انصحوني حول الخطبة ...

[مشكلتي]

السلام عليكم، بغيتكم توجهوني في حاجة لا رني طبيعية و لا لا ،انا لي يخطبني نشوفو احسن مني جسديا و فكريا ،مثلا حاليا رني نخمم في هذ المشكلة مع واحد نفس الشيء يتكرر نشوفو كالسما و انا الارض كي نقارن روحي معاه ،هو عاىلتو مثلا قاع قاع قاريين و أطباء و مهندسين و يهدرو غير بالفرنسي و عايشين في ولاية كبيرة ساحلية و يحوسو ..و انا عاىلتي بسيطة ،فقيرة ،مشي قاريين و لا فاهمين بزاف في ولاية صغيرة مفيهاش والو و منحوسوش اطلاقا جو سامط بمعنى الكلمة ... و انا جميلة الوجه الحمد لله ،لاطاي مشي مليحة ، معنديش ثقة في روحي الله غالب ،مستواي الجامعي أقل منو بكثير و لكننا في نفس المجال ، و هو ذكي جدا ماشاء الله و حتى شكله محبب صراحة ، و منيش باغيا نفرط فيه بسكو هو حلم اي فتاة ، و لكن خايفة يولي يشوف فيا نظرة استعلاء و غرور مع الوقت ...ما نصائحكم لي

[المانجيكيو]

ثقتك في نفسك ضرورية جدا ، في الواقع إذا كانت خطبتكم و زواجكم مبنية على أساس حقيقي فإن الفوارق الاجتماعية ستسقط و لن تهم كثيرا ، لن يهم إن كان ذكي و مثقف و لديه وظيفة مرموقة ، ما يهم هو أخلاقه و رجولته و التزامه بكلمته و مسؤوليته ، إذا كان سيحتقرك لأجل مكانتك الإجتماعية أو شكلك أو قلة ثقافتك فهو لا يبحث عن روحك و عن أخلاقك و إنسانيتك بل يبحث عن أشياء أخرى ..

أنصحك بتحليل شخصيته ، و أيضا عليك بالعمل على تطوير شخصيتك و تنمية ثقتك بنفسك ، و عدم التسرع في عقد الزواج .. لأن كثير من الأزواج يتزوجون في سن صغيرة ، و بعد مدة من الزواج يندمون على إختيارهم أشد الندم ..
لذلك أنصحك بالتريث أختي الفاضلة و دراسة الأمور من كل الزوايا ، و ربي يوفقك .

[مراد سابقا10]

يا اختي انا تبالي لي جاك من الباب ويطلب يديك في غالب الآمر مقتنع

بك ولن يحتقرك المهم انت اسألي عن الخاطب جيدا والله يتولى السرائر.

[Rafik.B]

الناس كي تتزوج تحوس على الهنا مش على المستوى انا كان جيت في بلاصتو ندير نفس الشيئ اتزوج بانسانة بمتطلبات بسيطة لانو مش راح تكلفو بزاف وراح يقدر يهنيها وباش ينجح معاها ميتطلبش منو مجهود كبير انا ارى انو ذكي جدا اما انو يحتقرك هاذه مجرد وساوس لانو لا اعتقد انو انسان ذكي يحتقر زوجتو لانو الامر راح يرجع عليه .

[نورسين.داية]

السلام عليكم
ذكاؤه دفعه يختارك زوجة المستقبل تصوري هههههه
كيف إلتقيتما ؟؟؟ أمر عجيب أأأه
المهم عزيزتي يجب أن تعيدي النظر في معاييرك الإجتماعية ، لان عقدة النقص هذه سوف تحميلينها أين ما حللتي ....
بالتوفيق

[نفحات]

اختي لا تحتقري نفسك ولا تحتقري عائلتك التي نشات فيها والتي اوصلتك لما انت عليه
واش خصك انسانة جامعية متعلمة مقبولة الشكل، الكفاف والعفاف هو هدف اي انسان بسيط
والكماليات ابدا ليست معيار مفاضلة بين الناس، المهم ان تكون يدك عليا ولا تطلبين حسنة من احد
احمدي الله فانت في نعمة مغبون فيها كثير من الناس
اعتزي بنفسك اعتزي بوالديك اللي يديرقيمة لروحو يقيموه الناس واللي يحتقر نفسه يحتقروه هذي هي الدنيا
بدلي العقلية هذي ومن بعد اتزوجي حتى ولد الوزير ولا ولد الرئيس لن يحرك فيك ساكنا

[Rofrof]

ديري استخارة وسقسيو عليه مليح وتكلي ع ربي
ماتخدعكش المظاهر .. وزيد هو عجبتيه تساليه!!؟

[نافعة(=]

هل هو أنثى؟
مهما كان الزوج ذكيا فإنه لن يتغلب على الزوجة في أنوثتها

قال رسول الله صلى الله عليه وسلم: "ما رأيت من ناقصات عقل ودين أذهب للب الرجل الحازم من إحداكن"
ما ينقصك ليس الذكاءوالمستوى الجامعي،
وإنما أن الذكاء في الزواج، والثثقف حول نفسك كامرأة، وحول زينتك وأساليب النساء في التودد واستجلاب رضا الزوج وأخلاق النساء

وهذا الحديث الذي قاله رسول الله صلى الله عليه وسلم مدح للنساء، لأنه مهما كان الرجل حازما وجادا فستجد المرأة طريقا ما إلى قلبه

[نافعة(=]

ونسيت مقلتلكش،متعليش توقعاتك بزاف
الرجال كامل عندهم عيوب وعيووب
وممكن يكون الواحد ذكي فالجامعة والعمل وميعرفش يتعامل مع زوجته وميعرفش يحن عليها ويراضيها
متخلعيش روحك ختي
اهتمي بنفسك كامرأة فقط

[لطفي القانوني]

هذا من وساوس الشيطان , السيد خلى خلق ربى كامل وجا ليك و نتي تشكي انه يشوف فيك باحتقار
دعك من هذا و عليك ان تعيدي الثقة لنفسك و تعلمي انو واحد ماخير من واحد الا في الدين و التربية
وكيما قالو ناس بكري :
لي فاتك بالزين فوتو بالتبسيمة , و لي فاتك باللبسة فوتو بالنظافة , ولي فاتك بالعلم فوتو بالظرافة , ولي فاتك بالصنعة فوتو بالسياسة , ولي فاتك بالمال فوتو بالقناعة
تحياتي

[فراح 70]

أبعدي عنك هذه الوساوس أخيتي، استخيري واتوكلي على الله.
كل شخص له ميولاته الخاصة، ومادام هذا الشخص اختارك أكيد أنه وجد فيك صفات يرغبها. حتى انت راح تلقاي فيه نقائص لأنه الكمال لله، المهم القناعة. ربي يقربلك اللي فيها خير ، ونصيحة كلما تحدثك نفسك ولا تجيك خاطرة سلبية تهز ثقتك بنفسك تم وقفيها ولا تسترسلي معها، جمال الروح هو الذي يأسر القلوب ويدوم مادون ذلك كل شيء زائل.

[Adool07]

الثقة في الله ثم النفس.