ارجوكم ساعدوني ، اريد الخروح من هذه الصدمة

[مشكلتي]

السلام عليكم ، تزوجت و عمري 18 سنة زواج تقريبا تقليدي رحت نشري عليه و خطبني و ربي كتب و تزوجنا ، بعد زواج اكتشف ، في علاقة مع بزاف بنات و شفت منو كل انواع الذل ، يبزق عليا مش محتارمني ، لحق وين يقطع فيا عند وحدة كانت معاه في علاقة قبل زواج ، صبرت و صبرت و جيت طفل معاه ، بصح زاد تمادى مبغاش يحبس ، رغم اني شابة و ناقية بزاف ، ، عييت معاه فهمتو بكيتلو ميواجهنيش كنت نغضب بزاف و يرجعني ، هاذ مرة في عيد تان لقيتو باعث لبنات صحا عيدكم ، و والديا مقبلش عليهم ، قررت نطلق ، و واجهتو بكل دلائل في فيس فايبر تصاوور سكت و مهدرش ، راهي غايضتي علاش بنت فاميليا يصرالها هكذا والله اني نعمة تربية محترمة اهلو مخصو والو معايا علاش خدعني و ذلني ، ساعدوني اعطوني نقرا كتاب و لا نصائح باش نجاوز هاذ صدمة و نبدا حياتي من جديد عندي ديبلوم قاطو و نيفو تاغمينال علمي ، واش نقدر ندير ، باغية نربي وليدي ، للعلم لحق وين ضربني و يتعاطى مخدرات ، و يشرب الخمر ،

[ing.Youcef]

وعليكم السلام ورحمة الله
كنت أستمع قبل قليل لهذا المقطع (https://www.youtube.com/watch?v=L2B67e0WZjY)فشاهديه لعل الله ينفعك به..
https://www.youtube.com/watch?v=L2B67e0WZjY
وعلى كل حال، ما حصل لك إنما حصل بأمر الله سبحانه وبقدره فاحمدي الله على كل حال،
وزوج كهذا لا تتأسفي على فراقه فالبقاء معه شر عليك وعلى ولدك وعلى أهلك، الله يبدلك بخير منه فهو على كل شيء قدير.
الله يوفقك ويبارك فيك ويبدلك خيرا.

[محمد محمد.]

السلام عليكم أختي

لماذا أصلا قبلت بالزواج بشخص كهذا !!!!!!!!!!!!؟؟؟؟؟؟؟

وحتى بعد الزواج لماذا استمريت معه حتى انجبت معه طفل !!!!!!!!!!!!!؟؟؟؟؟؟؟

ولماذا لم تطلبي الطلاق قبل الإنجاب مادام أن أمره كان واضحا من البداية !!!!!!

ياك راكي تقول كان يبصق عليك ويهينك و عنده علاقة مع الفتيات ويتعاطى المخدرات ويشرب الخمر !!!!!!

في الحقيقة يا أختي أنا الذي صدمت من فعلك هذا وخاصة طلبك الطلاق في الفترة التي انجبت فيها .

[ايمان4]

اذا اهلك مستعدين يساعدوك فوتي الباك و ادخلي للجامعة او شوفي جامعة التكوين المتواصل او تاني تقدري تدخلي بلا باك يعني غير مستوى نهائي علمي ثانوي تخدمي مساعدة ممرضة في المستشفى ... ات جربي كلشي لي فلحتلك اقرايها ... و اذا شاطرة في صناعة الحلويات ابداي في نفس الوقت حساب انستغرام + قناة يوتوب + فيسبوك صوري الحلويات لي تخدميهم و حطي في النت و حطي للناس كيفاش يتواصلو معاك و اطلقي الهدرة لمعارفك انو فلانة راها تخدم القاطو و تبيع شوية بشوية تدري زبائن لكن ما تعوليش عليها كلية شوفي حاجة للعقوبة دراسة او فورماسيون تخدمي بيها ... و تاني اذا شطورة بزااف بزاااف و ما عندكش دراهم باش تقدري تديري حلويات و تصوريهم لانو لازملهم يقامة باش تبداي غير تخدمي ف الباطل تقدري تخدمي عند ناس لكن غير الحقرة و الخلاص بزاف قليل .. ممكن تتعلمي مهارة تاع النت شوفي ع العمل الحر في االنت لكن تاكل وقت انو تتعلمي حاجة جديدة ممكن حتى لسنة و تخدمي بيها تعاوني بيها روحك ريثما تقراي و ممك تبقاي بيها حتى و انت عاملة يعني كاين بزاف حلول لكن غير انت فكري في الحل لي يناسبك انت شخصيا و مكاش حل سحري غدوة تصبحي بيه خدامة لكن كتخطيط و والديك ان شا الله يرفدوك ريثما يفرج عليك ربي

