افكر في الطلاق

[مشكلتي]

السلام عليكم
انا متزوجة و عمري 23 سنة ، عندي 4 سنين زواج و عندي طفل عمرو عامين
مشكلتي زوجي مزير بزاف ميخلينيش نخرج نظل ف دار جامي خرجني حوس بيا ،
ثانيا مشحاح خزانتي فيها الخردة برك ، كي يلحق شتاء نبكي نبكي باش يجيبلي مونتو و لا تريكو ندفي بيه روحي ، عييت و تعبت و كرهت و دنيا سماطتلي يا ناس نحوس نطلق حاسة روحي كبرت قبل وقتي ، واش ندير باش نطلق و اذا تنصحوني باش نصبر ايه بلاك نزيد نصبر بصح نعيش ميتة معندي حتى احساس جثة و خلاص
نوصل ميساج صغير نوكل ربي على الزوج الحڨار و ننصح لبنات حذراي تتزوجو قراو و خدمو مكاش لي ينفعك من غير دراهمك

[متفائلة في زمن الياس]

اعانك الله وفرج همك
ان ابغض الحلال هو الطلاق
اكثري من الدعاء فهو السلاح الفتاك الذي يغير قلب زوجك للاسف معظم الناس لا تعرف مدى نجاعة هذا السلاح القوي في كل سجدة ادعي وكوني على يقين ان الله يبدل حال زوجك واكثري من الصلاة الابراهمية الموجودة في توقيعي فمفعولها سريع لكن بنية رضا الله اولا ثم مغفرة الذنوب ثانيا ثم ان يقلب الله حال زوجك من السيئ للحسن وصدق من قال نبينا صلى الله عليه وسلم يغفر ذنبك ويكفى همك اني احكي عن تجربة ياختي ولا تجربة مع الله تقربي من الله وتوكلي عليه والله سيعينك ويدهشك بعطائه لانني لا انصحك بالطلاق فمشكلتك امام مشاكل الاخرين لا تساوي شيئا فقط ستدمرين بيتك والضحية طفلك

[نفحات]

كنتي قادرة ما تختميش موضوعك بتلك النصيحة المدمرة
الزواج سنة الله في خلقه، نعم فيه تحديات كبيرة وصعوبات جمة
لكنه ستر وغطاء للمرأة، لن ينفع المرأة مالها ولا جاهها ولا سلطانها، حتى ابوها سيتعب منها يوما ولن تسعد بها عائلتها دون زواج
اي انها بالمختصر لن تعيش حياة النعيم والسعادة في بيت ابيها كما تزعمون ستبقى دائما تشعر بنقص شيء ما، والا سيتم دائما تحسيسها بانها تحتاج ااى زوج وبان والديها واهلهادلم يهدا لهم بالزانرام تتزوج
ثم ...كيف لها ان تتحصن وتحمي نفسها من الفتنة اولا ومن الرجال المتصبدين ثانيا....هل تستهينين بالعرض رالشرف اختي؟
انت بوضعك الحالي افضل من الكثير من النساء هن لآن. يتمنين الزواج ولا يجدنه
وبالتالي اختي مهما كانت الحيياة صعبة بالنسية لك فحاولي ان لا تتكلمي بكلام غير موزون وقد يكون في غير رصا لله سبحانه
بالنسبة لقضيتك وعذرا تركتها للاخير انصحك ان لا تطلبي الطلاق لهذه الاسباب من اجل بيتك اولا ومن اجل طفلك ثانيا
احسن ما حدث لك هو قرارك في البيت اتحدث هكذا لاني مثلك متزوجة ولا اخرج من البيت وهذا من النعيم لانك ستكونين في حماية من اعين الرجال ومن الشبهات ومن القيل والقال
بالنسبة للحرمان نعم اه سيء للغاية ومؤلم لكن يمكنك الصبر عليه
زبالتالي غيري ممط تفكيرك وارضي بما قسم الله لك
المكوث في البيت اجعليه لله حتى تكونيىفي عبادة أي انوي تطبيق قوله تعالى: "وقرن في بيوتكن"
الحرمان واجهيه بالقناعة والصبر والرضا بان توطني نفسك على الاعتقاد بان الرزاق هو الله وليس زوجك وانك ان اردت شيئا تطلبينه من الله ثم تنتظرين فان رزقك تحمدينه سبحانه وان لا تعلمين انه ليس من رزقك المكتوب وتحمدين الله على كل حال ولك أجر صبرك احتستبك
ثم يصبح بيتك الذي اعتبرته سجنا مفتاحا للجنة وستشعرين بسعادة بمكوثك فيه رغم كل الصعاب فنحن المسلمون طلاب الخرة وهذه احياة هي مجرد معبر ولن نجعلها راسمالنا ابدا
وعندما تجدين نفسك قد وهنت وضعفت وراودتك اكار الطلاق مجددا اطرديها وجددي ايمانك وعهدك بالله كلما ضعفت اختي
نصحتك وانا في العادة لا اتدخل في مواضيع الطلاق ولكني وجدت بان مشكلتك والحمد لله يمكن احتواؤها ان عزمت على ذلك فالقرار بيدك والكرة في ملعبك، كوني مع الله.
وربي يفرج هليك

