جزاء سنمار الجزء الثالث

[مشكلتي]

السلام عليكم
ارجو ان يكون هذا هو الجزء الاخير فلا رغبة لي في نبش الموضوع
ماحز في نفسي رد الاخ محمد
شاكرة لك قبل ان اعقب عليك
زوجة الاخ لم تتنازل عن حق السكن وذلك حقها وطلب اخي من قبل ان يتزوج وهم بانتظار ان تتكرم الجزائر الجديدة باعطائهم سكنا خاصا
ثانيا رجعت المياه لمجاريها لكن بمزيد من الحذر من طرفينا ورغم ذلك ومع حملها اقوم بالعمل كالعادة حتى يامر الله بامره
صدقا كانت فضفضة
صرت احس مع كل هذه الاجزاء بالتاسف لاني تحدث
احسست اني مجرمة لست هنا لاتهم اي احد ولازوجة اخي بعد هذا العمر لاارغب بالهدوء والاستقلال وراحة البال
رجاءا وطلبي الاخير من المكلفين بقسم مشكلتي حذف كل الاجزاء تباعا بعد مدة ترونها مناسبة لكن لا ان تكون طويلة
دعاؤكم في هذه الجمعة

[tassnim5]

أولا فرج الله همك.
ما قمت به هو أحسن حل, لا تنسي الدعاء و الذكر كما ورد عن حديث الرسول عليه الصلاة و السلام لما اشتكت له ابنته كثرة الاشغال المنزلية و طلبت خادما معينا .
سيعينك الله على القيام بكل تلك الاعمال حتى انت نفسك ستندهشين من قدرتك على القيام بها.

[اميرة الامواج]

بارك الله فيك

لم افهم كيف رجعت المياه إلى مجاريها ....؟؟؟؟

هل تنازلتي ؟؟؟؟

المهم لا بأس ابقي تحت الانتداب والاستعمار ....

المهم لا تشتكي لنا مرة أخرى ...

بالتوفيق مع الاستعمار ....

المهم متركبكش القنطة

سلام من قلب يحب السلام

[محمد محمد.]

بصراحة نمطك في الكتابة يبدو مألوفا وآنا أشك في عضوة معينة ، وأرجو أرجو أن يكون ظنّي خاطئا ، لأنك إن كنت أنت العضوة التي أشك فيها ، فإنها كارثة عظمى

نسأل الله العافية في الدنيا و الآخرة .

[اميرة الامواج]

بارك الله فيك
بقات حاجة برك في قلبي قوليهالي قبل
ما نروح ....تعيشي ربي يحفظك .

درتوا الدالة في الشغل ولا مزالت الحالة
مخلطة هكذاك ....

هذي برك اللي حابة نعرفها وعليها نروح
نشوف حل لروحي ولراسي اللي رآه قريب
العروق يطرطقولي ....

ربي يحفظك

سلام من قلب يحب السلام

[Orchid flower]

السلام عليكم و رحمة الله و بركاته

شوفي حبيبة قريت مشكلتك من الاول للدرك

شوفي درك نقولك ما لك و ما عليك

هي درك راهي مقسمة معاك فالطياب هي الغذاء و انت العشاء اذا منيش غالطة
اوك بقا امور التنظيف هي مكلفة بغرفتها و كيما المطبخ و غيره تتعاونو فيه اما غرف اخوتك و غرفتك مهيش مكلفة بيها كيما انت مكيش مكلفة بغرفتها الشخصية
اصلا عيب انا نحشم ندخل غرف اخوة زوجي و تقولي انك تغسلي قش خاوتك ووووو هذا بينك و بين خاوتك هي مهيش مكلفة بملابس و اشباء اخوتك من غير زوجها و اذا حبت دعوة الخير تزيد تع امك و ابوك لكن انت الاولى بامك و ابوك انا في مكانك انا اللي نقوم باشياء ماما و بابا ماشي بنت الناس لكن ما علينا تقدر تدي اجر لكن خاوتك الباقييين مهيش مكلفة هي بيهم
اما قضية غرفتك فالمشكل في امك اللي مخلاتكش تغلقيها بنت الناس مكان ما دخلها علاه هي عساسة على غرفتط و باي صفة تروحي ليها و تبهدليها قدام خوك ؟ من خول لك ذلك؟ من وين حبتي الصلاحيات لهذا؟ شوفي انا منجاملكش نقولك اللي ليك اما الاشياء اللي غلطتي فيها نقولهالك
اما انها تغلق غرفتها 24 ساعة وينو المشكل ؟ الغرفة فيها خصوصياتها كيفاه تقولي عمرها ما تغرضني لغرفتها راهي عيب واش بيك انا لو يعرضوني ندخل لغرفهم الخاصة و نرفض هذاك عالمها الخاص و فيها اسرارها كيفاه تفتحها للجميع؟

الان شوفي امور المطبخ و التنظيف و غيره هي اللي تفاهمو عليها اعطوها تعمل ما لها كيما تنظيف غرفتها اما المطبخ و هذو الامور العامة الصالون و غيره تتاقسموهم اما الغرف الخاصة بيك و بخاوتك لالا عيب تدخلهم بنت الناس و الطياب واحدة فيكم تطيب غذا و الاخرى عشاء .... هاكا ما تتعبي انت ما تتعب هي

[اميرة الامواج]

يا اختي تعيشي ابعثيلي في رسالة خاصة مع المشرفات الأمينات وقوليلي درتي الدالة ولا مزال .....درتيلي غصة في قلبي ...

سلام من قلب يحب السلام