تسجيل الدخول

مشاهدة النسخة كاملة : البركة في البكرة

اميرة الامواج
2020-09-26, 06:27
رقصالسلام عليكم

كل يوم عندما استيقظ باكرا وانزل للطابق الارضي اجد كبار السن من عائلتي يضحكون ويشربون القهوة بالفطير أو المثقبة أو المسمن....
اقول لاخي كم الساعة يقول لي الساعة 6صباحا
اقول له : ياحوجي تصبحوا نايضيين تقولي راح تهدوا لجبال ....

تقول لي جدتي في البكرة بركة والرقاد يكسرلك الع¨وايم ومتكونيش كيما نساء خاوتك وكناين عمك مكسرين ما ينوضوش حتى لا 8.....
اقول لها : تع درك ينوضوا على 10وهما من الخوف ينوضوا على 8...

كل يوم أصبح على نفس الديباجة ....هما يرقدوا وانا نسمع الهدرة ...

وعليه اليوم نوضت بكري على الساعة 5وقلت نخلعهم وندير فطير ما نديرش مسمن يشدني ....ههههه

وانا نازلة في الدرج حتى شممت رائحة المسمن .....هههه

ورجعت خائبة الامل ....

وعرفت اللي ما هو ليك غير يعييك ...

فنيانة نقعد فنيانة ولا ولن افكر مرة أخرى أن اسبق الجيل الذهبي جيل النية والقلب الكبير ....

من يومياتي ومم جال في خاطري

سلام من قلب يحب السلام
غصن البآن
2020-09-26, 07:48
تحية طيبة...
زمان كانت جدتي لابي توصيني. نوضي بكري قبل لايفطن وجدي قهوة راجلك وبالاكي تكون قهوتك حرفي.. وكي تولي لبيتك بالاكي تبقاي بحوايج الزيت والطياب..
كوني شاطرة.. لكن بالاكي تنساي تَكوني معطرة ونقية.. (كانو يضربر بيها المثل فالنقا والشطارة.. ربي يرحمها ويرحم زوجي وكامل اموات المسلمين)...

عندهم الحق.. النهوض باكرا يحسن المزاج وفيه بركة وحتى الجسم تلقايه اكثر نشاط.. وتكنلي شغلك بكري وتحسي عندك لوقت لكل حاجة.. الاهتمام بنفسك.. القيام بالهوايات كالقراء او الطرز وكل وحدة وواش تحب...

جيل والدينا واجدادنا هم جيل البركة بحق...
اميرة الامواج
2020-09-26, 07:55
تحية طيبة...
زمان كانت جدتي لابي توصيني. نوضي بكري قبل لايفطن وجدي قهوة راجلك وبالاكي تكون قهوتك حرفي.. وكي تولي لبيتك بالاكي تبقاي بحوايج الزيت والطياب..
كوني شاطرة.. لكن بالاكي تنساي تَكوني معطرة ونقية.. (كانو يضربر بيها المثل فالنقا والشطارة.. ربي يرحمها ويرحم زوجي وكامل اموات المسلمين)...

عندهم الحق.. النهوض باكرا يحسن المزاج وفيه بركة وحتى الجسم تلقايه اكثر نشاط.. وتكنلي شغلك بكري وتحسي عندك لوقت لكل حاجة.. الاهتمام بنفسك.. القيام بالهوايات كالقراء او الطرز وكل وحدة وواش تحب...

جيل اباءنا واجدادنا هم جيل البركة بحق...

بارك الله فيك

الف شكر على مرورك العطر

رحم الله الجميع ويرحمنا نحن كذلك بالرحمته الواسعة ...

نعم انها وصايا من ذهب .....أشك أن يقدمها هذا الجيل ....

جزاك الله كل خير

سلام من قلب يحب السلام
الأيمان
2020-09-26, 20:53
هيا نديروا تحدي من صلاة الفجر ممنوع الرقاد..
اميرة الامواج
2020-09-26, 21:01
هيا نديروا تحدي من صلاة الفجر ممنوع الرقاد..

