الأم خيرة

[بقة الحاج]

السلام عليكم
الشاعر /الهادي براهيمي
احد اعمدة الشعر الملحون بمدينة حاسي بحبح يكتب /
قرراءة ممتعة
الأم خيرة
الفاصلة4
خيرة خيار النسا بنت أصول اهلها معروفين بالفروسية
باباها قدور يفهم في الخيول يعرف حق القالية و الدونية
تلقا البيت مفرشة كلش معدول الزرابا و المخاد كلش مسوية
هلها معروفين في الصحرا و تلول يفرحو بالضيف رجال النية
حتا من الزوج بطل و رجول الحاج الجيلاني سماه بن بوضرصاية
ارحمو برحمتك ما يرا هول و اجعلو يا رب في الجنة العلية
اما الدنيا فانية تقدا و تزول العاقل لي يخدم على الباقية
حشمتك يا ربي بجاه الي مقبول يا عالم بالظاهرة و الخفية
استرها يا خالقي في الوقت طول احفظلها الاولاد ابن و بنية
عقوبتها تزيان بجاه الرسول ما تتمرمد ما تشوف مزيرية
اغفرلها يا الله و الذنب يزول و جعل حساناتها تعود قوية
على الام الطيبة نظمت القول بنت الصيل تسوى هذي القصية
ان شاء الله كلامنا ايولي معدول من الاخر حتان اول بداية
نختم ذي الكلمة بصلاة الرسول صلى الله عليه صبحة و عشية


الفاصلة2
الشاعر الهادي براهيمي
الفاصلة2