من يساعدني في إنقاذ نبتتي

[Mariana369]

السلام عليكم أهل المنتدى الكرام

عندي نبتة الأنتوريوم anthurium شريتها منذ حوالي شهرين تقريبا ... كانت ماشاء الله أوراقها كثيفة و أزهارها متفتحة ... بعد مرور اسبوع بداو يظهرو بقع سوداء في الأوراق و تبدا البقع تكبار حتى تصفار الورقة وتذبال و طيح ... والازهار ثاني كيف كيف ... مع العلم في الاول غرستها في إصيص فخار ومنبعد بدلتها لإصيص بلاستيك باه التربة تحافظ على الرطوبة ... و نسقيها بمياه الأمطار و نرشها بالبخاخ مرتين الى ثلاثة في اليوم للمحافظة على نسبة الرطوبة ..... من فضلكم لي عندو أي معلومة على هاذ النبات مايبخلنيش بيها على الاقل نقدر نسترجع ما تبقى من النبتة وأجركم على الله ...

ملاحظة : لا أعرف كيفية تحميل الصور وإلا كنت ارفقت صور النبتة كيف كانت قبل وكيف أصبحت

وشكرا مسبقا

[〆 بٰٰاولو 乄]

وعليكم السلام
مرحبا اختي ماريانا
تفضلي شوفي هذا ممكن يفيدك
https://youtu.be/wISStQYfOlo
--
وبالنسبة لتحميل الصور
https://www.djelfa.info/vb/showthread.php?t=2103460

[اميرة الامواج]

بارك الله فيك
نصيحة مني اخطيك منها لازملها عناية خاصة ...

لازم تبربريها كيما الطفل الرضيع ....
غلطة صغيرة تذبال...
عندنا 2 في الدار يهبلوا
بصح جدتي قايمة بيها
المهم هي متحبش السخانة بزاف ومنحبش البرد بزاف ......اشعليلها الكليماتيزور ...ههههه

ومتحبش الضوء بزاف والظلمة بزاف

جدتي حطتها في مكان مضيىء و مغطيتها بالنيلوا من الفوق .....

وفي الشتاء ردي بلاك تحطيها برى
غير تشم البرد تذبل

المهم اخطيك منها تشربلك المرار.....هههه
سلام

[Mariana369]

وعليكم السلام
مرحبا اختي ماريانا
تفضلي شوفي هذا ممكن يفيدك
https://youtu.be/wisstqyfolo
--
وبالنسبة لتحميل الصور
https://www.djelfa.info/vb/showthread.php?t=2103460


شكرا جزيلا أخي باولو بارك الله فيك

حقيقة أنا أتّبع جميع النصائح الموجودة في الفيديو ...
لكن النبتة في تدهور مستمر 😢

[Mariana369]

بارك الله فيك
نصيحة مني اخطيك منها لازملها عناية خاصة ...

لازم تبربريها كيما الطفل الرضيع ....
غلطة صغيرة تذبال...
عندنا 2 في الدار يهبلوا
بصح جدتي قايمة بيها
المهم هي متحبش السخانة بزاف ومنحبش البرد بزاف ......اشعليلها الكليماتيزور ...ههههه

ومتحبش الضوء بزاف والظلمة بزاف

جدتي حطتها في مكان مضيىء و مغطيتها بالنيلوا من الفوق .....

وفي الشتاء ردي بلاك تحطيها برى
غير تشم البرد تذبل

المهم اخطيك منها تشربلك المرار.....هههه
سلام

يعطيك الصحة أختي على النصيحة والتوضيح الشامل ...
ملي شريتها وانا نعامل فيها كي البيبي ههههه قريب نهمل روحي على جالتها .... وموفرتلها جميع الشروط ... حتى بديت نشك في المناخ نتاع مدينتنا قلت بالاك هو لي ماساعدهاش ... 😔

[rycerz]

أكيد أنت تعرف كيفية الإعتناء بهذه النبتة الإستوائية من حيث الضوء و درجة الحرارة و توفير الرطوبة و كذا .. (توفير مستوى جيد من الضوء دون تعريضها لأشعة الشمس)
--
أما عن المشكلة التي ذكرتها فعلى ما أظن أن ذلك هو بسبب تغيير الإصيص (بطريقة خاطئة) مما عرّض العروق الرقيقة إلى الهواء و الجفاف مما تسبب لها بالصدمة و قد تكون خلايا تلك العروق قد تضررت و ماتت و ممكن النبتة حاليا قاعدة تبدّل و تعوض في تلك العروق و هذا ما يسبب المعاناة .. و موت الأوراق هو من الأعراض .. (هذا عن تجربة بخصوص نباتات أخرى) .. في النهاية هذا مجرد رأي لأنني لست مختصا .. قد يكون السبب شيء آخر مثل تغير مفاجئ في درجة الحرارة أو سقي مبالغ أو تعرض مباشر لأشعة الشمس .. أي شيء يسبب الصدمة.
يمكنك الإستفادة من هذه الصفحة :





https://www.nabataty.com/plants/%D9%85%D8%B4%D8%A7%D9%83%D9%84-%D8%A7%D9%84%D9%86%D8%A8%D8%A7%D8%AA%D8%A7%D8%AA-%D9%88%D8%AD%D9%84%D9%88%D9%84%D9%87%D8%A7/

