اكرام براءة
2020-11-18, 11:21
السلام عليكم و رحمة الله
واش احوالكم أيها المحاربون ؟
بديتو شوية تدخلوا في الريتم تاع القراية و التحضير ؟
ماشية اموركم صافا ؟
المهم حبيت نشارككم طريقتي في دراسة كل من الرياضيات و الفيزياء و العلوم
و بعض المراجع في كل واحدة منهم
و كنت شاركتكم من قبل تجربتي في الباك و شرح مختصر لكيفاش قريت كل مادة
تلقاوها هنا (https://www.djelfa.info/vb/showthread.php?t=2261972)
دون اطالة نبداو بالرياضيات
- الرياضيات مراجعتها تكون بالتمارين ، حل بزاف تمارين تكون متنوعة الافكار باش ماتملش .
- استعن بتمارين البكالوريات السابقة لشعبتك باش تتعود على طريقة طرح الاسئلة و كيفاش تكون الإجابة عليها .
- الدرس لازم تفهمو مليح و تعرف كامل القوانين و مختلف الحالات اللي ممكن تلقاهم في التمارين يمدهملكم الاستاذ في القسم ولا استاذ ليكور .
- حل تمارين عندك الحل تاعهم باش تقدر تقيم مستواك و تعرف نقائصك و الافضل تاع بكالوريات لأنو الباك رح يجي كيما هوما .
- كي تكون تحل حط التصحيح قدامك و وين ماتعرفش اضرب طلة عليه شوفو افهمو و كمل حل باش تربح وقت و ماتفشلش .
- خصص وقت كبير للمادة لانو بيها تضمن المعدل تقدر تطلعك و تهبطك ( المعامل 5 بالنسبة لشعبة العلوم التجريبية و 6 للتقني و 7 للرياضيات )
- اقرا بذكاء و ماتضغطش على نفسك و خلي معنوياتك ديما طالعة .
المراجع اللي تفيدك في دراسة هذي المادة :
على اليوتيوب : قناة الاستاذ نور الدين
سلاسل الاستاذ مصطفاي ، تمارين الاستاذ حاقة ، المواضيع المقترحة للبكالوريا ، تمارين البكالوريات السابقة ، كتاب الاستاذ نور الدين في الدوال ، كتاب المراجعة النهائية ، كتاب المغني
ثانيا العلوم الطبيعية
- أهم حاجة تكون فاهم الدرس مليح و بطريقة بسيطة و ماعندكش فيه أي إشكال .
- المادة مزيج من الحفظ و الفهم لكن مبدئيا نحتاج الفهم أكثر شي ، ركز مليح مع شرح الاستاذ في القسم و اذا مافهمتش أي نقطة قولو يعاودهالك ، مالازمش تهمل حتى عنصر و لو كان يبان بسيط و غير مهم .
- الدرس اللي تكملو ديريلو ملخص و لا شوف ملخصات جاهزة داروهم أساتذة .
- ماتبداش من الان تقرا من الملخصات ، الملخص استغلوا في المراجعة النهائية ، الان اقرا من كراسك و من الكتاب المدرسي فيه وثائق تهمك .
- الآن روح للتمارين ، حل اللي فيهم أفكار جديدة و منهجية الاستدلال العلمي اللي بدا تطبيقها من 2019/2020 يعني يمدلك وثائق و يقولك باستغلالها و استغلال معارفك بين كذا ، حل واش تقدر و تذكر بلي كل شي بالتدريب و التمرن ، ماتنساش النصوص العلمية .
- ماتحلش تمرين ماعندكش الحل تاعو باش تقدر تختبر نفسك و تعرف تقيم روحك و تشوف نقائصك .
- كي تكون تحل خلي الحل النموذجي قدامك باش كي يستصعب عليك الحل اضرب طلة عليه هكذا ماتفشلش و ماتكرهش .
المراجع اللي ممكن تفيدك :
قنوات اليوتيوب : الاستاذ شاوش ، مصطفى بدد
للدروس و التمارين : مجلات الاستاذ بوالريش في المقام الأول ، ملخصات الاستاذ مصطفى بن خريف ( على شكل سؤال و جواب ) ، ملخص الاستاذ شاوش ، كتاب المتفوقة إكرام بوزار ( غير متوفر pdf )
أخيرا الفيزياء
- الفيزياء ترتكز على الفهم الجيد للدروس و حسن تطبيق ماجاء فيها في التمارين من قوانين و غيرها .