[مراد سابقا10]

شوفي لازم تجيبها مع زوجك حبة حبة بشوي بشوي وادعي ربي يصلحوا ربي كي يشوفك مظلومة ينصرك

واياك والتفكير في الطلاق هذاك اخر حل تكوني في ظل راجل ولى الطلاق تصوري تطلقي في سن 23 سنة

حتى اسرتك لن تتقبلك وستبدا الذئاب البشرية بافتراسك كيما قالوا الناس انتاع بكري ظل رجل ولى العنوسة او الطلاق

[sohaibdz]

اولا :من يقول لكي ابغض الحلال عند الله الطلاق قولي له هات الدليل على قولك و لا تكذب على الله
ثانيا : من يقول لكي اصبري قولي له يعش مكانك
ثالثا : البغل لا علاج له حسب علمي
رابعا : ما انصحك به ا قرار الطلاق من عدمه قرار كبير و مهم قد يغير حياتك الى الاحسن او الى السوء ، لا انصحك بالتفكير به في حالة ضعف استخيري الله اولا ثم فكري في الامر من كل الزوايا

[اميرة الامواج]

بارك الله فيك

نصيحة من اختك الكبرى

لا كنتي تعرفي والديك يرفدوك ويرفدوا هذاك الطفل وتعيشي خير ملي راكي عايشة اطلقي بطفل قبل 2 ولا 3 وتحصلي بيديك وسنيك .....

ولا راح تتمرمدي عند والديك ....لالا غير اقعدي عند راجلك وتمرمدي خير ...

اخيرا نقلك كاين بنات قراو وخدموا وراهم مشتاقين الامومة و يحسدوك على هذاك الطفل والراجل المشحاح بعد ما وصلوا لسن اليأس ...


ولهذا شوفي الايجابيات في زوجك...

والله لا عندنا جارتنا طبيبة وراجلها يظلي يضرب فيها ومرمدها كثر منك والمخذرات والخمر وصابرة .....

وانتي على المشحاح ومزير تحوسي تطلقي ...

شوفي الراجل يحب الزوجة اللي تشكروا وتقولوا برافوا راك فور ....

بدلي العقلية يا اختي بالعقل واللعب تحت تحت ....

كل 6 اشهر اخرجي خرجة جديدة ...

4 سنين لوكان استعملتي اللسان الحلو و......و...

لوكان راه تبدل وخرجتي من التمرميد..

المهم من غدوى اشكريه حتى ولو جابلك حبة بصل وشهر وتشوفي هو يولي يقلك
واش يخصك.....

ولا راسوا راس خشين اقعد حاولي ...

المهم خاطيه النساء والشراب .

ياهمي وكي عرفتيه هكذا علاه
مطلقتيش ثم ثم روحتي جبتي طفل ..

المهم قبل ما تطلقي خمي في هذاك الطفل

اصعب شيىء يعيشه الطفل هو انه يعيش بلا اب
وابوه على قيد الحياة .....

اتقربي ليه عن طريق الطفل ...

كي يجي قوليلوا وليدك من الصباح وهو يبكي عليك
وقالي راح يشريلي ....

اقفزي يا اختي على روحك ..
راكي راقدة وميتة ...ههههه

نوضي نوضي اشطاري وريلي حنة يديك....

