فيروس كورونا

[بقة الحاج]

السلام عليكم
الشاعر /الهادي براهيمي
احد اعمدة الشعر الملحون بمدينة حاسي بحبح يكتب /
قرراءة ممتعة
فيروس كورونا
الفاصلة4
يا ربي هذا البلاء عنا طول و انتشر في بلادنا جانا منقول
اجميع الدول ما صابولو حل مرض الكورونا معندو حلول
جابوه من الصين جانا متنقل عندو سرعة فايقة فات المعقول
البليدة حالها راه تخبل و المساجد مسكرة كلش مقفول
الدولة في بلادنا راه تبذل و الوسائل مسخرة في الوقت طول
انحيي رئيسنا هذا البطل داتو غيرة على الوطن هذا الرجول
اتطوع شبابنا ما يعرف ذل الجزائر شعبها ما هو بخول
الاطباء واجدة بالوسائل يباتو سهراء يداوو فالمعلول
الامن ينصح فينا راه يدل ادخلو لبيوتكم لاحد ايجول
العلماء حديثهم نقول عسل و يقولو مقال ربي و الرسول
الحجر الصحي راه راحة في المنزل عندهم رحمة فيه رجال العقول
ان شاء الله يا ربي الحالة تتعدل و جميع الي صاعبة تولي بسهول
يا محمد امتك راها تتوسل راها تطلب فيك خلعها هذا الهول
اطلب ربي امتك ما تتبهدل يترفد هذا البلاء يقدا و يزول
امر جندك يا الله عنا يرحل وامر يا ربي جندوك بالرحول
نطلبو ربي عنا ما يقفل اقبل دعايا بجاهك يا عدول
ادعو يا صبيان و الله يسهل دعاكم ان شاء الله يولي مقبول
مولى الكلمة بن سيدي نايل اسماه الهادي نظم هذا القول
بصلاة الرسول كلامي راه كمل يحمينا شفيعنا من نهار الهول


الفاصلة2
الشاعر الهادي براهيمي
الفاصلة2

[بسمة ღ]

و عليكم سلام الله

بوركت أخي الفاضل :)

قصيدة جميلة جدا ، نسأل الله أن يجعل لنا فرجًا قريبا

جزاكم الله على انتقائكم المميز