزيزتي تقارنين بين طرفين لاتجوز بينهما المقارنة أصلا .....
و زوجك الرائع... ليس له أدنى علاقة بالموضوع ................

ملكية الدهب تعود على من ؟؟؟

[Rofrof]

قصة غريبة
عموما..
ياعزيزتي باباك هادا يبان مراهق
ماتبعيهش
اكيد ماراكيش تخممي تطلقي! راكي تحوسي على حل ...

باباك ممكن يدير هكا بش يضغط ع راجلك بش راجلك يخليك تعاونيه ماديا، هو مش مستعد يتحمل اعباءك ولا اعباء اولادك ايدا عندك هو مسؤولية نفسو ماشي متحملها. وباين اناني لاقصى درجة..
فلا انت ولا راجلك لازم تتنازلو* لانو يحاول يضغط ع راجلك بيك، فلا تكوني ورقة ضد من يحسن اليك! وماترضايش تكوني "جايحة".

خليه يتبرا اليوم وغدوى انت قدام ربي ماكيش ظالمة.*
انت حاولي تسمطي ع باباك كل مرة عيطيلو وسقسي عليه وكي يدوموندي منك دراهم قولو ماعنديش الله غالب. وخلاص. ماتواجهيه ماتقاطعيه طنشي وتجاهلي هاداك الامر.* وخليه الله لا شاف راجلك اومبعد كي ما يشوفوش ! ماتقوليلوش اهدر معاه ولا والو.. ماتحمليش نفسك فوق طاقتك
وحاولي تشرحي الامر بهدوء لراجلك **كي تهدا الاوضاع** وتكلمي بصوت البنت الحنون التي آثرت والدها على نفسها (على نفسها مش ع زوجها) بش ماتخلي ولا استياء في قلبو منك

الله المستعان

[نافعة(=]

مهبولة تطلقي من الراجل لي قايم بيك بش ترجعي من دارة وجديد عن باباك السكير وزير النساء لي حاط أمك خديمة عند أهله ومنبعد تحوسي تتزوجي وتهربي من جديد؟؟؟؟؟
احمدي ربي أنو ربي طيحك في زوج مليح
وعندك لتطلقي

وباباك حطيلو حد، انتي امرأة ومكيش مطالبة أمام الله تعالى أنك تصرفي على باباك
خاصة وانتي علابالك وش يدير بيهم
مكيش مطالبة بالنفقة على باباك
وكي تحبي تعاونيه تعاونيه فالمعقول مشي تروحي تبيعي ذهبك وانتي علابالك باباك وش من نوع راه

ودراهم راجلك دراهمو هو كما يحب يتعامل متسيفيش عليه يعاون باباك

ومتحطيش راجلك بين نارين
باباك باين غالط

عيشي حياتك مع راجلك خير من تطلقي وتحصلي