اخوكم يتعذب........ فهل من نصيحة له رجاء

[hatta bezzaf]

سم الله الرحمن الرحيم
يا اخواني رجاء افيدوني ولو ينصيحة اخ لأخ
انا طالب جامعي ، لي 3 سنوات في الجامعة ، ككل شاب تعجبه طفلة تدرس معه ، انا في الحقيقة اعجبتني طفله ، منذ ان رايتها لاول مرة ، فيها كل مواصفات المرأة ، تتميز بجمال لا اقول خارق للعادة، ولكن جميلة حقا ،
بدت لي حسنة الاخلاق ، بنت فاميليا، ..... في احد الايام طلبت مني ان ادرس معها وقد جاء الطلب منها والله شاهد على ذلك ، فوافقت والتقينا لاول مرة ، وكم كان ذلك اللقاء صعب علي، ، المهم درسنا ، ولكن لم تتوقف عند هذا الحد بل كنا نقريبا نجلس مع بعضنا للداسة اقول للدراسة لالشيء آخر ، والطفلة تكبر في عيني يوم بعد يوم والله على ما اقول شهيد اننا لم نتكلم في امور اخرى ، مع العلم انها لاتجلس مع اي شخص آخر سوى معي حسب ما رايت ، وانا لااكلمها بتاتا في حرم الجامعة ، والله لم ارى فيها سوى انها قد تكون شريكة حياتي في المستقبل ، ولكن الامور ليست بيدي ، في عديد المرات اريد ان اصارحها باعجابي بها ، ولكن اتردد واخاف ان اخسرها ، حتى زملائي قالوا لي صارحها بمشاعرك الحقيقية ولاتخف ، ولكن بقيت متردد مر عام ونحن نلتقي وندرس وتتكلم معي وفي يوم تكلمت عن احوالها الاجتماعية وصارحتني بكل شيء ، وانا صارحتها ايضا ، ولكن هذه السنة قربت ان اقول لها بكل ماهو في قلبي ومرضت من اجلها والله العظيم ، يوم لااراها ذلك اليوم يفوت بالنسبة لي صامط ، ولكن قبل ايام جاءني احد وياريت لم اكلمه ولم التق به ، جاءني وسالني عنها بالاسم ، فتعجبت صراحة ، قال لي هل تعرفها ، قلت له نعم اعرفها وترس معي ، منذ عامين ، وقلت له هل تريدها في شيء ، فقال لا انا اسالك فقط، ثم اتاني في اليوم الموالي وقال لي هل ممكن تريها لي ، فاريتها له ، ثم صارحني وقال لي في الصراحة انه واحد من زملائه اراد ان يسال عنها ، اي كيف اخلاقها واين تسكن ، ........... لكي يخطبها انا في الحقيقة انتابني احساس غريب والله على ما اقول شهيد وهي كانت معي قبل ذلك بساعة في المكتبة ندرس ونحل التمارين وهو كان في المكتبة ايضا ........................ بقيت افكر هل اقول لها ؟؟؟؟ ام لا اقول لها ؟؟؟ اقول لها ولكن ممكن تقول انه يتدخل في اموري الشخصية ، وترددت ............. لا اقول لها وانا جلست معها في الغد وخفت ان يراني ذلك الشخص معها وبعدها تخرج عليها هدرة ماهيش مليحة راكم تعرفوا الناس دايما تفهم النقص ، كنت ساقول لها ان لاتجلس معي ولكن اعرف بانها ستسالني اسئلة لا اريد ان اجيبها عليها، والان رانا في العطلة وبعد 15 يوم اعرف باني ساتعذب وابقى افكر فيها ، هل ستخطب وبذلك ستكون صدمة كبيرة بالنسبة الي ...............
ارجوكم نصيحة من عندكم لانسان سيتعذب ليل نهار
والله على ما اقول شهيد ، والله لاراني ناوي الحلال ولكن الامور ليست بيدي انا ......

[منى]

في رأيي أحسن شئ هو الصراحة.. صارحها و لكن الا قبلت خلي علاقتك بيها كيماراها اي تبقى في نفس المستوى دراسة فقط.. و ربي يسهلك في لي فيها الخير ان شاء الله... و صلي صلاة الاستخارة قبل الشروع في اي قرار يخص حياتك..