نقلك عمبالك هذوا النساء اللي تزوجوا قع رجالاتهم
ملاح والله والوا ..
.

لكن بالمجهوداتهم خلاوهم يصلحوا....

المهم انتكلي على ربي وعامليه معاملة الزوجة
الكريمة الحنونة المطيعة ..

بلاك جيبي نتيجة....

بلاك معندوش باه يشريلك ....متظلميش ....

الصبر والصابر ينال....

والشطارة في جميع المجالات ...ههههه


ان شاء الله تكوني فهمتي بين السطور...


سلام من قلب يحب السلام

[ع.عيسى]

نتي كي تزوجتي وجبتي طفل قلتي للبنات حذاري تتزوجو واقراو واخدمو تنفعكم غير دراهمكم ....ربما يتزوجوا بدراهمهم ويحصنوا انفسهم من الفتن بها ويجيبوا منها الاطفال....على اي حال .هذا هو نصيبك ....نصيبك رجل مشحاح ومزير .....حتى وان تخدمي وتقراي لن تغيري من نصيبك وقدرك .....مقدر لك ان تعيشي هاتي الحالة ....وبالنسبة للطلاق نتي تعرفي واش يخرج عليك ولكن لا تضمنين النتائج ...فلربما تعودي تترحمي على زوجك المشحاح المزير .

[نورسين.داية]

السلام عليكم

و لو أني لست من محبي الجدل و الحوار العقيم ، لكن سؤال : ما رأيك لو طلبتي ما كتبته في حوار هادىء مع هذا الشريك ؟
و اعلميه بقرارك كخيار بديل ، و جوابه سوف يكون الحكم على حياتك ، و إحدري من فخ التأجيل و الأعدار الواهية ، أحسمي أمرك وحدك



على الأقل تكونين قد أعطيتي فرصة لهذه العلاقة في الإستمرار










بالتوفيق عزيزتي

[رجائي فيك]

السلام عليكم

اول شيء ربي يفرج عليك اختي
ثاني شيء الاولى تتكلمي مع زوجك و تخبريه بما يضايقك هذا اقل شيء تقومي بيه و تقوليله ان هذ شيء يدمر حياتكم

الحياة الزوجية الحوار يتم في اطاراها مش خارجها

[فافا مينوشة]

ياختي واحد ما يحس بيك غير وزالديك حكي معاه ماحبش يفهم هدري مع واحد من عايلتو مثلا امو اذا كنتي قريبة منها

[~آيات محكمات~]

بخصوص اللي يقولولها اصبري؟
ال أي مدى رح تبقاو تقولو هك للمظلوم؟

[جالب الخيرات]

................................ المهم أنا لن أقول لك أصبري ...............................و إنما سأقول لك عليك بالروية حين إتخاذ القرار..............................فالطلاق ليس بالهين و ليس بالسهل كما تتصور العديد من النساء خاصة و ان هناك أبناء............................و هم الضحية الأولى لهذه الفرقة هذا من جهة و من جهة اخرى فلعل زوجها ليس كما وصفت و إنما تظن ذلك لعدم قدرته و لغيرته الشديدة لحبه لها.........................فليس كل ما يقال حقيقة و ليس كل ما يسمع يؤخذ على سبيل اليقين..........................................أخ تي راع مشاعر زوجك و تيقني انه ((مزير)) إنما لحبه الشديد لك و لغيرته ..........................فلا رحم الله من لا يغار على ام عياله و لا رحم الله من يخبب زوجة على زوجها............................................. ..أختي الفاضلة ماذا تقصدين بانه (مزير) أفيعجبك ما هو حاصل اليوم في أسواقنا من عري و فجور...................أيعجبك ان الغيرة أصبحت من الماضي السحيق و أصبح الكل يجري وراء التمدين (بالمعنى التفتح) الذي يرونه قمة الحضارة و الثقافة...................أختي الفاضلة و الله إن الكل ليغبطك على هذه النعمة التي فيها و الكل يحسدك عنها فياليتك ما قلت انها مشكلة فهي العكس نعمة ما بعدها نعمة فأحمد الله عليها و اجعل من زوجك قرة لك و ابنك مستقرا و أحفظيهما كما تحفظ الخيمة أهلها فانت السند و الركيزة لهذه البيت و إياك الإستماع للمخببين الذين لا خير فيهم.............................................. ........................................

