تعاملوا معي وكانني لا اعرف ما معنى كلمة فلسفة رجاءا

[♥همسة♥]

سلام
انا طالبة علمية باكلورية هههه سنة 2021
كيما علابالكم الفلسفة جديدة علينا
حبيت نعرف كل ما يخص الفلسفة يعني
كيفاش مقسمة الى مجالات او وحدات او دروس الي اخره
لان ما عندي حتى معلومة عليها
وهل التلميذ لما يحفظ فرضا كل المقالات ديال عام كاامل يكفي
يعني كيما الموضوع الاول تع هادا العام قالوا التلميذ ميقدرش يحلوا لماذا اين تكمن الصعوبة؟؟؟
يخي راه حافظ المقالات اليس كذلك ؟؟يعني ميلقاش مشكل ؟؟
او الفلسفة مثل الرياضيات لازملها تخدم رااسك :1:

انتظركم

[اسماء تيارت]

الفلسفة مادة عندها.
منهجية لكل مقال و كاين 4 أنواع :
المقالة الجدلية، مقال المقارنة الاستقصاء بالوضع(الدفاع )، و تحليل النص.
على مدار العام تدرسوا عدة مقالات و أول حاجة ديروها هي كيفية كتابة المقالة على حسب الموضوع.
الباكالوريا تتكون من ثلاث مواضيع (صفحة واحدة ) الموضوع يجي يا جدل يا مقارنة.الموضوع2 يجي استقصاء بالوضع. وال3. يجي تحليل نص.
لازم عليك تفهم المقالات وشرحهم في القسم وتحفظي اقوال الفلاسفة والله غير تبعي تفهمي خاصة إذا كان الأستاذ يفهم مليح. خير ما تقعدلك الفلسفة العائق الأخير قبل الباكالوريا وتولي تحوسي على المقالات المقترحة و تحفظيهم.
بالنسبة للموضوع الأول باكالوريا 2020. مكانش صعيب و لكن للأسف أغلب الأساتذة قالك هو الدرس الأخير في الفصل الثاني وبزاف ماوصلوهش سما كان مستبعد و ماراجعناهش و أغلبنا راجع وحفظ المقالات المقترحة فقط و كانت الصدمة كي طاح الموضوع .

[نور<3]

مام انا كيفك ههه*
المهم على حساب مافهمت راح نتعلمو منهجية كتابة مقالات(مقالة جدلية،استقصاء بالوضع ،تحليل نص)
وتعتمد على الفهامة ومام الحفظ* ،ولازم نحفظو أقوال فلاسفة والحجج ،
ونركزو مع الأستاذ ⁦✌️⁩

[المتـــواضــعة]

اولا وقبل كل شيء الفلسفة سهلة بسيطة وانا من عشاقها
ثانيا الفلسفة نصفها فهم والنصف الاخر حفظ
الفهم يكمن في فهم الاشكالية المطروحة وحجج وافكار كل موقف
الحفظ يكمن في حفظ اسماء الفلاسفة واقوالهم
اما عن المنهجية انا اكتسبتها بطريقة تلقائية اوتوماتيكية دون جهد
يعني بمجرد ان تتابعي شرح الاستاذة في القسم اثناء حصة كتابة مقالة
واطلاعك على بعض المقالات هنا في الانترنت
يمكنك اكتساب المنهجية بدون جهد حتى
لا تشغلي نفسك بها في سهلة بسيطة
بالمناسبة انا اخترت الموضوع الاول في البكالوريا
=الشعور بالانا والشعور بالغير=
من المراجع التي اعتمدتها لمراجعة المادة
استاذتي في القسم
الاستاذ اسكندر لطفي غربي في اليوتيوب
هذا الملف اعتمدت عليه بصفة اساسية
من هنا (https://drive.google.com/file/d/1yadfltf8B77RhVvOfX9er2otzLtWe2T4/view?usp=sharing)
كتاب التلميذة هبة جبابرية=اعتمدت عليه فقط في اكتساب بعض الافكار=
من هنا (https://drive.google.com/file/d/1atybOEVST9MtUzpZce1C0P4lHYuBD5yR/view?usp=sharing)
كتاب الهدى=اعتمدت عليه فقط في اكتساب بعض الحجج والافكار=
للتحميل من هنا (https://drive.google.com/file/d/1Cr22CMNt2aZseujbz-Rbpi9sniAbNb39/view?usp=sharing)

[ملكة الامتياز]

تكوني تعرفي المنهجية ومتغلطيش بالاخص في الاستقصاء وزيد لازم تكوني حافظة الحجج وشوية أقوال ولزملك القدرة على التحليل وتوسيع الفكرة بطريقة ذكية ،أيضا لازم تفهمي السؤال على ماذا يتحدث مش تشوفي فلسفة تقولي آه راهو يحكي على أهمية الفلسفة كيما دارو بزاف العام هذا ولا تشوفي المنهج التجريبي تقولي راهي بيولوجيا ،افهمي الدروس تاعك في القسم اتعلمي كيفاش تكتبي مقدمة مليحة كيفاش ديري العناد الفلسفي وكيفاش تطرحي السؤال ،كيفاش تنقدي ... ربي يوفقك ومتخافيش منها وانصحك بعدم اتباع الناس لي تقول اي رايحة طيح هديك المقالة مام يكون أستاذ تقراي كلش باك فيه مفاجات