- كلما تكملوا وحدة في القسم أو في الدروس الخصوصية حاول ديرلها ملخص بسيط لأهم ماجاء فيها و طريقة ورود الاسئلة في البكالوريا حولها .
- بعد تحضير الملخص ابدأ في حل التمارين ( ماتحلش تمارين صعاب بزاف لانو يفشلوك و ماتحلش تمرين ماعندكش الحل تاعو باش تقدر تقيم مستواك و تعالج نقائصك )
- انصح و بشدة بحل تمارين البكالوريات السابقة لشعبتك و شعبة التقني و الرياضيات بدءً من سنة 2010 باعتبار ان أسئِلة الباك تاعك لن تكون غريبة عنها .
- الجماعة اللي تقولي القوانين كيفاش نحفظهم .. كي تكون تحل التمارين حط ملخصك امامك و الحل النموذجي قدامك ثاني ، وين تتلفلك في قانون شوف الملخص نظرة خاطفة تتذكرو و كمل حل و وين ماتعرفش تحل و لا الفكرة جديدة و غريبة اضرب طلة على الحل افهمو و عاود حل وحدك و بالتدرب و التمرن تلقائيا رح تلقى نفسك شافي على القوانين .
- التحويلات ايضا مهمة و الوحدات الدولية المستعملة لقياس مختلف المقادير ثاني لازم تكون عارفها ( ملاحظة حبيت نضيفها : ماتنساش بلي التركيز في الناقلية يكون ب mol/m³ ) ، التحويلات باش تحفظهم أولا دير في بالك بلي ماشي عيب انك ترسم في ورقة المحاولات الجدول تاع أجزاء المتر و لا اللتر و مضاعفاتهم ، و خاصة في المكعب تتلف بزاف و عادي ترسم الجدول + نفس الشي كيما القوانين بالحل بزاف رح تبقى متذكرهم .
- تشوفوني نركز بزاف على حل التمارين نظرا لأهميتها لأنو كي تقرا الدرس رح تفهمو 30% فقط و 70% راحت في تطبيق القوانين و معرفة كيفاش تحل التمرين و كل سؤال كيفاش يكون الجواب فيه ، و لقيت بزاف اسئلة واحد يقولي فاهم الدرس مليح بصح كي نروح نحل التمارين مانعرفش ، كي تحل أبدا بالسهل و البسيط و المتوسط ثم كي تتمكن مليح مليح روح لتمارين صعاب و معقدة هه ماننصحكش بيهم لانو كي ماتعرفش تجاوب تفشل و تيأس إذن حاول تحافظ على معنوياتك المرتفعة و حل لي باك لانو الباك يجي في متناول التلميذ المتوسط .
- العلاقات ثاني سؤال تكرر بزاف ، بزاف تلاميذ كي يلقاو علاقة مايديروهاش و لا يتخوفوا منها و يبداو يخلطو و يقولك ماصلحتليش ، شوف كي يمدلك علاقة و يقولك أثبتها واش دير ، تحكم العنصر هذاك اللي راه قبل إشارة ( = ) تكتب عبارتو البسيطة اللي تعرفها و قريتها ، ممبعد تشوفو راه مكتوب بدلالة واش أيا هذاك اللي راه مكتوب بدلالتو زيد ديرلو عبارتو و رح تلقى علاقة بين العبارتين سواء طرح او قسمة او تعويض وحدة في الاخرى ، و بهذا تتحصل على العلاقة المعطاة .
- في الكيمياء جدول التقدم أهم حاجة لازم تكون تعرف ديرو ، منو تجيب المتفاعل المحد ، تحسب كميات المادة و يساعدك باش تجيب العلاقات .
- كي يمدلك منحنى بياني لاحظو مليح كيفاش شكلو و منين يبدا و اذا ينعدم و المقدار اللي يمثلو و الوحدة و سلم الرسم يعني ديرلو قراءة باش تقدر تخرج منو المطلوب في التمرين .
