كيف احوالكم وين راكم واصلين

[romaissa tita]

سللم كاين لي يعرفني كاين لالا انا لذرك نعاود في الباك انا باك2017 لكن مزلت موصلتش وين حابة ولذرك راني نقرا متيسوش و كوراج مبقاش قد لي فات هيا وينكم وش كملتو انا بدين من لول دوكا راني في احتمالات و جيولوجيا غير وين دخلتها و راح ندخل للاحماض الحفيظة شويا شويا

[بلا صوت]

مرحبا بيك اختي

انا والله معلابالي وين راني واصل هههه لمهم نقدم ومنحبس وين نوصل نوصل
علابالك بلي الطالب مهما يقرا ميعرفش وين راح واصل

مي خصنا شوية كوراج ( مام انا راني ليبر )
ربي يوفقنا برك

[أمل أميرة]

مام انا ليبر راني نتقدم اقل مالسلحفاة

[~ هبة الله ~]

رانا نتقدمو و خلاص
يعني قد ما نقرى نلقى روحي بعيدة هههه

[romaissa tita]

انا كيفكم حرة للمرة الرابعة على التوالي كورااج كل يون ديرو تحدي

[هيبارا1]

انا كذلك اتقدم اقل و ابطىء من السلحفاة 🐢🐢🐢🐢🐢🐢🐢🐢🐢

[~ قدس ~]

حتى انا ليبر .. وراني غير بشوية ..
لوكان نديرو كوراج .. وتحديات مع بضانا ..
مثلا في سمانة نكملو وحدة اجتماعيات ونكملو الوحدة الاولى والتانية تاع العلوم ..
مثلا نوضو صباح بسيف .. وفليل نرقدو روطار ونسهرو نقراو .. ويكون عندنا اتصال ببعضانا .. مثلا واتساب .. حتى لي ماعندوش يهبطو على جال لقرايا برك .. ونشجعو بعضانا لي ماناضش نوضوه ولي تعب تاني نحفزوه وهكذا ..

خاصتا وانو كلنا عندنا نقاط تجمعنا انو احرار ونحوسو على نفس الهدف ..

ربي يوصلنا ويوفقنا ..

[bis kou]

حتى انا ليبر .. وراني غير بشوية ..
لوكان نديرو كوراج .. وتحديات مع بضانا ..
مثلا في سمانة نكملو وحدة اجتماعيات ونكملو الوحدة الاولى والتانية تاع العلوم ..
مثلا نوضو صباح بسيف .. وفليل نرقدو روطار ونسهرو نقراو .. ويكون عندنا اتصال ببعضانا .. مثلا واتساب .. حتى لي ماعندوش يهبطو على جال لقرايا برك .. ونشجعو بعضانا لي ماناضش نوضوه ولي تعب تاني نحفزوه وهكذا ..

خاصتا وانو كلنا عندنا نقاط تجمعنا انو احرار ونحوسو على نفس الهدف ..

ربي يوصلنا ويوفقنا ..

اختي اذا راكم دايرين قروب دخلوني معاكم ...تواصلي معي عبر الخاص

[أمل أميرة]

حتى انا ليبر .. وراني غير بشوية ..
لوكان نديرو كوراج .. وتحديات مع بضانا ..
مثلا في سمانة نكملو وحدة اجتماعيات ونكملو الوحدة الاولى والتانية تاع العلوم ..
مثلا نوضو صباح بسيف .. وفليل نرقدو روطار ونسهرو نقراو .. ويكون عندنا اتصال ببعضانا .. مثلا واتساب .. حتى لي ماعندوش يهبطو على جال لقرايا برك .. ونشجعو بعضانا لي ماناضش نوضوه ولي تعب تاني نحفزوه وهكذا ..

خاصتا وانو كلنا عندنا نقاط تجمعنا انو احرار ونحوسو على نفس الهدف ..

ربي يوصلنا ويوفقنا ..

فكرة رائعة اتمنى ان نجسدها :19:

[~ قدس ~]

راني درت لقروب .. لي يحب يتواصل معايا في الخاص وندخلو كامل ..

[lina loulita]

و انا ايضاا حرة
راني نمشي بشوية
لكن ان شاااء الله نوصلو و نكملو الى غاية يوم البكالوريا

[Lasmaa Ya]

سللم كاين لي يعرفني كاين لالا انا لذرك نعاود في الباك انا باك2017 لكن مزلت موصلتش وين حابة ولذرك راني نقرا متيسوش و كوراج مبقاش قد لي فات هيا وينكم وش كملتو انا بدين من لول دوكا راني في احتمالات و جيولوجيا غير وين دخلتها و راح ندخل للاحماض الحفيظة شويا شويا

