اسئلة في العلوم

[bis kou]

سلااااام

بخصوص الوحدة الاولى في العلوم

كيف نثبت ان الجزيئة التي تؤمن انتقال المعلومة الوراثية هي ARNm وليس ADN ؟؟؟

ولما يقولك وضح العلاقة بين المورثة والروتين مالذي علينا ذكره بالضبط حتى لا ننقص ولا نكثر من المعلومات بدون فائدة ؟؟

ولماذا المضادات الحيوية غير فعالة ضد الفيروسات ؟؟

[bis kou]

51 مشاهدة قاع ماكانش واحد فاهم علوم مليح ؟؟؟؟ ._.

[صمت النّبض]

سلااااام

بخصوص الوحدة الاولى في العلوم

كيف نثبت ان الجزيئة التي تؤمن انتقال المعلومة الوراثية هي arnm وليس adn ؟؟؟
عن طريق تجربة اليوراسيل المشع بحث تجد الاشعاع في النواة و الهيولى و لان اليوراسيل قاعدة مميزة في الarnm ولا تدخل في تركيب الadn
ولما يقولك وضح العلاقة بين المورثة والروتين مالذي علينا ذكره بالضبط حتى لا ننقص ولا نكثر من المعلومات بدون فائدة ؟؟
عملية الاستنساخ و العناصر الضرورية
عملية الترجمة و عناصرها الضروية الى غاية تركيب بروتين
ولماذا المضادات الحيوية غير فعالة ضد الفيروسات ؟؟
المضادات الحيوية لا تقضي على الفيروسات لانها تعيش في الخلية تقضي على البكتيريا التي بدورها تعيش في الوسط الخارجي ولا تستهدف الخلية فقط

ان شاء الله نكون افدتك
ادعيلي اختي

[*آمنة*]

السؤال الاول
ديري التجربة نتاع الكريات الحمراء والكرات البيضية نتاع الضقفدع
//شوفي لكتاب صفحة 13//
وليس كيما قالت الاخت صمت نتاع اليوراسيل
نتاع اليوراسيل راهي تثبت بلي الاري ياان ينتقل من نواة الى هيولى

[*آمنة*]

السؤال الثاني
هنا على حساب السؤال
الا كان في نص علمي رايحة تتوسعي وتذكري مراحل النسخ والترجمةوووو

بصح الا كان غير سؤال
تقولي انو عدد ونوع ورامزاات المورثة تتحكم في عدد ونوع وترتيب الاريااان
وبدورها تتحكم في نوع وعدد وترتيب الاحماض الامينة

[*آمنة*]

اسمحيلي كنت كتبتلك كتابة مفصلة بصح راحت كاامل

[صمت النّبض]

السؤال الاول
ديري التجربة نتاع الكريات الحمراء والكرات البيضية نتاع الضقفدع
//شوفي لكتاب صفحة 13//
وليس كيما قالت الاخت صمت نتاع اليوراسيل
نتاع اليوراسيل راهي تثبت بلي الاري ياان ينتقل من نواة الى هيولى

هي نفسها ينتقل من النواة الى الهيولى معناها يؤمن انتقال المعلومة الوراثية

[*آمنة*]

هي نفسها ينتقل من النواة الى الهيولى معناها يؤمن انتقال المعلومة الوراثية

التجربة لي قلتيها راهي تبينلك الاريان واش دوروا يعني كيفاه ينتقل
وكان تشوفي لكتاب تلقاي بلي
داروا تجربة نتاع الكريات الحمراة والكريات البيضية للضفدع قب لالتجربة نتاع اليوراسيل
سؤالها هي
كيفاه ثنبت بلي الاريان هو لي يؤمن نقل الملعلومة وليس الadn

[صمت النّبض]

التجربة لي قلتيها راهي تبينلك الاريان واش دوروا يعني كيفاه ينتقل
وكان تشوفي لكتاب تلقاي بلي
داروا تجربة نتاع الكريات الحمراة والكريات البيضية للضفدع قب لالتجربة نتاع اليوراسيل
سؤالها هي
كيفاه ثنبت بلي الاريان هو لي يؤمن نقل الملعلومة وليس الadn