[daouina]

هل أنـت تجلـس مع شيطـان لا إذا ماعليك إلا أن تقـول ما يجـول في خاطــرك حتى لتندم في المستقبل مادمـــت تراهــا ملاك فالأخــرون يرونهــا كذلـــك لاتتـأخــر حتى لايفـوتــك القطـــار أعقلهــــــا وتوكـــل

[jamel2008]

من أحب شيئا من دون الله عذب به و لا بد ، أما عن الاستخارة فهي تفيد من تعلق قلبه بالله و اختلط عليه الأمر ، لكن أن نحب غير الله ثم نستخير الله فنحن نضحك على أنفسنا ، اعلم أخي الكريم أن الله خلقك لتعرفه فتحبه فتعبده فيحل جميع مشاكلك ، و ماذا فقد من وجد الله و الله لم يفقد شيئا و ماذا وجد من فقد الله ؟

[سحر الجنوب]

نقولك حاجة اولا صارحها وامبعد اخطبها وكي تكمل جامعة تزوجها

[الفايق]

يا تل صحيت يا طفل واش راك تسنا ها ويلي ظرك يطيرولك بيها اقصب اقصب مدام راك تشتيها وتوحس عليها غديها متتستناش يا وليدي يصيرك كيما بيك هذا لي راه يحكي معاك راني مندم راني ندم واش نقلك ياااو إجري وربي معاك المهم كون راجل وفحل هاو

[منى]

من أحب شيئا من دون الله عذب به و لا بد ، أما عن الاستخارة فهي تفيد من تعلق قلبه بالله و اختلط عليه الأمر ، لكن أن نحب غير الله ثم نستخير الله فنحن نضحك على أنفسنا ، اعلم أخي الكريم أن الله خلقك لتعرفه فتحبه فتعبده فيحل جميع مشاكلك ، و ماذا فقد من وجد الله و الله لم يفقد شيئا و ماذا وجد من فقد الله ؟

كلامك جميل جدا أخي... لكن حب الله هو الحب الأول و الأسمى و الأغلى و بعدو يجي حب الوالدين و الأهل و الزوج و الأبناء.. و الاستخار تنفع في كل المجالات،، علاه يقولك "( وعسى أن تكرهوا شيئا وهو خير لكم وعسى أن تحبوا شيئا وهو شر لكم ، والله يعلم وأنتم لا تعلمون ) ... معناها الواحد يستخير ربي في كل الأحوال و الضروف و أكيد لي يلوح أمرو في إيد ربي ما يخيبش...

[ام الخير29]

يا اخي صارحا بمشاعرك وبانك تريد الزواج بها وليس العبث والمزاح وقل لها انك مستعد لخطبتها في اقرب وقت هكدا لتكسب قلبها اسرع
قبل فوات الاوان وتندم مبعد والله يوفقك اخي
ان شاء الله تكون من نصيبك

[hatta bezzaf]

شكرا لكم على مشاركاتكم ، راني طولت عليكم ، لاني راني عيان وراه هابطلي المورال تاع الصح

[hatta bezzaf]

في رأيي أحسن شئ هو الصراحة.. صارحها و لكن الا قبلت خلي علاقتك بيها كيماراها اي تبقى في نفس المستوى دراسة فقط.. و ربي يسهلك في لي فيها الخير ان شاء الله... و صلي صلاة الاستخارة قبل الشروع في اي قرار يخص حياتك..
بارك الله فيك ، ولكني اذا صارحتها وقلت لها ما بقلبي ، ولكن قلت ان الامر ليس بيدي ، الاهل مانقدرش نهدر معاهم ، يقولولي مازلت صغير ، وانا مانحبش نطمع الطفلة ونعيشها في امور خيالية ...

[hatta bezzaf]

يا اخي صارحا بمشاعرك وبانك تريد الزواج بها وليس العبث والمزاح وقل لها انك مستعد لخطبتها في اقرب وقت هكدا لتكسب قلبها اسرع
قبل فوات الاوان وتندم مبعد والله يوفقك اخي
ان شاء الله تكون من نصيبك
جابلي ربي بلي راهي نخطبت ، احساسي راه يقولي هكذا ...... ولا ما نخطبتش نشوف كيفاه نفهمها ونطلب ربي تفهمني برك

[hatta bezzaf]

