علاش؟

[**خليصة **]

السلام عليكم
حبيت نسقسي علاه ماكاش تفاعل كيما بكري وزمان و لا اي شخص يطلب مشاعده نلقاو عدد المشاهدات كبيييير و الرد 00
لهذ الدرجة منهمكين في الدراسهه لدرجة انت ماتقدرش تفيد شخص بمعلومة عندك
اذا كان كذلك علاه المشاهدات كبيره
الي ممنهمك تلقاي مايدخلش اصلا الا ييضروره
الغايه من المنشور حبيت القسم ينشط و نتفاعلوو نحفزو بعضانا نقوييو التحديات و نعاونو بعضانا البعض
مبقاش بزاف

[بـــيِسَة]

صح عندك الحق
المهم بالتوفيق للجميع

[أمل أميرة]

السلام عليكم
حبيت نسقسي علاه ماكاش تفاعل كيما بكري وزمان و لا اي شخص يطلب مشاعده نلقاو عدد المشاهدات كبيييير و الرد 00
لهذ الدرجة منهمكين في الدراسهه لدرجة انت ماتقدرش تفيد شخص بمعلومة عندك
اذا كان كذلك علاه المشاهدات كبيره
الي ممنهمك تلقاي مايدخلش اصلا الا ييضروره
الغايه من المنشور حبيت القسم ينشط و نتفاعلوو نحفزو بعضانا نقوييو التحديات و نعاونو بعضانا البعض
مبقاش بزاف

حاجة عادية انا ساعات نشوف سؤال وندخل ومانجاوبش لاني بكل صراحة ماعنديش اجابة وكاين فئة حتى ولو عندها الاجابة ماتعرفش تشرح ...
كل واحد عندو عذر
اما بالنسبة للنهوض بالمتدى عندك الحق التفاعل نقص على الاعوام الماضية لكن ماعدنا واش راح نديرو :)

[وسام سومة]

[quote=أمل أميرة;3998195000] وكاين فئة حتى ولو عندها الاجابة ماتعرفش تشرح ...
كل واحد عندو عذر

😊واذا حاول يشرحها واش خسر نقولو صح حنا انانيين مش المشكل فطريقة الشرح

[ياسين]

السلام عليكم
حبيت نسقسي علاه ماكاش تفاعل كيما بكري وزمان و لا اي شخص يطلب مشاعده نلقاو عدد المشاهدات كبيييير و الرد 00
لهذ الدرجة منهمكين في الدراسهه لدرجة انت ماتقدرش تفيد شخص بمعلومة عندك
اذا كان كذلك علاه المشاهدات كبيره
الي ممنهمك تلقاي مايدخلش اصلا الا ييضروره
الغايه من المنشور حبيت القسم ينشط و نتفاعلوو نحفزو بعضانا نقوييو التحديات و نعاونو بعضانا البعض
مبقاش بزاف
اوافقك الرأي راح النشاط تع بكري ههه كل عام ينقص اكثر ملي قبلو
في عامي تع الباك قبل 3 سنوات ذاك النشاط هو ماحفزني
و خلاني نشارك في هذا القسم ب ملفات المحفوظة منذ 2017
تقبلي مروري
بالتوفيق لكم جميعا

[**خليصة **]

حاجة عادية انا ساعات نشوف سؤال وندخل ومانجاوبش لاني بكل صراحة ماعنديش اجابة وكاين فئة حتى ولو عندها الاجابة ماتعرفش تشرح ...
كل واحد عندو عذر
اما بالنسبة للنهوض بالمتدى عندك الحق التفاعل نقص على الاعوام الماضية لكن ماعدنا واش راح نديرو :)

الي مايعرفش يشرح فكرة تاكد انو هو مش فاهمها
كيف هنا مايعرفش و في الورقه كيف؟
على الاقل هنا نصححو لبعضانا

[أمل أميرة]

الي مايعرفش يشرح فكرة تاكد انو هو مش فاهمها
كيف هنا مايعرفش و في الورقه كيف؟
على الاقل هنا نصححو لبعضانا

نعم يحاول يفهمها هنا :)

[أمل أميرة]

[quote=أمل أميرة;3998195000] وكاين فئة حتى ولو عندها الاجابة ماتعرفش تشرح ...
كل واحد عندو عذر

