Mariana369
2022-08-27, 17:23
حاجيتكم وماجيتكم ... وبالمسك رشيتكم ... وبعد الصلاة على النبي العدنان ... و بسم الرحمان ... يزهي ايامكم بالورد والريحان 🌷🌸💐🌹
يحكيو ناس بكري على راجل 👨عايش رحالة من بر لبر يجيب في خبزتو من بلاد لبلاد كيما يقولو مد الساق وربي الرزاق 😇 ، حتى لواحد النهار وهو في طريقو ماشي وصل لبلاصة خالية من السكان ووسطها بير ويسمع في حس وعياط يطلب في المعونة و ياسعدك يا فاعل الخير ان غاب على العبد ما غاب على مولاه☺ ...
وتقدم للبير والحس مخلط بين حيوان وانسان😲 ،وعمل بالنية حتى تتقضالو صوالح مخفية، لاح الحبل وفي الاول جبد " فار"🐭 غير جبدو وينط من الحبل وشكرو وعطاه زغيبة من شعرو وقالوا هاك " نهار تحتاجني ماعليك غير تحرقها ونجيك كي زفة ريح نلبي حاجتك واياك واياك تجبد بن ادم الي معانا " 😑...
صاحبنا حط شعرة في جيبو ولاح الحبل للمرة ثانية وجبد " الثور " 🐮وثاني شكرو وعطاه شعيرة من جلدو وقال له " نهار تحتاجني احرقها ونجيك كي البرق واطلب واتمنى واياك واياك من بن ادم تجبدو من البير " 😒 ...
ولاح الحبل خرج السبع 🐅من البير وعطاه شعرة منو وقال له كيف الي قبله 😳وفي الرابعة جاب الحبل معاه لفعى 🐍ربي يكفينا شرها وغير سلت من الخيط بدلت جلدها وخلاتهولو وقالتلو " وقت تحتاج وتصعب عليك احرق جلدي نجيك كي نسمة لهوا ونكون لك لكل مرض دواء واياك وابن اادم تجبدو " 😫 ...
والتالية بقى ابن ادم في البير يصيح ويعاود انقضني يا فلان 😨،وحار السيد ياي انا يحذرو فيا الكل منو علاه ؟ وهو عبد كي انا كي هو وولد عمي تجيني البهايم خير منو 😫؟ وثاني الي ينوي خيري ينويه لربي☺ والطمعة فيه لا في العبد انا نخرجوا ونخليها على مولايا.. وخرج ابن ادم وغير حط كرعيه على الارض عنق السيد وشكرو وعطاه اسم قبيلتو ولادريسة😁 وقالو نهار تحتاج اي حاجة ولا جيت عاقب علينا اهلا وسهلا بيك الدار ليك والعتبة لينا ونرجع لك الخير اثنين 😃...
وروحي يا الايام وارواحي يا اختها وصاحبنا كان في الترحال ومن حال لحال وما يدوم على حالو غير ربي سبحانو 😇 وجا نهار خلاص ضاقت بيه هو وعيالو وكان عام شر ونساء تعرفوهم ما ينساوش و يتفكرولك الحية ولو بعد سنين وكلمة منا ومن هيه قالتلو " ياتاج الراس👑 ومكسبي بين الناس❤ ها رانا اليوم في ضيق وانت عندك خير درتو ويستنى في كلمة منك باه يترد ليك وجرب والدنيا تجريب يا تصيب يا تخيب " 🙎...
وجبد اخينا الشعرة نتاع الفار وحرقها وفي نسمة ريح حضر الفار قال له اطلب واتمنى وحكالو اخينا على قلة الشيء والي للعبد ترشي 😰 قالو الفار استنى وقت ونولي ليك وفي نص ليل ويسمع في الدار تحراك والحس قوي ، ناض وخرج هو ومرتو ويلقاو لويز ذهب ودينارات ذهب
💰 وسط الدار ...
سقساه منين جابهم قاله حفرت من جيهة خزنة تاجر ظالم ورديت حق من حقوق الناس💸💸 وانا هنا تقضى مهمتي وتبقى على خير😍 ،ومنها بقاه على خير واخينا خمم فيها مع زينة العقل والفال قالتلو " نشرو ارض ونحرثوها والغلة نبيعوها وما نمدو اليد ويبقى الخير لوليداتنا تسترهم وارض تعيشهم " 💁👌👌...
