محتاجة رأيكم ونصيحتكم

[مشكلتي]

السلام عليكم ورحمة الله

عيدكم مبارك كل عام ونتوما بخير

حبيت نستشيركم ف موضوع وياريت تفيدوني

توفي زوج لوستي (اخت زوجي) رحمه الله وترك لها 5 اولاد يتامى، حبيت نساعدها، انا الحمد لله عاملة نخلص 6 ملاين وزوجي يخلص 3 يعني شهريا ندخلو 9 للدار الحمد لله قمنا ببناء منزلنا الخاص وتجهيزه ومشروعنا المقبل شراء سيارة (حتى اوضح انو مزال لم نصل لدرجة الرفاهية في حياتنا لكن الحمد لله لواش وصلنا للان)،،
كيما خبرتكم حابة نعاونها بمساعدة ثابتة (يعني ماشي
نقول كل مرة نمدلها واش كتب ربي)
معلاباليش ديفوا نقول نخصصلها مبلغ شهري ثابت (اذا ممكن تقولولي شحال) ديفوا نقول نتكفل بالطفلة الصغيرة في عمرها 4سنوات (كسوة الشتا الصيف العيد العاب، مصاريفها مين تدخل تقرا... الخ) ديفوا نقول نوفرولها شهريا مستلزمات الدار
معلاباليش الحاجة اللي تقدر تعاونها وف نفس الوقت انا نقدر عليها شهريا ماشي مرة نعاونها بزاف ومرة اخرى والو فخير الاعمال ادومها وان قل
علما انو حنا نسكنو ف ولاية بعيدة على ولايتنا اي منقدرش نتلاقاها دايما باش نشوف ظروفها
وهي الحمد لله عندها خاوتها (اخوة زوجي لكبار) ربي فاتح عليهم ورازقهم المال ما شاء الله مراحش يخلوها تحتاج واعمام اولادها تاني علابالي مراحش يخلوهم
مي حبيت انا تاني نربح اجر ونساعد
لذا عاونوني باقتراحاتكم لو سمحتو
(لم اطرح الموضوع على زوجي لانو علابالي راح يقولي كل مرة نمدولها واش كتب ربي وخلاص منلزموش رواحنا بحاجة ثابتة, لذا قلت نشاوركم ونمدلو رايي والفكرة النهائية ونقنعو بيها باذن الله)

وشكرا ليكم مسبقا

[michaella]

السلام عليكم أختاه
أستحسن مبادرتك الطيبة
ورأيي أن تخصصي لها مبلغ ثابت مثلا مليون سنتيم، إذا كانت أموالك في البنك يمكنك مثلا تخصيص مبلغ يتم اقتطاعه شهريا أوتوماتيكيا يدفع لحسابها أظن يسمى الاقتطاع، يمكنك الاستفسار في البنك. أو إذا كان حسابك بريدي يمكنك القيام بذلك شهريا بتطبيق بريدي موب، دون عبء التنقل. وإذا قدرتي تمديلها أكثر فذلك أحسن، كما يمكنك من حين لآخر التكفل بالمصاريف الإضافية كالدخول المدرسي، الأعياد، أدفعيه لحسابها، هكذا حتى هي لن تحس بالإحراج. لكن أنصحك أختي ماتولفيلهاش تعزم عليك ومن بعد تقطعي عليها الخير، يعني داومي إذا استطعت حتى هي تحس بالراحة والأمان من هذه الجهة. و تطيب القلوب.

[بشرئ عاشقة العلم]

من الافضل تخصيلها مبلغ ثابت شهريا مثلا زوج ملايين و ترسليهلها بcompte ccp هذا مكان

[بـــيِسَة]

السلام عليكم .
و عيدكم مبارك
بصراحة الموضوع يجذب لابداء الرأي
حسن تفكيرك ماشاء الله ربي يقدرك ... و رحم الله المفقود و رحم جميع موتانا المسلمين .
في رأيي أن تخصصوا لها مبلغ ثابت و هي تتصرف فيه كما تشاء أي فيما يلزمها لأنها هي أدرى
بالأشياء المادية الناقصة في عائلتها ... مثلا من مليون الى مليونين و نصف شهريا و ارساله لها

موفقة .