😊واذا حاول يشرحها واش خسر نقولو صح حنا انانيين مش المشكل فطريقة الشرح

انا لوكان نفهم حاجة كون واحد يسال والله نشرحها عادي وساعات يسالو سؤال نكتب الاجابة ومبعد نمحيها نخاف لا نزيد نخلطو انا عندي مشكل اني مانعرفش نشرح للناس حتى ولو تكون فاهمتها وحصلي موقف قريب نبكي نهار الباك وحدة تسقسيني نبدا نجاوب مبعد تتخلطلي وليت نقول مانعرفش حتى وحدة سالتني ومبعد قبل مانهدر قالتلي اه حقا انت ماكيش اصلا موجدة روحك للباك قصدها بلي مانحبش نمد المعلومة ولا انانية كيما قلتي ...
الحاصول كل شخص عندو عذر..على كل الاعمال بالنيات..

[**خليصة **]

[quote=وسام سومة;3998195024]

انا لوكان نفهم حاجة كون واحد يسال والله نشرحها عادي وساعات يسالو سؤال نكتب الاجابة ومبعد نمحيها نخاف لا نزيد نخلطو انا عندي مشكل اني مانعرفش نشرح للناس حتى ولو تكون فاهمتها وحصلي موقف قريب نبكي نهار الباك وحدة تسقسيني نبدا نجاوب مبعد تتخلطلي وليت نقول مانعرفش حتى وحدة سالتني ومبعد قبل مانهدر قالتلي اه حقا انت ماكيش اصلا موجدة روحك للباك قصدها بلي مانحبش نمد المعلومة ولا انانية كيما قلتي ...
الحاصول كل شخص عندو عذر..على كل الاعمال بالنيات..

و على نوايانا نرزق

[فن التأمل]

اهلا أختي هدا شيئ عادي

بصراحة انا أعرف هدا الصرح في 2010 ومنتمي له بعضوية منذ 6 سنوات تقريبا ولازلت حتى اتذكر الأعضاء وقتها وبعض الأساتذة مثل ( محب بلاده )

وكل هذه السنوات حوالي من 2010 إلى 2015 كان المنتدى جد نشيط لأن كان عدد مستخدمين الفايسبوك بالهواتف الذكية قليل ، والهواتف الذكية في الحقيقة بدأت تلقا رواجا منذ 2013 ، ضف لذلك ان كل من يملك هاتف ذكي تلقائيا سيملك يوتيوب و فايبسبوك وتطبيقات اخرى حتى ولو كان جاهلا بالامور التقنية
نحن مثلا كنا ندخل للمواقع بالحاسوب وحتى نفتح اميل نضطر إلى نتبع خطوات وتسجيل ثم تأكيد وبعدها تفعيل أما في الاعوام الاخيرة صارت بكبسة زر تفتح موقعا ورقم هاتفك يفتح لك كل شيئ
بمعنى حدث انتقال من هنا إلى أشياء اكثر سرعة مع حرية التحكم فيها وباسمك وأقصد الفايسبوك واليوتيوب ، فمن كان يفيذ في المنتديات بمواضيع حصرية وردود مفيدة ، صار يفتح صفحات ومجموعات على الفايسبوك أو اليوتيوب باسمه ويفيد فيها ، فالمجهود الدي كان يعطيه للمنتديات والتي هي في الاخير ملك لصاحب المنتدى ، رأى انه من الافضل فتح قناة تكون باسمه وفوق هذا يتحصل على أرباح من الاعلانات
ومن كان يستفيذ من المنتديات هجرها وصار ينظم الى المجموعات عبر الفايسبوك النشطة والقنوات النافعة

بمعنى كل شيئ صار في الفايسبوك واليويتيوب لانها تعتبر الاسهل والانفع والاسرع

وهذا ليس متعلق بمنتدى الجلفة فقط بل جميع منتديات العربية ، ومن لهم عدد أعضاء فوق مليون إلى 2 ملاين عضو ، كلها ضعفت وتفاعلها صار كأن لديها مئة عضو فقط وهذا مالاحظته منذ 4 سنوات
المنتديات صارت من الماضي الان ، حتى جميع سرفرات المنتديات صارت تعمل أن كل كبسة زر تساوي 10 كبسات
يعني لو تدخلي الى موضوع يحتسب 10 مشاهدات وهذه تقنية من اجل خلق تفاعل وهمي يقصد به استقطاب الاعضاء ، ولكن للأسف نحن في عصر التطور والمنتديات انتهى أمرها
ارجو انك فهمتي كلامي وبالتوفيق لاصحاب البكالوريا