[tunisien1]

للأسف تلك مشكلة الزواج التقليدي ،، حيث تقوم الأم بتزويج إبنها الفاسد لبنت عفيفة و بعدها ينهار الزواج .
قبل الزواج لابد من فترة تعارف لمعرفة حقيقة و أخلاق الزوج و مدى توافق الطبائع بين الخطيبيْن

أنصحك بطلب الطلاق من هذا الزوج المدمن و الخائن و عليك إكمال دراستك العلمية و تخرجي بتفوق و سيأتيك الزوج الصالح بإذن الله ؛ اللهم آمين

[رَمَادِيَاتْ]

الغلطة لي يديرها البنادم انو يلقى بنادم معوج من كل جهة وطريق ويبقى يطول فيها ومتأمل أنو يجي نهار ويتبدل.. ويزيد بعض الجهال يقولولك اولدي تشديه ويتسقم...!!
المهم الي صرا صرا... درك شوفي للقدام وماتبقايش تقولي علاش وعلاش...

ماعلابالناش شحال عندك من عام، ولكن مهما كان.. راكي تقولي نيفو باك.. ماكيش بعيدة.. تقدري تزيدي تكملي قرايتك اذا عندك الارادة.. وديري شهادة في يدك.. منها تلهاي شوية وماتبقايش غارقة في الماضي.. ومنها ديري حاجة تصلح وتفيدك في المستقبل.. او حتى تقدري تستثمري في ديبلوم القاطو.. تتفاهمي مع مول حانوت او تخدمي في الدار للناس وديري كيما يديرو لبنات فاتحين صفحات عمل على الفايسبوك ويديرو اشهار لاعمالهم ومنها يجيبو زبائن جدد ..




فقط تأكدي أنه أحيانا من الحطام والقهر نؤسس لبدايات أكثر متانة وقوة.. فلا تكوني ضعيفة.. ماتخليش روحك تطفى أو تذبل علاجالك وعلى جال ابنك الي مستحقك أكيد..

إذا تذكرت عنوانا مناسبا لك سأعود لنشره

ربي يكون معاك اختي

[ع.عيسى]

يبصق عليك؟؟... حسبنا الله ونعم الوكيل... وكلي أمرك لله عز وجل... بما انه كما تقولين هو لا يصلح ان يكون زوج... أما ان يتوب ويعتذر لك ويريقل روحو.. ... وأما الفراق..*

[فتيحة0411]

بالطبع غلطتي في حق نفسك كي قبلتي تقعدي معاه رغم واش دار فيك، ولكن المهم أنك قررتي أخيرا تبعدي عليه
الإرادة لي راها عندك هي أول و اهم خطوة في حياتك الجديدة لي نويتي تبدايها
والأخطاء لي طحتي فيها من قبل ما تعاوديش طيحي فيها
إذا ربي كتب وجاك خطاب فمتتقلقيش، ومديريش على هدرة الناس لي يقولولك اقبلي باش تستري روحك، سقسي مليح
بالنسبة للعمل، اخدمي الحلويات فالدار وشوفي خوك أوالوالد نتاعك يديهم لقهوة أو حانوت يبيعهملك
حاولي تطوري نفسك، أقراي في الانترنيت
وأهم شيء متعطيش أهمية لهدرة الناس
ربي يفرج عليك ويعوضك على لي فات عليك

[Orchid flower]

اسلام عليكم و رحمة الله و بركاته

الاخت الكريمة اصلا ما عرفت واش نقولك اصلا الغلط ماشي منه الغلط منك ... درك انت قابلة تعيشي مع واحد يبصق عليك مبهدلك و تزيدي تنجبي منو كيفاه حياتك غير مستقرة و تخمي فالانجاب ؟؟ درك انت قابلة بالاهانة و الذل علاه تندمي من بعد و تقولي ذلني راكي انت اللي ذليي نفسك وزيد خيانات ووووو ... ماشي بنت فاميليا اللي يصرالها هاكا اللي تبغي الذل هي اللي يصرالها هاكا و اسحي لي اذا كنت قايية معاك بصح باه تفهمي انو المشكلة فيك انت ماشي فيه .. طبعا باعتباار انو روايتك حقيقية و انو فعلا صرالك كامل الشي هذاا احنا مناش عايشين معاك و مشفناش الحقيقة .....
المهم قلتي عندك مستوى نهائي علمي اوك .. جربي تسجلي للبكالوريا و اذا عندك ارادة تنجحي وبتقدير و علاه لالا؟؟
بعد الباكالوريا تقدري تدخلي الشبع الطبي يعني التمريض او تواصلي دراستك الجامعية و في فترة الدراسة هذي عاوني نفسك اخدمي فالدار قاطو و بيعي بالفيس بوك بزاف يعملو هاكا طلبيات للمملحات و الحلويات باه تصرفي على نفسك
و ابنك راهو باباه ملزم بالنفقة عليه في حال ما تطلقتي بالطبع

