الى طلاب باك 2022

[yona chan]

.السلام عليكم ، انا تلميذة متحصلة على بكالوريا 2021 ، بمعدل 18.83 شعبة علوم تجريبية و الحمد لله كثيرا، احببت ان اقدم مساعدة و لو كانت بسيطة للطلاب المقبلين على البكالوريا هذا العام ان شاء الله على هذا المنتدى ، كوني استفدت منه كثيرا إذ لطالما قرأت تجارب من اجتاز البكالوريا قبلي هنا ، انا هنا لاستفساراتكم و قريبا سأضع بعض المراجع المهمة التي اعتمدت عليها ...هذا الوقت كاين لي بدا يقرا و حصل و كاين لي مابداش خلاص المهم الاشياء لي فيها افادة ليكم سقسيوني عليها و نحاول نجاوبكم ان شاء الله ، نقاطي كانت كالتالي 18 في العلوم ، 20 في الرياضيات و الفيزياء ، 18 في العربية ، 17.5 في الفرنسية ، 19.5 في الانجليزية ، 16.5 في الفلسفة ، 19.5 في الاجتماعيات .. عام صعب بسبب عدم التنظيم ، هونه الله علينا اذ ادرك قلة حيلتنا فالحمد لله ....

[iray]

السلام عليكم اختي هل دروس خصوصية مفيدة أم لا وهل اعتمدتي عليها

[yona chan]

السلام عليكم اختي هل دروس خصوصية مفيدة أم لا وهل اعتمدتي عليها
و عليكم السلام ، نعم اعتمدت عليها في الفيزياء و العلوم ، بالنسبة لي ارى الدروس الخصوية مفيدة في المواد التي تعاني نقصا فيها ، انا مثلا العلوم ماقدرتش نقراها وحدي حتى اني في نهاية السنة درت عند استاذين (الشهران الاخيران)، فيزياء درت لكن ماعتمدتش كليا على الدروس الخصوصية كنت نحل وحدي في الدار و مالقيتش معاها مشكل ، فادتني لا انكر من حيث طريقة الاجابة و بعض الافكار الجديدة ...الرياضيات الحمد لله منذ بداية السنة وجدت اني لا احتاج دروسا خصوصية ، استطيع تولي امرها بحل تمارين متنوعة الافكار في البيت و التمارين موجودة في الانترنت كثيييرة ...لا احبذ اللجوء الى الدروس الخصوصية في جميع المواد ، هناك وقت كبيير سيضيع ...اهم شي هو خدمتك في المنزل ...

[yona chan]

الاستاذ بوص بارك الله فيه ساعدني كثيرا في الرياضيات ، جزاه الله خيرا عنا ...

[iray]

مشكورة اختي من فضلك كيف درستي المواد علمية فيزياء علوم رياضيات انصحينا ربي يحفظك

[yona chan]

هذا كشف نقاطي ، في الواقع قد لا يكون واضحا جدا ، للمصداقية ...https://up4net.com/uploads4/thumbs/up4net.com163079406816171.jpg (https://up4net.com/uploads4/up4net.com163079406816171.jpg)

[yona chan]