هل أنـت تجلـس مع شيطـان لا إذا ماعليك إلا أن تقـول ما يجـول في خاطــرك حتى لتندم في المستقبل مادمـــت تراهــا ملاك فالأخــرون يرونهــا كذلـــك لاتتـأخــر حتى لايفـوتــك القطـــار أعقلهــــــا وتوكـــل
انا عامين وانا معاها ،و ممبعد يجي واحد آخر يديها ، والله غير غاضتني تاع الصح، والناس قاع كانت تحوس تهدر معاها بصح هي ماحبتش ، انا الحاجة اللي مافهمتهاش علاه تهدر معايا غير انا وتقعد معايا ؟؟؟

[yayagoal]

يجب عليك أن تسأل نفسك اولا و بكل صراحة هل أنت قادر على الزواج بها بعد التخرج فكل شيء متعلق بحالتك المادية فإن كنت قادرا فلا تتأخر في خطبتها أما و في حالة العكس فأدعوك أخي أن تتعامل مع الموضوع بكل صرامة و غلب عقلك على قلبك و لا تجعل أحاسيسك تسيطر عليك و الأفضل لك أن تنسى هذه الفتاة و أن لا تفكر بالإرتباظ بها ما دمت غير قادر فلا تعذب نفسك و لا الفتاة التي معك و أجعل علاقة بها أكثر احترافية و لا تفكر بالإرتباط بها و إن كلمتك في الموضوع فرد عليها أنك لا تفكر في الإرتبلط حاليا و كما يقول المثل اسمع للراي لي يبكيك
فعلم يا أخي أن العلاقات قبل الزواج ليست في ديننا من شيء استعن بالله فمن ترك شيء للله عوضه الله خير منه في الدنيا توكل على الله و أكثر من قراءة القران و احرص على صلاة الجماعة
وفقك الله

[paradis]

elle ne peut pas accepter autre si 'elle est sure que tu l'aimes

donc

صارحها

pour qu'elle devienne sure de ton amour!!.... bonne chance

[paradis]

c 'est ta faute dès le début........tu as commencé alors tu dois terminer

بالحــــــــــــــــــــــــــــــــــــــــــــــ ــــــــــــلال

[الدلفين]

السلام عليكم
خويا عليك بصلاة الاستخارة والله عز وجل هو القادر على كل شئ وإذا لقيت روحك بلي راك على صواب لازم عليك تعلم والديك هوما الي يعرفو صلاحك أفضل منك....وإذا كانت هذه البنت مربية وبنت ناس على الأقل لازم تطلبها من أهلها أفضل من الحديث معها مباشرة، وهذا كي لا تتعقد الأمور ولا ندخل في الحرمات.........
وعلى كل حال إذا كانت تبادلك نفس الشعور ، أكيد ماراهيش رايحا تقبل بشخص غيرك........واه خويا......وفقك الله

[فاطمة الزهراء7]

حسب مافهمت من القصة فانت لست واثقا تماما من خطواتك المستقبلية فانت قلت حتى وان صارحتها فهناك الاهل الذين ينظرون اليك بانك صغير عن تحمل مسؤولية الزواج كلامهم صحيح يجب ان تفهم ان الزواج هو معيار الاختيار الناجح و معيار مدى القدرة على تحمل المشاق التي قد تصادفكما لذا اقترح عليك اخي ان تطرح الفكرة اولا على اهلك و في حالة موافقتهم تصارح الفتاة بذلك و ذلك تجنبا لاي احراج لها فلا تعلقها بحبال الامل ثم تصدم بعدم موافقة اهلك للامر وان حدث و فقدتها فتذكر قوله تعالى و عسى ان تحبوا شيئا و هو شر لكم
ان الله دائما معنا حاشاه ان يمنع عنا ما ينفعنا و يسعدنا .........ديرها مليح في بالك

[hatta bezzaf]

شكرا لك اختي فاطمة الزهراء ، انا لست واثقا من خطواتي المستقبلية لاني لا يمكنني ان اخدع طفلة واقول لها اني اريدك شريكة حياتي في المستقبل ، واريد ان اخطبك ، لاني لااضمن لها موافقة اهلي واهلها ، وايضا حتى اخلاقي ومبادئي وحتى ضميري ، لا اقدر فعلا ، والله انا حائر والدخلة قربت ، راني خايف نشوفها وهي مخطوبة ....................كابوس حقيقي، ولكن كما قلت ، وعسى ان تحبوا شيئا وهو شر لكم

[dr.sirine]

صارحها لا عود راك عاجبها و كملو القراية و يرحمها ربي

[flowerl]

السلام عليكم
يا أخي علاش تتعذب؟ ؟ أنا نظن صارحها أحسن ما راح تخسر والو ،لكن ما طمعهاش وفهمها الوضع انتاعك مليح
اتكل على ربي وانشاء الله ما يكون غير الخير