ان شاء الله تخلصي دراستك في تخصص مليح و تنجحي و تلقاي خدمة

[عاشقة الكواكب]

لا حول ولا قوة الا بالله
ولكن يا اختي انت من تسرعت ولم تتعرفي عليه جيدا في وقت لخطوبة مهما كان الطرف آخر سواء ذكر او انثى يتصنع ويكذب فسيكشف كذبه
الان عليك بطلب الطلاق و اكمال دراستك وان تقرئي كتب تزيدك ثقافة تساعدك فكل خطوة في حياتنا يجب ان ندرسها قبلا كذلك زواج كان عليك ان ترفضي لكن حدث ما حدث ومازال طريق امامك ^^
وكوني قوية و استخيري الله عزوجل في كل امر وتعلمي ان تحليلي خطواتك من كل زوايا وبالنظرة مستقبلية
الله غالب متقوليش بنات فاميلية يصرالهم هك كاين ما حدث لها مع اسوء وبالتالي ترى فتيات مثل الذين يكملهم زوجك ليفسدوا أسر نتيجة تفاني اوليائهم ونقص وازعهم ديني
لا تحزني اختي ^^ واستمري فهاته ليست نهاية العالم
وكوني كالقمر يرفع ناس رؤوسهم كي يروك لا تكوني كالدخان انتي من تصعدين لهم
ولا تفشلي بتاتا وتفائلي خيرا ^^

[بـــيِسَة]

أدعيلوا باهدآية
و أدعي الروحك
ووكلي ربيي أعليه
و الا لقيتي التلاق حل
فلك حرية ذلك
و الله المستعآن

[حورية تو]

بما أنه لديك دبلوم في الحلويات تقدري تخدمي فالدار وتبيعي لحوانت وأيضا تقدري تكملي قرايتك وأهتمي بإبنك فهو أول أولوياتك
مع الوقت ستزول الصدمة ربي يوفقك*

[بشرئ عاشقة العلم]

هي قبل الزواج* احيانا متقدريش تعرفي لا الشخص مليح و لا لا* انا بزاف اكتشفت حقيقتهم في الفايس بوك و.......بلي غير تاع علاقات و اخلاق دنيئة* اما في الواقع يمثلو بلي ملائكة ممكن كيم زوجك تبانلي الان للازم تخدمي كي يحلو مسابقة ادخلي بصح قادرمشي كل عام و لهداك الوقت شوفي كاش محل حلويات تبيعيلو و لا و ان شاء الله يرزقك ربي الزوج الصالح اللي يعوضك و حتا قادر تتخلاي عن الطفل لا مقدرتيش و لا عائلتك يحطو منكم العين*

[Anabela]

شاهدي حلقات الدكتور راتب النابلسي ، واذا تشوفي الطلاق منو حل فلا تترددي ، وتقدري تبداي مشروع حلويات ،واعتبري لي فات بيك ابتلاء من الله وربي يهنيك اختي ويحفظك من كل شر

[katiya]

نصيحة هذاا لاينفعك لا في دينك ولافي دنياك كلمة مطلقة ماترحمش والناس ماترحمش لكن غدوا يكبر ولدك وسط ضغوطات والبعد قادر ينحرف او يصبح ابن عاق راح تعيشي حياتك كامل في المشاكل ودوامة قدر الله وماشاء فعل مادام هدا انسان مايحشمش ومايخافش من ربي شوفي طريقك واعتمدي على نفسك وعاهدي ابنك انك راح تربيه على دين والعلم والاخلاق عيشي حياتك وفرحي روحك بروحك واخطيك من الهم الانسان ماخلقوش ربي للذل والمهانة

[visa uk]

تكلمنا علي عدا الصنف تحديدا لايصح زواج به ونتم تتزوجو بهدا صنف تاع مجتمع تحديدا تاع دعاوي شر وووو وش نقلك ربي معاك نتوما

[manothebest]