بارك الله فيك

كيما تقول جدتي غير كوني امرأة ونص وياالله .....هههه

هيا تشوفي ورينا شطارتك ....هههه

سلام من قلب يحب السلام
سَامِيَة
2020-09-26, 21:09
أستيقظ في حدود ما بين السادسة والسادسة والنصف يوميا وكم أشتاق إلى أن استيقظ لأجد القهوة وتوابعها جاهزة على الطاولة

المسمن حضرتها لمرتين وفقط لقهوة الصباح والآن لما اتذكر ذلك أتساءل من أين أتيت بالشجاعة والجراة ^^

شكراً على الموضوع
اميرة الامواج
2020-09-26, 21:18
أستيقظ في حدود ما بين السادسة والسادسة والنصف يوميا وكم أشتاق إلى أن استيقظ لأجد القهوة وتوابعها جاهزة على الطاولة

المسمن حضرتها لمرتين وفقط لقهوة الصباح والآن لما اتذكر ذلك أتساءل من أين أتيت بالشجاعة والجراة ^^

شكراً على الموضوع

بارك الله فيك

شعال منحبش نديروا يشدني بزاف ....

مرة قلت لجدتي اليوم نديرلك مسمن
الميكسور ....قالت لي : بعدي بعدي بركاي متجخلطي عليا
المسمن اللي متشمريلوش يديك وتدلكي وتعاودي هذا
كامل ماهوش مسمن ......هههه....

معليش مرة على مرة ديريه ...باه تحكمي يدك فيه مليح ...

المهم أن تستيقظي باكرا ....

سلام من قلب يحب السلام
رَمَادِيَاتْ
2020-09-26, 22:15
الستة والخمسة اواه من سابع المستحيلات ... تبالي اجرام في حق نفسي هههه

انا الكونجي غدوة يكمل، راني نخمم كي نولي نوض على 7... تغيضني عمري :)

مع انو فعلا كي تبكر تحس روحك خفيف وناشط


بوركت أمواج
اميرة الامواج
2020-09-26, 22:33
الستة والخمسة اواه من سابع المستحيلات ... تبالي اجرام في حق نفسي هههه

انا الكونجي غدوة يكمل، راني نخمم كي نولي نوض على 7... تغيضني عمري :)

مع انو فعلا كي تبكر تحس روحك خفيف وناشط


بوركت أمواج

بارك الله فيك
لو كان تسمعك جدتي تقولك
وقيلا كي ما راكيش تنوضي بكري هو الإجرام في حق نفسك ...

زيدي ديري ملادي وريحي ....ههههه



سلام من قلب يحب السلام
الأيمان
2020-09-26, 23:06
اسمعيه ...( ناديالخامسة صباحا)
https://www.youtube.com/watch?v=xLlPllSjbJM
اميرة الامواج
2020-09-27, 08:26
اسمعيه ...( ناديالخامسة صباحا)
https://www.youtube.com/watch?v=xllpllsjbjm

بارك الله فيك

انا نفطن على 4 تع الصباح ...
شوفيلي فيديوا تع نرقد على الأقل 7ساعات ....
انا نرقد على 1نوض على 4 ولا غلطت ورقدت نص ساعة في
النهار منرقدتش ليل كامل ....

الف شكر على الفيديو

سلام من قلب يحب السلام
الأيمان
2020-09-27, 19:10
قاعدة النوم لاتعمم ..كاين لتخرج عليه ساعتين ويحس روحو فور....المهم يكونالنوم عميق ..نتاع تحطي راسك تبدي تشخري ههههه....أما غذا كان نوم بسيط أو سطحي تمة لمشكل ...ممكن تحسين نوعية الغذاء ...ممكن عمل برنامج رياضي ..ممكن تحبسي تخمام ....ممكن ساعة بيولوجية تأقلمتي برك من زمن ...
Ali Harmal
2020-09-27, 19:31
خذي كلام جدتك بجد
اميرة الامواج
2020-09-27, 19:50
قاعدة النوم لاتعمم ..كاين لتخرج عليه ساعتين ويحس روحو فور....المهم يكونالنوم عميق ..نتاع تحطي راسك تبدي تشخري ههههه....أما غذا كان نوم بسيط أو سطحي تمة لمشكل ...ممكن تحسين نوعية الغذاء ...ممكن عمل برنامج رياضي ..ممكن تحبسي تخمام ....ممكن ساعة بيولوجية تأقلمتي برك من زمن ...

بارك الله فيك

انا غير الماكلة منفرطش فيها ،الحمد لله ناكل مليح ،ندير
الرياضة يوميا ....قوليلي كيفاه نبدل هذه الساعة البيولوجية ...

سلام من قلب يحب السلام
اميرة الامواج
2020-09-27, 19:51
خذي كلام جدتك بجد

بارك الله فيك

اكيد ....كلام جدتي دائما ينفذ .....

سلام من قلب يحب السلام