العودة.... طالبة طب في خدمتكم

[ملكة القمر]

السلام عليكم
عندي مدة مدخلتش لهذا المنتدى الغالي على قلبي و بالتحديد هذا القسم
المهم علابالي بلي اغلبيتكم مايعرفونيش نعرفكم بروحي انا ريان حاليا طالبة طب دفعة باك 2017 بمعدل 17.89 كيما استفدت من هاذ المنتدى جيت اليوم افيد ولو بالقليل
اصحاب الباك انا هنا لاسئلتكم و استفسارتكم
لم يبق الكثير وفقكم الله و سدد خطاكم❤

[صمت النّبض]

السلام عليكم
اختي حبيت نسقسيك كيفاش نتغلب على الخوف راني متوترة بزاااف منيش قادرة مع اني عقبت الباك العام الماضي و شايفاتو يعني عادي بصح راني متخوفة لو كان منيش موجدة مليح و مش محضرة زين خاصة مادة الفيزياء نخافها بزااف مع احنا شعبة علوم كل عام يصعبوهالنا و هي كانت السبب لي خلاني منديش المعدل لحاباتو العام الماضي اختي انصحيني وش لازم نراجع هذه الفترة في هذه المادة و كيفاه نراجعها
و شكرااا

[❣سڪڕ❣]

ما شاء الله تبارك الله ربي يوفقك ..

[karlita]

الله يبارك
هل يجب ان يكون الانسان ذكي حتا ياخذ 17 او 18 و ان تكون معدلاته الفصلية ممتازة

[فتاة مغامرة]

السلام عليكم
اختي حبيت نسقسيك كيفاش نتغلب على الخوف راني متوترة بزاااف منيش قادرة مع اني عقبت الباك العام الماضي و شايفاتو يعني عادي بصح راني متخوفة لو كان منيش موجدة مليح و مش محضرة زين خاصة مادة الفيزياء نخافها بزااف مع احنا شعبة علوم كل عام يصعبوهالنا و هي كانت السبب لي خلاني منديش المعدل لحاباتو العام الماضي اختي انصحيني وش لازم نراجع هذه الفترة في هذه المادة و كيفاه نراجعها
و شكرااا

نفس المشكل كيفاش نتغلبوا عليها فهاد الاسبوع

[الجميلة انا]

اختي رح نسقسيك هل الاعتماد على المقترحات في الفلسفة كافي
وانت هل اعتمدت على مترحات فقط والا حفظت كلش وكم تحصلت فيها
بالتوفيق

[حيـاء]

السلام عليكم و رحمة الله و بركاته
أظن أن الغالية ريان لم تتمكن من الدخول
سأرد بما استطيع بدلها

السلام عليكم
اختي حبيت نسقسيك كيفاش نتغلب على الخوف راني متوترة بزاااف منيش قادرة مع اني عقبت الباك العام الماضي و شايفاتو يعني عادي بصح راني متخوفة لو كان منيش موجدة مليح و مش محضرة زين خاصة مادة الفيزياء نخافها بزااف مع احنا شعبة علوم كل عام يصعبوهالنا و هي كانت السبب لي خلاني منديش المعدل لحاباتو العام الماضي اختي انصحيني وش لازم نراجع هذه الفترة في هذه المادة و كيفاه نراجعها
و شكرااا
اولاا يا غالية خلاص ضرك درتِ كلش عليك و بذلت مجهودك كامل ارمي فكرة الخوف بعيدا ، توكلي على الله و كوني واثقة في قدرته في ان بجعل كل عسير سهل ، و متخافبش من الفيزياء ، تقريبا راهم نفس الافكار يتعاودوا
، ما بقي من الايام للمراجعات النهائية و تدارك النقائص فقط
وفقك الله يا طيبة ، انت لها

الله يبارك
هل يجب ان يكون الانسان ذكي حتا ياخذ 17 او 18 و ان تكون معدلاته الفصلية ممتازة

بالنسبة للمعدلات الفصلية ليست مقياس ابدا خصوصا هذا العام
و حاليا الباك مبقاش مسالة ذكاء ... و تقريبا عموما : من يجتهد يصل و بقدر الاجتهاد تلقاي

انت لها

اختي رح نسقسيك هل الاعتماد على المقترحات في الفلسفة كافي
وانت هل اعتمدت على مترحات فقط والا حفظت كلش وكم تحصلت فيها
بالتوفيق

يعني من الافضل لو كان المرء مع الدروس من البداية لانهم مش رح يخرجوا على المقرر
لكن لو رح تبدا ضرك انصح بالمقترحات اقراوها مليح ، أيضا لازم تعرفوا المنهجيات كامل
و في حالة دات مقالة متعرفوهاش طبقوا المنهجية و استعملوا افكاركم و كلشي تعرفوه
اعصروا المخ مليح و تريثوا و اديو الوقت كامل
بالتوفيق

[عاشقة الكواكب]

السلام عليكم ورحمة الله
ايييي ريانوا ^^ كيف حالك وكيف لا نتذكرك انا من متابعيك 2017 عضويتي قديمة فيفيوو fifioo استفدت من ملخصات الانجليزية التي وضعتها و كراريس علوم وفيزياء ....
احببت سؤالك حول هل يا ترى استطيع ان انال معدل طب مع انني العام الفارط وهذا كانت معدلاتي سقوط حر لكن عندي لاباز و سيطرت عني عدم ثقة وقلة تركيز لكن الان ارفع معنوياتي و دايرة ثقة في ربي سبحانوا انوا مش حيخيب املي لكن انا بديت لقراية من سبتمبر وجدية من نوفمبر للان يعني اخاف انوا منوصلش للمراد لانوا اخشى ان تكون مراجعتي تعب لا غير من دون استفادة مع اني مازلت اعاني من قلة تركيز وصراحة لم اكمل مواد علمية 100% لكن حوالي 80% اذا نقصنا منها عدد هائل من تمارين