ماهي أحسن سسلة تمارين رياضيات ؟ ( أو أحسن مرجع ) [الأرشيف] - منتديات الجلفة لكل الجزائريين و العرب

bis kou

2020-09-21, 09:36

السلام عليكم , يا جماعة باك 2020 ماهي أحسن سلسلة تمارين في الرياضيات ؟ أو أحسن مرجع ؟
سلسلة أو مرجع فيه مئات التمارين بالحل + وفق المنهجية الدقيقة .

السلام عليكم

نصيحة ومني وعن تجربة وخاصة في مادة الرياضيات فان احسن مرجع هي البكالوريات من 2008 الى 2020 للشعب الثلاثة وواحد ما يكذب عليك يقولك مفيهمش افكار نوووو غنية جدا بالافكار ;)
ولما تنتهي منهم اقدم لك نصيحةاعطاهالنا لنا استاذ الرياضيات وصراحة نفعتني بعد ماكنت نفقه والو في هذه المادة

هي انك تحكم كل اسبوع موضوع او موضوعين تاع فرض ولا اختبار وحلو من الافضل يكون مرفوق بالحل

وخصص كراسة صغيرة او كناش اكتب فيه قاع الافكار الجدد لي تلقاهم

ولازمك تتعود على هاذ الطريقة باش متوليش تنسى بلخف خاااااااااااااااصة الدوال بلاك بلاك بلاك تخلي مدة طويلة ومتحلش فيها تمرين الدوال سموك من البدية تاع العام حتى الايام الخيرة ونتا تحل فيهم

ومكاش منها مرجع فيها الاف التمارين والله والله والله العبرة مهيش كي تحل مئات التمارين .. هي صح لازمك تحل بزاف باش ترفد يدك بصح متبرمجش مخك هكا بسك راح مع اول عائق تكره وتفشل

اما المنهجية راك تتعلمها من عند الاستاذ تاعك تاع القسم ولا في الدروس الخصوصية هو راح يوريلك والتمارين حلهم بالمنهجية الي تعلمتها متخلطش راسك بزاف

وكاين تمارين فيهم افكار ملاح كيما سلاسل مصطفاي وعبعوب ولكن اعتمد عليهم بعد الانتهاء من كل البكالوريات او اغلبها