[Mariana369]

أكيد أنت تعرف كيفية الإعتناء بهذه النبتة الإستوائية من حيث الضوء و درجة الحرارة و توفير الرطوبة و كذا .. (توفير مستوى جيد من الضوء دون تعريضها لأشعة الشمس)
--
أما عن المشكلة التي ذكرتها فعلى ما أظن أن ذلك هو بسبب تغيير الإصيص (بطريقة خاطئة) مما عرّض العروق الرقيقة إلى الهواء و الجفاف مما تسبب لها بالصدمة و قد تكون خلايا تلك العروق قد تضررت و ماتت و ممكن النبتة حاليا قاعدة تبدّل و تعوض في تلك العروق و هذا ما يسبب المعاناة .. و موت الأوراق هو من الأعراض .. (هذا عن تجربة بخصوص نباتات أخرى) .. في النهاية هذا مجرد رأي لأنني لست مختصا .. قد يكون السبب شيء آخر مثل تغير مفاجئ في درجة الحرارة أو سقي مبالغ أو تعرض مباشر لأشعة الشمس .. أي شيء يسبب الصدمة.
يمكنك الإستفادة من هذه الصفحة :





https://www.nabataty.com/plants/%d9%85%d8%b4%d8%a7%d9%83%d9%84-%d8%a7%d9%84%d9%86%d8%a8%d8%a7%d8%aa%d8%a7%d8%aa-%d9%88%d8%ad%d9%84%d9%88%d9%84%d9%87%d8%a7/



شكرا على المعلومات
للتوضيح فقط الأعراض بدأت تظهر قبل تغيير الإصيص

[〆 بٰٰاولو 乄]

هل ياترى وجدتِ حل ...:rolleyes:

[Mariana369]

هل ياترى وجدتِ حل ...:rolleyes:

لا ليس بعد ... صاحب المحل يؤكد ان النباتات التي عنده من نفس الفصيلة لازالت على حالها .... ويشكك في طريقة اعتنائي بها وعدم توفير البيئة المناسبة لها ... والنبتة كل يوم تزيد سوء أكثر من اليوم السابق ...

[اميرة الامواج]

بارك الله فيك
عالمة النباتات جدتي راهي تقلك
اشري 2 حبات بيض كوليهم والقشور ارميهم في النبتة ......
بلاك تحيا ....

وتقلك يابنتي هذي النبتة خلاص ماتت ...
بصح معليش نديرولها القشور ....

وانا نقلك روحي ارميها وهنيني وهني روحك ......ههههه

[Mariana369]

بارك الله فيك
عالمة النباتات جدتي راهي تقلك
اشري 2 حبات بيض كوليهم والقشور ارميهم في النبتة ......
بلاك تحيا ....

وتقلك يابنتي هذي النبتة خلاص ماتت ...
بصح معليش نديرولها القشور ....

وانا نقلك روحي ارميها وهنيني وهني روحك ......ههههه

هههههههه يعطيك الربح قتلتيني بالضحك ...
المشكل ضكا ماشي في النبتة ... المشكل فيا جامي فسدولي النباتات ... وعقلي ماتقبلش الخسارة 😅

[Mariana369]

راهي بقات فيها فرد ورقة ... :sdf:

[اميرة الامواج]

راهي بقات فيها فرد ورقة ... :sdf:



ياو ماتت
تقبلي الامر الواقع
ولا روحي هذيك فرد ورقة جمديها
وخليها للذكرى

جدتي كي جي رايحة كاش بلاصة نولي منضويش
تقولي هذي اسقيها بزاف وهذي غير شوية
وهذي زيديها التراب الاحمر . .

بصح الي نباصي بيهم النباتات الزهرية الي جي
بنفسجية وغوز ، تغلطي يموتوا .
ولازم ديريلهم الدواء المعالج للتلف.

جدتي قالتي غفلت عليها ماتت ، ظلي رافدة
البورتابل وتكوناكتي .... هههههه

[أم ميرال و آرال]

الاصيص الفخاري افضل من البلاستيك
اما كونك خفتي من الرطوبة يمتعها الفخار،حطي حجارة صغيرة من الفوق حتى يقلل نسبة تبخر الماء و ما تنشفش التربة بسرعة