اريد ردا مناسبا

[مشكلتي]

السلام عليكم وصح رمضانكم
من فضلكم اعطوني رد مناسب ميجرحش حماتي في نفس الوقت نحفظ بيه حقي ومتزيدش تعاود غلطتها معاي
حماتي احيانا تعلق على لباسي كي نلبس حاجة ضيقة تقولي انزعيها.فالاعراس ايضا تعلق على لباسي رغم ان لباسي جيد والحمد لله
المهم نهار العيد رح نلبس روبة كحلة وعلباالي تقولي نحيها مش مليح اللون لكحل فالعيد
واش يكون ردي باه متزيدش تتدخل فيا كامل والله موالفة نحشم ونسكت احتراما لها لكن طفح الكيل

[nihal159]

قوليلها أن اللون الأسود سيّد الألوان و أي موديل تخيّطيه فاللون الأسود يخرج شباب ؛ و الأسود ماعندو حتى علاقة بالفرح و القرح؛ و إذا قالتلك غيّري هذي الروبة؛ قوليلها بعد الغداء إن شاء الله نغّيرها و نلبس موديل آخر؛ و هذا تكوني رضيتيها و لبستي اللون لي يعجبك.
عيدكم مبارك و كل عام و أنتم بخير.

[jomana jiham]

عادي أختي ما تعمريش راسك النسا الكبار قاع هاك و هذه ماشي مشكلة لي تتقلقي على جالها .لبسي لي يعجبك مع الوقت تفهم وحدها. المهم حاجة مستورة لي ما تغضبش ربي و هكذا ماكانش لي يهدر معاك،اما بخصوص الألوان قوليلها هذه طيرة و الطيرة ماشي مليحة ما يصيبنا الا ما كتبه لنا و أنما الاعمال بالنيات و لكل امرء ما نوى ...*

[toulay]

وعليكم السلام ورحمة الله وبركاته
انت لعطيتيها الضوء الاخضر باش تعلق على اللبسة تاعك مفهتش علاش هاذو الحموات يدخلوا رواحهم في كل صغيرة وكبيرة
الحل هو تحطها فالثقيل هدرتها تدخل من اذن تخرج من الاخرى قولها غير ان شاء الله ومبعد هي تكره وحدها
بالتوفيق

[Anabela]

انا من رايي خلي نهار العيد يفوت ، متهدري والو ، خلي النفوس تطيب، ولما يفوت نهار هذك حكميها وهدري معاها بطل طيبة يافلانة انا نبغيك و نحترم رايك بصح مرات تعليقات تضرني ياريت تتجنبيها باه نحافظو على علاقات طببة بيانتنا ، وقوليها بكل لطف منها هي تحشم على روحها منها متعاودش منها متخسريش علاقتك و تتخلصي من تعليقاتها ،انا نفضل الرد المباشر خير ماتبقي تشدي فقلبك عليها وتوصل لنقطة كبيرة او مشكلة اكبر

[محمد محمد.]

وعليكم السلام ورحمة الله وبركاته

كلامك مجمل ويلزم التفصيل حتى لا تختلط الأمور ببعضها

إذا كان تدخل حماتك في لباسك لأنه ضيق أو لا يليق أو مخل بالحياء فلها ألف حقّ في ذلك ومن المفروض أن زوجك هو الذي يمنعك من هذا قبل ما تهدر معاك حماتك .

أما إن كان الإشكال في الذوق فيمكن أن تبيني لها أن هذا الذوق يعجبك وانك تريدين لبسه

أما إن كان المشكل في اللون والتشاؤم به فقولي لها أن هذا من الشركيات و اعرضي لها قول النبي صلى الله عليه وسلم :الطِّيَرَةُ شِركٌ ، الطِّيَرَةُ شِركٌ ، الطِّيَرَةُ شِركٌ ، وما منا إلا ، ولكنَّ اللهَ يُذهِبُه بالتَّوَكُّلِ .

الراوي:عبدالله بن مسعود المحدث:الألباني المصدر:صحيح الترغيب الجزء أو الصفحة:3098 حكم المحدث:صحيح

[Orchid flower]

سهلة ماهللة مين تقولك غيري اللون او اللستيل قولها هذا الستيل تاعي المفضل و هذا لوني المفضل و انا راني نشوف فيه موالمني
راح تزعف يوم او يومين لكن من بعد ترضى لوحدها و تبدا تحترم خصوصياتك و اختياراتك لانو متحلقش لللدرجة هذي لو انك ممكنتيهاش و لو ما لقاتكش ضعيفة الشخصية