قرااري الأخيـــــــــــــــر

[وسام سومة]

:mh92:
يا جماعة قولولي كيفاه راكم ديرو تقرو انا والله اذا قريت ساعة في نهار راني حاجة ولا صرات :o
فشلت
لحفاظة كلش نسيته
قاع لي قريته راح في 0
درك نجي نحل تمرين منعرفش من وين نبدا
حلمي تاع صح ضاع ني حاسة روحي مش حنجيب المعدل لي يحققلي مرادي
والله كررررررهت تاع الصح
لدرجة راني نخمم باش نعاود لباك كونديدا لعام جاي ولكن المشكلة راهم يقولو راح يبدلو البرنامج
واااااااااااااااش ندير فشلت خلاص:o

[*آمنة*]

الا حبيتي صح نجاوبك
قولي ايه
بصح متقولييلش زعفت ومعباليش
اني نسنا فيك بااه نهدر معاك هدرة زينة

[أمل أميرة]

الحاجة لولة لي نقولهالك اسوء قرار تقريه واسوء تخمام انك تخمي تعاودي كونديدا ليبر قبل ماتشوفي علامتك تاع الباك هذا ساو اصديقتي نحي هذا التخمام من بالك صح تبانلك بلي لي يعاودو يجيبو معدل مليح ووو لكن والله اصعب حاجة شفتي الستراس تاع الباك لول يجيك اضعاف مضاعة لانك تولي تقولي خسرت عام ولازم نجيبو مليح المرة هذي وتيز عليك المسؤولية ولكان بلوكيتي وعاودتي يزيد الشعور هذا يتضاعف اكثر ولكان مابلوكيتيش رايحة تولي تقراي وج قرايات وتخمي فيهم في 2 تقولي لازم ننجح فيهم في 2 باه لاقدر الله ماجبتش باك مليح نكون نجحت فالجامعة وهكا مانخسرش عامي...
الوقت هذا اقراي وبرك خمي غير في 13 سبتمبر والاسبوع هذاك كيفاه راح تكوني وخمي في نهار النتيجة برك
حنا كامل ننساو حنا كامل نفشلو حنا كامل عدنا ظروف يعلم بيها غير ربي سبحانو نقلك انا الظروف لي راني نمر بيها درك يعلم بيها غير ربي سبحانو لكن رغم كل هذا مالازمش نفشلو ونخمو نعاودو الباك هذي ماشي اول خطرة نجوز كونديدا والخوف عندي اكثر من قبل والحصيلة تاعي اقل مالاعوام لي فاتو لكن دايرة في بالي بلي 15 يوم تكفي انو اي واحد فينا يقدر يتميز فيهم يقدر يوصل للعلا اذا كنت حافظة من قبل غير عاودي برك ورايحة تتفكري كلش والمواد العلمية حلي مواضيع شاملة وتتفكري الوحدات كامل والله ماراني نكذب عليك والا نفوت فيك راقي قادرة وقادرة وقادرة في يوم تستدركي كل شيء واي واحد فينا يقدر هذي الايام الاخيرة هي لي تحدد مصيرنا فالوقت هذا لي انت تقولي فشلت ونسيت كاين عباد ماقراتش كامل وراهي تجاهد باه توصل للامتياز كيما انا مثلا وفالوقت لي انت تخمي تعاودي ناس جامي حفظت تقلك عدنا 5 دروس تاريخ و5دروس جغرافيا و12 درس شريعة كل يوم انوض مع الفجر نحفظ درس تاريخ ودرس جغرافيا ودرسين شريعة 5 ايام ولا 6 نكون كملت كلش وتقلك المواد العلمية عدنا 5 وحدات فيزياء و5 وحدات رياضيات فالصباح نراجع وحدة فيزياء وفالمساء وحدة رياضيات 5 ايام نكون كملت كلش والعلوم مراجعة من عند مصطفى بدد ةالمواد الادبية ساعة ونص ولا ساعتين بعد الظر كل يوم مادة وانا مكملة كلش في 5 ايام نكون طلقت البرنامج كامل والوقت لي يبقا غير للمواضيع هذا البرنامج لي راني نطبق فيه والحمد لله لقيت روحي ماشية :rolleyes:
اذا انت واش خصك باه تخسري عام من عمرك واش خصك باه تحبسي بعد ما تعبتي عام كامل واش خصك باه تفشلي في اخر دقيقة واش خصك باه نهار الباك ناس كامل فارحة وانت تبكي بعيد الشر علييك
هيا نوضي تقراي ديري القلب اثبتي نفسك لنفسك اولا وللجميع ثانيا
وربي يوفق ويجعل الامتياز من نصيبك :19::34:

