سؤالي موجه الى االاحرار

[الجميلة انا]

السلام عليكم
حبيت نسقسي الاحرار كيفاه اتخذتو هدا القرار انكم تعاودو الباك وقداه قعدتو تخممو ف فكرة اعادة الباك
وهل تقبلتو الحكايا بسرعة وبديتو تقرو قبل الدخول الجامعي والا ريتو ايامات في الجامعة ومباعد عودتوه

[bis kou]

وعليكم السلام

لوكان نقولك بلي كنت رافضة رفضا تاما أني نعاود الباك
مكانتش أصلا داخلتلي في راسي وعشت صراع نفسي رهييييييييييب جدا جدا اذا نعاود ولا نو ولا إذا نبلوكي ولا نو
لكن مع اصرار الوالد تاعي على الإعادة مكاش عندي حل آخر وخاصة مع الكلام الجارح لي كنت نسمعو مقدرتش نسكت عليه
باش نقولك تقبلت الحكاية بسرعة أبدا مكنتش متقبلتها إطلاقا وكنت نعيش صراع نفسي رهيب كان يعلم بيه ربي
لكن مع الوقت ومع كثير من الصبر تعودت نقرا وانا محطمة نفسيا مي الحمد لله قاع وهكا وفقني ربي ومستسلمتش
بالنسبة للدراسة بديت قد قد مع الدخول المدرسي وكنت نمشي كيما يمشو النظاميين علما انه في البداية كنت نوعا ما متأخرة لكن الحمد لله بعد استدركت الوضع

وبالنسبة للدراسة في الجامعة نعم قريت الايام الأولى ثم انسحبت منها

[اخلاق راقية]

كنت دايرة في رأسي قبل أحتماال اني لوكان منجيبهش مليح نعاود وعادوت والحمد لله درست في الجامعة ومبلوكيتش العام تاعي بديت كيما النظامين وسجلت في الدروس الخصوصية وعادي مكتبيليش ربي هذ لعام التخصص لي نبغيه الحمد لله مضيعتش عام وتسرعت وبلوكيت نصيحة إذا حبيتي تعاودي الباك متبلوكيش اقرأي تخصص وعاودي في نفس الوقت بزاف زملاء لي غلطوا وبلوكو لعام من بعد جابو اقل وندمو
بالتوفيق

[batmen9]

كنت قاعد في شهر جوان وحدي في الشومبرة قتلني التخمام و ديقوتيت و تفكرت انو بعد الحجر راح نرجع نقرا في تخصص فاشل ما عندو حتى مستقبل و زيد انا ضعيف فيه ( تخصص أدب عربي ) , قلت كيعاد قريت 4 سنين في الجامعة خلي نعاود حر و نروح لتخصص أقوى و أفضل . نضت هزيت كلش لحتو في صاشية كحلة و قفلت كلش , و جبدت مراجع قديمة في الرياضيات و بديت معاه .

[اسماء تيارت]

صراحة فكرة ترشحي كحرة للبكالوريا كانت واردة دائما قلت اذا مالحقتش لهدفي وحلمي نعاوده لوكان يدي مني سنوات نعاود للوصول إليه. والقراية مزال مابديتش نقرا 🤗🤗.

[فتاة مغامرة]

نعم قررت ذلك بعد نتائج الباك مباشرة تقبلت الامر وبعد ذلك درست فالجامعة مع انو مكانش التخصص اللي نحبو والحمد لله مبلوكيتش وما ضيعتش عام باطل
اما الان قررت منقراش دوك حتى نتعافى ونرجع من جديد مازلت تعبانة وتحت تاثير االصدمة
مي ان شاء الله غادي نبدا عن قريب

[الجميلة انا]

عن نفسي فانني في تفكير عميق جدا اا نعاود والا لا راسي راهو مخلط بين اعادة الكالوريا كمترشحة حرة او نرضى بواش عندي درك ونكمل نقرا التخصص اللي وجهوني ليه وتبقى دائما الخير فيما اختاره الله

[ورد الاوليف]

السلام عليكم الفكرة جات لبالي كيما اخر يوم في الباك ماخدمتش في الفيزيك و الفيلو عرفت بلي ماراحش ننجح بمعدل عالي وجهت الى تخصص فرنسية ماقريتش ولو ثانية كان عندي هدف ولازمني نحققو كنت في اشكال نبلوكي والا لا لانو بعض من افراد عايلتي خافو نفقد عام من حياتي ..........لكن الحمدلله ارادة النجاح تفوقت على ارادة الخوف بلوكيت و طلعت ب 3 نقاط في المعدل و فرحت و فرحو معايا عائلتي و الحمدلله.
- نصيحة : مادام راكي تفكري تعاودي عاودي ماراكي خاسرة والو+ واحد ما يقرر في مكانك تبلوكي ولالا باسكو كل واحد و ظروفو الخاصة كاينة اخت الفوق قاتلك ماتبلوكيش تطيحي في المعدل لكن العكس انا طلعت ب 3 نقاط كاين لي يخصص وقتو كامل للباك و يتميز + و كاين لي مايبلوكيش باسكو كي يقعد في الدار ينقص الحافز تاعو و يفشل لكن كي يروح للجامعة ويشوف الناس كيفاه راهي تقرا و تسعى يتحفز تلقائيا و يبدا يريفيزي للباك تاعو
حلها الاستخارة .............take a risk ;)

[شمس الأمنيات]

السلام عليكم
بالنسبة لي مباشرة بعد نتائج البكالورريا قررت التسجيل كمترشحة حرة :dوجمدت السنة الدراسية وحاليا على وشك التخرج من تخصص رضيت به والحمد لله :1:، نصيحتي لك لا تترددي في الاعادة لو لم يعجبك تخصصك الحالي:19: لأنك سندمين لاحقا

[〆 بٰٰاولو 乄]

السلام عليكم
بالنسبة لي مباشرة بعد نتائج البكالورريا قررت التسجيل كمترشحة حرة :dوجمدت السنة الدراسية وحاليا على وشك التخرج من تخصص رضيت به والحمد لله :1:، نصيحتي لك لا تترددي في الاعادة لو لم يعجبك تخصصك الحالي:19: لأنك سندمين لاحقا
عاش من شافك :1:

[شمس الأمنيات]

عاش من شافك :1:

وشافك:1:
عدنا وبقوة ان شاء الله