[زهرة السندس]

السلام عليكم
من خلال كلامك اعتقد ان الفتاة قد شعرت بك لان هذه الامور لا يمكن اخفاؤها بسهولة ولربما تنتضر ان تكلمها
لكن رجاء اخي ان كنت لا تستطيع ان ترتبط بها لضروف خارجة عن ارادتك فلا تكلمها بالمرة لانكما ستتعذبان اكثر
اتمنى ان يوفقك الله لما فيه الخير لكما

[نينا الجزائرية]

السلام عليكم
الطفلة مازادتش هدرت معايا خلاص
مانيش عارف علاه
والله يهديها

ممكن اتخطبت

[hatta bezzaf]

السلام عليكم
من خلال كلامك اعتقد ان الفتاة قد شعرت بك لان هذه الامور لا يمكن اخفاؤها بسهولة ولربما تنتضر ان تكلمها
لكن رجاء اخي ان كنت لا تستطيع ان ترتبط بها لضروف خارجة عن ارادتك فلا تكلمها بالمرة لانكما ستتعذبان اكثر
اتمنى ان يوفقك الله لما فيه الخير لكما

شكرا اختي ...
ولكن ازداد تعذبا يوما بعد بوم
لا اتصور نفسي بدونها ... والله العظيم غير راني الحلال

[hatta bezzaf]

ممكن اتخطبت

ماشكيتش ...
سقسيت عليها ... وقالولي لالا

[mimla]

لماذا تطرح كل هذه التساؤلات مادام أنك تقول أنك صغير وغير قادر على الخطوات المستقبلية
أنت ستكمل الدراسة قريبا ولاتدري ان كنت ستجد عملا يعني يجب عليها أن تنتظرك كم سنة 2 3 أو أكثر ؟؟؟ هل فعلا ستكون قادر على الزواج في هذه المدة ؟
من رأيي الحب وحده لا يحل هذه الأمور عليك التفكير بالعقل قبل القلب ثم أخد قرار جدي لأن الزواج مسؤولية ثم اذا صارحتها بعواطفك يجب أن تصارحها بظروفك والمدة التي عليها أن تنتظرك فيها ولها الاختيار

[عبد النور مكي]

اهدر معاها برك ما خايف.......بلاك هي راهي تعامل فيك كزميل فقط و انت تتعذب وحدك.....صارحها و اعرف برك ما تشيب في راسك

روح اهدر معاها صاحبي.....دوك تمرض من عقلك.....اهدر و خرج اللي في قلبك و اعرف كيفاش تهدر باش تقنعها....

كونك راجل واش بيك

[hatta bezzaf]

لماذا تطرح كل هذه التساؤلات مادام أنك تقول أنك صغير وغير قادر على الخطوات المستقبلية
أنت ستكمل الدراسة قريبا ولاتدري ان كنت ستجد عملا يعني يجب عليها أن تنتظرك كم سنة 2 3 أو أكثر ؟؟؟ هل فعلا ستكون قادر على الزواج في هذه المدة ؟
من رأيي الحب وحده لا يحل هذه الأمور عليك التفكير بالعقل قبل القلب ثم أخد قرار جدي لأن الزواج مسؤولية ثم اذا صارحتها بعواطفك يجب أن تصارحها بظروفك والمدة التي عليها أن تنتظرك فيها ولها الاختيار

شكرا لك
انا قادر على الزواج بعد اتمام الدراسة
وليس لدي اي صداقات ولكن هاته الطفلة اعجبتني... للعلم اكبرها بسنتين
في العائلة بقيت انا فقط الغير المتزوج

[hatta bezzaf]

اهدر معاها برك ما خايف.......بلاك هي راهي تعامل فيك كزميل فقط و انت تتعذب وحدك.....صارحها و اعرف برك ما تشيب في راسك

روح اهدر معاها صاحبي.....دوك تمرض من عقلك.....اهدر و خرج اللي في قلبك و اعرف كيفاش تهدر باش تقنعها....

