لمعرفة أجور الوظيف العمومي

[fayçall]

أردت في هذا الموضوع معرفة أجر الوظيف العمومي فلكل من يملك المعلومات يفيدنا بها

مثلا تقني سامي في الإعلام الألي 25000 في قطاع الإتصالات

22500 في قطاع الصحة
نبحث عن المتصرف وغيرها من الوظائف الأخرى

الذي لا يعرف لا داعي للتكليف :mh92:

[mascara]

شكرا لك اخي
بارك الله فيك على المبادرة
ياريت الكل يجتمع ونديرو حوصلة على شبكة الاجور في مختلف القطاعات الاقتصادية

[CHAOUI@MOH]

كم هو راتب ضابط شرطة لمن لديه علم وشكرا

[sinosse]

ضابط شرطة الراتب القاعدي يقارب 33.000 دج

[fayçall]

كم هو راتب متصرف إداري

[dido19]

راتب متصرف إداري من 22000 الى 41000

[medmay86]

متصرف إداري لدي البلدية من 35000 و اما في قطاع العدالة أمين قسم ضبط فهي الان 23700 اما امين ضبط و معاون امين ضبط فهو 18000 و اما بالنسبة لمحاسب إداري رئيس في البلدية قبل الترسام بعد النجاح في المسابقة هو 19000 وكل هده المعلومات صحيحة

[magic21]

من قال لك يا أخي ان متصرف اداري في بلدية يتقاضى 35000دج ؟؟؟؟؟؟؟
لا يتجاوز 26000دج

[fahd ayache]

لحساب موش مليح
كم يتقاضي مساعد تربوي

[magic21]

يا اخي و مين الحساب موش مليح انت علاش راك باغي تحسب للمساعد التربوي مسكين

[mascara]

موظف في الصندوق الوطني للضمان الاجتماعي cnas
متحصل على شهادة الليسانس في الاقتصاد

[منيرر]

كم راتب مفتش الشرطة

[mascara]

كم راتب مفتش الشرطة

مفتش شرطة جديد يتقاضى 28.000 دج

[منيرر]

مشكور اخي الكريم

[cd nail]

كم هو راتب مستشار التوجيه و الارشاد المهني و المدرسي

[CHAOUI@MOH]

كم هو راتب موظف في الصندوق الوطني للضمان الاجتماعي متحصل على ليسانس في العلوم القانونية+capa

[CHAOUI@MOH]

مشكور اخي sinosse على الرد

[CHAOUI@MOH]

http://www.djelfa.info/vb/images/icons/b12.gifمشكور اخي sinosse على الرد

[fayçall]

نرجوا من الإخوة أن يفيدونا بالرواتب عند إستلام الوظيفة يعني بدون أقدمية

[halim1980]

مساعـــــد التربية سنــــة عمـــــل يتقاضى 19800

[elarabi001]

كم يتقاضى متصرف في الخزينة

[lyes3007]

كم يتقاضى مهندس دولة في الإعلام الآلي على مستوى البلدية

[طالب رضا الله]

هدي هي الدنيا واحد يكسب و واحد يحسب احسبو احسبو

[ميمي.16]

كم هو راتب ضابط فرق للجمارك

[CHAOUI@MOH]

وليدو اتمنى خير ما تسنى و لي يحسب يكسب و لي عساس على الناس واش اقولو يبقى اضروا قلبو بزعاف حتى يموت الفاهم يفهم ولي مفهمسش العام الجاي

[benz03]

تقني سامي في الإعلام الألي 20444 دج في قطاع الصحة لأني موظف في قطاع الصحة ( تقني سامي في الإعلام الألي )

[CHAOUI@MOH]

ربي انجح كل المؤمنين ان شاء الله

[kaouche khaled]

كم هو راتب منشط ثقافي للخدمات الجامعية متحصل على الليسانس علوم اقتصادية

[TMLS]

قاعدين غير تحسبوا للناس
المهم في الخدمة المحترمة والدراهم راكم كامل في الوظيف العمومي

[CHAOUI@MOH]

راك تحشر دماغك بزاف يا خو بالاك لا يتكسر احنا رانا نتناقشو في امور الدنيا و اذا ما عجبكش الحال عاونا بالسكات من فضلك

