ايامات باك 2020

[اللهم ارزقني عفةمريم]

السلام عليكم وش احوااااااالكم لاباس ان شاءالله تكون قدها جمعت باك 2021 وش راكم دايرين فيها ؟؟


اوووو جمااااااعة باك 2020 والله غير توحشت هذوك ليامات لحلوة توووووحشتكم كاااامل تحديات التفاعل الضحك والفرحة توتر قلق الخووووف من ظروف الاستثنائية ومن مصير لباك لي كان في نظرنا مجههههههوووووول ودركا بقا ذكرى لا اكثر ولا اقل كااااانت صح احلى وارووووع الايام لم نعرف استغلالها جيدا وعيشها بمتع اكثر صراحة اتمنى الرجوع اليها كن اصدقاء حقا كل واحد باسمووو
فرح- امينة- اكرام- زمزم ايوب -اسماء -امييرة شيماء- زينو -وسام - خديجة - جميلة - ايمان - نور الهدى - ميرال - القط اللطيف - بلا صوت - طالبة رياضيات - هاجر - زينب - هبة - اية - نورسين - فتاةالمغامرة وننساش روحي روميسة ههه واسمحولي اذا نسيت واحد فيكم ربي وفقكم ان شاءالله في مشوارك سواء الجامعي او الدرسسسسسي
ايييا كل واحد يدخل يسلم علينا ويقولنا اسكووو هو من مترشحين باك 2021 ولالا

[عاشقة الكواكب]

وعليكم السلام ����
يا الله كانت أيام أشرطتها متنوعة من تعب فرح بكاء تفكير توتر ؛ صراحة كانت استثائية لكن كنا جيدين في تعاملنا مع هذا لعام عام [ 2020 كان the legend ]
مام لقينا فيه اخوه واخوات كانوا صح يتفهموا ويعاونوا ويشجعوا ربي يحفضكم كامل ويحقق كل واحد حلم تاعه كلنا كنا ننهضوا فجرا منا مان كان يجتهد لتحقيق حلمه ومنا من كان يستمر في النوم ليبقى حلما ؛ والأهم من هذا والشيىء المؤثر انوا تقسنا متعلمناش غي [ لقرايه‍] هذا عام علمنا أمور بزاف عن نفسي صح فشلت ومحققتش حلمي الا انوا صح خسرت معركه‍ لكن مزال مخسرتش الحرب ؛ لأنوا خرجت ببزاف تجارب زادتني في عقلي 3 سنين لقدام [ تألمت فتعلمت فتغيرت ] حقا حاجه متستاهل انوا نستلهكوا طاقتنا عليها خاصة العباد سوا محيطك او غيره نبقاو بنيتنا الطيبه و جامي لنعادوا الناس و الشيىء لي لازم نتعبوا عليه هو أنوا [ نتغلبوا على انفسنا ] اولا نسعوا للتقرب لله نزيدوا نضاعفوا ايماننا " لانه صراحة لي دخل في دوامة التخمام والناس وسلبيه " رح يخرج هو خاسر يبقى انوا منخلوش الاشياء او العباد دائمة لينا فكلشي عابر ...

^•^ هههه طولت في لهدرة مي يمكن كلماتي للبعض تبانلهم فلسفة لكن سيريوا ما يحس بالحاجة الا لي قاستوا ويبقى الكمال لله

^^ كلماتي اخيرا وليس آخرًا ربي ينجحكم ربي يحميككم ربي يلاقيكم كيما قلوبكم ربي يستركم من اولاد وبنات الحرام و فعل الحرام
لي غلطنا معاه يسمحلنا فليس القصد الاساءة وانما ضغط الظروف وعن نفسي كامل مسامحين ^•^


احلاما سعيده‍
تحياتي فرح â‌¤

[اللهم ارزقني عفةمريم]

اهلا بيك فررررروح حبيبتي كلام من القلب والله صدقت في كل كلمة قلتها وعند الحق تعلمنا بزاااااف حوووايج وتغيييرنا ان شاءالله إلى الأحسن بالتووووفيق غاليتي ربي ينحجك ويفرحك

[bis kou]