[sida3lilo]

أما بالنسبة للنصيحة فقد أتت امرأة للنبي صلى الله عليه وسلم تشتكي بخل زوجها وأمرها النبي صلى الله عليه وسلم أن تأخذ من ماله بالمعروف حتى بدون علمه.
أما بالنسبة لنصحك للنساء بعدم الزواج خطأ كبير هناك من النساء متزوجات وماكثات بالبيت وأزواجهن ينفقن عليهن، الصالح والفاسد موجود في كل أمر من أمور الحياة.

[الرأي الاخر]

اشعر بصدق كلامك , ربما السبب الازمة الاقصادبة او ان زوجك مريض نفسيا , نعم في وقتنا الحالي المال هو الصح والمال هو كل شيء بل هو أهم من الصحة انه الواقع .

[Rofrof]

السلام عليكم ،
حسيتك حابة تفضفضي اكثر مما حابة تسمعي النصيحة، كانك لست مستعدة ابتداء لسماع النصح.
عموما اولا ربي يفرج عليك .
بصح انت وين كان عقلك كي جا خطبك ؟ انت شايفة بلي هادا انسان مستواه المادي متواضع كنت تتوقعي من لول بلي مارحش يعيشك حياة مادية "مرتاحة".
وزيد صفة البخل من اسهل الصفات اللي يمكن اكتشافها في الآخر! يعني من اسهل الامور انك تعرفي انو هادا انسان مشحاح )ويكون غالبا مشحاح ع روحو تان( فعلاش ماخديتيش هادا بعين الاعتبار قبل ماتتزوجي وتجيبي طفل؟؟
تظني ساهل انسان يقولك ايا روحي طلقي وانت عندك طفل!!!؟؟
الطفل هاداك وش رح يكون مصيرو ؟
مانيش نقولك ضحي لالا والف لالا ، خطا انك تضحي بحياتك غير ع جال بش يعيش وليدكم معاكم في سقف واحد.
لكن كاين مسؤولية ع عاتقك
انت عندك وين تولي؟ داركم يقبلوك بيك بوليدك؟
يعني لو كان تطلقي رح تقدري تصبري؟
هاد الاسئلة كامل لازم تخممي فيها ربي سبحانو يديرلك حل ولي خلق مايضيع وربي يرزقك كيما يرزق كثير من المطلقات ، بصح لازم تخممي فايجابيات وسلبيات الطلاق
ماديريش كيما الزواج لي راهو يبان كان متسرع وبلا تخمام.
النصيحة لي كان لازم تمديها للبنات انو مايقبلوش باي واحد، وياخذو راحتهم مع الخاطب بش يعرفوه ماشي يقعدو فكل حاجة حرام مع الخاطب سبحان الله يخطبها وتشوفو زوج مرات فالدار ومع العائلة كامل! ماتهدر معاه ماتخرج معاه لمكان عام ماتخرج معاه مع ثالث بيناتهم ماتتناقش معاه!! يخطبها من تتزوج من كي شغل خلاص ياالي جا من الباب معنتها مناسب ليها!

انت لو كان خديتي شوية وقت لو كان فهمتي بلي هادا انسان كي شغل ماكاش حياة معاه
مايحوس مايخرج مايشري ماشي عايش هادا انسان عايش في روتين حتى فالقضيان بالاك عندو برنامج مايبدلوش كان لازم تنتبهي لهاد الامور من لول ، وتحوسي ع واحد لي يحوس الدنيا والاخرة مع بعض.
المهم انت اول حاجة ماتزيديش على وليدك فهاد الفترة امتنعي عن الحمل.
واعطيلو وقت اعطي لزواجك فرصة
حوسي فغوغل كاين كتابات تع استشاريين ومختصين في شؤون الاسرة يهدرو ع الزواج ويهدرو ع المشاكل وعلى الشخصيات وكيفاش يكون الحل. شوفي فاليوتيوب واسمعي "للمختصين" شوفي كيفاش تحلي مشاكلك مع راجلك. صح انت صغيرة فالسن، بصح راكي مسؤولة ع هاد العلاقة ومسؤولة ع انجاح هذا الزواج فديري لي عليك ماشي تحطي يدك ع خدك وتقولي راني صابرة، لا لا ناقشيه احكي معاه وتبدلي للاحسن وحاولي تبدليه. بش مام ممبعد ماتلوميش نفسك وتقولي انا درت لي قدرت عليه. وقدّر الله وماشاء الله.

