أحرار 2021 هل تشعرون مثلما اشعر ....!

[عاشقة الكواكب]

السلام عليكم و رحمة الله و بركاته


حبيت نسقسي

اسكوا راكم تحسوا بشعور تجيكم نفحة للدراسة بعداتيك
كي تجي تقرى وتنظم برنامج تتفكر العام لي فات و داك التعب
و الستراس
وتقول راح يخلاص نوفمبر و نظاميين تشوفهم يقراو ومع تحدي 5 ساعات
و السهر و الخ


الاحرار 2020 كشما نصائح كيفاه بديتوا
هاذي فترة

واسكوا لي ميبداش من لول مش حيحصل او نبداو من 0

لحد الان جميعت جميع كتب طبعة 2020 و لي 2021
حددت المراجع شفت تغييرات
بديت مع المنهجية
لكن كي نجي نبدا دروس من اول نفشل ونكره تمتم

:confused::confused::confused:

[bis kou]

السلام عليكم

شوفي نقولك بلي الشيء لي راكي تمري بيه مريت بيه
وأصعب الأمور هي بدايتها
انا في البداية كنت خطرات نظل نبكي وسيرتو منين آثار الإكتئاب بقاو فيا منحكيلكش
والستراس والخوف نقولك فيها فيها .. لكن نقولك كلما تضلي تقراي راح تخففي شوي من هذاك الضغط وكلما بديتي تاجلي راح يزيدك الستراس
نقولك انا بديت من سبتمبر بالمواد الاساسية كنت نقرا ما بين 6 الى 7 ساعات وكل شهر نبدا نزيد
وفي نفس الوقت قلت انو ما دام بلوكيت العام تاعي لدي متسع من الوقت يعني ندير فيهم حوايج اخرين كالرياضة نتفرج فيلم ..الخ
يعني تقدري تقولي في البداية حاولت نظم وقتي بين الراحة لي كنت صح محتاجتها وبين الدراسة
لكن اطرحي على نفسك سؤال ...... ياك نتي منحتي لنفسك فرصة باش تعاودي الباك وتوصلي للمبتغى تاعك تحوسي تعاودي نفس الغلطة تاعك ؟ تحوسي تشوفي الناس تظل تستحلى فيك كي تشوفك فاشلة ؟؟ جاتك فرصة من ذهب لأنك تعاودي كاين لي مساكين جاتهم ظروف ولا حوايج مقدروش يعاودو على جالها الباك .... ملا واش راه خاصك نتي ؟؟ وسيرتو ضروك راه عندك ليكور + الكتب + اليوتيوب يعني لي باغية تقراي منها راهي قدامك ملا واش راكي تحوسي ؟؟ القرار راه بيدك ضروك إما تكوني قوية وتصري أنك تحقي حلمك إما تستسلمي للفشل وثماك لا داعي أنك تظلي تلقي باللوم على أي شخص ما دامك نتي ديتي نفسك لهاذ الشي بيدك
صح راح تكرهي تتفكري قنطة العام ليفات والتعب لي راح في مهب الريح ....... لكن الحرب بينك وبين الباك نتي اصررتي انها متكملش ملا كوني محاربة قوية واخرجي منتصرة من هذه الحرب

من المفروض تكوني متقدمة شوي في الدروس ولو كنتي متأخرة على النظاميين بدرس أو درسين هذا لا يهم لكن حتى لو مبديتيش عادي لكن ها حلي عينك مشي تروحي تزيدي تخبطيها برقدة وماكلة وتقولي راه مزال حال ها بلاك وبلاك كلما ما راكي تاخري كلما راكي تزيدي الأزمة تاعك وتولي حاصلة مبعد وتعاودي تكري سيناريو هاذ العام

اعتمدي على مرجع واحد او إثنين على الاكثر في كل مادة لا داعي للإكثار منها لأنك راح صح تتخلطي وتولي تالفتلك وتكرهي قاع

والآن واش هو القرار لي اتخذتيه تبيني للعالم شكون نتي ولا تدي بيدك للهلاك بعدا تظلي تندمي على كل لحظة ضيعيتيها ؟؟

توكلي على ربي وربي ما فيه غي الخير

إن الله لا يضيع أجر من أحسن عملا

بالتوفيق

[*آمنة*]

ربي يوفقـــــــــــــــــــــك فرح

[عاشقة الكواكب]