بالنسبة للعلوم منذ بداية السنة و انا اعاني منها ، مادتنا الاساسية بالنسبة لشعبة عت ، لم اهتم بها في الصيف لاني ببساطة لم اواجه مشكلة في السنة الثتنية ، قبل الدخول درست شيئا من الرياضيات و الفيزياء وحدي ، ام العلوم فحاولت ان اكثف فيها مع بداية السنة ، الا ان الطريقة كانت خاطئة ، الحتقت بدروس الدعم ، كنت احضر الدروس في القسم ادون ما يشرحه الاستاذ ، اعيده في حصص الدعم ، افهمه جيدا تقريبا ، الفهم الكلي في الواقع لاي وحدة ياتي بعد حل التمارين ، بعد فهم الدرس انتقل لتمارين بوالريش ، لكني لم اكن احاول كتابيا ، كان جل اهتمامي منصبا على الحصول على الفكرة التي يدور حولها التمرين ، لكنه لايكفي! ببساطة قد افهم الفكرة لكني في الاسئلة لن اعطي كل سؤال حقه في الاجابة لانو كاين منهجية و كين كلمات مفتاحية ضروري التقيد بها من المنهاج طبعا ، هذا كله كنت غافلة عنه في بداية السنة و اكملت على هذا المنوال حتى نهاية الفصل الاول ...حليت من تمارين بوالريش و الحل الكتابي كان نادرا ، ايضا خدمت بعض الملخصات بصح والله نحشم نمدها لاي واحد يقرا بيها ، نخلط المعلومات مانرتبش ماننظمش (لاعلاقة بالتنظيم) كي كنت نحل ساعات نتوصل الى الفكرة و نا فيا صنعة كشغل بش نطلع المورال و نقول لروحي نتي عبقرية وو المهم غير خرطي ، لانو اختبار الفصل الاول حبست في تمرين المناعة ماعرفتش نستخرج منو معلومات ابدا حبست حرفيا و قعدت تبكي ، جاتني الاستاذة قاتلي : نهار الباك تبكي؟ ماباليد حيلة في التصحيح قاتلي بلي ماعجبتهاش ورقتي و كاين تلاميذ معدلاتهم قل مني مدحتهم يعني انا راني في الخطرهه ببساطة معامل 6 راهو مهدد، عااادي بعدها عطاونا العطلة ، جبت سمانة عقاب المناعة تفرجت عليها بزاف و لقيت حوايج خارج المنهاج و ضيعت عطلتي على جالت العلوم ...ماتحسنتش بزاف يعني لانو تعبت معا الفصل الثاني لكن في نهاسية السنة ماكملتش المقرر و خيرت انو نحل التمارين المختارة سواء تاع ليكور ولا مواضيع تجريبية حليت منهم بزاف شفهي و شويا هكا خيرتهم حليت منهم كتابيا و لقيت روحي نتحسن في الايام الاخيرة قبل الباك مش اني ماكنتش مليحة لا كنت نقراها يعني عندي المعلومات لكن توظيفي كان ضعيف و غير محكم يعني الملعومة الفلانية لازم علابالك وين تحطها ...المختصر : المنهجية ماتقراهاش هكاك و تخليها لازم تطبق لازم تحل تمارين و تغلط و تصحح بش تتطور فيها ،في الشهرين الاخيرين درت عند استاذة راائعة في العلوم هزيت عندها المنهجية الصحيحة ، و تحسنت في الباك التجريبي ارتفعت معنوياتي بعدما حسيت انو تغلبت على العلوم ، سبحان الله قاتهالنا هاذ الاستاذة العلوم اقراها ما تخافش ! لكن نهار الباك ماكفانيش الوقت قعدلي ساعة للتمرين اللخر عليه 8 نقاط ، صاي فشلت ضيعت 3 سوايع و نص في زوج تمارين!! لكني تمسكت بربي لاخر لحطة ماوش حايضيعلي تعبي ، و بلا تعبي واالله عانيت ضغط كبير اثناء الاحابة و حبست الدموع و انا انسانة مانيش من هاذ النوع قلت مستحيل ربي يخليني و انا في هذا الضعف ...انتهى خلصت مديت ورقتي ثم انفجرت ..بكاء هستيري ، كانت تعسني استاتي في الفيزياء خففت عليا كثيرا ربي يحفظها ، بعد ما دفعت الورقة قاتلي علاه تبكي ، قتلها هكا العلوم عمري لا نخدم ، قتلها هاهي الناس تخرج واحد لا خرج كيمي يبكي ، قاتلي اسمعي ما تبكيش ! 18 19 كاينة ، و الحمد لله جبت 18 و قربت من 19 ...العلوم مادرتي فيا جيت نقولك كفاه قريتها وليت نحكي في حكايتي معاها قصدي معاناتي ههه خلاصتي : العلوم معامل 6 تستاهل بش تتعب عليها ، تتوسع فيها تتبع مليح في الكلاصة ، تحل تمارين بالمنهجية و ماتتكاسلش تحلهم بالكتيبة ، نهار الباك ماراحش يطون عنك وقت بش تخمم وش راح تكتب ، طبعا للفهم الجيد الدروس و التطبيق خاصة في الفصل الثاني اعتمدت كثيرا على فليتي بعد الدرس و دروس الدعم ، منت نحل تمارينها ايضا لي تحطهم في المجلات تبعوها رااائعة فليتي تخدم بالمنهجية ...بالتوفيق ان شاء الله ادعيوا ربي تجيبوا مليح في اللباك نورمالمون علابالكم بالمعدل الموزون ، و بلي نقاط العلوم كانت معظمها كارثية رغم ان المواضيع ليست صعبة لكن كيف لي ان اشرح ، ربما الطرح الغريب خلانا نحن التلاميذ نرتبكوا في الاجابة و مانعطوهاش حقها ...

