هل هذا ظلم

[مشكلتي]

السلام عليكم
انا بنت 34 سنة متخرجة بدون عمل لسنوات . كيما اغلبية لبنات عندي فارس احلام هو جارنا في الحي متخرج من الطب بصح مايخدمش ويسكنو مع امو جارنا هذا ندعي ربي ليلا نهارا ربي عجبني ربي لكان ترضاهولي زوجني بيه منذ قديم الزمان وانا ندعي وفلحقيقة خطبوني ماشي بزاف بصح كل واحد فيه نقص حتى لقيت روحي كبرت ومازالت ندعي ربي يكون جاري من نصيبي للاسف خطبني واحد من العائلة بابا اجبرني نقبل لاني كبرت رفضت بقوة وبكيت لانو ماعجبنيش خلاص ماعندو والو حتى الكلمة والراي ماشي ليه ماقدرتش نحملو لكن للاسف بابا غضب بزاف حتى قبلت ارضاء له درنا قطيعة الشرط ووصلنا لعقد القران بدينا نوجدو والمفاجاة جات امو نتاع جارنا لي راني متمنيتو تخطبني وهي ماعلابالهاش بللي راني مخطوبة المهم فرحت وقلت هذي فرصة نتخلص من هذاك مانيش طايقتو بابا تردد في فسخ الخطبة الشرعية بصح جارنا ظروفو احسن بكثير من خطيبي هذاك فسخنا الخطبة وانا ارتاحت وراني في اجراءات الخطبة مع لي راني متمنيتو هل ظلمت الرجل السابق لانو قربنا من العرس وانا انسحبت وكنت لا اطيقه هل ظلمته ؟

[الرأي الاخر]

هذا التصرف من حقك ولكنه فعلا ظلم واهانة للخاطب السابق

[مراد سابقا10]

لاظلم لا والوا

اصلا تسمى خطوبة قادر تبطل

بصح انا تعجبت في فرد حاجة كيفاش ترفضي العرسان على جال واحد مداركش في بالوا

طوال هذه السنوات وممكن اصلا انت معجبتيهش اموا لي عجبتيلها ، المهم لا تدري الخير

وين راه قادر خطيب ميعجبكش ومبعد الزاوج والعشرة يبان خير من لي تمنيتيه .

[ali1596321]

عن أبي هُريرةَ رَضِيَ اللهُ عنه، عن النبيِّ صلَّى اللهُ عليه وسلَّم أنَّه قال: ((ولا يَخطُبُ الرَّجُلُ على خِطبةِ أخيه، حتى يَنكِحَ أو يَترُكَ ))

و أعجب من الدي يقول أن هدا ليس ظلما و هو عين الظلم

[فتيـحة]

السلام عليكم
من الناحية الدينية ليس لدي فكرة عن الموضوع
ولكن أقول لك، ماذا لو هذا الطبيب الذي تقدم لك، بعدما تكملين جهازك ويتبقى للعرس فترة قصيرة يقرر فسخ الخطوبة لان الفتاة التي هو معجب بها قبلت به أخيرا بعد أن رفضته في البداية، ولذلك قرر تركك وخطبتها، كيف سيكون شعورك؟ بالطبع ستقولين "مادمت لا تريدني لماذا خطبتني من البداية؟"
ربما فسخ الخطبة كان فيه خير للخاطب لأنه لو تم الزواج لتزوج بفتاة لا تطيقه وهذا أكبر ظلم له، ولعل الله سيرزقه بفتاة ترى فيه ما أنت ترينه في هذا الطبيب.
على العموم عليك بالدعاء بان يغفر الله لك إن كنت ظلمته، وادعي له بالزوجة الصالحة التي تقر عينه

[tunisien1]

لا أظن أنّك ظلمت الخطيب السابق ، خصوصًا أنك لم تُكِنّي له أي مشاعر

وبالتالي ما قمتي به صحيح

[قدور بن عاشور]

ذكرتني هذه القصة بأحد أبناء الحي عقد عقدا شرعيا بالشهود و الإمام و كل شروط الزواج لكن لم يتم العقد المدني، و رغم ذلك جاءها شخص آخر و تزوجته، و لم ينفع معهم نصح الإمام و لا الشهود و الله المستعان.


أما في قضيتك فلا أظن حديث "لا يَخطُبُ الرَّجُلُ على خِطبةِ أخيه" ينطبق على الخاطب الثاني فهو أصلا لايدري أنك مخطوبة و لو كان يدري لما تقدم، أما من ناحيتك فلم تظلمي الأول لأن فسخ الخطوبة شيء وارد دائما.