السلام عليكم
أختي...
هذا النوع بالذات ماراحش تندمي على الطلاق منه...ديري طلاق لضرر وادي حقوقك نتي وابنك قبل ماتزيدي تجيبي اولاد اخرين..
كوني شاطرة واقراي وديري قلب وماتديريش على الناس حافظي على مبادئك..
مستوى البكالوريا تقدري تشاركي في مسابقات كثيرة مساعدي التمريض...رعاية االاطفال..بائع صيدلية..إذارة ....وفي نفس الوقت ديري حاجة في الدار اتعملميها...ابسط حاجة طي مناديل الاعراس ماتتكلفش وابداي طوري في العمل...
وربي يعوضك أكيد

[نينو]

ربي يكون في عونك وربي يعوضك
وربي يكون في عون كل بنت او رجل مقهووور

[محمد 72]

لست مضطرة للعيش معه اجمعي أدلة ضده صور أو تسجيلات و اطلبي الطلاق ان كنت لا تريدين البقاء معه اخبري احد تثقين فيه لمساعدتك في التحرك نحو ايجاد حل

[الأيمان]

قدر الله و ماشاء فعل ..الزواج مكتوب و الولد أيضا ..الله أراد هكذا !
أرى أن الأفضل الانفصال ...خمر ..بنات ...هذا فاحشة عياذا بالله ..صفة رجل لا تليق به ...
وحتى النفقة تجيبيها بالمحكمة إن شاء الله للابن ...مستقبلك لا تتحدثي عنه الآن ..و لكن يجب أن نتحدث عن عائلتك هل تقبلك بطلاقك و هل سترحب بعودتك؟
هل يستطيعون الصرف عليك( ابنتهم) لأن الابن يصرف عليه أبوه ؟
استخيري الله في هذه المسألة و شاوري الكبار ..و ربي ينحي عليك الغمة و يرأف بحالك وبالك !

[الأيمان]

دروس و عبر

ربما هذه من أكثر أسباب #الطلاق في الجزائر و الله أعلم .

#مطلقة سألوها #بعد الطلاق :

ماهي الدروس التي تعلمتيها من #التجربة ؟ قالت :

#عدم التهور، و #أسمع أكتر مما أتكلم ...

وأن #أترك دائما باب #الحوار مفتوحا هناك دائما #فرصة ثانية ...

أواجه مشاكلي بنفسي و لا #أسمح لأحد التدخل فيها ...

�� سؤال :

و من شجعك من #أهلك على طلاقك ؟

#كلهم تقريبا ؛؛ ولا أحد قال لي #حافظي على بيتك ....

لم يفهمني أحد أنني #أخرب بيتي و #أضيع مستقبلي و #مستقبل أولادي...

�� سؤال :

وأين أهلك الأن ؟

لا يوجد أحد يهتم بي وبأولادي

أخي الذي #شتم و سب #طليقي تزوج ويعيش مع #زوجته وأولادهما و ان غضبت يوما #يبكي كالأطفال #ويسارع #لارجاعها وارضائها

اختي لما تطلقت أنا ؛ تعلمت من #تجربتي لو حصل أي خلاف بينها و بين زوجها #تحله في بيتها ....

�� سؤال :

ماذا صنعت بمال الطلاق ؟

#صرفتهم على أهلي .

�� سؤال : لو طليقك يريد أن #يرجعك لعصمته .

انا أتمنى أن ارجع لكن لن يفكر بذلك بعدما #جررته الى المحاكم ، وهو الأن #يلعن اليوم الذي تزوجنى فيه

�� الخلاصة :

أنت كنت مجرد #حقل تجارب ،ولم تجني سوى

جوع المشاعر ...

جوع الأسرة والبيت المستقر

قدرك أنك ترين غيرك سعيدا و مرتاحا و أنت تتحسرين على حياتك التي ضيعتها بيديك و بإرادتك

�� الكل يقول لها #تطلقي..

و ابدئي من جديد حياة جديدة .

��من قال إن الطلاق أمر سهل و بسيط ؟

من يجرؤ أصلًا أن يقول لواحدة نصيحة تطلقي؟

��من يقدر أن يحمل وزر قرار انفصال اثنين كانوا سكنا لبعض.

âک† لما نقول لاتقبلوا الضرب و الإهانة و لا الخيانة هذا ليس دعوة للطلاق أبدًا

��هذا تصحيح خطأ يتسبب في أضرار جسيمة على المراة و على أطفالها وحتى على الرجل لأنه ليس وضعا طبيعيا و لا يرضي ربنا عز وجل

اللهم احفظ بيوت المسلمين من كل سوء��حافظوا على استقراركم يرحمكم الله .

منقول

[*عبدالرحمن*]

السلام عليكم ورحمة الله و بركاته

من القوانين

يتم غلق الموضوع عند بلوغه 20 مشاركة