كونك راجل واش بيك

المشكل انها ماهيش توقتني قاع .. تفوت عليا تقول ماشافتنيش

[عبد النور مكي]

المشكل انها ماهيش توقتني قاع .. تفوت عليا تقول ماشافتنيش

هذي ديرها سبة و هدر معاها

قولها سلام واش لاباس ..الخ و من بعد قولها عندك كاش مشكلة ؟ شفتك تبدلتي شوية و هدرة تجيب هدرة و ادخلها في الموضوع

اهدر قبل مايطيرولك بيها

[الامير-الحزين]

السلام عليكم
اخي انا راني نمر بحالتك تقريبا الفرق بيني و بينك اني صارحتها و قابلة بيا مبدئيا لكن هاذ ليام راح يخطبوها و هي قاتلي يا تتفضل تخطبني ولا راح نقبل بيه و نفهم بلي كنت تتمسخر بيا و انا ضروفي في هاذ الوقت ما تسمحليش يعني مانيش موجد روحي و راني حاير كيفك واش ندير

[وسام المؤمنة]

السيد يزيد شويا يهبل يا جماعة
ارواح نقولك حاجة 3 جامعي ما عندك ما صغرك يعني عام ولا عامين وحدخرين راك خدام ...روح صارح داركم هالافار هالفار ومن بعد اهدر معاها هاذي ما فيها والو مادام راك ناوي للحلال اصلا هادي هي العقليا تاع لبنات لوكان ما عجبتهاش ما تعيطلكش وما تصارحكش خطينا لا زمالة لا بطاطا وحتى هي راهي رافدا نيفها غي دلع دلع افهم روحك و اقصب و ريح روحك وريحنا المنتدى كامل راك قلقتو من بعد اخطبها وانا نأكدلك ردها***تقول واااااااااااااااااااااااااااه و يعنيها مغمضين***اخطبها بعد مدة كي تجهز روحك سوا سوا تصيبها كملت دراستها اعقلها و توكل كيما قالت الاخت ولا الاخ والله ماني عافرة راك قلقتني هههههههههههههههه سلام

[mimla]

والله ياأخي لم أفهمك من يريد فتاة بالحلال ويرى أنه قادر على الخطوات المستقبلية يتكلم معها مدةعامين ثم لا يستطيع مصارحتها بنيته الطيبة ويتركها تذهب لغيره دون أي سبب منطقي هذا فعلا أمر محير ولها الحق أن تتغير من جهتك وتتجاهلك لأنها ربما انتظرت طويلا لكن لم تجد من ناحيتك أي خطوة واضحة
ماذا تنتظر من الأعضاء أن ينصحوك والأمر واضح يعني الأمر ليس صعب لهذه الدرجة أنت فقط تضيع الوقت والفرصة وتقوم بتعذيب نفسك وغيرك
كن واثقا من نفسك واحسم الأمر توكل على الله مادامت نيتك الحلال اذهب للفتاة وتكلم معها ولا تنتظر حتى تبتسم في وجهك وتقول لك أنا هنا لأنها لن تفعل ثم صارحها باأمر من أول ماتعرفت عليها الى يومنا وهذا سيزيد من احترامها لك فان كانت تبادلك نفس الشئ كان بها وان كان العكس فالدنيا مكاتيب

[g.h1996]

خويا أنت صارحها والباقي على ربي وماتنساش عسى أن تحبوا شيئا وهو شر لكم وعسى أن تكرهوا شيئا وهو خير لكم

[BAROUD]

Dont waste time
quickly

[سارة]

انا راي اخي ان تصارحها الان احسن من ان تندم وتتعذب مستقبلا صارحها

[لقاء الجنة]

ما دمت يا اخي تريدها للحلال نصيحتي اليك ان تصارحها كما قلت قبل فوات الاوان.............

اتمنى لك كل الخير و ان شاء الله تخبرنا عن جديدك.......

الله يسعدك يا اخي..........

[hatta bezzaf]

السلام عليكم
اخي انا راني نمر بحالتك تقريبا الفرق بيني و بينك اني صارحتها و قابلة بيا مبدئيا لكن هاذ ليام راح يخطبوها و هي قاتلي يا تتفضل تخطبني ولا راح نقبل بيه و نفهم بلي كنت تتمسخر بيا و انا ضروفي في هاذ الوقت ما تسمحليش يعني مانيش موجد روحي و راني حاير كيفك واش ندير

الله يعطيك الصبر
الله يكملك

[hatta bezzaf]

ما دمت يا اخي تريدها للحلال نصيحتي اليك ان تصارحها كما قلت قبل فوات الاوان.............

اتمنى لك كل الخير و ان شاء الله تخبرنا عن جديدك.......

الله يسعدك يا اخي..........