انا راني من قبيل ندور فيها في راسي و النتيجة هي كيف كيف
انتقال المعلومة الوراثية = انتقال الarnm من النواة الى الهيولى
و الله اعلم

[*آمنة*]

انا راني من قبيل ندور فيها في راسي و النتيجة هي كيف كيف
انتقال المعلومة الوراثية = انتقال الarnm من النواة الى الهيولى
و الله اعلم

دبرااااسك انا ليوم ندخلها لراسك :1::1:

شوفي لكتاب وارواحي
++++++++++++++++++

ونشفا زين استاذ حضرت عندها في ليكور
وعطاتلنا هذا سؤال
//قدم استدلال تجريبي تبين فيه ان انتقال المعلومات الوراثية يتم في شكل اريان وليس الادياان//

وعطاتلنا سؤال اخر

// قدم تجربة تبين فيها مقر تركيب البروتين في الهيولى //

لجبيتي نصورلك الورقة مع الاجابة

[الملآذ]

آمنة صح جوابك هو الصحيح ..لأنو قادر سقسيك بين ان الاريان ينتقل من النواة الى الهيولى ..
زيد بالزيادة انتقال مادة من النواة الى الهيولى لا يعني بالضرورة نقلها للمعلومة الوراثية .
فمثلا كاين مواد اخرى ثاني تنتقل من النواة الى الهيولى -منقراوهاش- فهل تنقل المعلومة ؟؟

[الملآذ]

العلاقة بين المورثة والبروتين
تذكري زوج حوايج -الترجمة والاستنساخ
-متاع عدد وترتيب ....هي الاخيرة ولكن في العرض..

[فتاة مغامرة]

السؤال الأول بتجربة اليوراسيل المشع وذلك لانه نيكليوتيدة الخاصةarn ونلقاوه فالنواة ومبعد فالهيولى*
السؤال الثاني العلاقة بين البروتين والمورثة هي عدد وترتيب الاحماض الامينة المرتبة طريق التعبير المورثي ان قال لك باختصار اما اذا كان شرح مفصل اذكري شرح الترجمة ولاستنساخ (هذه النقطة غير مؤكدة اذا كانت خطا صححوهالي )*
السؤال الثالث نعلم ان الفيروسات تتكاثر على حساب الخلايا وبالتالي يكون تركيزها كبير مقارنة بالمضاد الحيوي فكتى لو اكثر فانه يقضي على كمية قليلة* جدا

[صمت النّبض]

دبرااااسك انا ليوم ندخلها لراسك :1::1:

شوفي لكتاب وارواحي
++++++++++++++++++

ونشفا زين استاذ حضرت عندها في ليكور
وعطاتلنا هذا سؤال
//قدم استدلال تجريبي تبين فيه ان انتقال المعلومات الوراثية يتم في شكل اريان وليس الادياان//

وعطاتلنا سؤال اخر

// قدم تجربة تبين فيها مقر تركيب البروتين في الهيولى //

لجبيتي نصورلك الورقة مع الاجابة

هههه مادابيك دخليهالي والله راسي خشين :o ههههه
كتابي مقطع ملقيتش الصفحة معليش تشرحيهالي باختصار باش نفهمك لاني نسيت التجربة هذا تاع الكريات الحمراء

[الملآذ]

السؤال الأول بتجربة اليوراسيل المشع وذلك لانه نيكليوتيدة الخاصةarn ونلقاوه فالنواة ومبعد فالهيولى*
السؤال الثاني العلاقة بين البروتين والمورثة هي عدد وترتيب الاحماض الامينة المرتبة طريق التعبير المورثي ان قال لك باختصار اما اذا كان شرح مفصل اذكري شرح الترجمة ولاستنساخ (هذه النقطة غير مؤكدة اذا كانت خطا صححوهالي )*
السؤال الثالث نعلم ان الفيروسات تتكاثر على حساب الخلايا وبالتالي يكون تركيزها كبير مقارنة بالمضاد الحيوي فكتى لو اكثر فانه يقضي على كمية قليلة* جدا

السؤال الاول ليس جوابه اليوراسيل ...
اعكسي السؤال لماذا نستعمل اليوراسيل
ج لانه قاعدة مميزة للاريان -معرفة مكان اصطناع الاريان -