[YACINE soso]

ممكن اعرف ماهو راتب عون حفظ البيانات الخاص بالتربية الوطنية

[elrabaa]

سبحان الله

[taleb123]

إن حساب الراتب لكل رتبة مقيد في الوظيف العمومي بنقاط إستدلالية + النقطة الإستدلالية حسب الدرجة للخبرة المهنية الكل ضرب 45 دج = الأجر القاعدي

[fayçall]

أعطينا مثال بارك الله فيك

[dido19.2]

كم راتب عون الامن في الشرطة

[طالب رضا الله]

لمعرفة الاجر نلاحظ اولا التصنيف مثال متصرف رتبة 12 التي تقابلها نقطتها الاستدلالية وهي 537 وقيمة النقطة الاستدلالية هي 45 دينار الان نحسب 4500*537 تساوي
2416500
هدا هو الاجر القاعدي لمتصرف ننقصو منه التامين واشياء اخرى تبقى 2200000
وصحيتو ونظن قليلة بزاف علاخاطرش بلادنا عندها الفلوس

[douik meriem]

:dj_17::dj_17: أشكركم كثيرا كما أتمنى لكم عام سعيد وكلكم بألف خير:mh31:

أريد معرفة اللاختبار الشفاهي للمساعد التربوي وكم يتقاضي شهريا وشكرا


:sdf:

:sdf: متأسفة من جديد

[kaouche khaled]

كم هو راتب منشط ثقافي لدى الخدمات الجامعية و مساعد التمريض عاجلا وشكرا

[YACINE soso]

كم هو راتب عون حفظ البيانات بمديرية التربية

[TMLS]

اللي يحوس يدرير الدراهم يروح للتجارة ، الوظيف العمومي كامل زوالي ، ربي يعاونهم ،
نكذب عليكم لوكان نقول مانيش متمني خدمة في الوظيف العمومي،
الي في التجارة كامل يحسدوا انتاعين الوظيف خاصة كي يهزوا عطلة ،
وأنا نقولكم التجار هم أكبر الكذابين والهف والغش ، أنا نعرفهم مليح مليح وخدمت معاهم، زعما يصلوا في الصف الأول،
حاشى 0.00000000001 في المائة منهم

[طالب رضا الله]

التجار خويا كيما عبدالرحمان بن عوف مشي تاوع درك

[kadirou831]

اللي يحوس يدرير الدراهم يروح للتجارة ، الوظيف العمومي كامل زوالي ، ربي يعاونهم ،
نكذب عليكم لوكان نقول مانيش متمني خدمة في الوظيف العمومي،
الي في التجارة كامل يحسدوا انتاعين الوظيف خاصة كي يهزوا عطلة ،
وأنا نقولكم التجار هم أكبر الكذابين والهف والغش ، أنا نعرفهم مليح مليح وخدمت معاهم، زعما يصلوا في الصف الأول،
حاشى 0.00000000001 في المائة منهم

تحيا التجارة
أنا متصرف غداري في الوظيف العمومي
بصح كي يفتح الله علي ونكون لمدت مبلغ مليح
ندير مشروع مليح ونقول بي باي للوظيف العمومي

[الهامل الهامل]

السلام عليكم ورحمة الله وبركاته

قطاع الشؤون الدينية

إمام أسيتاذ 32000
إمام مدرس 24000
معلم قرآز 23000
قيم21000

[mouaiz]

اجر عون ادارة


و عون ادارة رئيسي

[simson]

مساعد تربيو 19000 عامل جديدثم يصل حوالي 22000

[عبد النور مكي]

كم هو راتب ضابط فرق للجمارك

ضابط فرق = 20.000 دج مع 4 منح في السنة.

[dbhouari]

هههههههأأأأأأأأأ ...عجبتني غير نتاع قطاع الشؤون الدينية ،،، و الله لا عندهم الشكارة هذا القطاع ..هههههههه

[روسيا55]

السلام عليكم الله يهدي اخوانا اللي قالو كلام موش مليح بمنتدى مثقفين كيما هذا.........
المهم الله يا خاوتي عندكم الحق الشهرية ما تقضي والو خاصة انتوما الرجال الله يكون في العون الوظيف العمومي عيان ياسر في بلادنا والله نصيحة ليكم الرجال بما بما اني من الجنوب والله توجهوا الى العمل بشركات سونطراك أحسن الآن صارت الوظيفة الامثل والاقدر....... وربي يكون بعونا وعونكم .