[iray]

ربي يحفظك واتمنى لكي التوفيق في مشوارك الدراسي

[الأمين 1]

السلام عليكم
اولا مبارك لك ماشاء الله
بخصوص العلوم هذا العام غريب جدا انا متأكد انه تم التلاعب بالنقاط بحكم انها تدخل ضمن المعدل الموزون
انا كذلك تحصلت على شهادة البكالوريا هذا العام الا ان المعدل لم يرق لمستوى تطلعاتي و الجهد الذي بذلته
رغم اني كنت متأكد اني ساتحصل على معدل ممتاز
لكن دائما نقول الخير فيما اختاره الله
"خخخ هنا امنت بمقولة الباك زهر تاع الصح زهر "
نصيحة للمترشحين هذه السنة ديرو لي عليكم و ماتنساوش الراحة اهم شي الراحة كي تحس روحك تعبان عادي ارقد و ريح يوم او يومين و كمل
و الباقي على ربي كاين ناس معايا عقبو عام كامل و هوما يلعبة جابو اكثر مني انا لي كنت الاول في الثانوية و البلدية تاعي هه الناس كامل تعرفني
يعني توقعوا كلشي
و ربي يوفقكم â™، .

[iray]

ان شاء الله بارك الله فيك سوف تعيد البكالوريا هذه السنة ام لامثلي لي تماما حتى انا لم اتوقع معدلي في بكالوريا تعبت كثيرا وكنت اريد التحصل على معدل17 لكن خير فيما اختاره الله لنا وانا سوف اعيد البكالوريا هذه السنة وان شاء الله يكون معدلي 17كما كنت اريد معدل البكالوريا12:35كان صدمة صراحة

[الأمين 1]

ان شاء الله بارك الله فيك سوف تعيد البكالوريا هذه السنة ام لامثلي لي تماما حتى انا لم اتوقع معدلي في بكالوريا تعبت كثيرا وكنت اريد التحصل على معدل17 لكن خير فيما اختاره الله لنا وانا سوف اعيد البكالوريا هذه السنة وان شاء الله يكون معدلي 17كما كنت اريد معدل البكالوريا12:35كان صدمة صراحة

انا معدل البكالوريا كان تقريبا 16 لكن مقارنة بالجهد لاشي حتى التوجيه مدولي mi
ان شاء الله هذا العام راني نخمم نعاودو بصح متردد شوي

[iray]

لالا عاود خير ودير براميديكال مليحة ولا مدرسة عليا وان شاء الله تحقق لي في بالك الخير فيما اختاره الله لنا صراحة صدمة وتقيض لواحد يدي 16و17وممدولوش تخصص مليح بصح سنة كامل هاك ممدوش تخصاصات طلعوا معدلات قبول بصح انت عاود ومتعرف كراك هذي مرة يعطوك تخصص مليح تفائل واتكل على ربي ربي يكون معاك ويوفقك

[الأمين 1]

لالا عاود خير ودير براميديكال مليحة ولا مدرسة عليا وان شاء الله تحقق لي في بالك الخير فيما اختاره الله لنا صراحة صدمة وتقيض لواحد يدي 16و17وممدولوش تخصص مليح بصح سنة كامل هاك ممدوش تخصاصات طلعوا معدلات قبول بصح انت عاود ومتعرف كراك هذي مرة يعطوك تخصص مليح تفائل واتكل على ربي ربي يكون معاك ويوفقك

ان شاء الله ربي يجيب لي فيه الخير
ري يحفظك ختي بارك الله فيك
اذا حبيتي تواصلي معايا بلاك نعاونوا بعض
ربي يوفقنا ^^ .