المراجع : البكالوريات السابقة في المقام الأول ، قناة الاستاذ عمر مولاي على اليوتيوب ، كتاب المغني ، كتاب المراجعة النهائية ، تمارين الاستاذ قزوري ( شوية مستوى عالي )
اللي عندو استفسار يتفضل
و قولولي المواد اللي حابين نفصل فيها هكذا
ربي يوفقكم لكل خير
واش احوالكم أيها المحاربون ؟
بديتو شوية تدخلوا في الريتم تاع القراية و التحضير ؟
ماشية اموركم صافا ؟
المهم حبيت نشارككم طريقتي في دراسة كل من الرياضيات و الفيزياء و العلوم
و بعض المراجع في كل واحدة منهم
و كنت شاركتكم من قبل تجربتي في الباك و شرح مختصر لكيفاش قريت كل مادة
تلقاوها هنا (https://www.djelfa.info/vb/showthread.php?t=2261972)
دون اطالة نبداو بالرياضيات
- الرياضيات مراجعتها تكون بالتمارين ، حل بزاف تمارين تكون متنوعة الافكار باش ماتملش .
- استعن بتمارين البكالوريات السابقة لشعبتك باش تتعود على طريقة طرح الاسئلة و كيفاش تكون الإجابة عليها .
- الدرس لازم تفهمو مليح و تعرف كامل القوانين و مختلف الحالات اللي ممكن تلقاهم في التمارين يمدهملكم الاستاذ في القسم ولا استاذ ليكور .
- حل تمارين عندك الحل تاعهم باش تقدر تقيم مستواك و تعرف نقائصك و الافضل تاع بكالوريات لأنو الباك رح يجي كيما هوما .
- كي تكون تحل حط التصحيح قدامك و وين ماتعرفش اضرب طلة عليه شوفو افهمو و كمل حل باش تربح وقت و ماتفشلش .
- خصص وقت كبير للمادة لانو بيها تضمن المعدل تقدر تطلعك و تهبطك ( المعامل 5 بالنسبة لشعبة العلوم التجريبية و 6 للتقني و 7 للرياضيات )
- اقرا بذكاء و ماتضغطش على نفسك و خلي معنوياتك ديما طالعة .
المراجع اللي تفيدك في دراسة هذي المادة :
على اليوتيوب : قناة الاستاذ نور الدين
سلاسل الاستاذ مصطفاي ، تمارين الاستاذ حاقة ، المواضيع المقترحة للبكالوريا ، تمارين البكالوريات السابقة ، كتاب الاستاذ نور الدين في الدوال ، كتاب المراجعة النهائية ، كتاب المغني
ثانيا العلوم الطبيعية
- أهم حاجة تكون فاهم الدرس مليح و بطريقة بسيطة و ماعندكش فيه أي إشكال .
- المادة مزيج من الحفظ و الفهم لكن مبدئيا نحتاج الفهم أكثر شي ، ركز مليح مع شرح الاستاذ في القسم و اذا مافهمتش أي نقطة قولو يعاودهالك ، مالازمش تهمل حتى عنصر و لو كان يبان بسيط و غير مهم .
- الدرس اللي تكملو ديريلو ملخص و لا شوف ملخصات جاهزة داروهم أساتذة .
- ماتبداش من الان تقرا من الملخصات ، الملخص استغلوا في المراجعة النهائية ، الان اقرا من كراسك و من الكتاب المدرسي فيه وثائق تهمك .
- الآن روح للتمارين ، حل اللي فيهم أفكار جديدة و منهجية الاستدلال العلمي اللي بدا تطبيقها من 2019/2020 يعني يمدلك وثائق و يقولك باستغلالها و استغلال معارفك بين كذا ، حل واش تقدر و تذكر بلي كل شي بالتدريب و التمرن ، ماتنساش النصوص العلمية .
- ماتحلش تمرين ماعندكش الحل تاعو باش تقدر تختبر نفسك و تعرف تقيم روحك و تشوف نقائصك .
- كي تكون تحل خلي الحل النموذجي قدامك باش كي يستصعب عليك الحل اضرب طلة عليه هكذا ماتفشلش و ماتكرهش .
المراجع اللي ممكن تفيدك :
قنوات اليوتيوب : الاستاذ شاوش ، مصطفى بدد
للدروس و التمارين : مجلات الاستاذ بوالريش في المقام الأول ، ملخصات الاستاذ مصطفى بن خريف ( على شكل سؤال و جواب ) ، ملخص الاستاذ شاوش ، كتاب المتفوقة إكرام بوزار ( غير متوفر pdf )
أخيرا الفيزياء
- الفيزياء ترتكز على الفهم الجيد للدروس و حسن تطبيق ماجاء فيها في التمارين من قوانين و غيرها .