شكرا لك اختي
جابلي ربي راني نعمر في قلبي باطل

[الامير-الحزين]

السلام عليكم
ربي يوفقك انت ثاني
انا درت كوراج و قلت لدارنا وهاذ الصيف انشاء الله نتقدملها ادعيولي ربي يوفقني ربي يخليكم
خويا ننصحك دير كيفي هاذا هو الحل الوحيد و الحل الثاني راك تعرفو اذا قادر تنساها انساها
انا كي ما قدرتش ننسى قررت نقدم و خلاص المهم نطلبها رسميا و نتهنى من تكسار الراس و نوجد روحي بعقلي بلا ما نخاف يديوهالي
:D
:mh31:

[طيب وابن حلال]

ولله اخي الكريم اذا كان راح تمرمد بنت الناس وتقعد تحب فيها وهي تحب فيك وانت مازلت طالب جامعي وماكش قادر باه تتقدم لخطبنتها اسكت وخلاص وحبلها الخير اذاكان كانك قادر على الزواج وتحمل المسؤلية ماديا ومعنويا تكون احمق اذا ما هزيتش البرتابل ضرك وعيطلها
معلومة : ماشي كل خطبة تنتهي بالزواج
وكلش بالمكتوب

[محمد مولاي]

انت حكايتك حكاية ... راهي قريب تتشبه لحكايتي هههههههههههههه
خويا اذا راك واجد ... اتقدم وماتخافش ...

[mimi4025]

يا اخي ان كنت تحبها حقا مثلما تقول فصارحها و لا تدع القطار يفوتك حتى لا ياتي يوم تندم فيه و تقول انا الذي قدمتها بيدي لشخص اخر .انا الذي تركتها تضيع من يدي .يا اخي ان الندم شيء صعب فصارحها فلربما تكون هي ايضا تبادلك نفس الشعور و لكن حياءها و اخلاقها هما الذاان منعاها من البوح بمشاعرها نحوك

[islameaya]

صارجها واخطبهاااااااااااااااااااااااااااااااااااااااااااا اااااااااااااااااااااااااااااااااااااااااا

[hatta bezzaf]

القصة لها اكثر من عام
الطفلة تبدلت كامل وماعرفتش علاه
هاذي تكملة واش صرالي ....كي حكيتها لوليد عمي قالي قوللها وماتخافش ..
كي رحت للجامعة باش هدر معاها ....
انان داخل وكنت مع صاحبي وفاتت عليا ؟؟؟ قالي صاحبي واشبيها ماهدرتش معاك ؟؟ السلام وماكانش
قلتلو بالاك ماشافتنيش ....
وفي اليوم الموالي نفس الشيء .... تما حبطلي المورال

ياناس هاذي الطفلة الللي كنت ناويها للحلال ....
وكي سقسيت عليها سواسوا ... قالولي شحال من واحد كان حاب يخطبها وهيومافبلتش ولا دارهم ....
راني نعاني على جالها .... وراني نشوف مانزيدش نخمم فيها ...
ياهل ترى اللي ناوي الحلال هكذا يصرالو ...
والمثل يقول : اللي بدلك الفول بدلوا بقشوروا

[dragon_fort]

بسم الله الرحمن الرحيم
أخي الأمر ليس بهذه السهولة (صارحها و توكل على ربي)
أولا قوم نفسك ماديا و معنويا خصوصا و ان سنك على ما يبدو صغيرة و لم تمر بعلاقات سابقا
ثانيا تذكر انك ان صارحتها ستتعلق بك و تربط عليك آمالا كبيرة و تصبح لا ترى غيرك. و ان حدث و خطبها شخص آخر فإنك ستقضي على حياتين في نفس الوقت
ثالثا لاتضع نفسك موضع الضحية و تنسى انك متهم (و يعني انك تحبها و ليست لديك مقومات الحب -القدرة و المسؤولية)
رابعا أريدك ان تتصورها للحظات انها أختك ووقع لها ما وقع فما هو تصرفك تجاه هذه المعظلة ؟
أخيرا لا تظن اخني انني أقلل من عزيمتك او اتهم في سلوكك بل هي حقيقة يجب مواجهتها-واظب على صلاتك في الجماعة و قراءة القرآن و الاستماع الى نصائح الناصحين و ليس الغيورين.وفقك الله و لا تنسى ان تخبرنا بأحوالك لنطمئن عليك

[غزال ميرنا]

انا برايي صارحها خير ما تخسرها و تتخطب لواحد غيرك

[perle_noire]

je te conseil de lui déclarer ta flamme en tte franchise, w li fih elkhir ijibou rebi