سلام

صح والله رغم أنه كان عام طويل وشاق جدا إلا انه فات بسرعة تقول كنا في منام :o
صراحة تجربة البكالوريا تجربة مميزة جدا بالنسبة لي ... خاصة مع تجربة الفشل التي مررت بها إلى غاية الوصول الى مبتغاي .. وكانت هذه التجربة كفيلة جدا لكشف حقيقة الوجوه المحيطة بي ... من لحظة الفشل إلى لحظة النجاح منقدرش نحسب عدد الأقنعة الي طاحت وخاصة يعني من أناس لم أتوقع أن تكون ردود أفعالهم بذلك الشكل ..... من نفاق وحسد وعرفت شكون لي يوقف معايا في الحلوة والمرة ... مشي غي المرة الي تكشف حقيقة الناس حولك ومشي الحلوة برك لازم تشوفهم لزوج ..... البارح كي مجبتش معدل مليح كانو يقولولي معليش هذاك هو المكتوب واكيد فيها خير وووو أيا ونهار كي جبتو مليح كانت بعض الوجوه نفسها الي كانت تحكي هاذ الشي وكي جبتو مليح كاين الي حتى مقيمونيش :/ على كل حال كانت هذي هي أهم حاجة تعلمتها هي أنو مكاش لي يحبلك الخير قد والديك وشويييية برك تاع عباد ...... لكن بالمقابل الحمد لله كان هناك ناس فرحولي ووقفو معايا في الحلوة والمرة وكي كانو يقولولي تستاهلي هذاك النجاح الدنيا وما فيها ......... وصراحة منقدرش ننسى واش عانيت هاذ العام من صعاب وظروف وأوضاع مادية الي مريت بيها إضافة الى انني خاطرت بنفسي وتخليت عن الجامعة لكن بالمقابل علمتني أني نصبر على الشدائد والإنسان عمرو ما يعترض على قدر الله تعالى بالعكس كلما يزيد يشد في ربي حتى ولو تزيد تشتد عليه المصيبة لكن رح يلقى ربي يعاونو رغم كل تلك الصعاب ودايما الإنسان لازم يتحمل مسؤولية القرارات الي اتخذها
الدنيا صراحة تمثل ساحة معركة كبيرة لازمنا ديما نحاربو ولو كنا بأقدام مكسورة وأسلحة قليلة
والأهم كذلك هو أنني تعرفت على هذا المنتدى الذي كان بمثابة عائلتي الثانية وكانو يعاونوني كل ما طيح بيا وكل ما نجي نشكي لهنا

صراحة راح نشتاق بزاف لأيام التحديات ولأعضاء المنتدى هنا :( إن شاء تولي تسمحلي كاش فرص باش نجي نطل عليكم ونسقسي عليكم منين ذاك

بالمقابل راح نشكركم قاع ولي غلطت في حقو نطلب منو السماح ... دفعة 2020 صراحة دفعة تاريخية ستظل محفورة في ذهني

طولت شوي في الكلام ........ المهم اتمنى لكم التوفيق جميعا سواءا الي راح يكمل في تخصصو الجامعي ولا الي راح يعاود الباك تستاهلو كل خير ربي معاكم اينما كنتم

BAC 2020 WE ARE THE LEGENDS

[اللهم ارزقني عفةمريم]

سلام

صح والله رغم أنه كان عام طويل وشاق جدا إلا انه فات بسرعة تقول كنا في منام :o
صراحة تجربة البكالوريا تجربة مميزة جدا بالنسبة لي ... خاصة مع تجربة الفشل التي مررت بها إلى غاية الوصول الى مبتغاي .. وكانت هذه التجربة كفيلة جدا لكشف حقيقة الوجوه المحيطة بي ... من لحظة الفشل إلى لحظة النجاح منقدرش نحسب عدد الأقنعة الي طاحت وخاصة يعني من أناس لم أتوقع أن تكون ردود أفعالهم بذلك الشكل ..... من نفاق وحسد وعرفت شكون لي يوقف معايا في الحلوة والمرة ... مشي غي المرة الي تكشف حقيقة الناس حولك ومشي الحلوة برك لازم تشوفهم لزوج ..... البارح كي مجبتش معدل مليح كانو يقولولي معليش هذاك هو المكتوب واكيد فيها خير وووو أيا ونهار كي جبتو مليح كانت بعض الوجوه نفسها الي كانت تحكي هاذ الشي وكي جبتو مليح كاين الي حتى مقيمونيش :/ على كل حال كانت هذي هي أهم حاجة تعلمتها هي أنو مكاش لي يحبلك الخير قد والديك وشويييية برك تاع عباد ...... لكن بالمقابل الحمد لله كان هناك ناس فرحولي ووقفو معايا في الحلوة والمرة وكي كانو يقولولي تستاهلي هذاك النجاح الدنيا وما فيها ......... وصراحة منقدرش ننسى واش عانيت هاذ العام من صعاب وظروف وأوضاع مادية الي مريت بيها إضافة الى انني خاطرت بنفسي وتخليت عن الجامعة لكن بالمقابل علمتني أني نصبر على الشدائد والإنسان عمرو ما يعترض على قدر الله تعالى بالعكس كلما يزيد يشد في ربي حتى ولو تزيد تشتد عليه المصيبة لكن رح يلقى ربي يعاونو رغم كل تلك الصعاب ودايما الإنسان لازم يتحمل مسؤولية القرارات الي اتخذها
الدنيا صراحة تمثل ساحة معركة كبيرة لازمنا ديما نحاربو ولو كنا بأقدام مكسورة وأسلحة قليلة
والأهم كذلك هو أنني تعرفت على هذا المنتدى الذي كان بمثابة عائلتي الثانية وكانو يعاونوني كل ما طيح بيا وكل ما نجي نشكي لهنا

