سؤال لجماعة الباك السابقين

[*آمنة*]

سلام عليكم
حبيت نسقسي هذوك لي عقبوا لباك من قبل
هو لازم يعني نحل المواضيع والا لالا
انا قلت نحل مواضيع غير من 1 شبتمبر ونقصد في المواضيع نتاع المواد العلمية
ماشي الادبية لانو الادبية بالضرورة كي تقرا درس تل سوجي مفيهمش تطبيقات ولا تمارين بزاف
---------------------------------------------
يعني لالازم نحل بأعتبار انك حليت تمارين هل هذا ضروري يعني
ياك كي نحل سوجي الفايدة منو نشوف شحال لوقت ندي هذا مكان ??
هذا سؤالي نتمنى تجاوبوني

[بـــيِسَة]

السلام عليكم .

آسفقة على التدخل لكن الفايدة كي تحلي سوجي ماشي باش تشوفي الوقت امستغرق برك
الفايدة تشوفي نماذج باش تتعودي و بلاك كاش تمرين يعاودوهٍّ ولا يطيع يشبهلو

موفقة أمينة أختي

[ياسين]

تحلي الباكالوريات السابقة باش تتعودي على نمط اسئلة الباك يعدي عادة يجيو الاسئلة بالتدريج السؤال الاول الجميع يجاوب عليه و يبدا التدرج في التعقيد

و ثاني كيما قالولك ممكن يعاودوا جزء من تمرين او تمرين كامل

و ثالثا باش تشوفي روحك قداه تحكمي في الوقت ( في التمارين الاخرى ممكن يركزوا على فكرة كي تحلي تمارين لي فيهم الفكرة هاذيك تكون تحكم وقت كبير ماشي قد وقت لي في الباك )
و ايضا باش توالفي بعد على الاسئلة تزيد سرعتك في الحل

ملاحظة فقط : ماشي لازم تحلي الباكالوريات السابقة يعني ماشي كون متحليهمش مكيش رايحة تدي علامة مليحة لكن حليهم خير للاسباب لي قلتهم فوق

بصراحة هذا رايي و قد اكون مخطئا
اتمنى ان اكون قد افدتك

[Belkis-]

أختي
حل مواضيع الباك مهم جدا

-غادي تتعودي على طريقة الأسئلة التي تطرح في كل المواد
-كاين بعض الأسئلة تتكرر في كل سنة كمادة الفيزياء ( حسب خبرتي)
-و منها تكوني راجعتي بزاف دروس تحلي تمارين الباك أحسن من التمارين الأخرى
ربي يوفقك أختي

[صمت النّبض]

حلي ليباك والا رايحة تندمي
كاين بزاااف داو مونسيو ملاح غير كي حلو ليباك
على الاقل حلي من 20116 لل2019 برك المهم لازم تحليهم
هذه نصيحتي ليك و الا رايحة تندمي اشد ندم
حليهم حتى ومكيش مكملة المراجعة ديجا هوما يعتبرو افضل مراجعة

[ملكة الامتياز]

وي لازم باش تمشي يديك وتكوني عرفني الافكار كامل باش نهار الباك تلقاي روحك الاز خلاص وسوجي يجيك ساهل