وعليكم السلام
مام انا من باك 2017 مي مزال ما وصلتش لوش حابة ربي يوفقنا ان شاء الله
العلوم: اليوم رايحة ندخل فالجيولوجيا
العلوم الفيزيائية : راني بديت المراجعة من الوحدة 1 قبل ما نبدا فالوحدة 5+ مخطط حل 15 تمرين عند الانتهاء من مراجعة هذه الوحدة
الرياضيات: المتتاليات
التاريخ: مساعي الانفراج الدولي
الجغرافيا مزال حتن نكمل التاريخ ان شاء الله
العلوم الاسللامية: مزال ما بديتش السمانة الجاية ان شاء الله نبدا مراجعة للدروس لي حافظتهم من قبل ومن بعد الدروس الجديدة
مواد اللغات مزال السمانة الجاية ان شاء الله نبداهم

بالتوفيق :19:

[romaissa tita]

اوك ديري قروب و دخلينا مكاش مشكل

[هيبارا1]

انا كيفكم حرة للمرة الرابعة على التوالي كورااج كل يون ديرو تحدي

من فضلك هل درست في االجامعة و ما هو تخصصك

[romaissa tita]

انا سنة ثالثة قابلة للصحة العمومية و سنة اولى حقوق

[هيبارا1]

انا سنة ثالثة قابلة للصحة العمومية و سنة اولى حقوق
l
كيف سجلت باثنان باك يخي لازم قبل ما تسجلي بالباك الثاني تسحبي الباك الاول
و لماذا اخترت حقوق

[~ هبة الله ~]

انا سنة ثالثة قابلة للصحة العمومية و سنة اولى حقوق

يااااه كيفي
أنا السنة الرابعة
عندك examen final ?

[~ هبة الله ~]

l
كيف سجلت باثنان باك يخي لازم قبل ما تسجلي بالباك الثاني تسحبي الباك الاول
و لماذا اخترت حقوق

حتى أنا نقرى قابلة و درت إعلام في الجامعة

[هيبارا1]

حتى أنا نقرى قابلة و درت إعلام في الجامعة

كيف ذلك ؟؟؟؟؟
و هل تخصص اعلام مليح ،،،في اي عام انت

[romaissa tita]

وي عندي اكزامان مزال ما بان عليه والو و كل وحدة باك قابلة معهد عالي للقابلات و اخترت حقوق نقدر نولي في الادارة الا كملت قابلة بالتوفيق

[هيبارا1]

وي عندي اكزامان مزال ما بان عليه والو و كل وحدة باك قابلة معهد عالي للقابلات و اخترت حقوق نقدر نولي في الادارة الا كملت قابلة بالتوفيق

للاسف ردك غير واضح اقصد كيف سجلت ب اثنان باك لان من الشروط سحب الباك الاول

[romaissa tita]

قابلة معهد وحدو معندو حتى دخل في الجامعة ابمعهد تابع لوزارة الصحة و التعليم العالي اما الجامعة وحدها

[crazy assassin]

انا باك 2017 و 2018 و مازال ماوصلتش وين حاب ان شاء الله باك 2020 فيها خير
بصح نسيت كلش ههه كامل المعلومات راحولي و نسيت المنهجية ماعرفتش واش ندير حرت

[crazy assassin]

إلا على بالكم الدروس لي حبسوا فيها في ثانوية في كامل المواد قولولي عليهم ربي يخليكم باش نعرف وين نحبس

[romaissa tita]

فرحت كي راك طالب حر نحن لها مرة اخرى باك 2020

[**خليصة **]

انا ماستر 2 رياضيات
و مترشحه حره راني شوي روطار نحاول نستدرك

[crazy assassin]

فرحت كي راك طالب حر نحن لها مرة اخرى باك 2020

دخلوني معاكم للقروب 😿

[romaissa tita]

قروب واتساب*

[crazy assassin]

قروب واتساب*

دخليني 🙂
ولا كفاش ندير باش ندخل معاكم

[أمل أميرة]

إلا على بالكم الدروس لي حبسوا فيها في ثانوية في كامل المواد قولولي عليهم ربي يخليكم باش نعرف وين نحبس

https://www.djelfa.info/vb/showthread.php?t=2248309&highlight=%C7%E1%DA%CA%C8%C9

[أمل أميرة]

حتى انا سجلت العام الماضي بباكالوريا اخرى وانا مسجلة من قبل وماقالوليش اي شيئ
لكن هي ممنوعة علاجال لابورس برك
المهم انك تسجل بورس وحدة

[أمل أميرة]

صديقتي كانت تقرا فرنسية وحقوق في نفس الولاية وتخرجت العام الماضي ليسونس فرنسية وراهي تكمل ماستار والعام هذا تتخرج ليسونس حقوق

[romaissa tita]

قروب بنات و لازم نيم تلفون مبغاتش تترسل رسالة هنا في المنتدى

[crazy assassin]

قروب بنات و لازم نيم تلفون مبغاتش تترسل رسالة هنا في المنتدى

اوكاي ماعليش 😊