سي محمد خذا راي مرتو وشرا الارض والدار 👏👏ووقت الحرث مالقاش باه، اليد ماتعمر ولا محراث يهنيه 😰😢،مالا حرق شعرة الثور وجاه في الحين " خير وش تطلب يحضر " قالوا تحرثلي الارض وحكالو الي فيها حرثهالو الثور في غمضة عين😊 ...
ويوم على خوه ونهار يتبع ليل ، وشتاء على صيف وبينهم ربيع وخريف😁، واخينا ولى عندو المال وكبر الجنان والغلة وخافت زينة العقل والفال على رويجلها وقطاعها قالتلو ضكا ولينا اصحاب جاه ومال ومكان للاطماع ومحتاجين الي يحرسنا من السراقة والقُطاع ، وحرق شعرة السبع و حضر فالحين بهيبتو وطلب منو الراجل يحرسهم والسبع قالوا حاضر و يحضرلكم الخير يا مرحومين الوالدين ...
وفي يوم من الايام وبعد عام واثنين ،اخينا ماشي تاجر بالغلة من بلاد لبلاد ولحق عليه الليل وقال وين نبات وتفكر الي قبيلة سي فلان قريبة منو 😏 مالا قال نروح نبات عندو ليلة والي تعرفو خير من الي ماتعرفوش 😌،والعبد ذاك ما خاب الظن فيه لالا خرج كريم وضيفوا وذبح لو خيار الشياه 🐏🐑وقعدو في السهرة كلام يجيب على كلام واخينا حكالو على سر مالو وبركة عيالو وعلى الفار ومنين جاب له المال...
وصبح الصباح ربي يا الفتاح يولي لاهلو ويبقي ابن ادم على خير ☺☺ وهاهو ابن ادم هذا سامع بتاجر عندو مدة حس دراهمو تنقص من خزنتو وما عرف السر منين😅 ،وتاجر دار البراح الي يدلوا على السارق والخوان يعطيه مكافأة الفين دينار💰، والاخبار الزينة تزحف والشينة تجنح وتطير 😔،والطمع غواه وعماه وراح بلغ على صاحبو وانسى الخير الي دارو معاه🙂 ...
وغدوة من ذاك جاو هزو سي محمد وتحكم عليه بلا تحقيق ومشورة وخاصة كي عرفوا بلي دار المال بين ليلة ونهار 😲 ولاحوه في الحبس 😱ومنها غاضو الحال يخلي ولادو للمهانة وتفكر جلد الافعى التالي و وصى عليه جاه حرقو وحضرت عندو وحكالها لي صار 😢 قالتلو شح فيك😒 انت ماسمعت النصيحة منا والبكي من وراء الميت مايردوا 😒...
و وراتو كيفاه تخرجو منها ، وراحت لحالها تسحبت لغرفة التاجر وثنات روحها على رقبتو وماحبت تطلقوا مالا شاع الخبر طالبين من يفهم لغة الثعابين ولا يطيق عليها، ونطق صاحبنا انا نعرف ونهني ،دخلوه للتاجر وشرط يعاونوا ويطلق سراحو و حكى معها ومن ثمة قال راها ماتنصل من رقبتك الا حتى تجيبولها راس بن ادم غدار والمارة نتاعو دا من خزنتك الفين دينار مكافأة 🙂 ويتهز العسكر💂 جابوه ومنها نطت في راسسو ونفثت سمها فيه ...
الفار والحية من بكري يضر وتلدغ يعني خارجين فيها وبزاف عباد دايرين بينا هاك... الفار يفسّد والحية تتلون بصح عارفين سمهم... والسبع عبد قوي وحر ويغلب ولا غالب الا الله... والثور انسان طيب ويغضب ويخرب دنيا وقلبه طيب... هذو الأربع من الصفات ما تخاف من غدرهم، الاثنين الاولين ظاهرين عليك تحرص منهم👌 والثانيين ظاهرين دخلاني وهكاك لا خوف منهم👍 ... لكن ساعات تامن الي شبهك وتقول طبعو على طبعي وقلبو على قلبي وهو الي تجي منو الضربة الكبيرة 💔وما كبير الا ربي سبحانه ...
والحكاية جات من خرافات زمان ... ومشات من غابة لغابة وفيها معاني وميات صابة ... حكاوها جدودنا على نغمات القصابة...