ايدا كان هو مهنيك فامور وحداخرى (لانو هناك امور اخرى مهمة جدا فالزواج ماشي غير المال) فهو يستحق فرصة اعطيلو فرصة مثلا عدة اشهر ولا عام وانت تحاولي معاه، وبعدها قرري. بصح ماتسكتيلوش كيما يقول المثل وليدك ع ماربيتيه وراجلك ع ماولفتيه ، ماتولفيهش مايصرفش ديجا راهو والف ، المفروض من لول تولفيه يفورني عليك الراجل يصرف ع المراة بلا مزيتو وهادي هي القوامة.
المهم ماشي اول حل الطلاق.
وايدا شفتي )بعد محاولات ( بلي راهو يقتل في شبابك فالطلاق احسن منه لانك حبيبتي تعيشي مرة واحدة ماتخلي حتى واحد يسوّدلك حياتك. ولي خلق مايضيع سبحانه.

[kazilo]

ادعي ربي يهديه واذا عندو وبخيل روحي لداركم مدة وانصحيه اذا يعدل روحو والا تخلعيه وشوفي بعدها

[أم رقية نسرين]

هادا الفضاء مهوش مناسب باش تطرحي فيه قضية طلاق مراكيش وحدك راهو بينكم طفل وزيد حتى بعد 4 سنين باش عرفتي طباع زوجك ؟؟؟؟هاد الصفات يبانو من العام الأول تاع الزواج
قضية أنو ميصرفش عليك اهدري معاه وتحاوري بهدوء وإلا دخلي عقلاء العائلتين
قضية الخروج تاني تقدري تتفاهمي معاه فيها
النصيحة الأخيرة كون نتي قالتهالك وحدة أخرى قبل ماتتزوجي كون قلتيلها خلي نصيحتك ليك...
ربي يهدي زوجك ويهنيك

[حورية تو]

شوفي كاش ما عندك صنعة ولا افتحي قناة يوتيوب ...المهم تخلصي من شعور أنك تعيشين كجثة...اذا لم ينفع الامر تخلصي من زواج كهذا* وتمهني واعملي وربي إبنك ...الحياة بأكملها مخاطرة كبرى إن لن نخاطر لن ننجح
أنا لن أقول لك أصبري فالصبر له حدود و عواقبه وخيمة قد تصيرين مجنونة لكن حاولي أن تغيري واقعك بحوار ،بعمل من البيت،انت ادرى

[لطفي القانوني]