[kimjia]

يا إلهي فجأة قلبتيها متهمناش الدراسة كن عادة متهماش كن مناش نعاودو الباك أحرار لا نقلقو رواحنا المهم نظن أن مشاهدات الزوار ثاني تتحسب
وكيما انا أدبية نقدر نعاون غير في فلسفة لأنها صعيبة على بعض ومجاش نهار وسقسى واحد على فلسفة ومجوبتوش المهم العمل بالنية هذا مكان

[**خليصة **]

يا إلهي فجأة قلبتيها متهمناش الدراسة كن عادة متهماش كن مناش نعاودو الباك أحرار لا نقلقو رواحنا المهم نظن أن مشاهدات الزوار ثاني تتحسب
وكيما انا أدبية نقدر نعاون غير في فلسفة لأنها صعيبة على بعض ومجاش نهار وسقسى واحد على فلسفة ومجوبتوش المهم العمل بالنية هذا مكان

لم اقل ذلك اقراي كلامي مليح

[**خليصة **]

اهلا أختي هدا شيئ عادي

بصراحة انا أعرف هدا الصرح في 2010 ومنتمي له بعضوية منذ 6 سنوات تقريبا ولازلت حتى اتذكر الأعضاء وقتها وبعض الأساتذة مثل ( محب بلاده )

وكل هذه السنوات حوالي من 2010 إلى 2015 كان المنتدى جد نشيط لأن كان عدد مستخدمين الفايسبوك بالهواتف الذكية قليل ، والهواتف الذكية في الحقيقة بدأت تلقا رواجا منذ 2013 ، ضف لذلك ان كل من يملك هاتف ذكي تلقائيا سيملك يوتيوب و فايبسبوك وتطبيقات اخرى حتى ولو كان جاهلا بالامور التقنية
نحن مثلا كنا ندخل للمواقع بالحاسوب وحتى نفتح اميل نضطر إلى نتبع خطوات وتسجيل ثم تأكيد وبعدها تفعيل أما في الاعوام الاخيرة صارت بكبسة زر تفتح موقعا ورقم هاتفك يفتح لك كل شيئ
بمعنى حدث انتقال من هنا إلى أشياء اكثر سرعة مع حرية التحكم فيها وباسمك وأقصد الفايسبوك واليوتيوب ، فمن كان يفيذ في المنتديات بمواضيع حصرية وردود مفيدة ، صار يفتح صفحات ومجموعات على الفايسبوك أو اليوتيوب باسمه ويفيد فيها ، فالمجهود الدي كان يعطيه للمنتديات والتي هي في الاخير ملك لصاحب المنتدى ، رأى انه من الافضل فتح قناة تكون باسمه وفوق هذا يتحصل على أرباح من الاعلانات
ومن كان يستفيذ من المنتديات هجرها وصار ينظم الى المجموعات عبر الفايسبوك النشطة والقنوات النافعة

بمعنى كل شيئ صار في الفايسبوك واليويتيوب لانها تعتبر الاسهل والانفع والاسرع

وهذا ليس متعلق بمنتدى الجلفة فقط بل جميع منتديات العربية ، ومن لهم عدد أعضاء فوق مليون إلى 2 ملاين عضو ، كلها ضعفت وتفاعلها صار كأن لديها مئة عضو فقط وهذا مالاحظته منذ 4 سنوات
المنتديات صارت من الماضي الان ، حتى جميع سرفرات المنتديات صارت تعمل أن كل كبسة زر تساوي 10 كبسات
يعني لو تدخلي الى موضوع يحتسب 10 مشاهدات وهذه تقنية من اجل خلق تفاعل وهمي يقصد به استقطاب الاعضاء ، ولكن للأسف نحن في عصر التطور والمنتديات انتهى أمرها
ارجو انك فهمتي كلامي وبالتوفيق لاصحاب البكالوريا

حتى انا في 2015 في االباك كان القسم ناشط

و تفسيري كان كيما تفسيرك بلي كاين الفايس .. لكن اغلب الصفحات مافيهاش المصداقيه الي كنت نلقاها في المنتدى

[" سرحات "]

سلام عليكم
استفسار وبارك الله فيك كنا طلبة بكالوريا 2015
اريد سؤالك ماذا تدرسين الان وشكرا
توحشت اعضاء المنتدى ونقاشات وشكراا