السلام عليكم

شوفي نقولك بلي الشيء لي راكي تمري بيه مريت بيه
وأصعب الأمور هي بدايتها
انا في البداية كنت خطرات نظل نبكي وسيرتو منين آثار الإكتئاب بقاو فيا منحكيلكش
والستراس والخوف نقولك فيها فيها .. لكن نقولك كلما تضلي تقراي راح تخففي شوي من هذاك الضغط وكلما بديتي تاجلي راح يزيدك الستراس
نقولك انا بديت من سبتمبر بالمواد الاساسية كنت نقرا ما بين 6 الى 7 ساعات وكل شهر نبدا نزيد
وفي نفس الوقت قلت انو ما دام بلوكيت العام تاعي لدي متسع من الوقت يعني ندير فيهم حوايج اخرين كالرياضة نتفرج فيلم ..الخ
يعني تقدري تقولي في البداية حاولت نظم وقتي بين الراحة لي كنت صح محتاجتها وبين الدراسة
لكن اطرحي على نفسك سؤال ...... ياك نتي منحتي لنفسك فرصة باش تعاودي الباك وتوصلي للمبتغى تاعك تحوسي تعاودي نفس الغلطة تاعك ؟ تحوسي تشوفي الناس تظل تستحلى فيك كي تشوفك فاشلة ؟؟ جاتك فرصة من ذهب لأنك تعاودي كاين لي مساكين جاتهم ظروف ولا حوايج مقدروش يعاودو على جالها الباك .... ملا واش راه خاصك نتي ؟؟ وسيرتو ضروك راه عندك ليكور + الكتب + اليوتيوب يعني لي باغية تقراي منها راهي قدامك ملا واش راكي تحوسي ؟؟ القرار راه بيدك ضروك إما تكوني قوية وتصري أنك تحقي حلمك إما تستسلمي للفشل وثماك لا داعي أنك تظلي تلقي باللوم على أي شخص ما دامك نتي ديتي نفسك لهاذ الشي بيدك
صح راح تكرهي تتفكري قنطة العام ليفات والتعب لي راح في مهب الريح ....... لكن الحرب بينك وبين الباك نتي اصررتي انها متكملش ملا كوني محاربة قوية واخرجي منتصرة من هذه الحرب

من المفروض تكوني متقدمة شوي في الدروس ولو كنتي متأخرة على النظاميين بدرس أو درسين هذا لا يهم لكن حتى لو مبديتيش عادي لكن ها حلي عينك مشي تروحي تزيدي تخبطيها برقدة وماكلة وتقولي راه مزال حال ها بلاك وبلاك كلما ما راكي تاخري كلما راكي تزيدي الأزمة تاعك وتولي حاصلة مبعد وتعاودي تكري سيناريو هاذ العام

اعتمدي على مرجع واحد او إثنين على الاكثر في كل مادة لا داعي للإكثار منها لأنك راح صح تتخلطي وتولي تالفتلك وتكرهي قاع

والآن واش هو القرار لي اتخذتيه تبيني للعالم شكون نتي ولا تدي بيدك للهلاك بعدا تظلي تندمي على كل لحظة ضيعيتيها ؟؟

توكلي على ربي وربي ما فيه غي الخير

إن الله لا يضيع أجر من أحسن عملا

بالتوفيق



شكرا خدوووج ^•^
باه نخرج روحي من هدا حيره درت تلاوة مبكية وقعدت نتأمل
الحمد لله منيش متأخرة عليهم وانما بديت باخطائي
يا لو كان عائق الماكلة والرقاد هاذوا وشتيتهم
ساءت حالتي نفسيا وجسديا كثر من وقت عام ليفات ...
ان شاء الله فيها خير
= ^•^ =

never give up on something that you can't go a day without thinking about
https://i54.servimg.com/u/f54/19/98/00/99/ded_by10.png

[عاشقة الكواكب]

ربي يوفقـــــــــــــــــــــك فرح

اللهم آمين آمنة ^^
ولک بالمِثل ِ

[karlita]

ربي يوفقـــــــــــــــــــــك فرح

امنة مكيش راح تعاودي ول

[karlita]

السلام عليكم و رحمة الله و بركاته


حبيت نسقسي

اسكوا راكم تحسوا بشعور تجيكم نفحة للدراسة بعداتيك
كي تجي تقرى وتنظم برنامج تتفكر العام لي فات و داك التعب
و الستراس
وتقول راح يخلاص نوفمبر و نظاميين تشوفهم يقراو ومع تحدي 5 ساعات
و السهر و الخ


