استفسار من الطلبة الجامعيين.

[اسماء تيارت]

السلام عليكم جميعا.
بغيت نسقسيكم على هاد العام.بلعت سوماستر الأول الحمدلله بمعدل جيد بصح السوماستر 2 ماخدمتش في exams باغية نسقسي اذا ماديتش 10 في examen تدخل راطراباج و لا كي مانديش 10 في module? ?
ايه و زيد اسكو قادر نبلع les modules تاع s2 ب تاع s1 ??

[ياسين]

شوفي قادر متديش 10 فالامتحان لكن مع النقطة تع تي دي تكون مليحة يجيك المعدل فالموديل هذاك

المهم لي موديل يخرجو بعضاهم ( موديل 12 و موديل 8 يخرجو بعضهم ) المهم مجموع معدلات المواد على مجموع المعاملات يساوي 10 او اكثر يخرج السوماستر

و ايضا السوماستر الاول و الثاني يخرجو بعضهم

[عاشقة الكواكب]

كي متديش عشرة في سوماستر الثاني ويكون معدل عام تاعك فوق عشرة مكلاه تدخلي راترابتج في مودول لي تحت عشرة باسكوا اذا دخلتي ومجبتيش مليح وزيد ك تدخلي راترابتج ونتي مطلعه رح ينقصولك في كلاصمون

[بسمة ღ]

نعم كيما قال الاخوان ياسين و عاشقة الفضاء

اذا خدمتي مليح في التيدي و مهرتيهاش بزاف في المقاييس الاساسية مكلاه تدخلي
و زيد بعض المقاييس يعوضو بعضاهم ، كلما ديتي مليح في المقاييس لي عندهم معامل كبير كلما خير و نفس الشي بالنسبة للمقاييس الثانوية
راح يساعدوك بزاف .و تلقايهم

لكن الان من الافضل تستناي وقت يفيشولكم بعدها شوفي روحك اذا تدخلي او لا