ط§ظ„ط³ظ„ط§ظ… ط¹ظ„ظٹظƒظ…
ط§ظ„ط¨ط®ظ„ ط*ط§ظ„ط§طھظ‡ طھط®طھظ„ظپ , ظپظ‡ظ†ط§ظƒ ظ…ظ† ط·ط¨ط¹ظ‡ ط§ظ„ط¨ط®ظ„ ظˆ ظ‡ط°ط§ ظ„ط§ط²ظ…ظ„ظƒ طھظ„طھط¬ط£ظٹ ط§ظ„ظ‰ ط§ظ„ظ„ظ‡ ط§ظ†ظˆ ظٹطµظ„ط*ظˆط§ ظˆ ط§ط³طھط¹ظٹط°ظٹ ط¨ط§ظ„ظ„ظ‡ ظ…ظ† ط§ظ„ط¨ط®ظ„ , ظپط¹ظ„ظٹظƒ ط¨ط§ظ„ط¯ط¹ط§ط، ط«ظ… ط§ظ„ط¯ط¹ط§ط،
ظˆظƒط§ظٹظ† طµظ†ظپ ظ„ط§ظٹظˆطµظپ ط¨ط§ظ„ط¨ط®ظ„ ظˆظ„ظƒظ† ط¸ط±ظˆظپظ‡ ط§ظ„ظ…ط§ظ„ظٹط© طھط*طھظ… ط¹ظ„ظٹظ‡ ظٹطھطµط±ظپ ط¹ظ„ظ‰ ظ‡ط°ظ‡ ط§ظ„ط´ط§ظƒظ„ط© ط*طھظ‰ ظˆ ط§ظ†ظˆ ظٹط¨ط§ظ†ظ„ظƒ ط§ظ†ظˆ ط±ط§ظ‡ظˆ ظ…ظ‚طھط¯ط± ط¹ظ„ظ‰ ط§ظ„ظƒظ…ط§ظ„ظٹط§طھ ظˆ ظ„ظƒظ† ظ„ظٹ ط±ط§ظ‡ظˆ ظپظٹ ط±ط§ط³ظˆ ظ…ط±ط§ظ‡ظˆط´ ظپظٹ ط±ط§ط³ظƒ ظ„ط°ط§ ظٹط¬ط¨ ط§ظ† طھظ‚ط¯ط± ط*ط§ظ„ط© ظ‡ط§ط¯ ط§ظ„طµظ†ظپ ظ…ظ† ط§ظ„ط±ط¬ط§ظ„
ط§ظ…ط§ ط¨ط®طµظˆطµ ط§ظ„ط®ط¯ظ…ط© ظˆ ط§ظ„ظ‚ط±ط§ظٹط© , ظ„ظ„ط§ط³ظپ ظٹط§ط§ط®طھظٹ ط§ظ„ط³ظ‚ظپ ط§ظ„ط°ظٹ ظˆظپط±ظ‡ ظ„ظƒ ط²ظˆط¬ظƒ ظˆ ظ…ط¸ط§ظ‡ط± ط§ظ„ظ†ط³ط§ط، ط§ظ„طھظٹ ظٹظ‚ط¯ظ† ط§ظ„ط³ظٹط§ط±ط§طھ ظˆ ظٹظ„ط¨ط³ظ† ط§ط*ط³ظ† ط§ظ„ط«ط§ظٹط¨ ظ‚ط¯ ط§ط®ظپظ‰ ط¹ظ„ظٹظƒ ظˆط*ط´ظٹط© ط¹ط§ظ„ظ… ط§ظ„ط¹ظ…ظ„ ظˆ ط§ظ„ط´ط؛ظ„ , ظپظƒط«ظٹط± ظ…ظ…ظ† ظٹظ…ظ„ظƒظ† ظ…ط§طھط´طھظ‡ظٹظ† ظپظٹظ‡ظ† ظٹط*ظ„ظ…ظ† ط¨ط±ط¬ظ„ ظٹط*ظ…ظ„ ط¹ظ†ظ‡ظ† ظ‡ظ…ظˆظ… ظˆ ط§ط«ظ‚ط§ظ„ ظ‡ط°ظ‡ ط§ظ„ط¯ظ†ظٹط§
ط§ظ„ط¹ظ…ظ„ ط¨ط§ظ„ظ†ط³ط¨ط© ظ„ظ„ط±ط¬ظ„ ظ‡ظˆ ط¬ظ‡ط§ط¯ طھط¹ط¨ ظˆ ظ†طµط¨ ظپظƒظٹظپ ظٹظƒظˆظ† ط¨ط§ظ„ظ†ط³ط¨ط© ظ„ظ„ظ…ط±ط£ط©
طھط*ظٹط§طھظٹ

[لطفي القانوني]

السلام عليكم
البخل حالاته تختلف , فهناك من طبعه البخل و هذا لازملك تلتجأي الى الله انو يصلحوا و استعيذي بالله من البخل , فعليك بالدعاء ثم الدعاء
وكاين صنف لايوصف بالبخل ولكن ظروفه المالية تحتم عليه يتصرف على هذه الشاكلة حتى و انو يبانلك انو راهو مقتدر على الكماليات و لكن لي راهو في راسو مراهوش في راسك لذا يجب ان تقدر حالة هاد الصنف من الرجال
اما بخصوص الخدمة و القراية , للاسف يااختي السقف الذي وفره لك زوجك و مظاهر النساء التي يقدن السيارات و يلبسن احسن الثايب قد اخفى عليك وحشية عالم العمل و الشغل , فكثير ممن يملكن ماتشتهين فيهن يحلمن برجل يحمل عنهن هموم و اثقال هذه الدنيا
العمل بالنسبة للرجل هو جهاد تعب و نصب فكيف يكون بالنسبة للمرأة
تحياتي