[hatta bezzaf]

شكرا لكل من قدم لي نصيحة
والله العظيم غير راني مندم تاع الصح كي درتها في قلبي ...
انا لم تكن لي ولاصداقة .... وهي ماشافتنيش كامل مع واحدة ...
انا قلت من اللول مرانيش حاب نقوللها خاطش مانيش حاب نطمع بنت الناس وانا مازال نقرا
الله يجيب اللي مافيه الخير

[صاحبة القلادة]

شكرا لكل من قدم لي نصيحة
والله العظيم غير راني مندم تاع الصح كي درتها في قلبي ...
انا لم تكن لي ولاصداقة .... وهي ماشافتنيش كامل مع واحدة ...
انا قلت من اللول مرانيش حاب نقوللها خاطش مانيش حاب نطمع بنت الناس وانا مازال نقرا
الله يجيب اللي مافيه الخير

خلي بنت الناس تزوج الواجد وانت مزالك تقرى
وما تديرش في بالك وقت وتنساها

[imene76]

يااخي حرام عليك راك تعذب في روحك صارحها ولي فيها خير ربي يجيبها

[amura8]

صارحها لكي يرتاح ضميرك خيرا ان تعيش حياتك تتسائل مادا كان ليحدث لو؟؟؟؟؟؟؟؟؟؟؟؟؟؟
اقله سوف تعرف الاجابة وتعيش حباتك بناءا على تلك الاجابة وربما سستفرح ربما هي ايضا لها نفس اشعور تجاهك با انا متاكدة
اسالها قبل ان تندم ويفوووووووووت الاوان الحظ الحسن يطرق الباب مرة واحدة
السلاام

[ل..ب..ن..ى]

السلام عليكم

القصة مكتوبة في ال2009 ورانا في ال2010
يعني المشكل تحل ولا مازال ؟؟ تخطبت ولا لا؟؟؟

المهم رايي:

الطفلة تدرس معاك ........ يعني قدك في السن
وانت على حساب ماقريت كامل الموضوع ماراكش واجد
يعني ادا قلتلها وصارحتها
ومبعد هي رايحة تستناك ....... وادا ستناتك هي راح يزيد عمرها

والمراة ادا زادت في السن ماشي كيما الراجل
!!!

ايوا ايماجيني هي تقعد تستناك حتى تلحق ل28 سنة
خاطر انت تكون ماشي واجد
وفي الاخر كاش مايصرا
**الشيطان مايخطاش العباد**
ايا تخليها!!!!!!!!

ماشي تكون ضيعتها؟؟؟!!!!


بهده الفكرة راني نقولك ماتقولش

mais

ممكن هي تكون معجبة بيك
وهي مستحيل تصارحك قبل ماتصارحها
يعني ادا انت ماقلتلهاش ..... ممكن تحسب بلي ماراكش دايرها في البال
وادا قلتلها على هدا اللي حاب يخطبها
ممكن تدير في بالها بلي مستحيل انت تديرها في بالك

وتروح مابين يديك


انا دايما نحب الصراحة
ونصيحتي تقوللها
وقوللها بلي ماراكش واجد
يعني حطو المساوئ تاع العلاقة تاعكم في كفة والمحاسن في كفة اخرى
وبيناتكم تفاهمو وشوفو واش يخرج عليكم

ماتخلوش الاوهام تديكم للبعيد
في زوج حياتكم تضيع

ماكاش افضل من الصراحة

خاطر هكدا انت واش راك تستنى؟؟؟؟
هي تجي تقولك انا معجبة بيك؟؟؟

تفكر خويا بلي المراة ادا اعجبت بواحد ماتقولوش
تتقلش عليه
حتى هو يجي ليها
ولا يروح !!!!!!


ربي يجيب الخير

سلااااااااام

[صليحة 26]

والله شوقتني لمعرفة اين وصلت قصتك فات عام ملي كتبتها ونظن ماكاش تطورات
انا نقولك ماتقدرش تلومها لوم نفسك على خاطر مادرت حتى خطوة لحد الان
ربي يهديك اذا صح ناوي الحلال روح لدارهم طول واش تستنى هي حتى وتهدرلها ماراحش تدير في بالها بلي الامر جدي
يعني بالمختصر تشوفك جدي اذا رحت للدار وطلبتها رسميا هنا صح تكون ناوي الحلال
ربي يسهلك وتكون من نصيبك.

