彡كمآمتي سر نجآحي】

[بـــيِسَة]

سلآم


يضع الكمامة غير قدام الأمن و مآ شبه

عمباتلوا الكمامة حزام أمآن يديرها باش يقولوا راهو دايرها

ياو افطن ديرها لعمرك

ظاهرة غريبة و الله

الا راني غالطة قولولي مكاش حالات كيما هادا

[ع.عيسى]

ههه انا واحد منهم .....صراحة الكمامة لا تمنع السليم من ان يصاب بالمرض ...الكمامة مصممة باش يلبسها المرض لمنعه انه يعدي البقية ..والكمامات المتوفرة كمامات دون المواصفات الطبيه المطلوبة لا تمنع انتقال العدوى

[بـــيِسَة]

ههه انا واحد منهم .....صراحة الكمامة لا تمنع السليم من ان يصاب بالمرض ...الكمامة مصممة باش يلبسها المرض لمنعه انه يعدي البقية ..والكمامات المتوفرة كمامات دون المواصفات الطبيه المطلوبة لا تمنع انتقال العدوى

تم القبض عليك :1:
يعني رانا نحكو على العموم
المهم كمامات
لكن الا ميحبوش يديروهم علاه يديروهم قدام لا بوليس :confused: برك

[ياسين]

و الله يا اختي وش راح نقلك اجابة الاخ كافية
انا ايضا واحد منهم لكن مام كي نشوف البوليسي منلبسهاش
كي نكونوا في مكان (مستشفى محل مخبزة اني معاك نلبسها لانه الناس داخلة خارجة متعرفش شكون مريض و شكون لا
لكن كي نكون وحدي او في سيارتي لماذا تجبرني نلبسها
و زيد كي نلبسها و نحطها تحت الدقن (نعري على فمي كيما يديروا معظمهم مام لابوليس ) اي الفلئدة و اصلا العرق لي يتلم من الدقن يمرضني اكثر مالكورونا
و امر اخر قلت بلي كي ميحبوش يلبسوها علاه يلبسوها قدام البوليسي
لانه واحد مايحب يكون في امان الله حتى يجيه بروصي بمليون

على العموم هذا مجرد راي و قد اكون على خطأ

ربي يجيب الخير