صراحة راح نشتاق بزاف لأيام التحديات ولأعضاء المنتدى هنا :( إن شاء تولي تسمحلي كاش فرص باش نجي نطل عليكم ونسقسي عليكم منين ذاك

بالمقابل راح نشكركم قاع ولي غلطت في حقو نطلب منو السماح ... دفعة 2020 صراحة دفعة تاريخية ستظل محفورة في ذهني

طولت شوي في الكلام ........ المهم اتمنى لكم التوفيق جميعا سواءا الي راح يكمل في تخصصو الجامعي ولا الي راح يعاود الباك تستاهلو كل خير ربي معاكم اينما كنتم

bac 2020 we are the legends

مرحببببا بيك حبيبتي عندك لحق والله كانت ايام رائعة تبقى محفورة إلى الابد
ربي يوووفقك اختي واصلي الكفاح من أجل حلمك الى اخر نفس
هيه متروحيش قع مرة على مرة اضربي طلة علينا وسمعينا من هذا لكلام الرائع

[karlita]

فعلا كل ما نتفكر باك 2020 اول ما يخطر ببالي المنتدى و الاعضاء اخوتي و عائلتي الثاني
اشقت لامنة و ايقاظها على 4 صباحا و كي كنا نرجعو نرقدو **
و الكثيييييييييييير

كاين فينا لي وصل و كاين لي لم يحالفه الحظ و الحمد لله على كل شيء
كانت سنة مليئة بالاحداث المتعبة هناك من انتهت حكايته مع الباك و هناك من لازال الكفاح معاه متواصل ان شاء الله نهاية الحكاية خير و نجاح **

[اللهم ارزقني عفةمريم]

فعلا كل ما نتفكر باك 2020 اول ما يخطر ببالي المنتدى و الاعضاء اخوتي و عائلتي الثاني
اشقت لامنة و ايقاظها على 4 صباحا و كي كنا نرجعو نرقدو **
و الكثيييييييييييير

كاين فينا لي وصل و كاين لي لم يحالفه الحظ و الحمد لله على كل شيء
كانت سنة مليئة بالاحداث المتعبة هناك من انتهت حكايته مع الباك و هناك من لازال الكفاح معاه متواصل ان شاء الله نهاية الحكاية خير و نجاح **

ان شاءالله شيمومة توصلي وين باغية ربي يوففففقك ويفرحك ان شاءالله ربي يوفففقنا ويفرحنا كانت ايامات جميلة لاتنسا

[الجميلة انا]

صح بكالوريا 2020 كاننت تجربة مميزة جدا رغم كل ما مررت به من توتتر وخوف وبكاء و الاوضاع الاستثنائية الي مرينا يها لكم مع دلك الحمد لله ان وفقنا الله الفوز شهادة البكالوريا رغم اني لم اصل الى حلمي ومببتغاي لكني ساكافح من اجله
اتمنى لي ولكم مزيد من النجاح وللتالق

[اللهم ارزقني عفةمريم]

صح بكالوريا 2020 كاننت تجربة مميزة جدا رغم كل ما مررت به من توتتر وخوف وبكاء و الاوضاع الاستثنائية الي مرينا يها لكم مع دلك الحمد لله ان وفقنا الله الفوز شهادة البكالوريا رغم اني لم اصل الى حلمي ومببتغاي لكني ساكافح من اجله
اتمنى لي ولكم مزيد من النجاح وللتالق

اميين يارب اختي بربي ان شاءالله توووصلي كي نهار ليوووم ربي يوووفقك