[iray]

اميين ان شاء الله يعيشك صراحة أحتاجوا مساعدة

[الأمين 1]

اميين ان شاء الله يعيشك صراحة أحتاجوا مساعدة

https://www.instagram.com/study_with_amine/
هذي الصفحة تاعي في الانستا فتحتها باش نعاون التلاميذ اهلا و سهلا بيك
كشما تحتاجي ابعثيلي

[iray]

ربي يحفظك مشكور اخي

[yona chan]

ربي يحفظك واتمنى لكي التوفيق في مشوارك الدراسي

امين اختي و اياك

[yona chan]

السلام عليكم
اولا مبارك لك ماشاء الله
بخصوص العلوم هذا العام غريب جدا انا متأكد انه تم التلاعب بالنقاط بحكم انها تدخل ضمن المعدل الموزون
انا كذلك تحصلت على شهادة البكالوريا هذا العام الا ان المعدل لم يرق لمستوى تطلعاتي و الجهد الذي بذلته
رغم اني كنت متأكد اني ساتحصل على معدل ممتاز
لكن دائما نقول الخير فيما اختاره الله
"خخخ هنا امنت بمقولة الباك زهر تاع الصح زهر "
نصيحة للمترشحين هذه السنة ديرو لي عليكم و ماتنساوش الراحة اهم شي الراحة كي تحس روحك تعبان عادي ارقد و ريح يوم او يومين و كمل
و الباقي على ربي كاين ناس معايا عقبو عام كامل و هوما يلعبة جابو اكثر مني انا لي كنت الاول في الثانوية و البلدية تاعي هه الناس كامل تعرفني
يعني توقعوا كلشي
و ربي يوفقكم â™، .

يبارك فيك اخي و مبارك لك ايضا النجاح في شهادة البكالوريا ، نعم عليهم توقع كل شيئ ، كان هذا وضعي ايضا لكن ثقتي بالله كانت اكبر من خوفي ، و الحمد لله الحمد لله ، ماوش زهر لكن مكتوب و يلحق ، ،الباك ما هو الا اختبار دنيوي في النهاية ، و يمكنك اعادة البكالوريا و اثبات ان مستواك اكبر من هذا بكثير لكن مهما تعرضت للاستهزاء من الناس من حولك ، "يحوسوا يثبطوك " ما تخليش الهدف انو تثبتلهم شيئ ، خلي الهدف انو تثبت لنفسك انك تستطيع باذن الله ، خلي الهدف انو تشوف نفسك في عينيك انك نجحت ، الناس والله ما يهموا ...ماكانوش يلعبوا ربما كانوا يقراو و يتظاهروا باللعب ههه في النهاية النتيجة ماتجيش باللعب ، لكن البعض يسقطون و لكل جواد كبوة ، يجيبوا معدلات مابغوهمش و ليست نهاية العالم صدقني ...لا اعلم بخصوص التلاعب ربما حصل ، لان الكثير ممن اعرف تحصلوا على علامات 14 15 و كانوا يتوقعون اكثر بكثير ...

[yona chan]

بالنسبة للرياضيات و الفيزياء ، ماتحتاجش تخمام كبير كفاه حاتقراها ، تقرا الدرس تاعك تهضمو ، تبدأ بحل التمارين من الابسط الى الاصعب ، مايهمش الكم بقدر النوع ، ، اعتمدت بزاف على الانترنت و استاذتي في الفسم في الرياضيات كانت رااائعة ما شاء الله عليها منظمة تبدا تحللنا تمارين من الكتاب المدرسي و نعرف النقائص تاعي والو كنت قارية الدرس من قبل ، كي نحل التمارين نكون عارفة الحوايج لي لازم نركز عليهم :
صفحات فيسبوك:
صفحة الاستاذ زريبي براهيم يضع تمارين رائعة و مستواها ممتاز، صفحةالاستاذ حجاج براهيم ، مواضيعه ممتازة جدا غنية بالافكار استعنت بها طوال العام الدراسي بشكل خفيف من خلال مواضيع عام 2020 ، و بشكل مكثف في نهاية السنة في المراجعة النهائية للبكالوريا اسم الصفحة الرياضيات -أفكار و خطوات - الدروس الخصوصيةو هذه التجميعية التي استخدمتها ايضا https://www.mediafire.com/file/lpexd2c7yw1p8c9/المجلة+التجميعية+الشاملة+في+الرياضيات+-+تحديث+28+ماي+2020.pdf/file وجدت فيها الكثير من المواضيع ...
هناك ايضا حساب الاستاذ بلقاسم عبد الرزاق يضع تمارين و مواضيع بالحل راائعة ننصحكم بيه راهم في الفيسبوك ،لكن مالقيتوش بلاك مبعد يحل واحد جديد ، و حساب الاستاذ وعلي براهيم يحل تمارين لمختلف الاساتذة حل مفصل اسم الحساب هو: Mamoun Idris Ibrahim Ouali ، حساب الاستاذ بشير سنوسي ايضا يضع تمارين قيمة ،مع الحل احيانا - صفحة 5 min maths صفحة جميلة تجدون فيها مجلات ، تحتوي على تمارين لكل محور ، اعانتني كثيرا خاصة في المراجعة النهائية "مجلة بها مواضيع"...
قنوات اليوتيوب
قناة محمود بن الشيخ تمارين قيمة و شرح واف ، قناة الاستاذ سيدي عيسى ، عرفتها في الشهور الاخيرة قبل البكالوريا يضع مواضيعا تعالج مختلف الوحدات رائعة ايضا ، قناة نور الدين "اشهر من نار على علم" ، ما اعتمدتش عليه ىزاف صراحة ، لكن كنت نتبع التمارين لي يحطهم و نحل منهم مرة على مرة خاصة محور الاحتمالات اكثر محور حليت فيه تمارين كنت نعاني معاه ...،قناة الاستاذ بوسيف يونس ، تابعت مجموعة من افكار التمارين التي يضعها طلوا عليها .بالاضافة الى قناة زواوي باي فقد اعتمدت على مجلة الرائد و لبكالوريات التجريبية و الاختبارات الفصلية ...و سلاسل مصطفاي و الاستاذ عبعوب...
هذا بالنسبة للرياضيات تقريبا كاين مراجع اخرى لكن نسيتهم ماستعملتهمش بزاف ، التمارين لي كنت نلقا صعوبة فيها ولا ماشي متأكدة من الحل كنت نحطها هنا للاستاذ بوص كان يجاوبنا بورك فيه ...

