أفكار سيئة تجعلني غبية .

[مشكلتي]

سلآم


أنا طالبة باك العام المقبل
حابة نقرا و ننجح في الباك حابة نحقق حلمي و حلم عايلتي
برغم مع اني لست طالبة متفوقة معدلي 10 و 9 ووووو
المهم حابة نبدا صفحة جديدة في الباك نقرا و ننجح ان شاء الله
لكن الحاجة الي مخالاتنيش ندي امليح في السنوات الماضية معدل يعني
هي كي نجي رايحة نقرا يجو في بالي الطلاب الي نعرفهم يعرفوا يقراو المتفوقين يعني
و مبعد يجيني تفكير و نقول مستحيل ندي مليح و نلحقهم ابدا
حتى و انا نحضر للباكالوريا نفكر و نقول مستحيل ندي معدل ممتاز كيما هوما
حابة تروح هذه الافكار من راسي نهائيا و نشوف حياتي و قصرايتي برك
كيفاش اندير ؟
زعما ندي معدل امليح الا قريت و تعبت
زعما نلحقهم
حابة نحي هادو الافكار من راسي يا رب

ساعدوني

[غصن البآن]

السلام عليكم ...
ما خاب من سعى واجتهد ودعا الله واحسن الظن به ... خمي بايجابية عزيزتي وديري فبالك بلي بزااف لي كانو معدلاتهم متوسطة ولا عادية جدا 10 و 11 وحتى 9. . لكن فالباك قراو وتعبو اكثر واجتهدو وربي وفقهم وجابوه .. متقارنيش نفسك بالمتفوقين وتبداي تحطمي فمعنوياتك .. التخمام هذا يوليلك حاجز نفسي يمنعك باش تركزي فقرايتك .. خمي بايجابية ومادام راح تتعبي وتقري من قلبك و تحسني الظن فالله فباذن الله ماراحش يخيبك
مازال الوقت لسبتمبر اهم شي متتعجزيش و متقوليش غدوة و بعد شوي و تأجلي.. استغلي الوقت وديري هدف واحد درك. انا راح نتعب ونقرا ونجيب الباك

دعواتنا لكل من عندو امتحان نهائي ربي ينجحكم و يفرح قلوبكم وقلوب اهلكم يارب

[*آمنة*]

سلام عليكم
انا طالبة بكلوريا حاليا
صدقيني معدتلاتي في النانوية 10..11
يعني قولي كيما نتي
بصح والله راني في عام الباك و متقينة بإذن الله رايحة نوصل لمبتغاي
نصيحة مني لك اخطيك من هذا تخمام
والله لوكن تعود عندك ثقة في روحك رايحة توصلي لواش باغية
موفقة غاليتي

/ سجلي في المنتدى ستستفيدين حقـــأ //

[محمد محمد.]

السلام عليكم

أنا أيضا كانت نتائجي متوسطة وفي الباك جبت نتيجة جيدة لأني عزمت ولم ألتفت إلى أي أحد ، فإن كنت أنت تعانين من أفكار فأنا كنت أعاني من أشخاص يقولون لي لا تستطيع .

وأنت ركزي في كيف تجتهدين ولا تحملي همّ النتائج ، يعني ديري لي عليك و إجتهد ولا تفكري في النتيجة .

[زهرة لوتوس]

عادي اي حاجة مفيدة تحاول تقوم بها النفس تمنعك