[hatta bezzaf]

والله شوقتني لمعرفة اين وصلت قصتك فات عام ملي كتبتها ونظن ماكاش تطورات
انا نقولك ماتقدرش تلومها لوم نفسك على خاطر مادرت حتى خطوة لحد الان
ربي يهديك اذا صح ناوي الحلال روح لدارهم طول واش تستنى هي حتى وتهدرلها ماراحش تدير في بالها بلي الامر جدي
يعني بالمختصر تشوفك جدي اذا رحت للدار وطلبتها رسميا هنا صح تكون ناوي الحلال
ربي يسهلك وتكون من نصيبك.

امين يارب العالمين

[shadow30]

نحن في انتظاااااااااااار الاخبااااااااار الجميييييييييييييييييلة ا نشاء اللله

[بنت الحجاج]

اذا كنت قادر تزوج

روح لدارهم .. روح لباباها .. اخطبها

و اذا ماكش قادر

انسى و اقسا

غض بصرك

و بَعَّد على بنت الناس

ما تزيدش تهدر ماعاها


ربي يعينك

[اخت اخي]

أكيد لما هي صديقتك عندك رقم الهاتف
أتصل بها وحاول تتأكد أنو الشخص الثاني ماتقدمي في العطلة
ومافتحهاش في الموضوع وحول إنك تلمحلها عن بعض الأمور
وقللها أي شيء يكون يحدثفي العطلة يكون مصيري
أجليه حتى بعد العطلة
وبعد العطلة فاتحها في الموضوع وقللها إذا راكي قابلة في العطلة تاع الربيع أي وقت نجيب يما تخطب
هكى تضمن بلي راهي باسمك
وإذا قدرتو تتلاقاو وعلاه ما تصارحهاش من ضرك

[سحر الجزائرية]

السلام عليكم
بما انك متاكد ان الاهل يرونك صغيرا ولن يوافقو اذا اترك الفتاة ترى مستقبلها ،لانك اذا صارحتها ربما تكون تبادلك نفس الشعور وبالطبع ستكون مثل اية فتاة تريد العلاقة رسمية في الحلال،وبما انك غير مؤهل لذلك قد تضيع لها الكثير من عمرها.ربي يعطيك على قد نيتك واعذرنى على الصراحة.

[صليحة 26]

لم تسعدني ابدا النهاية لانني اكره النهايات الحزينة كنت اتمنى ان يحدث العكس ولكن ماباليد حيلة ولكن المفروض ان تشاركنا
الاسباب مثلما شاركتنا الحكاية منذ بدايتها اليس لنا الحق ونحن كنا ننتظر بشوق النهاية؟؟؟
لا أعلم السبب ولكن اظن انك لو اصررت اكثر لتغير رأيها ولا تولي للكرامة اهمية كبيرة في هذه الامور ولا اقصد بذلك ان تتخلى عن
كرامتك ....على العموم انت ادرى مني بحالك لذا ساقول ختاما اتمنى لك مشوارا قصيرا في النسيان.

[*ألخيال*]

خطوات جدية منك لا غير.................لا شيئ صعب...............كن صريحا فقط


سلامي لك اخي................

[مصريه جدا]

ربنا يقدملك الخير يااارب
كان الله فى عونك

[صليحة 26]

ربي يعينك يا اخي ويسهلك في حياتك
معليش تجربة وعشتها وحياتنا كلها مكتوبة واحنا نمشوا فيها ماعلينا غير نرضاو بالقضاء والقدر .

[عامر]

ياأخي انت متناقض أحيانا تقول ان لست مستعد لزواج لأني مزلت أدرس والوالدين سوف يرفضون بسبب دراسة و صغر أحيانا تقول أستطيع زواج بعد الدراسة .............؟؟؟؟؟؟؟

*ما اجتمع اثنين الا الشيطان ثالثهم* أذن أحذر أخي أن تقع في معصية الله

نصيحة لشباب متخممش في زواج حتي تكون واجد صح ثما تقدر تحوس علي بنت حلال وراسك مرفوع

نصيحة للأخ لعلى فيها خير لك أن شاء الله الزوجة صالحة لكن لاتتعدي حدود الله .

[isma84]

كل شيء بالمكتوب يا خويا و هاذي تجربة لا غير

[وردة الاقصى]

ربي يسهلك اللي فيه الخير .

[hatta bezzaf]

الحمد لله على كل شيء
واتمنى السعادة لهاته البنت من كل قلبي