[خفيف فتيحة]

بصح يا أخ روسيا العمل في سوناطراك لمن يطير

[best-nono]

السلام عليكم الله يهدي اخوانا اللي قالو كلام موش مليح لمنتدى مثقفين كيما هذا.........
المهم الله يا خاوتي عندكم الحق الشهرية ما تقضي والو خاصة انتوما الرجال الله يكون في العون الوظيف العمومي عيان ياسر في بلادنا والله نصيحة ليكم الرجال بما بما اني من الجنوب والله توجهوا الى العمل بشركات سونطراك أحسن الآن صارت الوظيفة الامثل والاقدر....... وربي يكون بعونا وعونكم .

الله يهديك ، هذا واش نقولك ...............

[hamidsalamandre]

السلام عليكم إخواني أريد أن أستفسر إن كان لجميع المتصرفين الإدرايين نفس درجة التصنيف أي 12 و هل يتقاضوا الكل وفق هاد التصنيف 21700 دينار جزائري

[dz.djamel23]

السلام عليكم.....من فضلكم اخواني اي موضوع يفتح في المنتدى....اللي عجبوا يشارك فيه و اللي ما عجبوش....المنتدى فيه الاف المواضيع....
و يكفينا سبان و قباح....لاني شوفة رد في هذا الموضوع بالكلام العيب....على العموم الله يهدينا....

بالنسبة ليا الموضوع مليح....فهو من باب الفضول فقط...لانه في الحقيقة...كون تجي اي فرصة لاي واحد منا في وظيفة راح يعمل بصرف النظر عن الاجرة....
*=== (( ما يلفظ من قول إلا لديه رقيب عتيد )) ===*

[dz.djamel23]

اخواني من لديه علم عن اجرة متصرف في قطاع السكك الحديدية
و كدلك العامل في قطاع القانوني لبنك الوطني الجزائري bna

[ناصري 12]

كم هو راتب ملحق بلدي

[mmooohhaa]

شكراااااااااااااااااااااااااااااااااااااااااااا

[hamidsalamandre]

il n'yapa qlqun pr me rèpondre

[منيرر]

كم هو راتب ضابط رقابة بالجمارك .
سلام.

[alamal]

salam le salaire de base d'inspecteur du police = ????????

[abdou osff]

كم هو راتب موظف في القظاع العمومي متحصل على شهادة تقني سام في المحاسبة و المالية

[medmay86]

انا خبرني واحد صاحبي يعمل ضابط الشرطة القضائية يعمل منذ 7 سنوات يسلك 33000.00 دج و الله أعلم وهو قالي ويهدر و يؤكد و ربي يفوق الجميع.

[bob2606]

طلعو النيفو وخليكم من الخرافات وشوفو حاجة تنفعكم وقولو ربي يبارك لكل واحد شرط ان يحلل دراهمو يعني الضمير المهني يكون حي ماشي كي هاذ الايام وال نشوفوه مع احترامي لكل شخص اما عن الاجور فبحسب الادرات والقانون الداخلي لان معظم الاجور الجزائرية تتركز بالدرجة الاولى على المنح
للأشارة اخوكم اخر اجر بالجزائر // شبكة خصوصية// اقصد اجتماعية بل تعمدت خصوصية وانا واثق من معرفة المعنى الحقيقي

[tebessa]

ناس تكسب وناس تحسب

[nabil2020]

est de 21750 da net la paye de l'administrateur

[hafidfadel]

كم هو راتب بطال مثقف
20سنة دراسة

[medmay86]

ههههههههههههههههههههههههههههههههههههههه
و الله غيل دحكتني و جوبوا علا هد السؤال بطال شحال يسلك

[mido0885]

كم هو راتب عون إدارة من فضلكم موظف جديد

[taha.com]

يا جماعة الخير
الراتب ليس قيمة ثابتة قد تجد متصرف رئيسي وصل الى المنصب عن طريق الأقدمية والمسابقات المهنية يأخد راتب مختلف عن ذلك الذي يأخّده زميل له في نفس الرتبة وصل إليها بعد مسابقة خارجية ......
كذلك الأقدمية . المستوى التعليمي . قطاع الشغل . مردودية العامل .....................كلها تسبب الإختلافات في الأجر ضمن نفس الوظيفة .

