مشكلتي
2021-06-21, 16:25
السلام عليكم ورحمة الله
حياكم الله اخوتي واخواتي،،
حتى ادخل مباشرة ف الموضوع انا طالبة جامعية العام هذا نكمل ان شاء الله، نقرا في ولاية بعيدة جدا على ولايتي مما يستدعي اني نروح لدارنا الا في العطل
قبل 3 سنوات خطبني انسان من منطقتنا خطبة تقليدية اهلي وافقو ولما ذهبت في العطلة تمت الرؤية الشرعية وقبلت والحمد لله وكانت هديك هيا المرة الاولى والاخيرة اللي نشوفو فيها،، ايه نعم في ثلاث سنوات رأيته مرة واحده فقط
فتواصلنا يكون يومي عبر رسائل المـسنجـر وناااادرا ما يتم التواصل بالهاتف في مكالمة لا تتعدى 3 دقائق اما مكالمات الفيديو ف لاتوجد بيننا اطلاقا،،راح تقولولي وفي الاعياد والمناسبات؟ اجابتي انو حنا من عادات المنطقة الخاطب لا يذهب لبيت الخطيبة الا بعد العقد الشرعي..فلا مهيبة ولا مرض ولا اي شي تخليه يزورها
وعندي مشكلتي نخدم بعقلي بزااااااف فليومنا هذا لم ابادله المشاعر ولا مرة، فانا اقول في نفسي كيف لي ان ابادل المشاعر لانسان رايته مرة واحدة فقط في حياتي؟
وهو في بداية تواصلنا كان يعبر كثيييرا عن مشاعره كأي شاب يتحدث مع خطيبتو لكن انا كنت عكسو هه وكان يخبرني بانو قلبي حجرة لاني لا اتاثر،، مع الوقت اصابو الملل مني واصبح يبادلني نفس المعاملة ونفس الجماد :1:
للاشارة خاوتي قلبي ليس حجرة، لانو اللي يعرفوني يقولولي بزااااف حنينة ونتاثر وبزااف نحس بالناس ونراعي مشاعرهم (في الواقع)
لكن واجهت الصعوبة مع هدا الشخص اللي من المفترض راح يكون نصفي الثاني ان شاء الله، لكن علاقتنا عبر العالم الافتراضي خلقت برود و تنافر كبيرييين
انا نصبر ف روحي ونصبرو نقولو ان شاء الله لما نتزوجو راح تتصدم في شخصيتي لانك راح تلقاها مختلفة تماما على الحجرة اللي راك تحكي معاها :d ومنكذبش عليكم يغيضني بزاف لما نشوف صديقاتي كيفاش يتعاملو مع خطبانهم (جمع خطيب :1: ) نقول هو ايضا شاب يحب الكلمة الطيبة مني ويحب يعيش فترة الخطوبة مثل بقية الشباب، يحب نعيطلو باسم يتمناه اي شاب تعيطلو بيه فتاة لكن دائما نحس بعائق يحيل بيني وبين ذلك الامر
ملاحظة: لم يكن اتفاقنا على فترة الخطوبة الطويلة، لانو كنت مقررة نبدل الشعبة ونرجع نقرا فولايتي ونتزوج لكن القدر كان غير ذلك (لهذا اسباب طبعا) هذا للناس اللي راح يديرو ملاحظة على هاته النقطة..
وفي الاخير سؤالي ليكم هل انا طبيعية وهل البرود في المشاعر خلال 3 سنوات فترة الخطوبة راح ياثر على علاقتنا بعد الزواج؟؟؟
واسمحولي اذا طولت عليكم والا لقيتو الافكار مخلطة والا الموضوع لا يستحق الطرح
حياكم الله اخوتي واخواتي،،
حتى ادخل مباشرة ف الموضوع انا طالبة جامعية العام هذا نكمل ان شاء الله، نقرا في ولاية بعيدة جدا على ولايتي مما يستدعي اني نروح لدارنا الا في العطل
قبل 3 سنوات خطبني انسان من منطقتنا خطبة تقليدية اهلي وافقو ولما ذهبت في العطلة تمت الرؤية الشرعية وقبلت والحمد لله وكانت هديك هيا المرة الاولى والاخيرة اللي نشوفو فيها،، ايه نعم في ثلاث سنوات رأيته مرة واحده فقط
فتواصلنا يكون يومي عبر رسائل المـسنجـر وناااادرا ما يتم التواصل بالهاتف في مكالمة لا تتعدى 3 دقائق اما مكالمات الفيديو ف لاتوجد بيننا اطلاقا،،راح تقولولي وفي الاعياد والمناسبات؟ اجابتي انو حنا من عادات المنطقة الخاطب لا يذهب لبيت الخطيبة الا بعد العقد الشرعي..فلا مهيبة ولا مرض ولا اي شي تخليه يزورها
وعندي مشكلتي نخدم بعقلي بزااااااف فليومنا هذا لم ابادله المشاعر ولا مرة، فانا اقول في نفسي كيف لي ان ابادل المشاعر لانسان رايته مرة واحدة فقط في حياتي؟
وهو في بداية تواصلنا كان يعبر كثيييرا عن مشاعره كأي شاب يتحدث مع خطيبتو لكن انا كنت عكسو هه وكان يخبرني بانو قلبي حجرة لاني لا اتاثر،، مع الوقت اصابو الملل مني واصبح يبادلني نفس المعاملة ونفس الجماد :1:
للاشارة خاوتي قلبي ليس حجرة، لانو اللي يعرفوني يقولولي بزااااف حنينة ونتاثر وبزااف نحس بالناس ونراعي مشاعرهم (في الواقع)
لكن واجهت الصعوبة مع هدا الشخص اللي من المفترض راح يكون نصفي الثاني ان شاء الله، لكن علاقتنا عبر العالم الافتراضي خلقت برود و تنافر كبيرييين
انا نصبر ف روحي ونصبرو نقولو ان شاء الله لما نتزوجو راح تتصدم في شخصيتي لانك راح تلقاها مختلفة تماما على الحجرة اللي راك تحكي معاها :d ومنكذبش عليكم يغيضني بزاف لما نشوف صديقاتي كيفاش يتعاملو مع خطبانهم (جمع خطيب :1: ) نقول هو ايضا شاب يحب الكلمة الطيبة مني ويحب يعيش فترة الخطوبة مثل بقية الشباب، يحب نعيطلو باسم يتمناه اي شاب تعيطلو بيه فتاة لكن دائما نحس بعائق يحيل بيني وبين ذلك الامر
ملاحظة: لم يكن اتفاقنا على فترة الخطوبة الطويلة، لانو كنت مقررة نبدل الشعبة ونرجع نقرا فولايتي ونتزوج لكن القدر كان غير ذلك (لهذا اسباب طبعا) هذا للناس اللي راح يديرو ملاحظة على هاته النقطة..
وفي الاخير سؤالي ليكم هل انا طبيعية وهل البرود في المشاعر خلال 3 سنوات فترة الخطوبة راح ياثر على علاقتنا بعد الزواج؟؟؟
واسمحولي اذا طولت عليكم والا لقيتو الافكار مخلطة والا الموضوع لا يستحق الطرح