[الأمين 1]

يبارك فيك اخي و مبارك لك ايضا النجاح في شهادة البكالوريا ، نعم عليهم توقع كل شيئ ، كان هذا وضعي ايضا لكن ثقتي بالله كانت اكبر من خوفي ، و الحمد لله الحمد لله ، ماوش زهر لكن مكتوب و يلحق ، ،الباك ما هو الا اختبار دنيوي في النهاية ، و يمكنك اعادة البكالوريا و اثبات ان مستواك اكبر من هذا بكثير لكن مهما تعرضت للاستهزاء من الناس من حولك ، "يحوسوا يثبطوك " ما تخليش الهدف انو تثبتلهم شيئ ، خلي الهدف انو تثبت لنفسك انك تستطيع باذن الله ، خلي الهدف انو تشوف نفسك في عينيك انك نجحت ، الناس والله ما يهموا ...ماكانوش يلعبوا ربما كانوا يقراو و يتظاهروا باللعب ههه في النهاية النتيجة ماتجيش باللعب ، لكن البعض يسقطون و لكل جواد كبوة ، يجيبوا معدلات مابغوهمش و ليست نهاية العالم صدقني ...لا اعلم بخصوص التلاعب ربما حصل ، لان الكثير ممن اعرف تحصلوا على علامات 14 15 و كانوا يتوقعون اكثر بكثير ...

صحيح الحمد لله على كل حال و الخير فيما اختاره الله
تحصلت على معدل 16 لكن لم احصل على التخصص المرغوب
يعني لابد ان نصاب ببعض الخيبات لكن في مقابل لن نستسلم لها
هذا كلو مكتوب ربي وحنا راضيين بيه
اما لي يستهزاو نخلوها على ربي يقلك كيفاش نتا لول و ديت هاك .....
موفقة اختي فيما تبقى ^^ .

[yona chan]

صحيح الحمد لله على كل حال و الخير فيما اختاره الله
تحصلت على معدل 16 لكن لم احصل على التخصص المرغوب
يعني لابد ان نصاب ببعض الخيبات لكن في مقابل لن نستسلم لها
هذا كلو مكتوب ربي وحنا راضيين بيه
اما لي يستهزاو نخلوها على ربي يقلك كيفاش نتا لول و ديت هاك .....
موفقة اختي فيما تبقى ^^ .

اكيد مالازمش تشوفلهم ، فعلا نخليوهم لربي ،و الرضا اهم شي ...بالتوفيق لك ايضا في مشوارك القادم...

[om_hadil]

ابطال بكالوريا 2022
مرحبا بكم ، ستجدون كل ما تحتاجون اليه
https://www.instagram.com/p/CT7EaxpDxZQ/