[وسام سومة]

الا حبيتي صح نجاوبك
قولي ايه
بصح متقولييلش زعفت ومعباليش
اني نسنا فيك بااه نهدر معاك هدرة زينة

والله يا امنة غير هدري يا لوكان تبهدليني وقليل فيا تبهديل :o

[وسام سومة]

الحاجة لولة لي نقولهالك اسوء قرار تقريه واسوء تخمام انك تخمي تعاودي كونديدا ليبر قبل ماتشوفي علامتك تاع الباك هذا ساو اصديقتي نحي هذا التخمام من بالك صح تبانلك بلي لي يعاودو يجيبو معدل مليح ووو لكن والله اصعب حاجة شفتي الستراس تاع الباك لول يجيك اضعاف مضاعة لانك تولي تقولي خسرت عام ولازم نجيبو مليح المرة هذي وتيز عليك المسؤولية ولكان بلوكيتي وعاودتي يزيد الشعور هذا يتضاعف اكثر ولكان مابلوكيتيش رايحة تولي تقراي وج قرايات وتخمي فيهم في 2 تقولي لازم ننجح فيهم في 2 باه لاقدر الله ماجبتش باك مليح نكون نجحت فالجامعة وهكا مانخسرش عامي...
الوقت هذا اقراي وبرك خمي غير في 13 سبتمبر والاسبوع هذاك كيفاه راح تكوني وخمي في نهار النتيجة برك
حنا كامل ننساو حنا كامل نفشلو حنا كامل عدنا ظروف يعلم بيها غير ربي سبحانو نقلك انا الظروف لي راني نمر بيها درك يعلم بيها غير ربي سبحانو لكن رغم كل هذا مالازمش نفشلو ونخمو نعاودو الباك هذي ماشي اول خطرة نجوز كونديدا والخوف عندي اكثر من قبل والحصيلة تاعي اقل مالاعوام لي فاتو لكن دايرة في بالي بلي 15 يوم تكفي انو اي واحد فينا يقدر يتميز فيهم يقدر يوصل للعلا اذا كنت حافظة من قبل غير عاودي برك ورايحة تتفكري كلش والمواد العلمية حلي مواضيع شاملة وتتفكري الوحدات كامل والله ماراني نكذب عليك والا نفوت فيك راقي قادرة وقادرة وقادرة في يوم تستدركي كل شيء واي واحد فينا يقدر هذي الايام الاخيرة هي لي تحدد مصيرنا فالوقت هذا لي انت تقولي فشلت ونسيت كاين عباد ماقراتش كامل وراهي تجاهد باه توصل للامتياز كيما انا مثلا وفالوقت لي انت تخمي تعاودي ناس جامي حفظت تقلك عدنا 5 دروس تاريخ و5دروس جغرافيا و12 درس شريعة كل يوم انوض مع الفجر نحفظ درس تاريخ ودرس جغرافيا ودرسين شريعة 5 ايام ولا 6 نكون كملت كلش وتقلك المواد العلمية عدنا 5 وحدات فيزياء و5 وحدات رياضيات فالصباح نراجع وحدة فيزياء وفالمساء وحدة رياضيات 5 ايام نكون كملت كلش والعلوم مراجعة من عند مصطفى بدد ةالمواد الادبية ساعة ونص ولا ساعتين بعد الظر كل يوم مادة وانا مكملة كلش في 5 ايام نكون طلقت البرنامج كامل والوقت لي يبقا غير للمواضيع هذا البرنامج لي راني نطبق فيه والحمد لله لقيت روحي ماشية :rolleyes:
اذا انت واش خصك باه تخسري عام من عمرك واش خصك باه تحبسي بعد ما تعبتي عام كامل واش خصك باه تفشلي في اخر دقيقة واش خصك باه نهار الباك ناس كامل فارحة وانت تبكي بعيد الشر علييك
هيا نوضي تقراي ديري القلب اثبتي نفسك لنفسك اولا وللجميع ثانيا
وربي يوفق ويجعل الامتياز من نصيبك :19::34:

شكرا اميرة على كلشي
ولكن كي يجوك انتقادات من داركم يزيدو يفشلوك اكثر واكثر
مع هذا رايحة نستجمع كل قوتي وطاقتي ونبدا من جديد الحمد لله راني مكملة البرنامج في كل شي من غير الفلسفة رايحة نزيد نزير على روحي ونقرا ونعاود كل شي
ربي يوفقك ويوفقني ان شاء الله نجيبوا الامتياز ونحقو المراد تاعنا ان شاء الله يارب:rolleyes:

[karlita]

نفس الشيء

انا نخمم منعقبش او نعقب و منجاوبش *و نعاود نظامية العام جاي
بسك نفستي تعبت ارهقتت

[bis kou]

رغم انني مترشحة حرة واقول لك ..... رغم انها من اسوأ التجارب التي مرت علي في حياتي

لكن نقولك حاجة
علاش نامنو بالمكتوب في كلشي وديما نظلو نهدرو ونقولو لازم التوكل على الله وكي تجي في صح مناش متوكلين على الله حق توكله
ايه مناش متوكلين حق التوكل .... علاه ؟؟

بسك كون جينا صح ايماننا بربي قوي نامنو بلي كلشي بيد الله والرزق بيده والبكالوريا رزق ولالا ؟؟ علابالك الرزق اشد طلبا للانسان من الموت ؟؟

ونزيدك هذي من تجربتي لهذا العام نقولك تتعبي تطلعي تهبطي منعرف واش .... والله والله والله تدي غي راه كاتبوهلك ربي سبحانو

قريتي مقريتيتيش هذو اسباب وفقط

ونحي عليك تخمام تاع نعاودو ليبر ومنعرف ...... فوتي الباك ؟؟ خرجو ريزيلطا ’؟؟ راكي حية ولا ميتة منا لذاك الوقت ؟؟

كان يقولهالنا استاذ درسني في الادب العربي . كلشي بيد الله مي حنا نتقلقو فوق اللازم وصدقيني والله والله والله الباك ما يستاهل اننا نعطولو فوق حجمو بالغنا في خوفنا منه وحتى في فرحة النتيجة والله كاين لي يبالغ فيها يعني افرح لكن في حدود المعقول بسك الباك مجرد محطة وليست كل الحياة ;):mh31:


وفي الاخير اقراي واتعبي واسعاي في الاخير قل لن يصينا الا ما كتبه الله لنا

بالتوفيق جميعا

ان شاء الله انا تاني نوصل لوين حابة :o

[bis kou]

نفس الشيء

انا نخمم منعقبش او نعقب و منجاوبش *و نعاود نظامية العام جاي
بسك نفستي تعبت ارهقتت

:eek::eek::eek::eek::eek:

منك سيريو والله ؟ :confused:

[اسماء تيارت]

انا اليوم قلت بسم الله للاجتماعيات لي نسيتها كامل. والمواد الأساسية لي مازلت ماكملتهمش بصح جامي جامي فقدت الأمل دايما كاين عفسة تقولي طيقي تكمليهم وتلحقي وين راكي باغية شوفي حبيبتي باقي ايام معدودات. زيري فيها على روحك والله غير تلحقي قلعي تخمام تاع نعاود العام الجاي شوفي الباك تاع السنة مكاش كيما هو. العام الجاي. مانعلمش الغيب بصح على حسب الظروف رح يكون غبينة .دركا نوضي تقراي شجعي روحك تخيلي نهار الريزيلطا كي تكوني كيفاه لي يبغيك ولي مايبغيكش يولو يعيطوا يسقسوا اذا جبتيه ولا لا . حتى اذا كاين اقرب ناس ليك يطيحولك المورال كيما انا ديريها سبة باه تقراي و تنجحي و تسكتيهم.
بالتوفيق إن شاء الله .