ليلتكم سعيدة واحلامكم اسعد وتصبحون على واقع اجمل باذن الرحمن الرحيم ...
☘️❤️☘️
يحكيو ناس بكري على راجل 👨عايش رحالة من بر لبر يجيب في خبزتو من بلاد لبلاد كيما يقولو مد الساق وربي الرزاق 😇 ، حتى لواحد النهار وهو في طريقو ماشي وصل لبلاصة خالية من السكان ووسطها بير ويسمع في حس وعياط يطلب في المعونة و ياسعدك يا فاعل الخير ان غاب على العبد ما غاب على مولاه☺ ...
وتقدم للبير والحس مخلط بين حيوان وانسان😲 ،وعمل بالنية حتى تتقضالو صوالح مخفية، لاح الحبل وفي الاول جبد " فار"🐭 غير جبدو وينط من الحبل وشكرو وعطاه زغيبة من شعرو وقالوا هاك " نهار تحتاجني ماعليك غير تحرقها ونجيك كي زفة ريح نلبي حاجتك واياك واياك تجبد بن ادم الي معانا " 😑...
صاحبنا حط شعرة في جيبو ولاح الحبل للمرة ثانية وجبد " الثور " 🐮وثاني شكرو وعطاه شعيرة من جلدو وقال له " نهار تحتاجني احرقها ونجيك كي البرق واطلب واتمنى واياك واياك من بن ادم تجبدو من البير " 😒 ...
ولاح الحبل خرج السبع 🐅من البير وعطاه شعرة منو وقال له كيف الي قبله 😳وفي الرابعة جاب الحبل معاه لفعى 🐍ربي يكفينا شرها وغير سلت من الخيط بدلت جلدها وخلاتهولو وقالتلو " وقت تحتاج وتصعب عليك احرق جلدي نجيك كي نسمة لهوا ونكون لك لكل مرض دواء واياك وابن اادم تجبدو " 😫 ...
والتالية بقى ابن ادم في البير يصيح ويعاود انقضني يا فلان 😨،وحار السيد ياي انا يحذرو فيا الكل منو علاه ؟ وهو عبد كي انا كي هو وولد عمي تجيني البهايم خير منو 😫؟ وثاني الي ينوي خيري ينويه لربي☺ والطمعة فيه لا في العبد انا نخرجوا ونخليها على مولايا.. وخرج ابن ادم وغير حط كرعيه على الارض عنق السيد وشكرو وعطاه اسم قبيلتو ولادريسة😁 وقالو نهار تحتاج اي حاجة ولا جيت عاقب علينا اهلا وسهلا بيك الدار ليك والعتبة لينا ونرجع لك الخير اثنين 😃...
وروحي يا الايام وارواحي يا اختها وصاحبنا كان في الترحال ومن حال لحال وما يدوم على حالو غير ربي سبحانو 😇 وجا نهار خلاص ضاقت بيه هو وعيالو وكان عام شر ونساء تعرفوهم ما ينساوش و يتفكرولك الحية ولو بعد سنين وكلمة منا ومن هيه قالتلو " ياتاج الراس👑 ومكسبي بين الناس❤ ها رانا اليوم في ضيق وانت عندك خير درتو ويستنى في كلمة منك باه يترد ليك وجرب والدنيا تجريب يا تصيب يا تخيب " 🙎...
وجبد اخينا الشعرة نتاع الفار وحرقها وفي نسمة ريح حضر الفار قال له اطلب واتمنى وحكالو اخينا على قلة الشيء والي للعبد ترشي 😰 قالو الفار استنى وقت ونولي ليك وفي نص ليل ويسمع في الدار تحراك والحس قوي ، ناض وخرج هو ومرتو ويلقاو لويز ذهب ودينارات ذهب
💰 وسط الدار ...
سقساه منين جابهم قاله حفرت من جيهة خزنة تاجر ظالم ورديت حق من حقوق الناس💸💸 وانا هنا تقضى مهمتي وتبقى على خير😍 ،ومنها بقاه على خير واخينا خمم فيها مع زينة العقل والفال قالتلو " نشرو ارض ونحرثوها والغلة نبيعوها وما نمدو اليد ويبقى الخير لوليداتنا تسترهم وارض تعيشهم " 💁👌👌...