الاحرار 2020 كشما نصائح كيفاه بديتوا
هاذي فترة

واسكوا لي ميبداش من لول مش حيحصل او نبداو من 0

لحد الان جميعت جميع كتب طبعة 2020 و لي 2021
حددت المراجع شفت تغييرات
بديت مع المنهجية
لكن كي نجي نبدا دروس من اول نفشل ونكره تمتم

:confused::confused::confused:


يعني وش نحكيلك يافرح رانا كيف كيف
نفس الاحساس و الله تحسي بقنطة
سيرتو كي نتفكر العام ليفات كنت نمشي وتيرة لا باس بها و كنت حارة على قرايتي
عكس هاذا العام
نتفكر ذاك الضغط النفسي لي شفتو العام ليفات مع ذيك الضروف قلبي يتزير

بصح ملازمش نستسلمو انا اليوم نبدا ندير فالتخطيط و الدراسة عندي اهداف اولية
و لي هيا نتهنى من البرمي في ديسمبر
من 1 ديسمبر الى 10 قراية للباك
و من 10 لل14قراية للجامعة تلخيص دروس و نترجمهم

و فالجامعة نتلاقاو نزيدو نزيرو رواحنا ياك

لا يوجد ما يُسمى وقت متأخر كي تبدأ في تحسين نفسك وفرصك ولا يوجد عُمر مُحدد للوصول لهدفك . . طالما قلبك ينبض لديك كل يوم فرصة ...

ماخُلقنا لليأس واليأس لم يُخلق لنا خُلقنا
لنخوض الحياة مطمئنين وواثقين بالله

[عاشقة الكواكب]

يعني وش نحكيلك يافرح رانا كيف كيف
نفس الاحساس و الله تحسي بقنطة
سيرتو كي نتفكر العام ليفات كنت نمشي وتيرة لا باس بها و كنت حارة على قرايتي
عكس هاذا العام
نتفكر ذاك الضغط النفسي لي شفتو العام ليفات مع ذيك الضروف قلبي يتزير

بصح ملازمش نستسلمو انا اليوم نبدا ندير فالتخطيط و الدراسة عندي اهداف اولية
و لي هيا نتهنى من البرمي في ديسمبر
من 1 ديسمبر الى 10 قراية للباك
و من 10 لل14قراية للجامعة تلخيص دروس و نترجمهم

و فالجامعة نتلاقاو نزيدو نزيرو رواحنا ياك

لا يوجد ما يُسمى وقت متأخر كي تبدأ في تحسين نفسك وفرصك ولا يوجد عُمر مُحدد للوصول لهدفك . . طالما قلبك ينبض لديك كل يوم فرصة ...

ماخُلقنا لليأس واليأس لم يُخلق لنا خُلقنا
لنخوض الحياة مطمئنين وواثقين بالله


ان شاء الله يا ربي ^^
اما هدف كبير او لا

[*آمنة*]

امنة مكيش راح تعاودي ول

لالا مشني رايحة نعاود
ربي يوفقك شيماء

[^cat^]

أووووه، اتمنى نفسيتك تصير أفضل â—•_â—•
ريحي روحك ومتتقلقيش بزاف، حاولي تنظمي وقتك برك
اقراي مليح بصح كي تحسي بالتعب توقفي نورمال شوي وكملي بعدها
المهم، ادعي ربي بعد كل صلاة واقراي شوي قرآن حتما ترتاحي نفسيا
وكي نحتاجوا مساعدة رانا هنا كالعايلة

علابالي منيش معنية بالأمر، بصح قلت نرفع المعنويات شوي (âœ؟â—،_â—،)
+ حبيت نسقسي برك، الأحرار بدلولهم البرنامج كيما حنا ؟؟

[عاشقة الكواكب]

أووووه، اتمنى نفسيتك تصير أفضل ◕_◕
ريحي روحك ومتتقلقيش بزاف، حاولي تنظمي وقتك برك
اقراي مليح بصح كي تحسي بالتعب توقفي نورمال شوي وكملي بعدها
المهم، ادعي ربي بعد كل صلاة واقراي شوي قرآن حتما ترتاحي نفسيا
وكي نحتاجوا مساعدة رانا هنا كالعايلة

علابالي منيش معنية بالأمر، بصح قلت نرفع المعنويات شوي (✿◡_◡)
+ حبيت نسقسي برك، الأحرار بدلولهم البنامج كيما حنا ؟؟

ان شاء الله ختي ربي يوفقك ^^

مفهمتش قصدك نتي نظامية او حره
اذا كنت نظامية اكيد الاحرار يتبعوا تغييرات جديده على البرنامج