بلا صوت
2020-09-21, 22:57
حبيت نهدر شوية كلمات لناس لرايحة تعقب الباك العام هذا ومتأكد مش راح تلقاوها في حتى بلاصة ، انا نهدر على الخبرة تيعي ونتوما دبرو ريسانكم
شوفو ليدخل علاها دخلة عورة من لول ويقرا ويسقسي ياسر ويستهلك فيديوهات تاع تحفيز ويبدا بالمصطلحات تاع يا جنود وياا عظماء ويااا مجاهدين راهو يكوّن في عقل زائف ولعقل الباطن تيعو ديما يولي يخدع فيه ( باختصار والله مديرو والوا ، وديما تكونوا روطار وديما توليو تشكيو من ضيق الوقت وديما توليو تحوسو ع تحفيز وديما تسقسيو على هل يكفي الوقت )
ادا لقيت روحك دور في هادوا لحوايج نقولهالك من ضرك والله مدير معدل ولكان ديت لباك برك راك مليح
ليقرا ويحوس على الموسيو راهو ميهدرش يقرا ديراكت ، راهو ميدورش في الفايس وحتى المنتديات والمواقع بلاك تشوفو خطرا في سمانتين
ميسقسيش بزاااف ، تلقاه هو لكسر راسو في درس أو التمرين ويلجأ لأي مصدر مهما كان المهم يفهم هديكا لعفسه ، جامي ليسقسي ع ويناها لبروف والمرجع الأفضل تلقاه هو لشوف بعينو ويشوف وش يسحق ، لأنو بالنسبة ليه هادو مجرد أدوات فقط يساعدوه ومشهم غاية لازم من لول يكونوا عندو ( يوهم عقلوا أنو ادا يتبعهم يدير لاموسيو ) ،
نعرف عباد من باك 2017 داو معدلات ممتازة جامي شافو يوتيوب هذا ، قسما بالله ، تلقاهم يهتمو بالدروس المكتوبة ويكسرو راسهم فيهم
تلقاه عندو سوفل تاع يبقى على المنضدة لوقت كبير باستمتاع ويكسر في راسو ويخرج المعلومات ويستخلص النتائج ميهمو لشحال حل ، ولا شحال حاب إحل ، إهموا أسكو فهم الميكانيزم كيفاه يمشي الدرس ول لا ، وأسكو كي جيه سؤال يقدر يجاوب ول لا ( وهادي دجي بالممارسة والمحاولات والمداومة )
صدقوني لحاب على المعدل يقرا ويكسّر راسو وحدو مكلاه تخدعوا رواحكم ( والمداومة ثم المداومة ثم المداومة )، راني علابالي وش نحكي
مطيحوش في فخ النجار السيئ إدا معرفش يخدم إلوم الأدوات تيعو ( المصادر مهما كانت راهي مجرد أدوات ، لقرايا صحيحة والتفوق راهي فيك إنتا كانسان وكيفاه تفهم ذاتك ومتخدعش عقلك وكيفاه تنظم معلوماتك وداوم على الدراسة )
اجماعة التكنولوجيا مليحة تساعد لعبد باه يزيد من القدرات تيعو باسرع وقت بصح رانا في وقت كثرت فيها المعلومات هادي وشروحات والقنوات بحيث ولات تشوش التلميذ وتعملوا الروطار اكثر ماترجعوا يقرا ويقدم القدام
المصادر كي يكثرو راك تشوش روحك برك وماتستفيذ ش بالدرجة لتخليك تدي باك بموسيو ول تولي تلعب بالتمارينات
متكذبوش ع رواحكم خاوتي
شوفو ليدخل علاها دخلة عورة من لول ويقرا ويسقسي ياسر ويستهلك فيديوهات تاع تحفيز ويبدا بالمصطلحات تاع يا جنود وياا عظماء ويااا مجاهدين راهو يكوّن في عقل زائف ولعقل الباطن تيعو ديما يولي يخدع فيه ( باختصار والله مديرو والوا ، وديما تكونوا روطار وديما توليو تشكيو من ضيق الوقت وديما توليو تحوسو ع تحفيز وديما تسقسيو على هل يكفي الوقت )
ادا لقيت روحك دور في هادوا لحوايج نقولهالك من ضرك والله مدير معدل ولكان ديت لباك برك راك مليح
ليقرا ويحوس على الموسيو راهو ميهدرش يقرا ديراكت ، راهو ميدورش في الفايس وحتى المنتديات والمواقع بلاك تشوفو خطرا في سمانتين
ميسقسيش بزاااف ، تلقاه هو لكسر راسو في درس أو التمرين ويلجأ لأي مصدر مهما كان المهم يفهم هديكا لعفسه ، جامي ليسقسي ع ويناها لبروف والمرجع الأفضل تلقاه هو لشوف بعينو ويشوف وش يسحق ، لأنو بالنسبة ليه هادو مجرد أدوات فقط يساعدوه ومشهم غاية لازم من لول يكونوا عندو ( يوهم عقلوا أنو ادا يتبعهم يدير لاموسيو ) ،
نعرف عباد من باك 2017 داو معدلات ممتازة جامي شافو يوتيوب هذا ، قسما بالله ، تلقاهم يهتمو بالدروس المكتوبة ويكسرو راسهم فيهم
تلقاه عندو سوفل تاع يبقى على المنضدة لوقت كبير باستمتاع ويكسر في راسو ويخرج المعلومات ويستخلص النتائج ميهمو لشحال حل ، ولا شحال حاب إحل ، إهموا أسكو فهم الميكانيزم كيفاه يمشي الدرس ول لا ، وأسكو كي جيه سؤال يقدر يجاوب ول لا ( وهادي دجي بالممارسة والمحاولات والمداومة )
صدقوني لحاب على المعدل يقرا ويكسّر راسو وحدو مكلاه تخدعوا رواحكم ( والمداومة ثم المداومة ثم المداومة )، راني علابالي وش نحكي
مطيحوش في فخ النجار السيئ إدا معرفش يخدم إلوم الأدوات تيعو ( المصادر مهما كانت راهي مجرد أدوات ، لقرايا صحيحة والتفوق راهي فيك إنتا كانسان وكيفاه تفهم ذاتك ومتخدعش عقلك وكيفاه تنظم معلوماتك وداوم على الدراسة )
اجماعة التكنولوجيا مليحة تساعد لعبد باه يزيد من القدرات تيعو باسرع وقت بصح رانا في وقت كثرت فيها المعلومات هادي وشروحات والقنوات بحيث ولات تشوش التلميذ وتعملوا الروطار اكثر ماترجعوا يقرا ويقدم القدام
المصادر كي يكثرو راك تشوش روحك برك وماتستفيذ ش بالدرجة لتخليك تدي باك بموسيو ول تولي تلعب بالتمارينات
متكذبوش ع رواحكم خاوتي