سي محمد خذا راي مرتو وشرا الارض والدار 👏👏ووقت الحرث مالقاش باه، اليد ماتعمر ولا محراث يهنيه 😰😢،مالا حرق شعرة الثور وجاه في الحين " خير وش تطلب يحضر " قالوا تحرثلي الارض وحكالو الي فيها حرثهالو الثور في غمضة عين😊 ...
ويوم على خوه ونهار يتبع ليل ، وشتاء على صيف وبينهم ربيع وخريف😁، واخينا ولى عندو المال وكبر الجنان والغلة وخافت زينة العقل والفال على رويجلها وقطاعها قالتلو ضكا ولينا اصحاب جاه ومال ومكان للاطماع ومحتاجين الي يحرسنا من السراقة والقُطاع ، وحرق شعرة السبع و حضر فالحين بهيبتو وطلب منو الراجل يحرسهم والسبع قالوا حاضر و يحضرلكم الخير يا مرحومين الوالدين ...
وفي يوم من الايام وبعد عام واثنين ،اخينا ماشي تاجر بالغلة من بلاد لبلاد ولحق عليه الليل وقال وين نبات وتفكر الي قبيلة سي فلان قريبة منو 😏 مالا قال نروح نبات عندو ليلة والي تعرفو خير من الي ماتعرفوش 😌،والعبد ذاك ما خاب الظن فيه لالا خرج كريم وضيفوا وذبح لو خيار الشياه 🐏🐑وقعدو في السهرة كلام يجيب على كلام واخينا حكالو على سر مالو وبركة عيالو وعلى الفار ومنين جاب له المال...
وصبح الصباح ربي يا الفتاح يولي لاهلو ويبقي ابن ادم على خير ☺☺ وهاهو ابن ادم هذا سامع بتاجر عندو مدة حس دراهمو تنقص من خزنتو وما عرف السر منين😅 ،وتاجر دار البراح الي يدلوا على السارق والخوان يعطيه مكافأة الفين دينار💰، والاخبار الزينة تزحف والشينة تجنح وتطير 😔،والطمع غواه وعماه وراح بلغ على صاحبو وانسى الخير الي دارو معاه🙂 ...
وغدوة من ذاك جاو هزو سي محمد وتحكم عليه بلا تحقيق ومشورة وخاصة كي عرفوا بلي دار المال بين ليلة ونهار 😲 ولاحوه في الحبس 😱ومنها غاضو الحال يخلي ولادو للمهانة وتفكر جلد الافعى التالي و وصى عليه جاه حرقو وحضرت عندو وحكالها لي صار 😢 قالتلو شح فيك😒 انت ماسمعت النصيحة منا والبكي من وراء الميت مايردوا 😒...
و وراتو كيفاه تخرجو منها ، وراحت لحالها تسحبت لغرفة التاجر وثنات روحها على رقبتو وماحبت تطلقوا مالا شاع الخبر طالبين من يفهم لغة الثعابين ولا يطيق عليها، ونطق صاحبنا انا نعرف ونهني ،دخلوه للتاجر وشرط يعاونوا ويطلق سراحو و حكى معها ومن ثمة قال راها ماتنصل من رقبتك الا حتى تجيبولها راس بن ادم غدار والمارة نتاعو دا من خزنتك الفين دينار مكافأة 🙂 ويتهز العسكر💂 جابوه ومنها نطت في راسسو ونفثت سمها فيه ...
الفار والحية من بكري يضر وتلدغ يعني خارجين فيها وبزاف عباد دايرين بينا هاك... الفار يفسّد والحية تتلون بصح عارفين سمهم... والسبع عبد قوي وحر ويغلب ولا غالب الا الله... والثور انسان طيب ويغضب ويخرب دنيا وقلبه طيب... هذو الأربع من الصفات ما تخاف من غدرهم، الاثنين الاولين ظاهرين عليك تحرص منهم👌 والثانيين ظاهرين دخلاني وهكاك لا خوف منهم👍 ... لكن ساعات تامن الي شبهك وتقول طبعو على طبعي وقلبو على قلبي وهو الي تجي منو الضربة الكبيرة 💔وما كبير الا ربي سبحانه ...
والحكاية جات من خرافات زمان ... ومشات من غابة لغابة وفيها معاني وميات صابة ... حكاوها جدودنا على نغمات القصابة...
ليلتكم سعيدة واحلامكم اسعد وتصبحون على واقع اجمل باذن الرحمن الرحيم ...
☘️❤️☘️