[Rofrof]

والله القصة لا تصدق للوهلة الاولى.. ان كان ضميرك يؤنبك على فسخ الخطبة لانك تظنين ذلك غير جائز شرعا فلا داعي، لان الخطبة هي وعد بالزواج ويحق لك ان تعودي عن ذلك مثله هو لو وجد احسن منك يتركك ويذهب لها ماهو جائز لسيدي الرجل جائز لسيدتنا المراة.
كنتِ رح تظلميه كي كنت رح تتزوجي بيه وانت ماشي حاملتيه. ربي راهو كتبلو الخير هو. ادعي ربي يكون هادا جارك صح كيما راكي متصوراتو في باك راجل صالح ورح يحبك ويديرلك قيمة. و هو ربي يعوضو بللي توالمو

[ali1596321]

كنت قررت باش ما نرد على حتى و احد في هده المسألة بصح ما قدرتش ، كلاني قلبي
مؤسف انت تقول لأحدهم قال الرسول و هو يقولك في الأمر نظر
واللي يقولك من حق المرا تحكم راجل كال ، إذا لقات ما خير منه تتركو عادي و العكس صحيح
نعم من حق المرا تترك كيما الراجل لكن ما تجيبش بيه الوقت و تتمسخر بيه
ربي يساجف الاحول و يهدينا

[فر دوس]

من حقك .....
يبقى كلش مكتوب

......... كل شخص يرى ما يناسبه

[نورسين.داية]

السلام عليكم

عزيزتي على حسب الوصف أو المعطيات التي قدمتها كأنه الخاطب هو زوجك إن إكتملت أركان عقد الزواج بإستثناء إن لم يقدم المهر ، لأن عقد الزواج المدني ما هو إلا توثيق للعقد ، أنتبهي جيدا لهذه المسألة الشرعية .

إذا تاكدتي أن ما إتفقتم عليه هو مجرد خطبة أعيدي له ما قدمه لكي (أشياء مادية أو دهب ) بإستثناء المواد الغدائية التي تقدم عادة في مراسيم الخطبة .


فسخ الخطبة حق و امر عادي جدا .....

بالتوفيق عزيزتي

[اميرة الامواج]

بارك الله فيك

انا ما نقلك والوا

ديري روحك في بلاصتوا

ربي يهديك وربي يغفرلك

واطلبي السماح منوا

متعرفيش قع واش راح يصرى في النهارات الجايين

بزاف لبنات راهم يديروا هذي العفسة

تحب تتخطب وتلعب بولاد الناس

باه كي يسمع فارس الاحلام يجي يخطب

من الاول تفاهمي مع فارس احلامك


ومن الاول كنتي تشوفي عفسة ودخرة باه يجري فارس احلامك يخطبك ....

ماشي تلعبي بالمشاعر الناس ....

انتي درك راكي فرحانة مع فارس احلامك

بصح ادعي ربي ما يكونش يدعي عليكم ....

الله يجيب الخير

غاضني بزاف وقسملي قلبي

دخل بالنية خرج بالخذلان والانكسار

انا قتلك الصح

كنت قادرة نجاملك

بصح خايفة عليك من الدعاوي الشر

سلام من قلب ندم لانه احب السلام

[kazilo]

حطي نفسك في موقف الخطيب لي بطلتي عليه واش يكون احساسو
لازم تطلبي منو السماح ويسامحك والا مش رح تتهناي
وحتى الطبيب هذا اذا عارف انك مخطوبة وخطبك حرام عليه
وانت نفسك تعرفي انو تصرفك غلط والتعليقات راح تزيد عليك
ولهذا لازم تطلبي السماح من السيد ولازم يسامحك

[نافعة(=]

من الناحية الدينية:
إذا كان الخاطب الأول إنسان يصلي ومتربي (غير موصوف بالفسوق في الشرع) اهنا حرام يجي شخص آخر يخطب على الخطبة تاعو

إذا كان الخاطب الأول فاسق من الناحية الشرعية، مثلا ميصليش ولا..، ومنبعد تقدملك شخص صالح بعدو يصلي ومليح، هنا حلال عليك

[Aya2020]

ان شاء الله يلقى لي تعجبو ويشوف غيرك تقدري تعرفي في هذه اللحظة بلي ظلمتي الشخص هذاك او لا