[mido0885]

على بالي يا أخي الفاضل بصح راني حاب نعرف شحال راتب موظف في رتبة عون إدارة وراني حددت في سؤالي موظف جديد

[fayçall]

طلعو النيفو وخليكم من الخرافات وشوفو حاجة تنفعكم وقولو ربي يبارك لكل واحد شرط ان يحلل دراهمو يعني الضمير المهني يكون حي ماشي كي هاذ الايام وال نشوفوه مع احترامي لكل شخص اما عن الاجور فبحسب الادرات والقانون الداخلي لان معظم الاجور الجزائرية تتركز بالدرجة الاولى على المنح
للأشارة اخوكم اخر اجر بالجزائر // شبكة خصوصية// اقصد اجتماعية بل تعمدت خصوصية وانا واثق من معرفة المعنى الحقيقي


ينشد عليك الخير كي تلقاه ما تنساش تسايلنا عليه

[توفيق3480]

لكل من أراد معرفة أجر موظف ما ماعليه الا تحميل الجريدة الرسمية لسنة 2007 العدد 61
ففيها كل تفاصيل الاجور

وقم بعملية الحساب * قيمة النقطة الاستدلالية 45 دج

[وفاء رمضاني]

بالنسة لمتصرف اداري اجره 24000 دج هذا جديد مهندس في الاعلام الالي 26000 دج جديد

[optimism]

جي الخدمة ام بعد كل شي ساهل

[الشــــــيخ]

كم هو راتب بطال مثقف
20سنة دراسة

الديون كل شهر تقريبا توصل الى 10000 دج .........هذا لي ما يدخن ولا يشم
لي يدخن 2 قورا في اليوم وعندو فنجان قهوة......في الشهر الدين يوصل الى 25000دج
لي يدخن فوق 2 قوار ويشرب فوق فنجان قهوة.........في الشهر الدين يصل حتى 30000دج
لي يدخن ويشم ...........توصل حتى 35000 دج

لي يدخن ويشم ويشرب قهوة ويتكيف ........يبيع روحو ويربي

[ahmed76]

راتب متصرف اداري 22000دج .اما راتب مساعد تربوي 19000دج وراتب مفتش شرطة 32000دج وراتب ضابط شرطة 35000دج والقاعدة العامة المعمول بها في الوضيف العمومي لتحديد الاجور هي التصنيفات فمنهم من هو مصنف في الرتبة السابعة ومنهم من هو في الثامنة والعاشرة واكثر

[amine20dz]

كم هو راتب قاضي طالب + مترسم

[amine20dz]

كم هو راتب بطال مثقف
20سنة دراسة

الديون كل شهر تقريبا توصل الى 10000 دج .........هذا لي ما يدخن ولا يشم
لي يدخن 2 قورا في اليوم وعندو فنجان قهوة......في الشهر الدين يوصل الى 25000دج
لي يدخن فوق 2 قوار ويشرب فوق فنجان قهوة.........في الشهر الدين يصل حتى 30000دج
لي يدخن ويشم ...........توصل حتى 35000 دج

لي يدخن ويشم ويشرب قهوة ويتكيف ........يبيع روحو ويربي
************************************************** *****************************************
والله لعند الصح 100/1000
ربي يجيب الخير

[layal_17]

كم راتب ضابط بإدارة السجون

[rais flex]

يا جماعة قاعدين غير نربشوا واحد على جارو واحد على خوه واحد على صاحبو .أخطيونا نهار تجي الخدمة تما تعرف قده راك تسلك

[baryad]

كم يتقاضى موظف برتبة تقني الإعلام الألي في الخزينة

[hamza82]

من فضلكم ..
كم يتقاضى استاذ التكوين المهني رتبة ثانية

[fidele661]

لا نقول متصرف اداري في البلدية بل متصرف بلدي و اجره ابتداءا من 22.000 دج