[بذرة امل]

ماشاء الله على روح المبادرة الله يرحم الفقيد و كل موتانا .انا نوافقهم الراي تخصصي مبلغ شهري تدفعيهولها بالطريقة الي حبيتي و تقدري تاني وين ذاك تعاونيها بكاش حاجة *ملابس العيد . ادوات مدرسية .....* يعني تقدري تجيبيهم على شكل هدايا او في المناسبات وربي يجازيك

[أم رقية نسرين]

السلام عليكم
اولا ربي يرحم زوجها و يسكنه فسيح جناته
من رأيي خصصي لها مبلغ شهري ثابت ابعثيهولها . هي تتصرف حسب حاجتها ....بصح يكون مبلغ تتأكدي بلي تقدري تدفعيه كل شهر *يعني بما أنك ناوية تشري سيارة ربي يوفقك *باه تقعدي مهنية*
و إذا تدفعي من مالك الخاص راهو متعلق بيك نتي مشي زوجك يعني عندك ذمة مالية مستقلة تتصرفي في مالك كيما تحبي طبعا مع استشارة زو جك تطييبا لخاطره * و مكانش لي يرفض فعل الخير خاصة لليتامى*
ريي يوفقك و يباركلك في رزقك *و مالك*

[aiche]

بارك الله لك في رزقك
أقترح أن تتكفلي بدفع احدى الفاتورات الكهرباء أو الماء أو الاثنيين معا وبالتالي تكوني قد ساعدتها بشكل كبير وفي نفس الوقت تعرفين نقودك أين صرفت
وبإمكانك أن تعلميها وتتفاهمين معها أنّك ستتكفّلي بهذا الأمر وهي تتولى الشؤون الأخرى
أمّا إذا كنت تعرفين حسن تدبير هذه المرأة وأنّها ليست مسرفة ولا مبذرة بإمكانك تخصيص لها مبلغ شهري من المال
وإن كنتُ أحبّذ الاقتراح الأوّل من خلال تجربتي مع النّاس
جزاك الله خيرا

[ابو سليمان10]

بارك الله فيك يا بنت الاكرمين.....ساعيديها بما قدرت و ان علمت انك لا تطيقين امرا فلا تعيديها به
و احب الاعمال الى الله ادومها و ان قل

[chercheur eco]

السلام عليكم ورحمة الله تعالى وبركاته
بارك الله فيك على المبادرة الطيبة
من ناحيتي قد اخالف إخوتي وذلك لعدّة اسباب
أولها : يجب أن تدرسي إن كان في الامكان حقا أن تثبتي على مبلغ محدد خاصّة وأن اغلاء المعيشة يزيد يوما بعد يوم كما أنه سيأتي يوم تتقاعدان ويقلّ مدخولكما
إذا إقتراحي هو التالي :
أن تساعداها على بداية مشروع معين يمكنها البدء فيه ويساعدها على توفير مبلغ ثابت ويمكنها هي أيضا من الحصول على التقاعد خاصة ان لم يكن لديها أي مدخول أما ان كان لها مدخول فتساعد نفسها به
وأن تعطياها الزكاة كل سنة إذا وفّرتما مبلغا دار عليه الحول فهي للمقرّبين أولى
بالتوفيق لك أختي
زاد كما الله خيرا وبركة
بارك الله فيك وجزاك خيرا

[^^الصامتة^^]

السلام عليكم ورحمة الله وبركاته
بارك الله فيك وجزاك الله كل خير اختي ولك الاجر والثواب عند الله كيما يقول (مزال الخير كاين ) .
ساعديها بلي قدرت عليه مش شرط يكون ثابت واذا قدرت دوامي على فعل ذلك لاباس في تخصيص مبلغ ثابت كل شهر

[حورية تو]

كل الإقترحات التي قلتها أعجبتني لكن ربما مبلغ كل مدة زمنية أحسن كما أعجبني تدخل في الأعلى و هو أن تساعديها على مشروع ما فإن كانت تجيد الخياطة فمكينة خياطة ....و أنت أدرى في هذا*
وبارك الله فيك*