- كلما تكملوا وحدة في القسم أو في الدروس الخصوصية حاول ديرلها ملخص بسيط لأهم ماجاء فيها و طريقة ورود الاسئلة في البكالوريا حولها .
- بعد تحضير الملخص ابدأ في حل التمارين ( ماتحلش تمارين صعاب بزاف لانو يفشلوك و ماتحلش تمرين ماعندكش الحل تاعو باش تقدر تقيم مستواك و تعالج نقائصك )
- انصح و بشدة بحل تمارين البكالوريات السابقة لشعبتك و شعبة التقني و الرياضيات بدءً من سنة 2010 باعتبار ان أسئِلة الباك تاعك لن تكون غريبة عنها .
- الجماعة اللي تقولي القوانين كيفاش نحفظهم .. كي تكون تحل التمارين حط ملخصك امامك و الحل النموذجي قدامك ثاني ، وين تتلفلك في قانون شوف الملخص نظرة خاطفة تتذكرو و كمل حل و وين ماتعرفش تحل و لا الفكرة جديدة و غريبة اضرب طلة على الحل افهمو و عاود حل وحدك و بالتدرب و التمرن تلقائيا رح تلقى نفسك شافي على القوانين .
- التحويلات ايضا مهمة و الوحدات الدولية المستعملة لقياس مختلف المقادير ثاني لازم تكون عارفها ( ملاحظة حبيت نضيفها : ماتنساش بلي التركيز في الناقلية يكون ب mol/m³ ) ، التحويلات باش تحفظهم أولا دير في بالك بلي ماشي عيب انك ترسم في ورقة المحاولات الجدول تاع أجزاء المتر و لا اللتر و مضاعفاتهم ، و خاصة في المكعب تتلف بزاف و عادي ترسم الجدول + نفس الشي كيما القوانين بالحل بزاف رح تبقى متذكرهم .
- تشوفوني نركز بزاف على حل التمارين نظرا لأهميتها لأنو كي تقرا الدرس رح تفهمو 30% فقط و 70% راحت في تطبيق القوانين و معرفة كيفاش تحل التمرين و كل سؤال كيفاش يكون الجواب فيه ، و لقيت بزاف اسئلة واحد يقولي فاهم الدرس مليح بصح كي نروح نحل التمارين مانعرفش ، كي تحل أبدا بالسهل و البسيط و المتوسط ثم كي تتمكن مليح مليح روح لتمارين صعاب و معقدة هه ماننصحكش بيهم لانو كي ماتعرفش تجاوب تفشل و تيأس إذن حاول تحافظ على معنوياتك المرتفعة و حل لي باك لانو الباك يجي في متناول التلميذ المتوسط .
- العلاقات ثاني سؤال تكرر بزاف ، بزاف تلاميذ كي يلقاو علاقة مايديروهاش و لا يتخوفوا منها و يبداو يخلطو و يقولك ماصلحتليش ، شوف كي يمدلك علاقة و يقولك أثبتها واش دير ، تحكم العنصر هذاك اللي راه قبل إشارة ( = ) تكتب عبارتو البسيطة اللي تعرفها و قريتها ، ممبعد تشوفو راه مكتوب بدلالة واش أيا هذاك اللي راه مكتوب بدلالتو زيد ديرلو عبارتو و رح تلقى علاقة بين العبارتين سواء طرح او قسمة او تعويض وحدة في الاخرى ، و بهذا تتحصل على العلاقة المعطاة .
- في الكيمياء جدول التقدم أهم حاجة لازم تكون تعرف ديرو ، منو تجيب المتفاعل المحد ، تحسب كميات المادة و يساعدك باش تجيب العلاقات .
- كي يمدلك منحنى بياني لاحظو مليح كيفاش شكلو و منين يبدا و اذا ينعدم و المقدار اللي يمثلو و الوحدة و سلم الرسم يعني ديرلو قراءة باش تقدر تخرج منو المطلوب في التمرين .
المراجع : البكالوريات السابقة في المقام الأول ، قناة الاستاذ عمر مولاي على اليوتيوب ، كتاب المغني ، كتاب المراجعة النهائية ، تمارين الاستاذ قزوري ( شوية مستوى عالي )
اللي عندو استفسار يتفضل
و قولولي المواد اللي حابين نفصل فيها هكذا
ربي يوفقكم لكل خير