للنقاش الجاد حول مبدأ العطالة

[مراد عبوبو]

السلام عليكم ورحمة الله تعالى وبركاته

الكثير منا قد وقع في مشكل في الفيزياء ألا وهو مبدأ العطالة فمنكم من يقول مبدأ العطالة محقق في الحركة الدائرية المنتظمة
لهذا نتمنى من كل واحد انو يمدلنا رأيو

[sisito]

انا تاكدت من الاستاذ و قد اخبرني انه غير محقق في الحركة الدائرية المنتظمة
و انه فقط في الحركة المستقيمة المنتظمة يتحقق و شكرا

[مراد عبوبو]

خويا انا ثاني متأكد بلي مهوش محقق في الدائرية بصح في احد المواضيع صرا عدم تفاهم بسبب الشيئ هذا

[جمانا]

مشكوووووووووووووووووووووووووووووووووووووووور

[yalova]

مبدأ العطالة محقق في الحركة الدائرية المنتظمة لأنه يوجد في الكتاب تفسير لذلك صفحة194 حيث كل جسم يتحرك بحركة غير مستقيمة يكون حتما خاضعا لقوة حسب مبدأ العطالة والله أعلم

[messi.sba]

حسب ما درست هي فى مبدا العطالة يقولك كل جسم يتحرك بحركة مستقيمة منتظمة لا يكون خاضعا لتاتير قوة والعكس كل جسم لا يتحرك بحركة مستقسمة منتظمة يكون خاضعا لقوة والله اعلم

[مراد عبوبو]

مبدأ العطالة محقق في الحركة الدائرية المنتظمة لأنه يوجد في الكتاب تفسير لذلك صفحة194 حيث كل جسم يتحرك بحركة غير مستقيمة يكون حتما خاضعا لقوة حسب مبدأ العطالة والله أعلم

أخي انا مانوافقكش بسبب واحد وهو قاعدة مبدأ العطالة وهي
يحافظ كل جسم على حركته وسكونه اذا لم تتدخل عوامل خارجية فتغير من مساره او اتجاهه

وبالتالي كيتكون قوة يغيب مبدأ العطالة والله أعلم

[RANEEM]

السلام عليكم

اشكركم تطرقتم لموضوع وبخني الاستاذ من اجله

المهم ان الاستاذ قال لنا انه محق في الحركة الدائرية المنتظمة وغير محقق في الحركة المستقيمة المنتظمة

دخت فيه الصراحة ممكن نوصلوا لحل؟

[مراد عبوبو]

السلام عليكم

اشكركم تطرقتم لموضوع وبخني الاستاذ من اجله

المهم ان الاستاذ قال لنا انه محق في الحركة الدائرية المنتظمة وغير محقق في الحركة المستقيمة المنتظمة

دخت فيه الصراحة ممكن نوصلوا لحل؟


خويا الأستاذ تاعكم باين راه يخلط كيفاه يقولكم بلي في الحركة المستقيمة المنتظمة مايكونش مبدأ العطالة هذا مستحيل كاين مبدا العطالة 100/100
بصح في الحركة الدائرية راني مديت رايي من قبل

[خيرو15]

السلام عليكم خويا
في الحركة الدائرية المنتظمة مبدأ العطالة غير محقق
1- لأنه يخضع لقوى( حاملها نصف القطر موجهة نحو المركز)
2- كل جسم لا يتحرك وفق حركة مستقيمة منتظمة يكون مبدأ العطالة فيه غير محقق.

[yalova]

في الحركة الدائرية المنتظمة مبدأ العطالة محقق..........................................مئة بالمئة

[RANEEM]

اولا انا رنيم بنت

تانيا خويا انا تاني حرت في كلمة محقق

ما يغركش اذا تسمع محقق معناتو راو كاين مبدا عطالة

احنا موالفين نقولوا حركة مستقيمة منتظمة حسب مبدأ العطالة والجملة هادي ماتساويش محقق حسب هدرت الاستاذ

مي الي مدوخني كيفاه ماشي محقق وهو في حركة مستقيمة منتظمة

انا الي قصدتو اذا قالت حركة مستقيمة منتظمة حسب مبدا العطالة ماشي معناها راهو محقق

والله اعلم

كاش استاذ فيزيك في المنتدى ينجدنا

[مراد عبوبو]

ختي سقسيت عليها أستاذ قاوي حاجة فوووور قالي يتحقق غير في الحركة المستقيمة المنتظمة

[*الراجي عفو الله*]

السلام عليكم

أخي مبدأ العطالة يتحق في الحركة المستقيمة المنتظمة وقد يتحقق في الحركة الدائرية إذا كانت منتظمة

والله اعلم

سلام

[خيرو15]

مام الحركة دائرية منتظمة غير محقق لأنو يخضع لقوة و مادام هناك قوة فهو غير محقق

[مراد عبوبو]

مام الحركة دائرية منتظمة غير محقق لأنو يخضع لقوة و مادام هناك قوة فهو غير محقق



راني معاك يااخي في هذا

[خيرو15]

راني معاك يااخي في هذا

مشكور أخي................

[مراد عبوبو]

العفو خويا خيرو 15

[RANEEM]

والله انا اجابتي كيما اجابتكم لكن الشيخ قالي اعكسيها يعني غير محق في المستقيمة المنتظمة ومحقق في الدائرية المنتظمة

والله اعلم

[خيرو15]

والله انا اجابتي كيما اجابتكم لكن الشيخ قالي اعكسيها يعني غير محق في المستقيمة المنتظمة ومحقق في الدائرية المنتظمة

والله اعلم

لالا ختي ديها من عندنا رانا سير مام في الكتاب كيما هكدا
شكرا

[mebarekfe]

كل جسم لايسير بحركة مستقيمة منتظمة فهو حتما يخضع لقوة وبالتالي في الحركة الدائرية المنتظمة يخضع لقوة اذن مبدأالعطالة غير محقق و لا تتعمقوا كثيرا في هذا المجال لأن وقته لم يحن بعد سلام

[جمانا]

مشكوووووووووووووووووووووووووووووووور

[RANEEM]

واله دخت فيها هادي

[مراد عبوبو]

انا ياجماعة اذا بغيتو تاخذو رأيي نقولكم راه محقق في فرد حالة وهي الحركة المستقيمة المنتظمة

[nasser17]

يااخي حوس عليه في قوقل وعلاه راك تدير في هذي المواضيع نطلبوت منك مواضيع اكثر فائدة

[youcef sisou]

انا نقلك خطراش ابي استاذ فيزيا ويقريني وراه قلي يصلح غير في الحركة المستقيمة